13
1 ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး
ဒ်ယွၤမၤလိာ်အီၤအသိးန့ၣ်လီၤ.
2 ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ
ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်,
အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ
အဃံတဖၣ်လၢနဖီခိၣ်လီၤ.”
3 ဒီးဝံစံးအါထီၣ်ကဒီးဝဲ, “တၢ်လုၢ်လီၢ်အံၤကလီၤပှီၢ်ကွံာ်ဝဲ, ဒီးချါတဖၣ်လၢအအိၣ်လၢအဖီခိၣ်န့ၣ်ကလီၤပြံလီၤပြါကွံာ်ဝဲ ဒၣ်န့ၣ်လီၤ. တုၤနုၤတစု, နကသ့ၣ်ညါလၢယွၤကတိၤတၢ်ခီဖျိယၤန့ၣ်လီၤ.”
4 တုၤစီၤပၤယၤရၤဘၣ်နၢ်ဟူတၢ်အံၤန့ၣ်, ယူာ်ဃီၤအစုဆူအီၤဒီး ဟ့ၣ်လီၤအကလုၢ်, “ဖီၣ်ပှၤတဂၤန့ၣ်တက့ၢ်.” တစုဃီၤဖဲန့ၣ်စီၤပၤအစုဘၣ်ကလံၤအဃိအဝဲထုးကဒါက့ၤအီၤ
တန့ၢ်လၢၤဘၣ်န့ၣ်လီၤ.
5 သတူၢ်ကလာ်တၢ်လုၢ်လီၢ်လီၤပှီၢ်ကွံာ်ဝဲဒီးချါတဖၣ်လီၤဂၢ်ဆူ ဟီၣ်ခိၣ်လိၤဒ်ဝံကတိၤဆိတ့ၢ်ဝဲလၢယွၤအမံၤအပူၤအသိးန့ၣ်လီၤ.
6 စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ်
န့ၣ်လီၤ.
7 အန့ၣ်ဝံၤဒီးစီၤပၤစံးဘၣ်ဝံ, “ဟဲဃုာ်ဒီးယၤဆူယဟံၣ်ဒီး အီၣ်တၢ်တမံၤမံၤတက့ၢ်.
ယကမၤဘျုးက့ၤနၤလၢတၢ်လၢနမၤတ့ၢ်အဃိန့ၣ်လီၤ.”
8 ဝံစံးဆၢအီၤ, “နမ့ၢ်ဟ့ၣ်ယၤလၢနတၢ်ထူးတၢ်တီၤတဝာ်ဒၣ်လဲာ် န့ၣ်, ယတလဲၤဃုာ်ဒီးနၤမ့ၢ်ဂ့ၤ, အီၣ်ဃုာ်တၢ်ဒီး, အီဃုာ်တၢ်ဒီးနၤနီတမံၤမ့ၢ်ဂ့ၤဘၣ်.
9 ယွၤမၤလိာ်တ့ၢ်ယၤလၢယသုတအီၣ်တၢ်မ့ၢ်ဂ့ၤ, အီတၢ်တမံၤမံၤမ့ၢ်ဂ့ၤဒီးယသုတဟဲက့ၤကဒါက့ၤဆူဟံၣ်လၢကျဲ တဘိဃီလၢယဟဲတ့ၢ်မ့ၢ်ဂ့ၤန့ၣ်ဘၣ်လီၤ.”
10 လၢတၢ်န့ၣ်အဃိအဝဲတက့ၤကဒါက့ၤလၢကျဲတဘိဃီလၢ အဟဲတ့ၢ်ဝဲန့ၣ်ဘၣ်. မ့မ့ၢ်က့ၤက့ၤဝဲလၢကျဲအဂၤတဘိန့ၣ်လီၤ.
11 ဖဲအကတီၢ်အဝဲန့ၣ်, ဝံသးပှၢ်အိၣ်ဝဲတဂၤလၢအအိၣ်ဝဲဆိးဝဲလၢ ဝ့ၢ်ဘ့ၤသ့လးအပူၤန့ၣ်လီၤ. အဖိခွါတဖၣ်ဟဲဒီးတဲဘၣ်အီၤတၢ်လၢဝံတဂၤလၢကီၢ်ယူဒၤမၤ
တ့ၢ်ဝဲလၢဝ့ၢ်ဘ့ၤသ့လးအပူၤလၢမုၢ်တနံၤန့ၣ်, ဒီးတၢ်လၢအဝဲစံးဘၣ်တ့ၢ်စီၤပၤယၤရၤဘၣ်န့ၣ်လီၤ.
12 ဝံသးပှၢ်န့ၣ်သံကွၢ်အဝဲသ့ၣ်, “ဖဲအဝဲဟးထီၣ်ကွံာ်န့ၣ်လဲၤ ဝဲလၢကျဲမတၤလဲၣ်.” အဝဲသ့ၣ်ဒုးနဲၣ်အီၤကျဲ,
13 ဒီးအဝဲတဲဘၣ်အဝဲသ့ၣ်လၢကဂီၤကၢ်ထီၣ်န့ၢ်အီၤလၢအကသ့ၣ်ယီၤ န့ၣ်လီၤ. အဝဲသ့ၣ်မၤဝဲဒ်န့ၣ်ဒီးအဝဲဒိးထီၣ်ဝဲ,
14 ဒီးပိာ်ထွဲထီၣ်ကျဲလၢကီၢ်ယူဒၤအဝံတဂၤအလီၢ်ခံဒီးထံၣ်န့ၢ် အီၤလၢအဆ့ၣ်နီၤဖဲသ့ထိးဖၣ်တထံးအဖီလာ်န့ၣ်လီၤ. အဝဲသံကွၢ်ဝဲ, “နမ့ၢ်ဝံတဂၤလၢကီၢ်ယူဒၤန့ၣ်ဧါ.” ဒီးပှၤတဂၤန့ၣ်စံးဆၢအီၤ,
“ယမ့ၢ်လီၤ.”
15 အဝဲစံးဘၣ်အီၤ, “ဟဲဃုာ်ဒီးယၤဆူယဟံၣ်ဒီးအီၣ်တၢ်တဘျီ ဒီးယၤတက့ၢ်.”
16 ဘၣ်ဆၣ်ကီၢ်ယူဒၤအဝံစံးဆၢအီၤ, “ယလဲၤဃုာ်ဒီးနၤဆူ နဟံၣ်မ့ၢ်ဂ့ၤတူၢ်လိာ်နတၢ်အဲၣ်တူၢ်တံၤတူၢ်သမှံၤမ့ၢ်ဂ့ၤတသ့ဘၣ်. ဒီးယတအီၣ်တၢ်မ့ၢ်ဂ့ၤ, အီတၢ်တမံၤမံၤမ့ၢ်ဂ့ၤဒီးနၤဖဲအံၤဘၣ်.
17 အဂ့ၢ်ဒ်အံၤ, ယွၤမၤလိာ်တ့ၢ်ယၤလၢယသုတအီၣ်တၢ်မ့ၢ်ဂ့ၤ, အီတၢ်တမံၤမံၤမ့ၢ်ဂ့ၤဒီးက့ၤကဒါက့ၤဆူဟံၣ်လၢကျဲတဘိဃီ
လၢယဟဲတ့ၢ်မ့ၢ်ဂ့ၤန့ၣ်ဘၣ်.”
18 အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ
ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.
19 လၢတၢ်န့ၣ်အဃိကီၢ်ယူဒၤအဝံတဂၤန့ၣ်, က့ၤဃုာ်သကိးဆူ ဟံၣ်ဒီးဝံသးပှၢ်န့ၣ်ဒီးအီၣ်ဃုာ်တၢ်ဒီးအီၤတဘျီန့ၣ်လီၤ.
20 ဒီးဖဲအဝဲသ့ၣ်ဆ့ၣ်နီၤဝဲလၢစီၢ်နီၤခိၣ်န့ၣ်, ယွၤအကလုၢ်လီၤဘၣ်လၢဝံသးပှၢ်အလိၤ,
21 ဒီးအဝဲကိးထီၣ်ဆူကီၢ်ယူဒၤအဝံဒီးစံးဝဲဒၣ်, “ယွၤစံးဝဲဒၣ်လၢနတစူၢ်အီၤဘၣ်. ဒီးနတမၤတၢ်လၢအဝဲ
မၤလိာ်တ့ၢ်နၤန့ၣ်ဘၣ်.
22 အခိၣ်တလိာ်, နက့ၤကဒါက့ၤဒီးအီၣ်တၢ်အီၣ်တဘျီလၢတၢ်လီၢ်လၢ အဝဲမၤလိာ်တ့ၢ်နၤလၢနသုတအီၣ်တၢ်တဂ့ၤန့ၣ်လီၤ. လၢတၢ်အံၤအဃိ, နကဘၣ်တၢ်မၤသံနၤ, ဒီးနစိၣ်တဘၣ်တၢ်ခူၣ်လီၤ
ကွံာ်အီၤလၢနဒူၣ်ဖိထၢဖိအတၢ်သွၣ်ခိၣ်အပူၤဘၣ်န့ၣ်လီၤ.”
23 တုၤအဝဲသ့ၣ်အီၣ်သကိးတၢ်ဝံၤန့ၣ်ဝံသးပှၢ်ဂီၤကၢ်ထီၣ်ကသ့ၣ်ယီၤ လၢကီၢ်ယူဒၤအဝံအဂီၢ်,
24 ဒီးအဝဲဒိးထီၣ်ဝဲလီၤ. လၢကျဲန့ၣ်, ခ့ယုၢ်တဒုဟဲခိးလီၤ အခိၣ်ဒီးမၤသံအီၤန့ၣ်လီၤ. အဝဲအစိၣ်အိၣ်မံလီၤအသးလၢကျဲအလိၤ, ဒီးကသ့ၣ်ယီၤဒီးခ့ယုၢ်အိၣ်ဆၢထၢၣ်ဝဲဖဲအဃၢၤန့ၣ်လီၤ.
25 ပှၤတနီၤလဲၤခီဘၣ်ဖဲကျဲန့ၣ်ဒီးထံၣ်ဘၣ်တၢ်စိၣ်လၢကျဲဖီခိၣ် ဒီးခ့ယုၢ်ဆၢထၢၣ်ဖဲအဃၢၤန့ၣ်လီၤ.
အဝဲသ့ၣ်လဲၤဝဲဆူဝ့ၢ်ဘ့ၤသ့လးအပူၤဒီးတဲဘၣ်တၢ်လၢအထံၣ်
တ့ၢ်ဝဲန့ၣ်လီၤ.
26 တုၤဝံသးပှၢ်နၢ်ဟူတၢ်မၤအသးအံၤန့ၣ်အဝဲစံးဝဲဒၣ်, “တၢ်န့ၣ်မ့ၢ်ဝံတဂၤလၢအတစူၢ်ဘၣ်ကစၢ်ယွၤအတၢ်မၤလိာ်န့ၣ်လီၤ. လၢတၢ်အံၤအဃိယွၤမၢလီၤခ့ယုၢ်တဒုလၢကဟဲထီၣ်အ့ၣ်အီၤဒီး
မၤသံအီၤဒ်ယွၤစံးတ့ၢ်လၢအကမၤဝဲအသိးန့ၣ်လီၤ.”
27 အန့ၣ်ဒီးအဝဲစံးဘၣ်အဖိခွါတဖၣ်, “ဂီၤကၢ်ထီၣ်န့ၢ်ယၤယကသ့ၣ် ယီၤတက့ၢ်.” အဝဲသ့ၣ်မၤဝဲဒ်န့ၣ်,
28 ဒီးအဝဲဒိးထီၣ်ကသ့ၣ်ယီၤဒီးဟးထီၣ်, ဒီးထံၣ်ဘၣ်ဝဲဝံအစိၣ် န့ၣ်အိၣ်မံလီၤလၢကျဲအဖီခိၣ်, အိၣ်ဒီးကသ့ၣ်ယီၤဒီးခ့ယုၢ်ဆၢထၢၣ်ဒံးဒၣ်ဖဲအဃၢၤန့ၣ်လီၤ.
ခ့ယုၢ်တအီၣ်ကွံာ်ဘၣ်တၢ်စိၣ်မ့ၢ်ဂ့ၤမၤဒၢၣ်ကသ့ၣ်ယီၤမ့ၢ်ဂ့ၤ,
န့ၣ်ဘၣ်.
29 ဝံသးပှၢ်ထၢထီၣ်တၢ်စိၣ်န့ၣ်, ပာ်ထီၣ်ဝဲလၢကသ့ၣ်ယီၤအလိၤ, ဒီးဟဲက့ၤစိာ်ဝဲဆူဝ့ၢ်ဘ့ၤသ့လးလၢကဘၣ်မိၢ်ဘၣ်မးလၢအဂီၢ်
ဒီးခူၣ်လီၤကွံာ်အီၤန့ၣ်လီၤ.
30 အဝဲခူၣ်လီၤကွံာ်တၢ်စိၣ်န့ၣ်လၢအဒူၣ်ဖိထၢဖိအတၢ်သွၣ်ခိၣ် အပူၤဒီးအဝဲဒီးအဖိခွါတဖၣ်ဘၣ်မိၢ်ဘၣ်မးလၢအဃိဒီးစံးဝဲ,
“ဒီပုၢ်ဝဲၢ်ခွါဧၢ, ယဒီပုၢ်ဝဲၢ်ခွါဧၢ,”န့ၣ်လီၤ.
31 တုၤတၢ်ခူၣ်လီၤဘါလီၤဝံၤအလီၢ်ခံန့ၣ်, ဝံသးပှၢ်စံးဘၣ်အဖိ ခွါတဖၣ်, “တုၤယသံန့ၣ်, ခူၣ်လီၤကွံာ်ယၤလၢတၢ်သွၣ်ခိၣ်အံၤအပူၤဒီးပာ်
လီၤယစိၣ်လၢအဝဲအကပၤန့ၣ်တက့ၢ်.
32 တၢ်ကတိၤတဖၣ်လၢအဝဲကတိၤတ့ၢ်ဝဲဒ်ယွၤအတၢ်မၤလိာ်တ့ၢ်, ထီဒါတၢ်လုၢ်လီၢ်လၢဝ့ၢ်ဘ့ၤသ့လး, ဒီးထီဒါတၢ်ဘူၣ်တၢ်ဘါ ထီၣ်အလီၢ်တဖၣ်လၢကီၢ်ၡၤမရံအဝ့ၢ်တဖၣ်အပူၤန့ၣ်, ကလၢထီၣ်ပှဲၤထီၣ်သပှၢ်ကတၢၢ်န့ၣ်လီၤ.”
33 ကီၢ်အံၣ်စရ့လးအစီၤပၤစီၤယၤရၤဘၣ်တဃၣ်ကဒါက့ၤဒံးဘၣ်အသး လၢအကျဲအၢကျဲသီတဖၣ်န့ၣ်ဘၣ်. မ့မ့ၢ်မၤထွဲဒံးတၢ်ဃုထၢပှၤလုၢ်တၢ်အခိၣ်တဖၣ်လၢပှၤပတီၢ်မုၢ်
အဒူၣ်ဖိထၢဖိတဖၣ်အကျါ, ဒ်သိးကမၤတၢ်လၢတၢ်လုၢ်လီၢ်တဖၣ်လၢအဝဲဘှီထီၣ်တ့ၢ်ဝဲန့ၣ်
လီၤ. ပှၤတဂၤလၢ်လၢ်လၢအသးအိၣ်ကဲထီၣ်ပှၤလုၢ်တၢ်အခိၣ်န့ၣ်အဝဲပာ်စီ
ဆှံထီၣ်ဝဲဒ်ပှၤလုၢ်တၢ်အခိၣ်တဂၤအသိးန့ၣ်လီၤ.
34 တၢ်ဒဲးဘးလၢအဝဲမၤအံၤ, ဟဲစိာ်တၢ်ဟးဂူာ်ဟးဂီၤဒီးတၢ်မၤ ကတၢၢ်ကွံာ်လၢာ်လၢာ်ဆ့ဆ့လၢအဝဲအစီၤပၤအစၢၤအသွဲၣ်အစိၤအဂီၢ်
န့ၣ်လီၤ.