3
(၂ကွဲး.၁:၃-၁၂)
1 စီၤၡလိၤမိၤမၤတၢ်ဒီသိၣ်ဒီမှံၤဒီးကီၢ်အဲၤကူပတူးအစီၤ ပၤခီဖျိအဝဲအတၢ်ဒိးတ့ဒိးဖျီအသးဒီးကီၢ်အဲၤကူပတူးအစီၤပၤအဖိ
မုၣ်န့ၣ်လီၤ. အဝဲဟဲက့ၤကိးအီၤလၢကအိၣ်ဝဲဆိးဝဲလၢစီၤဒၤဝံးအဝ့ၢ်ပူၤ
တုၤလီၤလၢအဝဲသူၣ်ထီၣ်အနီ,
ယွၤအတၢ်လုၢ်ဟံၣ်ဒီးဝ့ၢ်ခိၣ်ဒူဝးတရံးဝ့ၢ်ယရူၤၡလ့ၣ်ဝံၤဝဲ
တစုန့ၣ်လီၤ.
2 တၢ်လုၢ်ဟံၣ်တဖျၢၣ်တဘၣ်တၢ်သူၣ်ထီၣ်အီၤလၢယွၤအဂီၢ်ဒံးဘၣ်. လၢတၢ်န့ၣ်အဃိပှၤဂီၢ်မုၢ်လုၢ်ထီၣ်ပာ်ထီၣ်ဒံးဒၣ်တၢ်လုၢ်တၢ်ပာ်
တဖၣ်လၢတၢ်လုၢ်လီၢ်လၢအလီၤဆီလိာ်အသးအါတီၤအဖီခိၣ်န့ၣ်လီၤ.
3 စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ.
ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ်
တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ်
လီၤ.
4 တၢ်မၤအသးတဘျီ, အဝဲလဲၤဆူဝ့ၢ်ကံးဘိၣ်ဒ်သိးကလုၢ်ထီၣ်တၢ် လုၢ်တၢ်ပာ်တဖၣ်, မ့ၢ်လၢဝ့ၢ်ကံးဘိၣ်မ့ၢ်တၢ်လီၢ်ဖဲတၢ်လုၢ်လီၢ်လၢအမံၤဟူသၣ်
ဖျါကတၢၢ်အိၣ်ပာ်ဝဲအဃိန့ၣ်လီၤ.
အဝဲလုၢ်ထီၣ်တ့ၢ်တၢ်လုၢ်မ့ၣ်အူလၢအကယၤတဖၣ်ဖဲန့ၣ်, လၢအပူၤကွံာ်န့ၣ်လီၤ.
5 မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”
6 စီၤၡလိၤမိၤစံးဆၢဝဲ, “ထီဘိနပာ်ဖျါထီၣ်နတၢ်အဲၣ်ဒိၣ်ဒိၣ် ကလဲာ်လၢနခ့နပှၤယပၢ်စီၤဒၤဝံးအဂီၢ်ဒီးအဝဲမ့ၢ်တ့ၢ်ပှၤအ
ဂ့ၤ,
ပှၤအသးတီဒီးပှၤလၢအတီဝဲလိၤဝဲလၢအတၢ်ဘၣ်ထွဲဒီးနၤအပူၤ
န့ၣ်လီၤ. ဒီးနပာ်ဖျါထွဲဒံးနတၢ်အဲၣ်လၢအဒိၣ်ဝဲဒီးတလီၤတူာ်ဘၣ်ခီ
ဖျိနဟ့ၣ်အီၤဖိခွါတဂၤလၢမုၢ်မဆါတနံၤအံၤလၢအပၢတၢ်လၢ
အလီၢ်န့ၣ်လီၤ.
7 အိယွၤ, ကစၢ်ယွၤဧၢ, ယမ့မ့ၢ်ဒံးဒၣ်လဲာ်ပှၤသးစၢ်ဒီးတသ့ၣ်ညါ လၢကဘၣ်ပၢတၢ်ဒ်လဲၣ်ဘၣ်ဆၣ်,
နပျဲယကဲထီၣ်စီၤပၤလၢယပၢ်အလီၢ်န့ၣ်လီၤ.
8 ခဲအံၤ, ယအိၣ်လၢပှၤဂီၢ်မုၢ်လၢနဃုထၢအီၤဒ်သိးကမ့ၢ်နတၢ်ဒၣ် နဲ, ပှၤဂီၢ်မုၢ်တဖုလၢအါဝဲတုၤဒၣ်လဲာ်တၢ်ဂံၢ်အီၤတသ့ဘၣ်အကျါ
န့ၣ်လီၤ.
9 လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ
ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”
10 ယွၤဘၣ်သူၣ်ဘၣ်သးတ့ၢ်တၢ်လၢစီၤၡလိၤမိၤဃ့ဝဲအံၤ,
11 ဒီးလၢတၢ်န့ၣ်အဃိယွၤစံးဘၣ်အီၤ, “လၢနကဃ့နကစၢ်ဒၣ်နဲအတၢ် အိၣ်ကၢအိၣ်ခိးအဂီၢ်မ့ၢ်ဂ့ၤ, တၢ်ထူးတၢ်တီၤမ့ၢ်ဂ့ၤ, နဒုၣ်နဒါတဖၣ်အတၢ်သံမ့ၢ်ဂ့ၤအလီၢ်န့ၣ်,
မ့ၢ်လၢနဃ့တ့ၢ်တၢ်ကူၣ်သ့ဒ်သိးနကပၢတၢ်လၢတၢ်စံၣ်ညီၣ်တီအပူၤ
အဃိ,
12 ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ
ဆူညါမ့ၢ်ဂ့ၤန့ၣ်လီၤ.
13 ယကဟ့ၣ်လီၤစ့ၢ်ကီးနၤတၢ်လၢနတဃ့တဖၣ်န့ၣ်လီၤ. လၢနသးသမူဒီတစိၤန့ၣ်နကအိၣ်ဒီးတၢ်ထူးတၢ်တီၤဒီးတၢ်လၤတၢ်
ကပီၤအါန့ၢ်ဒိၣ်န့ၢ်ဒံးစီၤပၤအဂၤ, တဂၤလၢ်လၢ်န့ၣ်လီၤ.
14 ဒီးနမ့ၢ်စူၢ်ယၤဒီးတိၢ်န့ၢ်ယတၢ်သိၣ်တၢ်သီတဖၣ်ဒီးယတၢ်မၤလိာ် တဖၣ်ဒ်နပၢ်စီၤဒၤဝံးမၤတ့ၢ်ဝဲအသိးန့ၣ်ဒီး,
ယကဒုးအိၣ်ကၢအိၣ်ခိးနၤလီၤ.”
15 စီၤၡလိၤမိၤမံပၢၢ်ထီၣ်ဒီးသ့ၣ်ညါဘၣ်ဝဲလၢကစၢ်ယွၤကတိၤတ့ၢ် တၢ်ဒီးအီၤလၢတၢ်မံမီၢ်အပူၤန့ၣ်လီၤ. အန့ၣ်ဝံၤဒီးအဝဲလဲၤဆူဝ့ၢ်ယရူၤၡလ့ၣ်, ဒီးဂဲၤဆၢထၢၣ်ဝဲလၢယွၤအတၢ်အၢၣ်လီၤအီလီၤအတလါစီဆှံအမဲာ်ညါ, ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ်ဆူ
ယွၤန့ၣ်လီၤ. အန့ၣ်ဝံၤအလီၢ်ခံ, အဝဲမၤဝဲတၢ်အီၣ်အမူးတမူး
လၢကယဲၢ်အပဒိၣ်ပပှၢ်တဖၣ်အဂီၢ်န့ၣ်လီၤ.
16 ဘၣ်မုၢ်တနံၤ, ပှၤဃဲသဲမုၣ်ခံဂၤဟဲဃီၤဒီးပာ်ဖျါထီၣ်အသး လၢစီၤပၤၡလိၤမိၤအမဲာ်ညါန့ၣ်လီၤ.
17 လၢအကျါတဂၤစံးဝဲ, “တၢ်ဒိၣ်ကစၢ်စီၤပၤဧၢ, ပိာ်မုၣ်အံၤဒီးယၤပအိၣ်လၢဟံၣ်တဖျၢၣ်ဃီအပူၤ,
ဒီးယဆံးစၢ်ထီၣ်, ပိာ်ခွါတဂၤဖဲဟံၣ်န့ၣ်,
ဖဲအဝဲအိၣ်စ့ၢ်ကီးဖဲန့ၣ်အခါလီၤ.
18 ယဖိအိၣ်ဖျဲၣ်ထီၣ်ခံသီဝံၤအလီၢ်ခံန့ၣ်, အဝဲစ့ၢ်ကီးဆံးစၢ် ထီၣ်ဖိပိာ်ခွါတဂၤလီၤ. ထဲဒၣ်ပဝဲခံဂၤပအိၣ်ဖဲဟံၣ်န့ၣ်အပူၤ,
ပှၤအဂၤတအိၣ်ဘၣ်နီတဂၤဘၣ်.
19 ဒီးဘၣ်မုၢ်တနၤ, လၢတၢ်တပာ်သူၣ်ပာ်သးအပူၤ, အဝဲတလ့ၣ်ဃီၤဘၣ်အသးဆူအဖိအဖီခိၣ်, ဒီးကျံၤသံဘၣ်အီၤန့ၣ်
လီၤ.
20 အဝဲပၢၢ်ထီၣ်လၢမုၢ်နၤအခါ, စိာ်ထီၣ်ကွံာ်ယဖိခွါလၢယကပၤဖဲ ယမံဘၣ်ယသးအခါဒီးက့ၤစိာ်ဝဲဆူအလီၢ်မံပူၤ,
ဝံၤဒီးအဝဲပာ်ဖိသၣ်လၢအသံန့ၣ်လၢယလီၢ်မံပူၤန့ၣ်လီၤ.
21 လၢခံတဂီၤ, ဖဲယမံပၢၢ်ထီၣ်, ဒီးယသါကဒုးအီနုၢ်ယဖိန့ၣ်, ယထံၣ်လၢအသံဝဲဒၣ်န့ၣ်လီၤ. ယကွၢ်ဃီၤအီၤထံထံဆးဆး, ဒီးယထံၣ်တ့ၢ်လၢတမ့ၢ်ယဖိဘၣ်န့ၣ်ဘၣ်.”
22 ဘၣ်ဆၣ်, ပိာ်မုၣ်တဂၤစံးဝဲ, “တမ့ၢ်ဘၣ်. ဖိသၣ်လၢအမူဝဲ န့ၣ်မ့ၢ်ယဖိ, ဒီးလၢအသံတဂၤန့ၣ်မ့ၢ်နဖိလီၤ.” ပိာ်မုၣ်အခီၣ်ထံးတဂၤစံးဆၢက့ၤဝဲ, “တမ့ၢ်ဘၣ်. ဖိသၣ်လၢအသံန့ၣ်မ့ၢ်နဖိဒီးဖိသၣ်လၢအမူဝဲ
တဂၤန့ၣ်မ့ၢ်ယဖိလီၤ.”
ဒီးလၢတၢ်န့ၣ်အဃိအဝဲသ့ၣ်ဂ့ၢ်လိာ်ဘှီလိာ်အသးလၢစီၤပၤအမဲာ်
ညါန့ၣ်လီၤ.
23 တုၤနုၤတစု, စီၤပၤၡလိၤမိၤစံးဝဲ, “သုဝဲတဂၤစုာ်စုာ် သုစံးလၢဖိသၣ်လၢအမူန့ၣ်မ့ၢ်သုတၢ်ဒီးဖိသၣ်လၢအသံန့ၣ်မ့ၢ်
ပှၤအတဂၤအတၢ်န့ၣ်လီၤ.”
24 စီၤပၤမၢပှၤဟဲစိာ်နးတဘ့ၣ်, ဒီးတုၤတၢ်ဟဲစိာ်အီၤန့ၣ်,
25 အဝဲစံးဝဲ, “ဖှဲးသ့ၣ်ဖးဖိသၣ်လၢအမူဝဲတဂၤန့ၣ်ခံခီ ဒီးဟ့ၣ်လီၤပိာ်မုၣ်ခံဂၤ, တဂၤတခီစုာ်စုာ်န့ၣ်တက့ၢ်.”
26 မိၢ်နီၢ်နီၢ်တဂၤလၢအသးပူၤပှဲၤဒီးတၢ်အဲၣ်ဘၣ်အဖိခွါအံၤစံး ဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ဝံသးစူၤတဘၣ်မၤသံ
ဖိသၣ်အံၤတဂ့ၤ. ဟ့ၣ်လီၤပိာ်မုၣ်န့ၣ်တက့ၢ်.”
ဘၣ်ဆၣ်ပိာ်မုၣ်အဂၤတဂၤစံးဝဲ, “ဟ့ၣ်ပဝဲနီတဂၤတဂ့ၤ.
ဖှဲးသ့ၣ်ဖးဒီၣ်တဲာ်ဆၣ်ခီအီၤခံခီန့ၣ်တက့ၢ်.”
27 တုၤနုၤတစု, စီၤပၤၡလိၤမိၤစံးဝဲ, “မၤသံဖိသၣ်လၢၤတဂ့ၤ. ဟ့ၣ်လီၤဆူပိာ်မုၣ်လၢအခီၣ်ထံးတဂၤန့ၣ်တက့ၢ်. အဝဲမ့ၢ်ဖိသၣ်အမိၢ်နီၢ်နီၢ်န့ၣ်လီၤ.”
28 တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ်
မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ်
ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.