41
1 တၢ်န့ၣ်ဝံၤအလီၢ်ခံ, ပှၤတဂၤန့ၣ်ဆှၢယၤဆူဒၢးလၢတၢ်ခၢၣ်သး ကတၢၢ်, လၢအမ့ၢ်တၢ်လီၢ်စီဆှံန့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူတၢ်လီၢ်အံၤန့ၣ်လီၤ. အကစီၤထီၣ်ထီဝဲဃုပျၢ်,
2 ဒီးအလဲၢ်န့ၣ်အိၣ်ဝဲအပျၢ်တဆံအိၣ်ဒီးတၢ်အဒူၣ်တဖၣ်လၢအဒီၣ်ဃီၤ အိၣ်ဝဲယဲၢ်ပျၢ်စုာ်စုာ်တခီတကပၤန့ၣ်လီၤ. အဝဲထိၣ်ဝဲဒၢးန့ၣ်လီၤ. အထီအိၣ်ဝဲအပျၢ်လွံၢ်ဆံဒီးအလဲၢ်မ့ၢ်ဝဲအပျၢ်ခံဆံန့ၣ်လီၤ.
3 အန့ၣ်ဝံၤဒီးအဝဲလဲၤနုာ်ဆူဒၢးလၢအအိၣ်လၢတၢ်သးကံၢ်ပူၤ ကတၢၢ်န့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူဒၢးန့ၣ်အပူၤလီၤ. အကစီၤထီၣ်ထီဝဲခံပျၢ်ဒီး အလဲၢ်အိၣ်ဝဲဃုပျၢ်, အိၣ်ဒီးတၢ်ဒူၣ်တဖၣ်လၢအကပၤတခီ စုာ်စုာ်လၢအဒီၣ်ဃီၤအိၣ်ဝဲနွံပျၢ်န့ၣ်လီၤ.
4 အဝဲထိၣ်ကွၢ်ဒၢးန့ၣ်, ဒီးလဲၢ်ဝဲအပျၢ်ခံဆံဝးတရံးန့ၣ်လီၤ. ဒၢးအံၤအိၣ်လၢတၢ်ခၢၣ်သးအဘးခီန့ၣ်လီၤ. အန့ၣ်ဝံၤဒီး အဝဲစံးဘၣ်ယၤ, “အဝဲအံၤမ့ၢ်တၢ်လီၢ်စီဆှံကတၢၢ်” န့ၣ်လီၤ.
5 ပှၤတဂၤန့ၣ်ထိၣ်ဝဲတၢ်လုၢ်ဟံၣ်အတၢ်သူၣ်ထီၣ်အတၢ်အိပူၤ အဒူၣ်အဒီၣ်ဃီၤဒီးအိၣ်ဝဲဃုပျၢ်န့ၣ်လီၤ. စဲဘူးဒီးတၢ်ဒူၣ်အံၤဝးတရံး ယွၤအတၢ်လုၢ်ဟံၣ်န့ၣ်အိၣ်ဒီးဒၢးဆံးဖိတဖၣ်လၢအလဲၢ်ဝဲ တဖျၢၣ်လွံၢ်ပျၢ်စုာ်စုာ်န့ၣ်လီၤ.
6 ဒၢးတဖၣ်အံၤအိၣ်ဝဲဒၣ်သၢကထၢ, အိၣ်ဒီးဒၢးအဖျၢၣ်သၢဆံ လၢတကထၢစုာ်စုာ်န့ၣ်လီၤ. ယွၤအတၢ်လုၢ်အတၢ်ဒူၣ်လၢ တၢ်ချၢတကပၤန့ၣ်ဘူလီၤဝဲတကထၢဘၣ်တကထၢဒ်သိး ဒၢးတဖၣ်န့ၣ်အိၣ်ဂၢၢ်ဝဲလၢတၢ်အဒူၣ်အလိၤကသ့ဝဲ, ဒီးအလီၢ်တအိၣ်ဘၣ်လၢတၢ်ကမၤကျၢၤလီၤဆီအီၤဘၣ်န့ၣ်လီၤ.
7 လၢတၢ်န့ၣ်အဃိတုၤတၢ်ကွၢ်ဃီၤယွၤအတၢ်လုၢ်ဟံၣ်အတၢ်ဒူၣ် တဖၣ်လၢတၢ်ချၢတကပၤန့ၣ်, အိၣ်ဖျါလၢအဒီၣ်ဃီၤမ့ၢ်တၢ် တမံၤဃီ, စးထီၣ်လၢအခီၣ်ထံးတုၤလၢအခိၣ်ထိးန့ၣ်လီၤ. ဒ်သိးတၢ်လဲၤထီၣ်လၢတၢ်ဖီလာ်ကတၢၢ်တကထၢဆူတၢ်ခၢၣ်သး ဒီးတၢ်ဖီခိၣ်ကတၢၢ်တကထၢကသ့ဝဲအဂီၢ်, လၢဒၢးဖိတဖၣ် အတၢ်ဒူၣ်အချၢဒီးအတၢ်လုၢ်ဟံၣ်အတၢ်ဒူၣ်လၢတၢ်ချၢ အဘၢၣ်စၢၤန့ၣ်, ဃီလၢအလဲၤထီၣ်အိၣ်ဝဲခံပတီၢ်န့ၣ်လီၤ.
8 ယထံၣ်ဘၣ်လၢဝးတရံးယွၤအတၢ်လုၢ်ဟံၣ်န့ၣ်တၢ်အပတီၢ် တခါလၢအကစီၤထီၣ်ထီဝဲဃုပျၢ်လၢအလဲၤတဆီဘၣ်တဆီ, ဒီးအခီၣ်ထံးအလီၢ်အိၣ်ဝဲတုၤလိာ်အသးဒီးဒၢးဖိတဖၣ်လၢ အအိၣ်ဖဲတၢ်လုၢ်ဟံၣ်အဒူၣ်တဖၣ်အကပၤအသနၢၣ်ခီၣ်ထံးန့ၣ်လီၤ.
9 တၢ်အပတီၢ်အံၤအလဲၢ်အိၣ်ဝဲယဲၢ်ပျၢ်န့ၣ်လီၤ. လၢတၢ်အပတီၢ်ဒီးတၢ်သူၣ်ထီၣ်တဖၣ်လၢ အဘၣ်တၢ်သူအီၤလၢပှၤလုၢ်တၢ်အဒိၣ်တဖၣ်အဘၢၣ်စၢၤန့ၣ်, တၢ်လီၢ်လီၤပျီအိၣ်ဝဲတပူၤ,
10 လၢအလဲၢ်အိၣ်ဝဲအပျၢ်ခံဆံ, လၢယွၤအတၢ်လုၢ်ဟံၣ်အကပၤဝးဝးန့ၣ်လီၤ.
11 ဒၢးတဖၣ်အတၢ်ဒူၣ်လၢတၢ်ချၢအကပၤန့ၣ်အဒီၣ်ဃီၤအိၣ်ဝဲယဲၢ်ပျၢ် န့ၣ်လီၤ. ပဲတြီအိၣ်ဝဲတဘ့ၣ်လၢတၢ်ကလဲၤနုာ်ဆူဒၢးတဖၣ်လၢ အအိၣ်လၢယွၤအတၢ်လုၢ်ဟံၣ်အကလံၤစိးအကပၤအပူၤအဂီၢ်, ဒီးတဘ့ၣ်လၢတၢ်ကလဲၤနုာ်ဆူဒၢးတဖၣ်လၢ ကလံၤထံးတကပၤ, အပူၤအဂီၢ်န့ၣ်လီၤ.
12 တၢ်လီၢ်လီၤဟိလၢအအိၣ်လၢယွၤအတၢ်လုၢ်ဟံၣ်အမုၢ်နုာ်တကပၤ အကတၢၢ်န့ၣ်တၢ်သူၣ်ထီၣ်အိၣ်ဝဲတဖျၢၣ်လၢအထီအိၣ်ဝဲအပျၢ် ခွံဆံဒီးလဲၢ်ဝဲအပျၢ်နွံဆံန့ၣ်လီၤ. အတၢ်ဒူၣ်တဖၣ်အဒီၣ်ဃီၤ အိၣ်ဝဲယဲၢ်ပျၢ်ဝးတရံးခဲလၢာ်န့ၣ်လီၤ.
13 ပှၤတဂၤန့ၣ်ထိၣ်ယွၤအတၢ်လုၢ်ဟံၣ်လၢအချၢတကပၤဒီးအထီအိၣ်ဝဲ အပျၢ်တကယၤန့ၣ်လီၤ. ဒီးစးထီၣ်လၢယွၤအတၢ်လုၢ်ဟံၣ်အလီၢ်ခံဒီး တၢ်လီၢ်လီၤပျီဆူတၢ်သူၣ်ထီၣ်အဂၤတကပၤလၢမုၢ်နုာ်တခီန့ၣ် အတၢ်ဒ့ၣ်စၢၤအယံၤအိၣ်စ့ၢ်ကီးဝဲအပျၢ်တကယၤန့ၣ်လီၤ.
14 တၢ်ဒ့ၣ်စၢၤစးထီၣ်လၢယွၤအတၢ်လုၢ်ဟံၣ် အမဲာ်ညါပၣ်ဃုာ်ဒီးတၢ်လီၢ်လီၤပျီခံက ပၤလိာ်န့ၣ်အတၢ်ထိၣ်အိၣ်စ့ၢ်ကီးဝဲအပျၢ် တကယၤန့ၣ်လီၤ.
15 အဝဲထိၣ်တၢ်သူၣ်ထီၣ်အထီဆူမုၢ်နုာ်တကပၤဃုာ်ဒီးအတၢ်ဟးထီၣ် က့ၤလီၤအကျိၤလၢအအိၣ်ဖဲအကပၤခံကပၤလၢာ်, ဒီးအတၢ်ထိၣ် န့ၣ်အိၣ်စ့ၢ်ကီးဝဲအပျၢ်တကယၤန့ၣ်လီၤ.
16 ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.
17 ယွၤအတၢ်လုၢ်ဟံၣ်အတၢ်ဒူၣ်တဖၣ်လၢအအိပူၤတကပၤလၢ အကစီၤထီၣ်ထီန့ၢ်ဒံးတြဲၤတဖၣ်န့ၣ်ဘၣ်တၢ်ကးဘၢအီၤ လၢာ်လၢာ်ဆ့ဆ့လၢတၢ်ဂီၤစိးပျၤအသးတဖၣ်,
18 သ့ၣ်စူၣ်ပလိၣ်တဖၣ်ဒီးတၢ်ဘၣ်တ့တဖၣ်လၢအအိၣ်ဒီးအဒံးဆ့တဖၣ် န့ၣ်လီၤ. ဝးတရံးဒၢးဒီတဖျၢၣ်ညါန့ၣ်သ့ၣ်စူၣ်ပလူၣ်တဖၣ်ဒီးတၢ်ဘၣ်တ့ တဖၣ်လၢအအိၣ်ဒီးအဒံးဆ့တဖၣ်အတၢ်ဂီၤစိးပျၤအသးန့ၣ်အိၣ် ရဲၣ်လီၤအသးတခါဝံၤတခါပိာ်လိာ်အခံန့ၣ်လီၤ. တၢ်ဘၣ်တ့တခါ စုာ်စုာ်န့ၣ်အိၣ်ဒီးအမဲာ်သၣ်ခံဘ့ၣ်န့ၣ်လီၤ.
19 ပှၤကညီအမဲာ်သၣ်လၢအဃၣ်ဃီၤအသးဆူသ့ၣ်စူၣ်ပလိၣ်တထံး အအိၣ်ဒီးခ့ယုၢ်အမဲာ်သၣ်လၢအဃၣ်အသးဆူသ့ၣ်စူၣ်ပလိၣ် အဂၤတထံးအအိၣ်န့ၣ်လီၤ. တၢ်န့ၣ်မၤအသးဒ်အံၤအသိး ဝးတရံးတၢ်အဒူၣ်
20 စးထီၣ်လၢတၢ်အဒါတုၤဆူတြဲၤတဖၣ်အဖီခိၣ်န့ၣ်လီၤ.
21 တၢ်လီၢ်စီဆှံအတြဲၤအထူၣ်တဖၣ်န့ၣ်အိၣ်ဒီးအနၢၣ်လွံၢ်နၢၣ်လၢ အတၢ်ထိၣ်အိၣ်ဃူလိာ်အသးန့ၣ်လီၤ.
22 လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.
23 တၢ်လီၢ်စီဆှံဒီးတၢ်အလီၢ်စီဆှံကတၢၢ်ခံခါလိာ်န့ၣ်အိၣ်ဒီး တြဲၤခံဘ့ၣ်လၢတၢ်အိးထီၣ်အီၤသ့ခံကပၤလိာ်န့ၣ်လီၤ.
24 တြဲၤခံဘ့ၣ်အံၤအိၣ်ဒီးအလၣ်ခံခီစုာ်စုာ်လၢအတရံးအသး သ့ဝဲန့ၣ်လီၤ.
25 သ့ၣ်စူၣ်ပလူၣ်တဖၣ်ဒီးတၢ်ဘၣ်တ့လၢအအိၣ်ဒီးအဒံးဆ့တဖၣ် ဘၣ်တၢ်စိးပျၤဃာ်အီၤလၢတၢ်လီၢ်စီဆှံအတြဲၤတဖၣ်အလိၤ, ဒ်သိးဒၣ်အအိၣ်ဝဲလၢတၢ်ဒူၣ်တဖၣ်အလိၤအသိးန့ၣ်လီၤ. ကျဲစၢၤကျိၤလၢအအိၣ်လၢကျဲစၢၤကျိၤထံးဒၢးအချၢန့ၣ်, အိၣ်ဒီးတၢ်အခိၣ်ဒုးတခါလၢအဘၣ်တၢ်မၤအီၤလၢသ့ၣ်န့ၣ်လီၤ.
26 လၢဒၢးအံၤအကပၤတဖၣ်န့ၣ်အိၣ်ဒီးပဲတြီဖိတဖၣ်ဒီးတၢ်အဒူၣ် တဖၣ်ဘၣ်တၢ်မၤဃံမၤလၤအီၤဒီးသ့ၣ်စူၣ်ပလူၣ်အထူၣ်တဖၣ်န့ၣ်လီၤ.