10
1 ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်,ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲနးနးကလဲာ်န့ၣ်လီၤ.
2 တုၤနုၤတစုစီၤယဃံအ့လးအဖိခွါစီၤၡကါနယၤလၢစီၤဧ့ၤလၣ် အဒူၣ်ထၢပူၤစံးဘၣ်စီၤဧ့စြၤ, “ပမၤဟးဂီၤတ့ၢ်လံပတၢ်နာ်ဒီးယွၤခီဖျိပဆီဟံၣ်ဆီဃီဒီး ပှၤတခီဘီမုၢ်ဖိပိာ်မုၣ်တဖၣ်န့ၣ်လီၤ. အန့ၣ်ဒၣ်လဲာ်, လၢကီၢ်အံၣ်စရ့လးအဂီၢ်န့ၣ်တၢ်မုၢ်လၢ်အိၣ်ဒံးဝဲလီၤ.
3 ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.
4 တၢ်အံၤမ့ၢ်နမူနဒါလၢနဘၣ်မၤအီၤန့ၣ်လီၤ. ဂဲၤဆၢထၢၣ်ဒီးမၤဝံၤအီၤတက့ၢ်. ပအိၣ်လၢနလီၢ်ခံလီၤ.”
5 လၢတၢ်န့ၣ်အဃိ, စီၤဧ့စြၤစးထီၣ်မၤဝဲခီဖျိ, ဒုးဆိၣ်ပှၤလုၢ်တၢ်အခိၣ်အပှၤခိၣ်ပှၤနၢ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်အဂၤအတၢ်ဆိၣ်တမံၤလၢအဝဲသ့ၣ် ကမၤတၢ်ဒ်စီၤၡကါနယၤဟ့ၣ်ကူၣ်ဆှၢထီၣ်ဝဲန့ၣ်လီၤ.
6 အန့ၣ်ဒီး, အဝဲဟးထီၣ်လၢတၢ်လုၢ်ဟံၣ်အမဲာ်ညါဒီးလဲၤနုာ်ဆူ စီၤအ့လယၤၡံာ်အဖိခွါစီၤယိဃၤနၣ်အတၢ်အိၣ်ဆိးအလီၢ်, ဒီးဖဲန့ၣ်သူၣ်အုးသးအုးလၢပှၤဘၣ်တၢ်စိာ်မၢကဲကုၢ်တဖၣ်အတၢ် သးတတီအဃိဒီတနၤလီၤ. အဝဲတအီၣ်တၢ်မ့ၢ်ဂ့ၤအီတၢ်မ့ၢ်ဂ့ၤနီတမံၤဘၣ်.
7 တၢ်ကစီၣ်တမံၤဘၣ်တၢ်ဆှၢလီၤအီၤသကုၤဆးဒးလၢဝ့ၢ်ယရူၤၡလ့ၣ် ဒီးကီၢ်ယူဒၤ, လၢကယဲၢ်ပှၤဟဲက့ၤကဒါက့ၤလၢတၢ်စိာ်မၢကဲကုၢ်အလီၢ်ခဲလၢာ် ကဘၣ်ထံၣ်လိာ်သကိးအသးလၢဝ့ၢ်ယရူၤၡလ့ၣ်အပူၤလီၤန့ၣ်,
8 မ့ၢ်ပှၤဂီၢ်မုၢ်အခိၣ်အနၢ်တဖၣ်အတၢ်ဟ့ၣ်လီၤအကလုၢ်န့ၣ်လီၤ. ဒီးလၢသၢသီအတီၢ်ပူၤပှၤတဂၤဂ့ၤတဂၤဂ့ၤဟဲမ့ၢ်တတုၤဘၣ်ဒီး ကယဲၢ်အတၢ်စုလီၢ်ခီၣ်ခိၣ်ခဲလၢာ်ကဘၣ်တၢ်ဟံးန့ၢ်ကွံာ်အီၤဒီး အနီၢ်ကစၢ်ဒၣ်ဝဲအတၢ်ခွဲးတၢ်ယာ်ဒ်တၢ်အိၣ်မူကရူၢ်ကရၢဖိ တဂၤကလီၤမၢ်ကွံာ်ဝဲန့ၣ်လီၤ.
9 လၢသၢသီအတီၢ်ပူၤ, ဖဲလါခွံလါတလါထီၣ်အသီခံဆံန့ၣ်, ကယဲၢ်ပှၤပိာ်ခွါခဲလၢာ်လၢအအိၣ်ဆိးဝဲလၢယူဒၤဒီးဘံၣ်ယၤ မံၣ်အဒူၣ်အလီၢ်ကဝီၤပူၤန့ၣ်ဟဲဆူဝ့ၢ်ယရူၤၡလ့ၣ်ဒီးပာ်ဖှိၣ် ထီၣ်အသးဖဲတၢ်လုၢ်ဟံၣ်အဂၢၤပူၤန့ၣ်လီၤ. တၢ်ဟဲစူၤဖးဒိၣ်, ဒီးမ့ၢ်လၢမူခိၣ်ကလံၤသီၣ်ဂီၤဒီးတၢ်အိၣ်ဖှိၣ်ရိဖှိၣ်အတၢ် ကါဒိၣ်အဃိ, ပှၤကိးဂၤဒဲးကနိးကစုာ်ဝဲဒၣ်န့ၣ်လီၤ.
10 ပှၤလုၢ်တၢ်အခိၣ်စီၤဧ့စြၤဂဲၤဆၢထၢၣ်ဒီးကတိၤတၢ်ဒီးအဝဲသ့ၣ် န့ၣ်လီၤ. အဝဲစံးဝဲ, “သုမ့ၢ်တ့ၢ်ပှၤလၢအကလုၢ်တတီဒီးဒုးလီၤဘၣ်တၢ် ကမၣ်လၢကီၢ်အံၣ်စရ့လးအလိၤခီဖျိသုဆီဟံၣ်ဆီဃီ ဒီးပှၤတခီဘီမုၢ်ဖိပိာ်မုၣ်တဖၣ်န့ၣ်လီၤ.
11 ဒီးခဲကနံၣ်အံၤ, တဲလီၤကျဲၤလီၤသုတၢ်ဒဲးဘးတဖၣ်ဆူယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်ဒီးမၤတၢ်လၢအဘၣ် အသးန့ၣ်တက့ၢ်. မၤလီၤဖးလိာ်သုသးဒီးပှၤတခီဘီမုၢ်ဖိ တဖၣ်လၢအအိၣ်အဆိးလၢပထံပကီၢ်အပူၤဒီးတၢၤကွံာ်သုမါပှၤတခီ ဘီမုၢ်ဖိတဖၣ်တက့ၢ်.”
12 ပှၤဂီၢ်မုၢ်ကိးသတြီထီၣ်ဒီးစံးဆၢဝဲ, “ပကမၤတၢ်ဒ်နစံးဘၣ် ပှၤတမံၤဂ့ၤတမံၤဂ့ၤလီၤ.”
13 ဘၣ်ဆၣ်အဝဲသ့ၣ်စံးအါထီၣ်ကဒီးဝဲ, “ပှၤဂီၢ်မုၢ်အံၤအါကဲာ် ဆိးဒီးတၢ်စူၤဆူၣ်ဒိၣ်မးလီၤ. ပဆၢထၢၣ်ဖဲအံၤလၢတၢ်ပျီပူၤဒ်သိးအံၤတကဲဘၣ်. တၢ်အံၤတမ့ၢ်တၢ်တမံၤလၢအဘၣ်တၢ်မၤအီၤလၢတသီခံသီအတီၢ်ပူၤ သ့ဝဲဘၣ်. အဂ့ၢ်ဒ်အံၤ, ပဝဲဒၣ်အါဂၤပအိၣ်ဃါဃုာ်လၢတၢ်ဒဲးဘးအံၤအပူၤ န့ၣ်လီၤ.
14 မ်ပဒိၣ်ပပှၢ်တဖၣ်အိၣ်လၢဝ့ၢ်ယရူၤၡလ့ၣ်အပူၤဒီးဟံးန့ၢ်မူဒါ လၢတၢ်ဂ့ၢ်အံၤအဂီၢ်တက့ၢ်. ဒီးမ်ပှၤတဂၤဂ့ၤတဂၤဂ့ၤလၢအအိၣ်ဒီးအမါတဂၤလၢအမ့ၢ်ပှၤတခီ ဘီမုၢ်ဖိ, ဟဲဖဲတၢ်ဆၢကတီၢ်လၢတၢ်သ့ၣ်ပာ်အီၤ, ဃုာ်ဒီးအဝ့ၢ်အပှၤခိၣ်ပှၤ နၢ်တဖၣ်ဒီးအပှၤစံၣ်ညီၣ်ကွီၢ်တဖၣ်တက့ၢ်. လၢကျဲဒ်သိးအံၤန့ၣ်ကစၢ်ယွၤအတၢ်သးထီၣ်လၢတၢ်မၤအသးဒ်သိး အံၤအဖီခိၣ်, ကဘိးကဒါကွံာ်အသးန့ၣ်လီၤ.”
15 မ့တမ့ၢ်ဘၣ်လၢစီၤဧစၤအ့လးအဖိခွါစီၤယိနၤသၣ်, ဒီးစီၤတံးကဝၤအဖိခွါစီၤဃၤစယၤလၢအဘၣ်တၢ်မၤစၢၤအီၤလၢ စီၤမၡူလၣ်ဒီးပှၤလ့ၤဝံဖိစီၤၡၤဘသဲၤဘၣ်န့ၣ်, ပှၤတထီဒါဘၣ်တၢ်ကူၣ်ကျဲၤအံၤနီတဂၤဘၣ်န့ၣ်လီၤ.
16 ပှၤတဖၣ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ်တူၢ်လိာ် တၢ်ကူၣ်ကျဲၤအံၤ, အဃိဒီးပှၤလုၢ်တၢ်အခိၣ်စီၤဧ့စြၤဃုထၢပာ်လီၤပှၤပိာ်ခွါ တဖၣ်လၢဒူၣ်ထၢတဖၣ်အခိၣ်အနၢ်အကျါဒီးကွဲးနီၣ်ကွဲးဃါအဝဲသ့ၣ် အမံၤတဖၣ်န့ၣ်လီၤ. ဖဲလါတဆံလါထီၣ်အခီၣ်ထံးတသီအနံၤန့ၣ်, အဝဲသ့ၣ်စးထီၣ်မၤတၢ်သမံသမိးတၢ်ဂ့ၢ်တၢ်ကျိၤ,
17 ဒီးလၢခံသၢလါအတီၢ်ပူၤန့ၣ်, အဝဲသ့ၣ်သမံသမိးဝံၤကွံာ်ကယဲၢ် တၢ်မူးတၢ်ရၢ်တဖၣ်လၢအဘၣ်ထွဲဒီးပှၤပိာ်ခွါလၢအအိၣ်ဒီးအမါ ပှၤတခီဘီမုၢ်ဖိတဖၣ်အဂ့ၢ်န့ၣ်လီၤ.
18 အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤပိာ်ခွါတဖၣ်လၢအအိၣ်ဒီး အမါပှၤတခီဘီမုၢ်ဖိတဖၣ်န့ၣ်လီၤ. ပှၤလုၢ်တၢ်အခိၣ်တဖၣ်, ဘၣ်တၢ်ကွဲးနီၣ်အီၤဒ်အဒူၣ်ထၢတဖၣ်ဟဲဝဲန့ၣ်လီၤ.
လၢစီၤယိၤၡူဒီးအဒီပုၢ်ဝဲၢ်ခွါတဖၣ်အဒူၣ်ထၢပူၤန့ၣ်, စီၤယိၤစဒးအဖိခွါတဖၣ်လၢအမ့ၢ်ဝဲ, စီၤမၤစ့ယၤ, စီၤအလၤဧစၢ်, စီၤယၤရံာ်ဒီးစီၤကဒါလယၤန့ၣ်လီၤ.
19 အဝဲသ့ၣ်အၢၣ်လီၤအီလီၤတ့ၢ်အသးလၢကပာ်မၢ်ကွံာ်အမါတဖၣ်ဒီး အဝဲသ့ၣ်လုၢ်ထီၣ်သိဖါတဒုဒ်တၢ်လုၢ်တၢ်ပာ်တမံၤလၢအဝဲသ့ၣ် အတၢ်ဒဲးဘးအဂီၢ်န့ၣ်လီၤ.
20 လၢစီၤအံးမ့ၢ်အဒူၣ်ထၢပူၤန့ၣ်, စီၤဃနၤနံ ဒီးစီၤစဘၤဒယၤ
21 လၢစီၤဃၤရံၣ်အဒူၣ်ထၢပူၤန့ၣ်, စီၤမၤစ့ယၤ, စီၤအ့ၤလံယၤ, စီၤၡမါယၤ, စီၤယဃံအ့လးဒီးစီၤဧူးစံယါ,
22 လၢစီၤပၤၡဃူၢ်အဒူၣ်ထၢပူၤန့ၣ်, စီၤအ့လံၤဧနံၤ, စီၤမၤစ့ယၤ, စီၤယံးၡမၤဧလး, စီၤနၤသန့လး, စီၤယိစဘးဒီးစီၤအ့လၤစၤ.
23 ပှၤလ့ၤဝံဖိတဖၣ်,
စီၤယိစဘးမ့ၢ်ဝဲစီၤၡံမံၤ, စီၤက့လယၤ, (ဘၣ်တၢ်ကိးစ့ၢ်ကီးအီၤလၢစီၤက့လံၤတၤ) စီၤပသၤဃယၤ, စီၤယူဒၤဒီးစီၤအလၤဧစၢ်.
24 ပှၤသးဝံၣ်တၢ်ဖိတဖၣ်မ့ၢ်ဝဲ
စီၤအ့လယၤၡံာ်ပှၤပၢၤတၢ်လုၢ်ဟံၣ်တဖၣ်,
စီၤၡၤလူၣ်, စီၤတ့လ့ၣ်ဒီးစီၤအူရံၤ.
25 ပှၤအဂၤတဖၣ်မ့ၢ်ဝဲ
လၢစီၤပၤရိာ်အဒူၣ်ထၢပူၤန့ၣ်, စီၤရၤမယၤ, စီၤယစံယၤ, စီၤမၤလကံယၤ, စီၤမံယမံၣ်, စီၤအလၤဧစၢ်, စီၤမၤလကံယၤ, ဒီးစီၤဘနါယၤ.
26 လၢစီၤဧ့ၤလၣ်အဒူၣ်ထၢပူၤန့ၣ်, စီၤမးတၤနယၤ, စီၤစကၤရယၤ, စီၤယဃံအ့လး, စီၤဧၤဘ့းဒံး, စီၤယရံမိးဒီးစီၤအ့ၤလံယၤ.
27 လၢစီၤစးတူၤအဒူၣ်ထၢပူၤန့ၣ်, စီၤအ့လံၤဧ့နၤ, စီၤအ့လယၤၡံာ်, စီၤမးတၤနယၤ, စီၤယရံမိး, စီၤစၤဘးဒီးစီၤဧစံစၤ.
28 လၢစီၤဘ့ဘဲၤအဒူၣ်ထၢပူၤန့ၣ်, စီၤယိဃၤနၣ်, စီၤဃနၤနယၤ, စီၤစးဘဲ, ဒီးစီၤဧၤသလဲ.
29 လၢစီၤဘၤနံအဒူၣ်ထၢပူၤန့ၣ်, စီၤမၡူလၣ်, စီၤမးလူး, စီၤဧဒါယၤ, စီၤယၤၡူာ်, စီၤၡအၤလးဒီးစီၤရၤမိး.
30 လၢစီၤပၤဃးမိၤအးအဒူၣ်ထၢပူၤန့ၣ်, စီၤဧၤဒနၤ, စီၤကလၤလး, စီၤဘနါယၤ, စီၤမၤစ့ယၤ, စီၤမးတၤနယၤ, စီၤဘစၤလအ့လးစီၤဘံနူၤဒီးစီၤမနၤၡ့ၤ.
31-32 လၢစီၤဃၤရံၣ်အဒူၣ်ထၢပူၤန့ၣ်, စီၤအလၤဧစၢ်, စီၤယၡံယၤ, စီၤမၤလကံယၤ, စီၤၡမါယၤ, စီၤစူၤမ့းအိၣ်, စီၤဘံၣ်ယၤမံၣ်, စီၤမးလူး, ဒီးစီၤၡမၤရယၤ.
33 လၢစီၤဃၤၡူၣ်အဒူၣ်ထၢပူၤန့ၣ်, စီၤမးတနဲ, စီၤမးတၤသါ, စီၤစၤဘး, စီၤအလံဖ့လး, စီၤယရ့မဲၤ, စီၤမနၤၡ့ၤဒီး, စီၤၡံးမံၤ.
34 လၢစီၤဘၤနံအဒူၣ်ထၢပူၤန့ၣ်, စီၤမၤဒဲ, စီၤဧၤမရၣ်, စီၤအူၤအ့လး,
35 စီၤဘနါယၤ, စီၤဘ့ဒယၤ, စီၤကးလူၤ,
36-37 စီၤဝၤနယၤ, စီၤမရ့မိး, စီၤအ့လယၤၡံာ် စီၤမးတၤနယၤ, စီၤမးတနဲဒီးစီၤယၤစၤ,
38-39 လၢစီၤဘံနူၤအဒူၣ်ထၢပူၤန့ၣ်, စီၤၡံမံၤ, စီၤၡလ့မယၤ, စီၤနၤသၣ်, စီၤဧဒါယၤ,
40 စီၤမၤကနၤဒဘဲ, စီၤၡၤရဲ, စီၤၡၤရဲ
41-42 စီၤဧစၤရ့လး, စီၤၡလ့မယၤ, စီၤၡမၤရယၤ စီၤၡၤလူၣ်, စီၤအမၤရယၤ, ဒီးစီၤယိၤသး.
43 လၢစီၤနဘိအဒူၣ်ထၢပူၤန့ၣ်, စီၤယဃ့အ့လး, စီၤမးတံးသယၤ, စီၤစၤဘး, စီၤစဘံနၤ, စီၤယးဒဲ, စီၤယိၤအ့လးဒီးစီၤဘနါယၤန့ၣ်လီၤ.
44 ကယဲၢ်ပှၤပိာ်ခွါတဖၣ်အံၤအိၣ်ဒီးအမါပှၤတခီဘီမုၢ်ဖိတဖၣ် လီၤ. အဝဲသ့ၣ်ပာ်မၢ်ကွံာ်အမါတဖၣ်ဒီးဆှၢဖျိးကွံာ်အဝဲသ့ၣ်ဒီးအဝဲ သ့ၣ်အဖိတဖၣ်န့ၣ်လီၤ.