14
1 အကတီၢ်ဖဲန့ၣ်, စီၤပၤယၤရၤဘၣ်အဖိခွါစီၤအဘံယၤဆါထီၣ်ဝဲ န့ၣ်လီၤ.
2 စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ
ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ
ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.
3 လဲၤစိာ်န့ၢ်အီၤကိၣ်ဆံဆဲၣ်လိၣ်, ကိၣ်ဘ့ၣ်ဘၣ်တနီၤ, ဒီးကနဲစီတကိန့ၣ်တက့ၢ်.
သံကွၢ်အီၤတၢ်ကမၤအသးဒီးပဖိခွါဒ်လဲၣ်, ဒီးအဝဲဒၣ်ကတဲဘၣ်နၤ
လီၤ.”
4 လၢတၢ်န့ၣ်အဃိအဝဲလဲၤဆူစီၤအဃံယၤအဟံၣ်လၢအအိၣ်လၢဝ့ၢ်ၡံ လိၤအပူၤန့ၣ်လီၤ. တၢ်သးပှၢ်ထီၣ်မၤခံးလီၤအမဲာ်ချံဒီးစီၤအဃံယၤတထံၣ်ဘၣ်တၢ်
ဘၣ်.
5 ယွၤစံးဘၣ်တ့ၢ်အီၤလၢစီၤယၤရၤဘၣ်အမါဟဲလံဝဲလၢကသံကွၢ် အီၤဘၣ်ဃးဒီးအဖိခွါလၢအဆါအဂ့ၢ်န့ၣ်လီၤ.
ဒီးယွၤတဲဘၣ်တ့ၢ်စီၤအဃံယၤလၢတၢ်လၢကဘၣ်စံးဝဲန့ၣ်လီၤ.
ဖဲစီၤယၤရၤဘၣ်အမါဟဲတုၤဝဲန့ၣ်အဝဲပာ်မၤအသးဒ်အမ့ၢ်ပှၤ
အဂၤတဂၤအသိးန့ၣ်လီၤ.
6 ဘၣ်ဆၣ်ဖဲစီၤအဃံယၤနၢ်ဟူအဝဲဟဲနုာ်လၢတြဲၤန့ၣ်, အဝဲစံးဝဲ, “ဟဲနုာ်တက့ၢ်. ယသ့ၣ်ညါလၢနမ့ၢ်စီၤယၤရၤဘၣ်အမါန့ၣ်လီၤ. ဘၣ်မနုၤလၢနပာ်မၤနသးဒ်နမ့ၢ်ပှၤအဂၤတဂၤန့ၣ်လဲၣ်. ယအိၣ်ဒီးတၢ်ကစီၣ်အအၢလၢနဂီၢ်န့ၣ်လီၤ.
7 လဲၤဒီးတဲဘၣ်စီၤယၤရၤဘၣ်လၢတၢ်အံၤမ့ၢ်တၢ်လၢယွၤ, အံၣ်စရ့လးအကစၢ်ယွၤစံးဘၣ်အီၤန့ၣ်တက့ၢ်. ယဃုထၢတ့ၢ်လံနၤလၢပှၤဂီၢ်မုၢ်အကျါဒီးဒုးကဲထီၣ်နၤလၢပှၤ
ပၢဘၣ်ယပှၤဂီၢ်မုၢ်အံၣ်စရ့လးန့ၣ်လီၤ.
8 ယဟံးထီၣ်ကွံာ်ဘီမုၢ်လၢစီၤဒၤဝံးအစၢၤအသွဲၣ်တဖၣ်အအိၣ်ဒီး ဟ့ၣ်လီၤတ့ၢ်နၤလီၤ. ဘၣ်ဆၣ်နတလီၤဂာ်ဘၣ်ဒီးယခ့ယပှၤစီၤဒၤဝံးန့ၣ်ဘၣ်. အဝဲမ့ၢ်ပှၤလၢအတီဒီးယၤလၢလၢပှဲၤပှဲၤ, စူၢ်ယတၢ်မၤလိာ်တဖၣ်ဒီးမၤတၢ်လၢယဘၣ်သူၣ်ဘၣ်သးန့ၣ်လီၤ.
9 နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ်
အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.
10 လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ
ပျီကွံာ်အီၤဒ်တၢ်အ့ၣ်အသိးန့ၣ်လီၤ.
11 နပှၤဟံၣ်ဖိဃီဖိတဂၤလၢ်လၢ်လၢအသံလၢဝ့ၢ်ပူၤန့ၣ်ကဘၣ်တၢ်အီၣ် ကွံာ်အီၤလၢထွံၣ်တဖၣ်, ဒီးပှၤလၢအသံလၢတၢ်ပျီပူၤတဂၤဂၤန့ၣ်ကဘၣ်တၢ်အီၣ်ကွံာ်အီၤ
လၢလီတးတဖၣ်န့ၣ်လီၤ. ယၤ, ယွၤအံၤကတိၤလံတၢ်လံ.”
12 ဒီးစီၤအဃံယၤစံးဘၣ်အါထီၣ်ကဒီးစီၤယၤရၤဘၣ်အမါ, “ခဲကနံၣ်အံၤက့ၤကဒါက့ၤဆူဟံၣ်တက့ၢ်. တစုဃီဖဲနနုာ်လီၤဆူဝ့ၢ်ပူၤန့ၣ်နဖိခွါကသံဝဲန့ၣ်လီၤ.
13 ကယဲၢ်ကီၢ်အံၣ်စရ့လးအပှၤဂီၢ်မုၢ်, ကဘၣ်မိၢ်ဘၣ်မးလၢအဃိဒီး ကခူၣ်လီၤကွံာ်အီၤန့ၣ်လီၤ. အဝဲကမ့ၢ်ထဲပှၤတဂၤဧိၤလၢစီၤယၤရၤဘၣ်အဟံၣ်ဖိဃီဖိအပူၤလၢ
ကဘၣ်တၢ်ခူၣ်လီၤကွံာ်အီၤဂ့ၤဂ့ၤန့ၣ်လီၤ. အဂ့ၢ်ဒ်အံၤ, အဝဲမ့ၢ်ပှၤထဲတဂၤဧိၤလၢယွၤ, အံၣ်စရ့လးအကစၢ်ယွၤဘၣ်သူၣ်ဘၣ်သးအီၤန့ၣ်လီၤ.
14 ယွၤကပာ်ထီၣ်စီၤပၤတဂၤလၢကီၢ်အံၣ်စရ့လးအဖီခိၣ်, ဒီးအဝဲကမၤကတၢၢ်ကွံာ်စီၤယၤရၤဘၣ်အစီၤပၤအစၢၤအသွဲၣ်အစိၤ
န့ၣ်လီၤ.
15 ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ်
အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး
အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ
မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.
16 ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ်
ဒဲးဘးအပူၤအဃိန့ၣ်လီၤ.”
17 စီၤပၤယၤရၤဘၣ်အမါက့ၤကဒါက့ၤဆူဝ့ၢ်တံးရစၢ်န့ၣ်လီၤ. တုၤအနုာ်လီၤဆူအဟံၣ်ပူၤတဘျီဃီန့ၣ်, ဖိသၣ်သံဝဲဒၣ်န့ၣ်လီၤ.
18 ကီၢ်အံၣ်စရ့လးအပှၤဂီၢ်မုၢ်ဘၣ်မိၢ်ဘၣ်မးလၢအဃိဒီးခူၣ်လီၤ ကွံာ်အီၤ, ဒ်ယွၤစံးတ့ၢ်ဝဲခီဖျိအခ့အပှၤဝံအဃံယၤအသိးန့ၣ်လီၤ.
19 ကယဲၢ်တၢ်တမံၤလၢ်လၢ်လၢစီၤပၤယၤရၤဘၣ်မၤတ့ၢ်ဝဲ, တၢ်ဒုးတဖၣ်လၢအဒုးတ့ၢ်ဝဲ, ဒီးအဝဲပၢတ့ၢ်တၢ်ဒ်လဲၣ်န့ၣ်,
ခဲလၢာ်ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤပၤ
တဖၣ်အတၢ်စံၣ်စိၤတဲစိၤအပူၤန့ၣ်လီၤ.
20 စီၤယၤရၤဘၣ်ပၢတ့ၢ်တၢ်ဒ်စီၤပၤအသိးအနံၣ်ခံဆံလီၤ. အဝဲသံဝဲဒီးဘၣ်တၢ်ခူၣ်လီၤကွံာ်အီၤ, ဒီးအဖိခွါစီၤနၤဒး
ကဲထီၣ်စီၤပၤလၢအလီၢ်န့ၣ်လီၤ.
(၂ကွဲး.၁၁:၅-၁၂:၁၅)
21 စီၤၡလိၤမိၤအဖိခွါစီၤရဃၤဘၣ်ကဲထီၣ်ကီၢ်ယူဒၤအစီၤပၤဖဲ အသးအိၣ်လွံၢ်ဆံတနံၣ်, ဒီးအဝဲပၢတၢ်တဆံနွံနံၣ်လၢဝ့ၢ်ယရူၤ
ၡလ့ၣ်အပူၤ,
ဝ့ၢ်တဝ့ၢ်လၢယွၤဃုထၢတ့ၢ်ဒ်တၢ်လီၢ်တတီၤဖဲအဝဲကဘၣ်တၢ်ဘူၣ်
ထီၣ်ဘါထီၣ်အီၤလၢကယဲၢ်ကီၢ်အံၣ်စရ့လးအလီၢ်ကဝီၤခဲလၢာ်အကျါ
န့ၣ်လီၤ. စီၤရဃၤဘၣ်အမိၢ်မ့ၢ်ဝဲနီၢ်နၤဧမၤလၢကီၢ်ဧၣ်မိၣ်န့ၣ်လီၤ.
22 ကီၢ်ယူဒၤအပှၤဂီၢ်မုၢ်မၤတ့ၢ်တၢ်ဒဲးဘးထီဒါယွၤဒီးထိၣ်ဂဲၤ ယွၤအတၢ်သးထီၣ်ဒိၣ်အါန့ၢ်ဒံးကယဲၢ်အဝဲသ့ၣ်အမိၢ်ပၢ်ဖံဖုလၢ
ပျၢၤတဖၣ်မၤတ့ၢ်ဝဲဒၣ်န့ၣ်လီၤ.
23 အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်,
ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ
မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.
24 တၢ်အၢအဒိၣ်ကတၢၢ်လၢတၢ်ခဲလၢာ်အဖီခိၣ်မ့ၢ်, လၢပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်,
ပှၤပိာ်ခွါတဖၣ်ဒီးပှၤပိာ်မုၣ်တဖၣ်အိၣ်ဝဲလၢအမၤတၢ်ဒ်ပှၤဃဲ
သဲမုၣ်တဖၣ်အသိးန့ၣ်လီၤ. ကီၢ်ယူဒၤအပှၤဂီၢ်မုၢ်မၤကယဲၢ်တၢ်လီၤသးဘၣ်အၢတဖၣ်လၢပှၤဂီၢ်
မုၢ်လၢယွၤနီၣ်ထီၣ်ဟီထီၣ်ကွံာ်အီၤလၢကီၢ်ပူၤမၤတ့ၢ်ဝဲန့ၣ်
လီၤ. ယွၤနီၣ်ထီၣ်ဟီထီၣ်ကွံာ်တ့ၢ်ပှၤဂီၢ်မုၢ်တဖၣ်အံၤဖဲပှၤအံၣ်စရ့
လးဖိတဖၣ်ဟဲနုာ်ဆူကီၢ်ပူၤန့ၣ်လီၤ.
25 လၢစီၤပၤရဃၤဘၣ်ပၢတၢ်ယဲၢ်နံၣ်တနံၣ်န့ၣ်ကီၢ်အဲၤကူပတူးအစီၤ ပၤၡံၡးဟဲထီၣ်ဒုးဝ့ၢ်ယရူၤၡလ့ၣ်န့ၣ်လီၤ.
26 အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ
မိၤမၤတ့ၢ်ဝဲန့ၣ်လီၤ.
27 လၢတၢ်မၤပှဲၤက့ၤတၢ်သ့ၣ်တဖၣ်န့ၣ်အလီၢ်အဂီၢ်, စီၤပၤရဃၤဘၣ်မၤကတီၤတိၢ်ဘီတဖၣ်, ဒီးဟ့ၣ်လီၤအးလီၤဝဲဆူ
ပဒိၣ်ပပှၢ်တဖၣ်လၢအအိၣ်မူအိၣ်ဒါလၢတၢ်ပၢၤနီအတြဲၤဖးဒိၣ်တ
ဖၣ်, အစုပူၤန့ၣ်လီၤ.
28 တဘျီလၢ်လၢ်ဖဲစီၤပၤလဲၤနုာ်တ့ၢ်ဆူယွၤအတၢ်လုၢ်ဟံၣ်အပူၤ န့ၣ်, ပှၤပၢၤတၢ်ဖိတဖၣ်စိာ်ထီၣ်ကတီၤတဖၣ်န့ၣ်, ဝံၤဒီးပာ်ကဒါက့ၤဝဲလၢတၢ်ပၢၤတၢ်အဒၢးန့ၣ်လီၤ.
29 ကယဲၢ်တၢ်အိၣ်လီၤတဲာ်တမံၤလၢ်လၢ်လၢစီၤပၤရဃၤဘၣ်မၤတ့ၢ်ဝဲ န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်ယူဒၤအစီၤပၤတဖၣ်အလံာ်တၢ်
စံၣ်စိၤတဲစိၤအပူၤန့ၣ်လီၤ.
30 လၢတၢ်ဆၢကတီၢ်ခဲလၢာ်အံၤအပူၤ, တၢ်ဒုးတၢ်ယၤအိၣ်ဝဲ တလီၢ်လီၢ်လၢစီၤရဃၤဘၣ်ဒီးစီၤယၤရၤဘၣ်အဘၢၣ်စၢၤန့ၣ်လီၤ.
31 စီၤရဃၤဘၣ်သံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်အပူၤန့ၣ်လီၤ. ဒီးအဖိခွါစီၤအဘံယၣ်ကဲထီၣ်စီၤပၤလၢအလီၢ်န့ၣ်လီၤ.