11
(သိၣ်သီ.၁၄:၃-၂၁)
1 ယွၤဟ့ၣ်လီၤစီၤမိၤၡ့ဒီးစီၤအၤဟရိၣ်လၢတၢ်သိၣ်တၢ်သီတဖၣ်ဒ်လၢလာ်အသိး
2 လၢပှၤအံၣ်စရ့လးဖိတဖၣ်အဂီၢ်န့ၣ်လီၤ. သုအီၣ်ဆၣ်ဖိကီၢ်ဖိလၢခိတမံၤလၢ်လၢ်,
3 လၢအခီၣ်မ့ၣ်သ့ၣ်ဖးဝဲ, ဒီးကလိာ်ထီၣ်အဆၣ်ဒီးဂံာ်အီၣ်ဝဲန့ၣ်, သ့လီၤ.
4 ဘၣ်ဆၣ်ဒီးဆၣ်ဖိကီၢ်ဖိလၢအကလိာ်ထီၣ်အဆၣ်ဒီးဂံာ်အီၣ်ဝဲ အကျါမ့ၢ်ဂ့ၤလၢအခီၣ်မ့ၣ်သ့ၣ်ဖးအကျါမ့ၢ်ဂ့ၤ, သုတဘၣ်အီၣ်ကီၤလၤအူးဘၣ်. မ့ၢ်လၢကလိာ်ထီၣ်အဆၣ်ဒီဲးဂံာ်အီၣ်ဝဲဘၣ်ဆၣ်အခီၣ်မ့ၣ် တသ့ၣ်ဖးအဃိတကဆှီလၢသုဂီၢ်ဘၣ်
5 ဒီးယုၢ်ၡဖးမ့ၢ်လၢကလိာ်ထီၣ်အဆၣ်ဒီး ဂံာ်အီၣ်ဝဲဘၣ်ဆၣ်အခီၣ်မ့ၣ်တသ့ၣ်ဖးအဃိတကဆှီ လၢသုဂီၢ်ဘၣ်.
6 ဒီးပဒဲမ့ၢ်လၢကလိာ်ထီၣ်အဆၣ်ဒီး ဂံာ်အီၣ်ဝဲဘၣ်ဆၣ်အခီၣ်မ့ၣ်တသ့ၣ်ဖးအဃိတကဆှီလၢသုဂီၢ်ဘၣ်.
7 ဒီးထိး, မ့ၢ်လၢအခီၣ်မ့ၣ်သ့ၣ်ဖးဘၣ်ဆၣ်တကလိာ်ထီၣ်အဆၣ်ဒီးဂံာ် အီၣ်ဝဲအဃိဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ.
8 ဆၣ်ဖိကီၢ်ဖိတဖၣ်အံၤအီၣ်အီၤတဂ့ၤ. ဒီးထိးဘၣ်ဒၣ်လဲာ်အစိၣ်တဂ့ၤ. အဂ့ၢ်ဒ်အံၤ, အဝဲသ့ၣ်န့ၣ်တကဆှီဘၣ်လၢသုဂီၢ်အဃိလီၤ.
9 ဒီးသုအီၣ်ညၣ်ကိးကလုာ်ဒဲးလၢအအိၣ်ဒီးအရုဒီးအသဒံၣ်သ့ဝဲ
10 ဘၣ်ဆၣ်ဒီးတၢ်တမံၤလၢ်လၢ်လၢအိၣ်လၢထံကျါလၢအတ အိၣ်ဒီးအရုဒီးအသဒံၣ်တဖၣ်န့ၣ်တဘၣ်တၢ်အီၣ်အီၤဘၣ်.
11 တၢ်ဘၣ်တ့ဒ်သိးအံၤတဖၣ်န့ၣ်ကဘၣ်တၢ်ပာ်အီၤလၢအတက ဆှီဘၣ်န့ၣ်လီၤ. သုတဘၣ်အီၣ်အီၤဒီးထိးဘၣ်ဒၣ်လဲာ်အစိၣ်န့ၣ် ဘၣ်.
12 သုတဘၣ်အီၣ်တၢ်တမံၤလၢ်လၢ်လၢအအိၣ်လၢထံကျါလၢအတအိၣ်ဒီးအရုမ့ၢ်ဂ့ၤ, အသဒံၣ်မ့ၢ်ဂ့ၤန့ၣ်ဘၣ်.
13 လၢထိၣ်ဖိလံာ်ဖိအကျါန့ၣ် တၢ်တဖၣ်လၢသုဘၣ်ပာ်အီၤလၢတၢ်သးဘၣ်အၢဒီးတဘၣ်အီၣ်အီၤန့ၣ်မ့ၢ်
14 လံာ်ကြီကြာ်, လီတာ်ဖးဒိၣ်, လံာ်ထိးထံ,
15 လံာ်ဃး, လံာ်ထိးထိၣ်ဒ်အကလုာ်အသိး,
16 ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,
17 ဒိကအိ, ထိၣ်ကံၣ်ပီၣ်လဲၣ်, ထိၣ်ဂီၤဖံး,
18 ထိၣ်လဲၤလုးတကုာ်, ထိၣ်စီၢ်မီ, လီတာ်ဝါ,
19 ထိၣ်ဒိၣ်ဃၤစး, ဝါလၢၢ်ထံဒ်အကလုာ်အသိး, ဘီစံၣ်ဃီၣ်ဒီးဘျါဧိၤတြၤဧိၤန့ၣ်လီၤ.
20 ဒီးကယဲၢ်တၢ်ဖိဃၢ်လၢအယူၤလၢအဒံးတဖၣ်န့ၣ် မ့ၢ်တၢ်တကဆှီဘၣ်န့ၣ်လီၤ.
21 မ့မ့ၢ်တၢ်ဖိဃၢ်လၢအအိၣ်ဒီးအဒံးဒီးစံၣ်ဝဲလၢအခီၣ်,
22 လၢအမ့ၢ်ဒွဲၣ်အကလုာ်ကလုာ်, ဒီးဒွဲၣ်စ့လၣ်အကလုာ်ကလုာ်, ဒီးဒွဲၣ်သဘၣ်အကလုာ်ကလုာ်, ဒီးဒွဲၣ်ဃကာ်အကလုာ်ကလုာ်တဖၣ်န့ၣ်သုအီၣ်အီၤသ့လီၤ.
23 ဘၣ်ဆၣ်ဒီးတၢ်ဖိဃၢ်အဆံးလၢအိၣ်ဒီးအ ဒံးဒီးစွါဝဲန့ၣ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ.
24 ပှၤတဂၤလၢ်လၢ်လၢအထိးဘၣ်ဆၣ်ဖိကီၢ်ဖိအစိၣ်န့ၣ်ကကဲထီၣ်တၢ် တကဆှီတုၤမုၢ်ဟါလီၤ.
25 ဒီးပှၤတဂၤလၢ်လၢ်လၢအစိာ်ဘၣ်ဆၣ်ဖိကီၢ်ဖိအစိၣ်န့ၣ်ကဘၣ်ဆှုၣ် အကူအသိး, ဘၣ်ဆၣ်ကကဲထီၣ်တၢ်တကဆှီဘၣ်တုၤမုၢ်ဟါလီၤ.
26 ကယဲၢ်ဆၣ်ဖိကီၢ်ဖိလၢအခီၣ်မ့ၣ်တသ့ၣ်ဖးမ့တမ့ၢ်လၢအတကလိာ်ထီၣ် အဆၣ်ဒီးဂံာ်အီၣ်ဝဲန့ၣ်တကဆှီဝဲလၢသုဂီၢ်ဘၣ်. ဒီးကယဲၢ်ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီ လီၤ.
27 ကယဲၢ်ဆၣ်ဖိကီၢ်ဖိလၢအဟးလၢအစုလၣ်အခီၣ်လၣ်လၢအအိၣ်ဒီးအခီၣ် လွံၢ်ခီန့ၣ်တကဆှီလၢသုဂီၢ်ဘၣ်. ကယဲၢ်ပှၤတဂၤလၢ်လၢ်လၢအထိးဘၣ်အစိၣ်န့ၣ်ကကဲထီၣ်တၢ်တကဆှီတုၤ မုၢ်ဟါလီၤ.
28 ဒီးပှၤတဂၤလၢ်လၢ်လၢအစိာ်ဘၣ်အစိၣ်န့ၣ်ကဘၣ်ဆှုၣ်အကူအသိး, ဘၣ်ဆၣ်ကကဲထီၣ်တၢ်တကဆှီတုၤမုၢ်ဟါလီၤ.
29 ဆၣ်ဖိကီၢ်ဖိလၢအစွါတဖၣ်အံၤမ့ၢ်တၢ်တကဆှီလၢသုဂီၢ်လီၤ. ဝံၤတဖၣ်, ယုၢ်တဖၣ်, ဒီးဆၣ်ဖိကီၢ်ဖိလၢအလီၤဂာ်ဒီးဒီလ့ၢ် အဒိၣ်အကလုာ်ကလုာ်,
30 ဒ်ခွံၣ်တဖၣ်, တြ့, တခူးဒီးခွံၣ်သံၣ်နါန့ၣ်လီၤ.
31 ပှၤတဂၤလၢ်လၢ်လၢအထိးဘၣ်အီၤမ့ၢ်ဂ့ၤ,အသံစိၣ်မ့ၢ်ဂ့ၤန့ၣ်, ကကဲထီၣ်တၢ်တကဆှီတုၤမုၢ်ဟါန့ၣ်လီၤ.
32 ဒီးအသံစိၣ်မ့ၢ်လီၤတဲာ်ဘၣ်လၢတၢ်တမံၤဂ့ၤတမံၤဂ့ၤလၢအမ့ၢ်သ့ၣ်မ့ၢ်ဂ့ၤ, တၢ်ကူတၢ်သိးမ့ၢ်ဂ့ၤ, တၢ်ဖံးမ့ၢ်ဂ့ၤ, ထၢၣ်မ့ၢ်ဂ့ၤတၢ်လၢအဘၣ်တၢ်သူအီၤအလိၤန့ၣ်ကကဲထီၣ်တၢ်တကဆှီလီၤ. ဒီးတၢ်ကဘၣ်စုၣ်လီၤအီၤလၢထံအပူၤ, ဘၣ်ဆၣ်ကမ့ၢ်တၢ်တကဆှီတုၤမုၢ်ဟါလီၤန့ၣ်လီၤ.
33 ဒီးတၢ်သ့ၣ်တဖၣ်မ့ၢ်လီၤတဲာ်နုာ်ဆူသပၢၤဟီၣ် ခိၣ်အပူၤန့ၣ်တၢ်အိၣ်လၢအပူၤခဲလၢာ်ကကဲထီၣ်တၢ်တကဆှီဒီးသု ကဘၣ်ဒိသ့ၣ်ဖးကွံာ်သပၢၤန့ၣ်လီၤ.
34 တၢ်အီၣ်တမံၤဂ့ၤတမံၤဂ့ၤလၢတၢ်အီၣ်အီၤသ့ဘၣ်ဆၣ်, မ့ၢ်ဘၣ်တၢ်လူလီၤအီၤလၢထံလၢအအိၣ်လၢသပၢၤဒ်န့ၣ်အသိးအပူၤန့ၣ် ကကဲထီၣ်တၢ်တကဆှီလီၤ. ဒီးထံလၢတၢ်အီအီၤသ့ လၢသပၢၤဒ်န့ၣ်အပူၤစ့ၢ်ကီးမ့ၢ်တၢ်တကဆှီလီၤ.
35 ကယဲၢ်တၢ်တမံၤလၢ်လၢ်လၢတၢ်သံစိၣ်လီၤတဲာ်လၢအလိၤလၢအမ့ၢ်ဖၣ် ကပူၤမ့ၢ်ဂ့ၤ, လၢၢ်ဆီမ့ၢ်ဂ့ၤကကဲထီၣ်တၢ်တက ဆှီဒီးကဘၣ်တၢ်မၤဟးဂီၤကွံာ်အီၤလီၤ.
36 ဘၣ်ဆၣ်ဒီးထံထီၣ်ပၢၢ်မ့ၢ်ဂ့ၤ, ထံပူၤမ့ၢ်ဂ့ၤအိၣ်ကဆှီတ့ၢ်ဒံးဝဲဖဲတၢ်အဂၤတမံၤလၢ်လၢ်လၢ အထိးဘၣ်တၢ်အစိၣ်တဖၣ်တကဆှီဝဲအခါန့ၣ်လီၤ.
37 တၢ်အစိၣ်တမံၤမံၤမ့ၢ်လီၤတဲာ်လၢတၢ်အချံလၢတၢ်ကဖှံလီၤအီၤ န့ၣ်အလိၤဘၣ်ဆၣ်တၢ်အချံန့ၣ်ကဆှီဝဲဒၣ်လီၤ.
38 မ့မ့ၢ်, မ့ၢ်လီၤတဲာ်ဘၣ်လၢတၢ်ချံလၢအဘၣ်တၢ်စုၣ်လီၤလၢထံ အလိၤန့ၣ်ဒီးတၢ်အချံန့ၣ်တကဆှီဝဲဒၣ်ဘၣ်.
39 ဒီးဆၣ်ဖိကီၢ်ဖိလၢတၢ်အီၣ်အီၤသ့မ့ၢ်သံဒီး, ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီတုၤမုၢ်ဟါန့ၣ်လီၤ.
40 ဒီးပှၤတဂၤလၢ်လၢ်လၢအအီၣ်ဆၣ်ဖိကီၢ်ဖိအသံန့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ကမ့ၢ်ဒံးတၢ်တကဆှီ တုၤမုၢ်ဟါန့ၣ်လီၤ. ပှၤတဂၤလၢ်လၢ်လၢအစိာ်တၢ်သံစိၣ်န့ၣ်, ကဘၣ်ဆှုၣ်အတၢ်ကူတၢ်သိး, ဘၣ်ဆၣ်ဒီးကမ့ၢ်ဒံးတၢ်တက ဆှီတုၤမုၢ်ဟါန့ၣ်လီၤ.
41-42 ဆၣ်ဖိကီၢ်ဖိအဆံးလၢအဟးလၢဟီၣ်ခိၣ်လိၤ, လၢအမ့ၢ်တၢ်လၢအစွါမ့ၢ်ဂ့ၤ, တၢ်လၢအဟးလၢအခီၣ်လွံၢ်ခီမ့ၢ်ဂ့ၤ, ဒီးလၢအအိၣ်ဒီးအခီၣ်အါခီမ့ၢ်ဂ့ၤန့ၣ်အီၣ်အီၤတဂ့ၤ.
43 ဒီးမၤဘၣ်အၢသုသးလၢတၢ်အီၣ်ကယဲၢ်ဆၣ်ဖိကီၢ်ဖိတဖၣ် အံၤအဃိန့ၣ်တဂ့ၤ.
44 ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.
45 ယမ့ၢ်ယွၤလၢအထုးထီၣ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤန့ၣ်လီၤ. သုကဘၣ်စီဆှံဝဲမ့ၢ်လၢယစီဆှံအဃိန့ၣ်လီၤ.
46 ဒီးတၢ်အံၤမ့ၢ်တၢ်သိၣ်တၢ်သီဘၣ်ဃးဆၣ်ဖိကီၢ်ဖိ, ထိၣ်, ကယဲၢ်တၢ်အိၣ်လၢထံကျါ, ဒီးကယဲၢ်တၢ်အိၣ်လၢဟီၣ်ခိၣ်လိၤန့ၣ်လီၤ.
47 သုကဘၣ်ပလီၢ်သုသးလၢသုကနီၤဖးပဲာ်ဖးတၢ်ကဆှီဒီးတၢ်တကဆှီဘၣ်, ဆၣ်ဖိကီၢ်ဖိလၢတၢ်အီၣ်အီၤသ့ဒီးတၢ်အီၣ်အီၤတသ့န့ၣ်လီၤ.