12
(၂ကွဲး.၁၀:၁-၁၉)
1 စီၤရဃၤဘၣ်လဲၤဝဲဆူဝ့ၢ်ယရူၤၡလ့ၣ်ဖဲကယဲၢ်ပှၤဂီၢ်မုၢ်လၢကီၢ် အံၣ်စရ့လးအကလံၤစိးပာ်ဖှိၣ်အသးလၢကတီၣ်ထီၣ်အီၤဒ်စီၤပၤ
အသိးန့ၣ်လီၤ.
2 တုၤစီၤနဘးအဖိခွါစီၤယၤရၤဘၣ်လၢအလဲၤတ့ၢ်ဆူကီၢ်အဲၤကူ ပတူးဒ်သိးအဃ့ၢ်ပူၤဖျဲးအသးလၢစီၤပၤၡလိၤမိၤ, နၢ်ဟူတၢ်ကစီၣ်အံၤန့ၣ်အဝဲဟဲက့ၤကဒါက့ၤဝဲဒၣ်လၢကီၢ်အဲၤကူ
ပတူးန့ၣ်လီၤ.
3 ပှၤဂီၢ်မုၢ်လၢကလံၤစိးအဒူၣ်တဖၣ်မၤလိာ်အီၤ, ဒီးအဝဲသ့ၣ်ခဲလၢာ်လဲၤသကိးဝဲဆူစီၤရဃၤဘၣ်အအိၣ်ဒီးစံးဘၣ်အီၤ,
4 “နပၢ်စီၤၡလိၤမိၤမၤဘၣ်တ့ၢ်ပှၤအၢအၢသီသီဒီးပာ်လီၤတၢ်ဝံ တၢ်ယိးအဃၢတဖၣ်လၢပဖီခိၣ်န့ၣ်လီၤ. နမ့ၢ်မၤဖှံထီၣ်ပတၢ်ဝံတၢ်ယိးတဖၣ်အံၤဒီးနမ့ၢ်မၤဘီၣ်မၤညီ
ပတၢ်အိၣ်မူန့ၣ်, ပကမ့ၢ်နထံဖိကီၢ်ဖိလၢအသးတီတဖၣ်န့ၣ်လီၤ.”
5 အဝဲဒၣ်စံးဆၢဝဲ, “ဟဲက့ၤကဒါက့ၤလၢသၢသီအတီၢ်ပူၤဒီး ယကဟ့ၣ်သုယတၢ်စံးဆၢန့ၣ်လီၤ.” လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်ဝဲန့ၣ်လီၤ.
6 စီၤပၤရဃၤဘၣ်ဃ့တၢ်ဟ့ၣ်ကူၣ်လၢပှၤသးပှၢ်တဖၣ်လၢအမ့ၢ်တ့ၢ်အဝဲ အပၢ်စီၤၡလိၤမိၤအပှၤဟ့ၣ်ကူၣ်ဟ့ၣ်ဖးတၢ်တဖၣ်အအိၣ်န့ၣ်လီၤ. အဝဲသံကွၢ်, “သုကဟ့ၣ်ကူၣ်ယၤလၢယကဘၣ်စံးဆၢပှၤဂီၢ်မုၢ်တဖၣ်အံၤဒ်လဲၣ်.”
7 အဝဲသ့ၣ်စံးဆၢဝဲ, “နမ့ၢ်သးအိၣ်မၤဘၣ်ပှၤဂီၢ်မုၢ်တဖၣ်အံၤ လၢတၢ်အဂ့ၤန့ၣ်, ဟ့ၣ်တၢ်ကွၢ်မဲာ်အတၢ်စံးဆၢလၢတၢ်လၢအဝဲသ့ၣ်ဃ့သကွံာ်ကညးဝဲအဂီၢ်,
ဒီးအဝဲသ့ၣ်ကမၤနတၢ်မၤလၢတၢ်သးတီအပူၤထီဘိန့ၣ်လီၤ.”
8 ဘၣ်ဆၣ်အဝဲတကနၣ်ဃုာ်ဘၣ်ပှၤသးပှၢ်တဖၣ်အတၢ်ဟ့ၣ်ကူၣ်ဘၣ်. အခိၣ်တလိာ်အဝဲလဲၤဆူပှၤသးစၢ်တဖၣ်လၢအဒိၣ်ထီၣ်တကျဲကျဲ
ဒီးအီၤ, လၢခဲအံၤမ့ၢ်အဝဲပှၤဟ့ၣ်ကူၣ်ဟ့ၣ်ဖးတၢ်တဖၣ်အအိၣ်န့ၣ်
လီၤ.
9 အဝဲသံကွၢ်ဝဲ, “သုကဟ့ၣ်ကူၣ်ယၤလၢယကဘၣ်မၤတၢ်မနုၤန့ၣ်လဲၣ်. ပှၤဂီၢ်မုၢ်လၢအဃ့ယၤလၢယကဘၣ်မၤဖှံထီၣ်အတၢ်ဝံတၢ်ယိးတဖၣ်န့ၣ်, ယကဘၣ်စံးဘၣ်အီၤဒ်လဲၣ်.”
10 အဝဲသ့ၣ်စံးဆၢဝဲ, အအံၤမ့ၢ်တၢ်လၢနကဘၣ်တဲအဝဲသ့ၣ်န့ၣ်လီၤ. “ယစုဆၣ်ဖိအံၤဒိၣ်န့ၢ်ဒံးယပၢ်အယီၢ်ဒ့တက့ၢ်လီၤ.
11 ယပၢ်တီၣ်ထီၣ်တၢ်ဝံတၢ်ယိးအဃၢတဖၣ်လၢသုလိၤ, ဒီးယဲဒၣ်အံၤယကမၤအၢအါထီၣ်အီၤဒၣ်လဲာ်လီၤ.
ယပၢ်ဖျ့သုလၢနီၣ်ဖျ့, မ့မ့ၢ်ယဲဒၣ်အံၤယကတီၢ်သုလၢနီၣ်တီၢ်
ကသ့ၣ်န့ၣ်လီၤ.”
12 သၢနံၤတနံၤဝံၤအလီၢ်ခံ, စီၤယၤရၤဘၣ်ဒီးကယဲၢ်ပှၤဂီၢ်မုၢ်ခဲ လၢာ်ဟဲကဒါက့ၤဆူစီၤပၤရဃၤဘၣ်အအိၣ်ဒ်အဝဲမၤလိာ်တ့ၢ်အဝဲ
သ့ၣ်အသိးန့ၣ်လီၤ.
13 စီၤပၤတပာ်ကဲဘၣ်ပှၤသးပှၢ်တဖၣ်အတၢ်ဟ့ၣ်ကူၣ်ဘၣ်. ဒီးကတိၤတၢ်ဆူၣ်ဆူၣ်ကိၤကိၤဆူပှၤဂီၢ်မုၢ်,
14 ဒ်ပှၤသးစၢ်တဖၣ်အတၢ်ဟ့ၣ်ကူၣ်အီၤအသိးန့ၣ်လီၤ. အဝဲစံးဝဲဒၣ်, “ယပၢ်ပာ်လီၤတ့ၢ်တၢ်ဝံဃၢယိးဃၢတဖၣ်လၢသု လိၤဒီးယကမၤဃၢအါထီၣ်အီၤနးန့ၢ်အလီၢ်တက့ၢ်လီၤ.
အဝဲဖျ့သုလၢနီၣ်ဖျ့တဖၣ်မ့မ့ၢ်ယဲဒၣ်အံၤယကတီၢ်သုလၢနီၣ်
တီၢ်ကသ့ၣ်န့ၣ်လီၤ.”
15 တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ
ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.
16 တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ
ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ
တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်.
လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,
17 ဒီးပာ်လီၤတဲာ်တ့ၢ်စီၤရဃၤဘၣ်ဒ်စီၤပၤအသိးထဲလၢပှၤဂီၢ်မုၢ် လၢအအိၣ်ဆိးတ့ၢ်လၢကီၢ်ယူဒၤအလီၢ်ကဝီၤအဂီၢ်ဧိၤလီၤ.
18 တုၤနုၤတစု, စီၤပၤစီၤရဃၤဘၣ်ဆှၢလီၤစီၤအဒိၤရၣ်လၢအမ့ၢ် ပှၤအခိၣ်တဂၤလၢပှၤဘၣ်တၢ်မၢဆူၣ်မၤနၢၤအီၤအကျါဒ်သိးကလဲၤဆူ
ပှၤအံၣ်စရ့လးဖိတဖၣ်အအိၣ်, ဘၣ်ဆၣ်အဝဲသ့ၣ်ကွံာ်သံကွံာ်အီၤလၢလၢၢ်န့ၣ်လီၤ.
လၢတၢ်အံၤအဃိစီၤရဃၤဘၣ်ဒိးထီၣ်အလ့ၣ်ကဟၣ်ချ့သဒံးဒီးဃ့ၢ်
ပူၤဖျဲးကွံာ်အသးဆူဝ့ၢ်ယရူၤၡလ့ၣ်န့ၣ်လီၤ.
19 စးထီၣ်လၢတၢ်ဆၢကတီၢ်န့ၣ်လံၤလံၤ, ပှၤဂီၢ်မုၢ်လၢကီၢ်အံၣ်စရ့ လးအကလံၤစိးအဘီမုၢ်အပူၤပူထီၣ်လံတၢ်ထီဒါစီၤဒၤဝံးအစၢၤ
အသွဲၣ်အတၢ်ပၢန့ၣ်လီၤ.
20 တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ,
ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး
အစၢၤအသွဲၣ်တဖၣ်န့ၣ်လီၤ.
(၂ကွဲး.၁၁:၁-၄)
21 ဖဲစီၤရဃၤဘၣ်လဲၤတုၤဝဲလၢဝ့ၢ်ယရူၤၡလ့ၣ်အပူၤန့ၣ်, အဝဲကိးဖှိၣ်ပှၤသုးဖိအဂ့ၤကတၢၢ်အဂၤတကလီၢ်ဃိးကလးလၢယူဒၤ ဒီးဘံၣ်ယၤမံၣ်အဒူၣ်တဖၣ်အပူၤန့ၣ်လီၤ.
အဝဲပာ်လီၤအသးလၢကလဲၤဒုးတၢ်ဒီးမၤန့ၢ်က့ၤတၢ်ပၢဘၣ်ကီၢ်
အံၣ်စရ့လးအကလံၤစိးအဒူၣ်တဖၣ်န့ၣ်လီၤ.
22 ဘၣ်ဆၣ်, ကစၢ်ယွၤတဲဘၣ်တ့ၢ်ဝံၡမါယၤ,
23 လၢကဟ့ၣ်လီၤတၢ်ကစီၣ်အံၤဆူစီၤရဃၤဘၣ်ဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်အဒူၣ်တဖၣ်အပူၤန့ၣ်လီၤ.
24 “ကီၢ်အံၣ်စရ့လးအပှၤဂီၢ်မုၢ်ဧၢ, ဒုးတၢ်ဒီးသုဒီပုၢ်ဝဲၢ် ကဒဲကဒဲတဖၣ်တဂ့ၤ. သုဝဲခဲလၢာ်က့ၤဆူသုဟံၣ်တက့ၢ်. တၢ်လၢအမၤတ့ၢ်အသးအံၤမ့ၢ်ဒၣ်ယတၢ်ဘၣ်ယသးန့ၣ်လီၤ.”
အဝဲသ့ၣ်ခဲလၢာ်စူၢ်ယွၤအတၢ်မၤလိာ်ဒီးက့ၤကဒါက့ၤဆူအဟံၣ်ဒၣ်
ဝဲန့ၣ်လီၤ.
25 ကီၢ်အံၣ်စရ့လးအစီၤပၤစီၤယၤရၤဘၣ်မၤဂၢၢ်ထီၣ်ကျၢၤထီၣ်က့ၤ ဝ့ၢ်ၡက့ၣ်လၢအအိၣ်လၢကစၢၢ်အ့ဖရဲၣ်အတၢ်လူၢ်တၢ်တြီၤတဖၣ်အပူၤ
ဒီးအိၣ်ဆိးဝဲဖဲန့ၣ်, တစိၢ်တလီၢ်န့ၣ်လီၤ. အန့ၣ်ဝံၤ, အဝဲဟးထီၣ်ကွံာ်ဒီးမၤဂၢၢ်ထီၣ်ကျၢၤထီၣ်က့ၤဝ့ၢ်
ပနံၤအ့လးန့ၣ်လီၤ.
26 စီၤယၤရၤဘၣ်စံးဝဲလၢအသးကံၢ်ပူၤ, “တၢ်မ့ၢ်အိၣ်ဒၣ်ဒ်ခဲ အံၤအသိးန့ၣ်, ဘီမုၢ်ကက့ၤကဒါက့ၤဆူစီၤဒၤဝံးအပှၤဟံၣ်ဖိအအိၣ်လီၤ.
27 ယပှၤဂီၢ်မုၢ်မ့ၢ်လဲၤဆူဝ့ၢ်ယရူၤၡလ့ၣ်ဒီးလုၢ်ထီၣ်တၢ်လုၢ်တၢ် ပာ်တဖၣ်ဆူယွၤအအိၣ်လၢယွၤအတၢ်လုၢ်ဟံၣ်အပူၤဖဲန့ၣ်ဒီးအဝဲ
သ့ၣ်ကဆီတလဲက့ၤအတၢ်သးတီဆူကီၢ်ယူဒၤအစီၤပၤစီၤရဃၤဘၣ်
အအိၣ်ဒီးကမၤသံယၤန့ၣ်လီၤ.”
28 ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ
ပတူးအပူၤန့ၣ်လီၤ.”
29 အဝဲပာ်လီၤဂီၤဖံးဖါထူတဒုလၢဝ့ၢ်ဘ့ၤသ့လးအပူၤ, ဒီးအဂၤတဒုလၢဝ့ၢ်ဒၣ်အပူၤန့ၣ်လီၤ.
30 လၢတၢ်န့ၣ်အဃိပှၤဂီၢ်မုၢ်မၤဒဲးဘးတ့ၢ်တၢ်, ခီဖျိတၢ်လဲၤဘူၣ်ထီၣ်ဘါထီၣ်တၢ်လၢဝ့ၢ်ဘ့ၤသ့လးဒီးဝ့ၢ်ဒၣ်
အပူၤန့ၣ်လီၤ.
31 စီၤယၤရၤဘၣ်မၤထီၣ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ်တဖၣ်လၢတၢ် လူၢ်တဖၣ်အဒီခိၣ်ဒီးအဝဲဃုထၢထီၣ်ဝဲ,
ပှၤလုၢ်တၢ်အခိၣ်တဖၣ်လၢဒူၣ်ဖိထၢဖိတဖၣ်အတမ့ၢ်ပှၤလ့ၤဝံအဒူၣ်
အပူၤန့ၣ်လီၤ.
32 စီၤယၤရၤဘၣ်ဒုးအိၣ်ထီၣ်စ့ၢ်ကီးတၢ်ဘူၣ်တၢ်ဘါအမူးတမူးလၢ လါဃိးလါတလါထီၣ်တဆံယဲၢ်သီတသီအနံၤ, ဒ်မူးလၢကီၢ်ယူဒၤအပူၤအသိးန့ၣ်လီၤ. လၢတၢ်လုၢ်လီၢ်လၢဝ့ၢ်ဘ့ၤသ့လးအဖီခိၣ်န့ၣ်, အဝဲလုၢ်ထီၣ်တၢ်လုၢ်တၢ်ပာ်တဖၣ်ဆူဂီၤဖံးဖါထူတဖၣ်လၢ
အဝဲမၤထီၣ်တ့ၢ်ဝဲ, ဒီးဖဲန့ၣ်, လၢဝ့ၢ်ဘ့ၤသ့လးအပူၤန့ၣ်,
အဝဲဃုထၢထီၣ်ပှၤလုၢ်တၢ်အခိၣ်တဖၣ်လၢကမၤ
တၢ်ဖဲတၢ်ဘူၣ်ထီၣ်ဘါထီၣ်အလီၢ်လၢအဝဲဘှီထီၣ်ဝဲန့ၣ်လီၤ.
33 ဒီးလၢလါဃိးလါတလါထီၣ်တဆံယဲၢ်သီတသီအနံၤ, မုၢ်တနံၤဖဲအဝဲအကစၢ်ဒၣ်ဝဲပာ်လီၤတ့ၢ်ဝဲအီၤန့ၣ်, အဝဲလဲၤဆူဝ့ၢ်ဘ့ၤသ့လးဒီးလုၢ်ထီၣ်တၢ်လုၢ်တၢ်ပာ်တမံၤလၢတၢ် လုၢ်လီၢ်အဖီခိၣ်, ဒ်တၢ်မၤတၢ်ဘူၣ်တၢ်ဘါအမူးလၢအဝဲဒုးအိၣ်ထီၣ်တ့ၢ်ဝဲလၢကီၢ်
အံၣ်စရ့လးအပှၤဂီၢ်မုၢ်အဂီၢ်အသိးန့ၣ်လီၤ.