7
1 ဒီးယွၤစံးဘၣ်စီၤမိၤၡ့, “ယကဒုးကဲထီၣ်နၤလီၤဂာ်ဒ်သိး ကစၢ်ယွၤလၢအဲၤကူပတူးအစီၤပၤအဂီၢ်ဒီးနဒီပုၢ်ဝဲၢ်စီၤအၤ ဟရိၣ်ကကတိၤတၢ်ဒီးအီၤဒ်ဝံတဂၤအသိးန့ၣ်လီၤ.
2 တဲဘၣ်စီၤအၤဟရိၣ်တၢ်လၢယမၤလိာ်တ့ၢ်နၤခဲလၢာ်, ဒီးအဝဲကတဲဘၣ်အဲၤကူပတူးအစီၤပၤလၢကပျၢ်ကွံာ်ပှၤအံၣ်စရ့ လးဖိလၢအကီၢ်ပူၤန့ၣ်လီၤ.
3 ဘၣ်ဆၣ်ယကမၤကိၤထီၣ်အဲၤကူပတူးအစီၤပၤအခိၣ်ဒီးယမ့ၢ်မၤတၢ် လၢအလီၤပျံၤလီၤဖုးတဖၣ်အါထဲလဲၣ်ဒၣ်လဲာ်တမ့ၢ်အဝဲကဒိကနၣ် သုဘၣ်.
4 တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.
5 ဒီးပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤ, ဖဲယယူာ်ထီၣ်ယစုထီဒါအဝဲသ့ၣ်ဒီးဒုးဟးထီၣ်ကွံာ်ပှၤအံၣ်စရ့လးဖိ တဖၣ်လၢကီၢ်အဲၤကူပတူးန့ၣ်လီၤ.”
6 ဒီးစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်အဝဲသ့ၣ်အသိးန့ၣ်လီၤ.
7 ဒီးဖဲအဝဲသ့ၣ်ကတိၤတၢ်ဒီးအဲၤကူပတူးအစီၤပၤအကတီၢ်န့ၣ်, စီၤမိၤၡ့အသးအိၣ်ဝဲဃိးဆံ, ဒီးစီၤအၤဟရိၣ်အသးအိၣ်ဝဲ ဃိးဆံသၢနံၣ်န့ၣ်လီၤ.
8 ယွၤကတိၤတၢ်ဒီးစီၤမိၤၡ့ဒီးစီၤအၤဟရိၣ်, ဒီးစံးဝဲဒၣ်,
9 “အဲၤကူပတူးအစီၤပၤမ့ၢ်စံးဘၣ်သုလၢသုကဘၣ်တၢ်မၤတၢ်လီၤ လးတမံၤလၢတၢ်အုၣ်သးအဂီၢ်န့ၣ်, တဲဘၣ်စီၤအၤဟရိၣ်လၢကဟံးထီၣ်အနီၣ်ထိးဘိဒီးတ့ၢ်လီၤကွံာ် လၢစီၤပၤအမဲာ်ညါန့ၣ်တက့ၢ်. ဒီးကကဲထီၣ်လၢဂုၢ်တဘိလီၤ.”
10 လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးမၤဝဲဒ်ယွၤမၤလိာ်ဝဲအသိးန့ၣ်လီၤ. စီၤအၤဟရိၣ်တ့ၢ်လီၤအနီၣ်ထိးဘိ လၢစီၤပၤဒီးအပဒိၣ်တဖၣ်အမဲာ်ညါ, ဒီးကဲထီၣ်ဝဲလၢဂုၢ်တဘိလီၤ.
11 တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ.
12 အဝဲသ့ၣ်တဂၤဘၣ်တဂၤတ့ၢ်လီၤအနီၣ်ထိးဘိတဖၣ်, ဒီးအနီၣ်ထိးဘိတဖၣ်ကဲထီၣ်ဂုၢ်ခဲလၢာ်န့ၣ်လီၤ. ဘၣ်ဆၣ်ဒီးစီၤအၤဟရိၣ်အနီၣ်ထိးဘိန့ၣ်ယူၢ်လီၤကွံာ်အဝဲသ့ၣ် အနီၣ်ထိးဘိတဖၣ်လီၤ.
13 ဘၣ်ဆၣ်စီၤပၤအသးကိၤဒံးဝဲဒီးတဒိကနၣ်ဘၣ်စီၤမိၤၡ့ဒီး စီၤအၤဟရိၣ်ဘၣ်, ဒ်ယွၤစံးဝဲအသိးန့ၣ်လီၤ.
တၢ်သွံၣ်
14 တုၤနုၤတစုယွၤစံးဘၣ်စီၤမိၤၡ့, “စီၤပၤအံၤအသးကိၤဒိၣ် မးဒီးဂ့ၢ်လိာ်ဝဲလၢကပျၢ်ကွံာ်ပှၤဂီၢ်မုၢ်န့ၣ်လီၤ.
15 လၢတၢ်န့ၣ်အဃိမုၢ်ဆ့ၣ်ထီၣ်န့ၣ်လဲၤထံၣ်အီၤဖဲအလဲၤလီၤဆူ ထံကျိနံၤလါန့ၣ်တက့ၢ်. လဲၤစိာ်ဃုာ်နီၣ်ထိးဘိလၢအကဲထီၣ်ဂုၢ်, ဒီးအိၣ်ခိးအီၤဖဲထံကျိကၢၢ်နံၤန့ၣ်တက့ၢ်.
16 တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.
17 ဒီးခဲကနံၣ်အံၤ, ကစၢ်စီၤပၤဧၢ, ယွၤစံးဝဲဒၣ်လၢနကသ့ၣ်ညါလၢ အဝဲမ့ၢ်မတၤခီဖျိတၢ်လၢအကမၤဝဲန့ၣ်လီၤ. ကွၢ်, ယကတီၢ်ထံကျိအမဲာ်ဖံးခိၣ်အံၤဒီးကကဲထီၣ်ဝဲလၢတၢ်သွံၣ် န့ၣ်လီၤ.
18 ဒီးညၣ်တဖၣ်ကသံဝဲ, ထံကနၢအုၣ်ဝဲတုၤဒၣ်လဲာ်ပှၤအဲၤကူပတူး ဖိတဖၣ်အီအီၤတသ့လၢၤဘၣ်န့ၣ်လီၤ.’ ”
19 ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”
20 တုၤနုၤတစုစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်ဝဲအသိးန့ၣ်လီၤ. လၢစီၤပၤဒီးအပဒိၣ်ပပှၢ်တဖၣ်အမဲာ်ညါန့ၣ်စီၤအၤဟရိၣ်ယူာ်ထီၣ် အနီၣ်ထိးဘိဒီးတီၢ်ထံကျိ အမဲာ်ဖံးခိၣ်ဒီးကယဲၢ်ထံအိၣ်လၢအပူၤခဲလၢာ်ကဲထီၣ်တၢ်သွံၣ် န့ၣ်လီၤ.
21 ညၣ်အိၣ်လၢထံကျိနံၤလါအပူၤတဖၣ်သံဝဲ, ဒီးနၢအုၣ်ဝဲတုၤဒၣ် လဲာ်ပှၤအဲၤကူပတူးဖိတဖၣ်အီထံန့ၣ်တသ့လၢၤဘၣ်လီၤ. ဒီးတၢ်သွံၣ်အိၣ်ဝဲလၢတၢ်လီၢ်ကိးပူၤဒဲးလၢကီၢ်အဲၤကူပတူး အပူၤန့ၣ်လီၤ.
22 တုၤနုၤတစုစီၤပၤအပှၤမၤကဒါပမဲာ်တဖၣ်မၤတၢ်ဒ်န့ၣ်အသိးခီ ဖျိအတၢ်သ့တၢ်ဘၣ်န့ၣ်လီၤ. ဒီးစီၤပၤအသးကိၤဒံးဝဲ ဒၣ်ဒ်အလီၢ်လီၢ်န့ၣ်လီၤ. ဒ်ယွၤစံးဝဲအသိးစီၤပၤဂ့ၢ်လိာ်လၢ ကဒိကနၣ်စီၤမိၤၡ့ဒီးစီၤအၤဟရိၣ်န့ၣ်လီၤ.
23 အခိၣ်တလိာ်စီၤပၤက့ၤကဒါက့ၤဆူအနီပူၤဒီးတကနၣ်ဃုာ်ဒၣ်လဲာ် တၢ်ဂ့ၢ်အံၤလၢၤဘၣ်.
24 ဒီးကယဲၢ်ပှၤအဲၤကူပတူးဖိခဲလၢာ်ခူၣ်တၢ်လၢထံကျိနံၤလါ အကၢၢ်နံၤလၢထံအီအဂီၢ်မ့ၢ်လၢအဝဲသ့ၣ်အီထံလၢထံကျိပူၤ တသ့ဘၣ်အဃိန့ၣ်လီၤ.
25 ဒီးနွံသီပူၤကွံာ်ဝဲဖဲယွၤတီၢ်ထံကျိဝံၤအလီၢ်ခံန့ၣ်လီၤ.