11
1 ဒီးယွၤစံးဘၣ်စီၤမိၤၡ့ဒီးစံးဝဲဒၣ်, “ယကဒုးဘၣ်ဒံးကီၢ် အဲၤကူပတူးအစီၤပၤဒီးအပှၤဂီၢ်မုၢ်လၢတၢ်နးတၢ်ဖှီၣ်တမံၤဒံးလီၤ. အဝဲန့ၣ်ဝံၤအလီၢ်ခံအဝဲကပျၢ်သုလီၤ. သပှၢ်ကတၢၢ်အဝဲကဟီ ထီၣ်ကွံာ်သုခဲလၢာ်ဖဲအံၤလီၤ.
2 ဒီးခဲကနံၣ်အံၤကတိၤတၢ်ဒီးအံၣ်စရ့လးအပှၤဂီၢ်မုၢ်, ဒီးတဲဘၣ်အဝဲသ့ၣ်ခဲလၢာ်လၢကဃ့ပှၤလၢအဃၢၤလၢထူ အတၢ်ကယၢကယဲဒီးစ့အတၢ်ကယၢကယဲတဖၣ်န့ၣ်တက့ၢ်.”
3 ယွၤမၤဒ်သိးပှၤအဲၤကူပတူးဖိတဖၣ်ကပာ်ကဲပှၤအံၣ်စရ့လးဖိ တဖၣ်အဂီၢ်န့ၣ်လီၤ. ပဒိၣ်ပပှၢ်တဖၣ်ဒီးကယဲၢ်ပှၤဂီၢ်မုၢ်ခဲလၢာ်ပာ် စီၤမိၤၡ့ဒ်ပှၤဖးဒိၣ်တဂၤနီၢ်နီၢ်အသိးန့ၣ်လီၤ.
4 တုၤနုၤတစုစီၤမိၤၡ့စံးဘၣ်စီၤပၤ, “ယွၤစံးဝဲဒ်အံၤ, လၢမုၢ်နၤဖးဖီမုၢ်ဃၣ်ဃၣ်န့ၣ်ယကလဲၤခီဂာ်တၢ်လၢကီၢ် အဲၤကူပတူးအပူၤ,
5 ဒီးကယဲၢ်ဖိခွါဝဲၢ်ကိလၢကီၢ်အဲၤကူပတူးအပူၤကသံဝဲ, စးထီၣ်လၢစီၤပၤအဖိခွါဝဲၢ်ကိလၢအကထီၣ်က့ၤစီၤပၤအလီၢ်, တုၤလီၤလၢကုၢ်ပိာ်မုၣ်လၢအဂံာ်ဘုအဖိခွါဝဲၢ်ကိ, ဒီးဆၣ်ဖိကီၢ်ဖိအဖိဝဲၢ်ကိခဲလၢာ်ဒၣ်လဲာ်န့ၣ်လီၤ.
6 ဒီးတၢ်ဟီၣ်တၢ်ယၢၤဖးဒိၣ်ကအိၣ်လၢကီၢ်အဲၤကူပတူးဒီဘ့ၣ်ညါ အပူၤလီၤ. တၢ်ဒ်န့ၣ်အသိးအံၤတအိၣ်တ့ၢ်နီတဘျီဒီးတအိၣ်လၢၤနီ တဘျီလၢၤဘၣ်.
7 ဘၣ်ဆၣ်ထွံၣ်တဒုဒၣ်လဲာ်တမ့ၢ်ကမီၤပှၤအံၣ်စရ့လးဖိမ့ၢ်ဂ့ၤ, အဆၣ်ဖိကီၢ်ဖိမ့ၢ်ဂ့ၤန့ၣ်ဘၣ်. အန့ၣ်တစုသုကသ့ၣ်ညါလၢယၤ, ယွၤအံၤယမၤလီၤဆီပှၤအဲၤကူပတူးဖိဒီးပှၤအံၣ်စရ့လးဖိ န့ၣ်လီၤ.”
8 စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.
9 ဒီးယွၤစံးဘၣ်စီၤမိၤၡ့, “စီၤပၤကဂ့ၢ်လိာ်ထွဲဒံးလၢကဒိ ကနၣ်သု, ဒ်သိးယကမၤအါထီၣ်တၢ်လီၤလးလၢကီၢ်အဲၤကူပတူးအပူၤန့ၣ်လီၤ.”
10 စီၤမိၤၡ့ဒီးစီၤအၤဟရိၣ်မၤတၢ်လီၤလးခဲလၢာ်တဖၣ်န့ၣ်လၢ စီၤပၤအမဲာ်ညါ, ဘၣ်ဆၣ်ဒီးယွၤမၤကိၤထီၣ်စီၤပၤအသးဒီး တပျၢ်ကွံာ်ဘၣ်ပှၤအံၣ်စရ့လးဖိလၢအကီၢ်ဘၣ်လီၤ.