40
1 တၢ်န့ၣ်မ့ၢ်နံၣ်ထီၣ်သီအသီတဆံအနံၤလၢပဘၣ်တၢ်စိာ်မၢကဲကုၢ်ပှၤ ပှဲၤထီၣ်ခံဆံယဲၢ်နံၣ်တနံၣ်ဝံၤအလီၢ်ခံဒီးဖဲဝ့ၢ်ယရူၤၡလ့ၣ်ဘၣ်တၢ်ဒုး
န့ၢ်အီၤဝံၤတဆံလွံၢ်တနံၣ်အလီၢ်ခံန့ၣ်လီၤ. လၢမုၢ်နံၤအဝဲန့ၣ်, ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ,
ဒီးအဝဲစိာ်ထီၣ်ကွံာ်ယၤန့ၣ်လီၤ.
2 လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ်
တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.
3 အဝဲစိာ်ဃီၤယၤဘူးထီၣ်, ဒီးယထံၣ်ဘၣ်ပှၤတဂၤလၢအကပီၤဝဲဒ်တိၢ်ဘီအသိးန့ၣ်လီၤ. အဝဲဖီၣ်ဃးနီၣ်ထိၣ်ပျံၤလုၣ်တဘိဒီးနီၣ်ထိၣ်ဘိတဘိဒီး ဆၢထၢၣ်ဝဲဖဲကျဲစၢၤတပူၤအကပၤန့ၣ်လီၤ.
4 အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”
5 တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ်
အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.
6 အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ
အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ.
အကစီၤထီၣ်ထီဝဲဃုပျၢ်န့ၣ်လီၤ.
7 ဖျိကွံာ်ကျဲစၢၤအဝဲန့ၣ်, တၢ်လဲၤထီၣ်က့ၤလီၤအကျိၤလၢအကပၤ ခံခီယၢ်ဘးအိၣ်ဒီးပှၤခိးတၢ်အဒၢးသၢဖျၢၣ်စုာ်စုာ်အိၣ်ဝဲတကျိၤ
န့ၣ်လီၤ. ဒၢးတဖျၢၣ်စုာ်စုာ်အိၣ်ဒီးအတၢ်ထိၣ်လွံၢ်ကပၤတုၤသိး
လိာ်အသး, လၢအမ့ၢ်တကပၤဃုပျၢ်စုာ်စုာ်, ဒီးတၢ်ဒူၣ်တဖၣ်လၢ
အဘၢၣ်စၢၤန့ၣ်အဒီၣ်ဃီၤအိၣ်ဝဲယဲၢ်ပျၢ်စုာ်စုာ်န့ၣ်လီၤ. ဖျိထီၣ်ကွံာ်
ပှၤခိးတၢ်အဒၢးတဖၣ်န့ၣ်, တၢ်လဲၤထီၣ်က့ၤလီၤအကျိၤလၢ
အထီဝဲဒၣ်ဃုပျၢ်လၢအလဲၤလိၤလိၤဆူကျဲစၢၤထံးအဒၢးလၢ
အကွၢ်ဃီၤတၢ်ဆူယွၤအတၢ်လုၢ်ဟံၣ်အိၣ်ဝဲတကျိၤန့ၣ်လီၤ.
8 အဝဲထိၣ်ဝဲဒၢးအံၤဒီးထံၣ်ဝဲလၢအကစီၤထီၣ်အိၣ်ဝဲဒၣ်ဃိးပျၢ် န့ၣ်လီၤ.
9 ဒၢးအံၤဒုးကဲထီၣ်ကျဲစၢၤထံးလၢအဘူးကတၢၢ်ဒီးယွၤ အတၢ်လုၢ်ဟံၣ်အကတၢၢ်ဒီးလၢဒၢးအံၤအဂၤတကပၤအကတၢၢ်
န့ၣ်အိၣ်ဒီးတၢ်ဒူၣ်တဖၣ်လၢအဒီၣ်ဃီၤအိၣ်ဝဲဒၣ်ခံပျၢ်န့ၣ်လီၤ.
10 (ပှၤခိးတၢ်အဒၢးသ့ၣ်တဖၣ်လၢအအိၣ်ဖဲတၢ်လဲၤထီၣ်က့ၤလီၤ အကျိၤအကပၤစုာ်စုာ်န့ၣ်အတၢ်ထိၣ်အက့ၢ်အဂီၤမ့ၢ်တၢ်ဒ်သိး
လိာ်အသးဒီးတၢ်အဒူၣ်တဖၣ်လၢအအိၣ်ဖဲအဝဲသ့ၣ်အဘၢၣ်စၢၤ
အဒီၣ်ဃီၤမ့ၢ်တၢ်ဒ်သိးသိးခဲလၢာ်န့ၣ်လီၤ.)
11 တၢ်န့ၣ်အလီၢ်ခံ, ပှၤတဂၤန့ၣ်ထိၣ်ဝဲတၢ်လဲၤထီၣ်က့ၤလီၤအကျိၤလၢ အအိၣ်လၢကျဲစၢၤထံးအပူၤအလဲၢ်န့ၣ်လီၤ. ခဲလၢာ်ခဲဆ့အိၣ်ဝဲဒၣ်တဆံ
သၢပျၢ်ဒီးတၢ်လီၢ်လီၤဟိလၢတြဲၤဖးဒိၣ်တဖၣ်လၢအအိၣ်
အိးထီၣ်အသးအဘၢၣ်စၢၤန့ၣ်မ့ၢ်ဝဲဒၣ်အပျၢ်တဆံန့ၣ်လီၤ.
12 လၢပှၤခိးတၢ်အဒၢးတဖၣ်, တဖျၢၣ်စုာ်စုာ်အမဲာ်ညါန့ၣ်အိၣ်ဒီး တၢ်ဒူၣ်အဖုၣ်ဖိတခါလၢအထီအိၣ်ဝဲတပျၢ်ဒီးအဒီၣ်ဃီၤအိၣ်ဝဲ
တပျၢ်န့ၣ်လီၤ. (ဒၢးဖိတဖၣ်အတၢ်ထိၣ်မ့ၢ်ဝဲဃုပျၢ်ဝးတရံး
န့ၣ်လီၤ.)
13 အန့ၣ်ဝံၤဒီး, အဝဲထိၣ်ဒၢးဖိခံဖျၢၣ်လၢအအိၣ်ကွၢ်ဆၢၣ်မဲာ်လိာ်အသး ဖဲတၢ်လဲၤထီၣ်က့ၤလီၤအကျိၤအကပၤ, အလီၢ်ခံတၢ်ဒူၣ်တဖၣ်အတၢ်ဒ့ၣ်စၢၤ
စီၤစုၤလိာ်အသးန့ၣ်လီၤ. ဒီးတၢ်န့ၣ်မ့ၢ်ဝဲ, ခံဆံယဲၢ်ပျၢ်န့ၣ်လီၤ.
14 ဒၢးလၢအအိၣ်လၢတၢ်ထိးနါကတၢၢ်တဖျၢၣ်န့ၣ်, လဲၤပၢၢ်တုၤဆူယွၤအတၢ်လုၢ်ဟံၣ်အဂၢၤန့ၣ်လီၤ. အဝဲထိၣ်ဒၢး
အဝဲန့ၣ်ဒီးထံၣ်ဘၣ်ဝဲလၢအလဲၢ်အိၣ်ဝဲအပျၢ်ခံဆံန့ၣ်လီၤ.
15 ကျဲစၢၤအထီခဲလၢာ်စးထီၣ်လၢပဲတြီဖးဒိၣ်အတၢ်ဒူၣ်ချၢတုၤဆူဒၢး လၢခံကတၢၢ်တဖျၢၣ်အကပၤန့ၣ်မ့ၢ်ဝဲဒၣ်အပျၢ်ယဲၢ်ဆံန့ၣ်လီၤ.
16 ဒၢးခဲလၢာ်အတၢ်ဒူၣ်လၢအချၢတဖၣ်န့ၣ်အိၣ်ဒီးအတၢ်ထူၣ်ဖျိ တဖၣ်ဒီးတၢ်ဒူၣ်လၢတၢ်အိပူၤတဖၣ်လၢအအိၣ်ဝဲလၢဒၢးတဖၣ်
အဘၢၣ်စၢၤစ့ၢ်ကီးအိၣ်ဒီးတၢ်ထူၣ်ဖျိတဖၣ်န့ၣ်လီၤ. လၢတၢ်အိပူၤတၢ်
ဒူၣ်တဖၣ်အလိၤလၢအကွၢ်ဃီၤတၢ်ဆူတၢ်လဲၤထီၣ်က့ၤလီၤအကျိၤန့ၣ်သ့ၣ်စူၣ်
ပလိၣ်အထူၣ်တဖၣ်အဂီၤဘၣ်တၢ်စိးပျၤဃာ်အီၤန့ၣ်လီၤ.
17 ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ,
လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ
အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ
လၢအဘၣ်တၢ်ဒါအီၤလၢလၢၢ်တဖၣ်,
18 လၢဘၣ်တၢ်မၤလဲၤထီၣ်အီၤဝးတရံးတၢ်လုၢ်ဟံၣ်အဂၢၤန့ၣ်လီၤ. တၢ်လုၢ်ဟံၣ်အဂၢၤလၢတၢ်ချၢတတီၤအံၤ, ဖုၣ်န့ၢ်ဒံးဂၢၤလၢတၢ်အိပူၤတက့ၢ်န့ၣ်လီၤ.
19 လၢတၢ်လီၢ်လၢအထီၣ်ထီတပတီၢ်န့ၣ်ကျဲစၢၤကျိၤထံးအိၣ်ဝဲတကျိၤလၢ အလဲၤနုာ်လီၤဆူဂၢၤလၢတၢ်အိပူၤန့ၣ်လီၤ. ပှၤတဂၤ
န့ၣ်ထိၣ်တၢ်ဒ့ၣ်စၢၤလၢကျဲစၢၤကျိၤထံးအ
ဘၢၣ်စၢၤဒီးအိၣ်ဝဲအပျၢ်တကယၤန့ၣ်လီၤ.
20 အန့ၣ်ဝံၤဒီးပှၤတဂၤန့ၣ်ထိၣ်ကျဲစၢၤကျိၤထံးလၢကလံၤစိး တကပၤလၢအလဲၤနုာ်လီၤဆူတၢ်လုၢ်ဟံၣ်အဃၢၤလၢတၢ်ချၢ
တခီန့ၣ်လီၤ.
21 ပှၤခိးတၢ်အဒၢးသၢဒၢးလၢအအိၣ်ဖဲတၢ်လဲၤထီၣ်က့ၤလီၤအကျိၤ အကပၤတခီတစုာ်စုာ်, တၢ်ဒူၣ်တဖၣ်လၢအဝဲသ့ၣ်အဘၢၣ်စၢၤ, ဒီးကျဲစၢၤထံးအဒၢး, ခဲလၢာ်
န့ၣ်အိၣ်ဒီးအတၢ်ထိၣ်တမံၤဃီဒ်သိးဒၣ်တၢ်တဖၣ်လၢအအိၣ်
လၢမုၢ်ထီၣ်ကျဲစၢၤကျိၤထံးတကပၤန့ၣ်လီၤ. ကျဲစၢၤကျိၤထံးအတၢ်ထိၣ်ခဲ
လၢာ်မ့ၢ်ဝဲ, အထီအပျၢ်ယဲၢ်ဆံဒီးအလဲၢ်ခံဆံယဲၢ်ပျၢ်န့ၣ်လီၤ.
22 ကျဲစၢၤထံးအဒၢး, ပဲတြီဖိတဖၣ်, ဒီးသ့ၣ်စူၣ်ပလိၣ်လၢအဘၣ် တၢ်ဒိးပျၤအီၤတဖၣ်န့ၣ်, မ့ၢ်တၢ်ဒ်သိးလိာ်အသးဒီးတၢ်တဖၣ်
လၢအအိၣ်လၢမုၢ်ထီၣ်အတြဲၤဖးဒိၣ်တခီန့ၣ်လီၤ. ဖဲအံၤဃီသွါနွံသွါလဲၤထီၣ်ဝဲဆူတြဲၤဖးဒိၣ်, ဒီးကျဲစၢၤထံးအဒၢးန့ၣ်, အိၣ်ဝဲဖဲဃီသွါအခိၣ်ထိး,
ကွၢ်ဃီၤတၢ်ဆူတၢ်လုၢ်ဟံၣ်အဂၢၤန့ၣ်လီၤ.
23 လၢကျဲစၢၤကျိၤထံးလၢကလံၤစိးတခီအံၤအဘးခီတၢ်လုၢ်ဟံၣ် အဂၢၤအဂၤတကပၤန့ၣ်, အိၣ်ဒီးကျဲစၢၤကျိၤထံးအဂၤတခါ
လၢအလဲၤနုာ်ဆူတၢ်လုၢ်ဟံၣ်အဂၢၤလၢတၢ်အိပူၤ, ဒ်သိးဒၣ်လၢ
မုၢ်ထီၣ်တကပၤန့ၣ်လီၤ. ပှၤတဂၤန့ၣ်ထိၣ်တၢ်ဒ့ၣ်စၢၤလၢကျဲစၢၤ
ကျိၤထံးခံခါအဘၢၣ်စၢၤဒီးအိၣ်ဝဲအပျၢ်တကယၤန့ၣ်လီၤ.
24 မၤကဒီးတစု, ပှၤတဂၤန့ၣ်ဆှၢကဒီးယၤဆူကလံၤထံးတကပၤဒီး ဖဲန့ၣ်ပထံၣ်ဘၣ်ကျဲစၢၤကျိၤထံးအဂၤတခါန့ၣ်လီၤ. အဝဲထိၣ်
ကျဲစၢၤကျိၤထံးန့ၣ်အတၢ်ဒူၣ်တဖၣ်လၢတၢ်အိပူၤတကပၤဒီး
အကျဲစၢၤထံးအဒၢး, ဒီးအဝဲသ့ၣ်မ့ၢ်တၢ်ဒ်သိးလိာ်အသးဒီး
တၢ်အိၣ်လၢအဂၤတကပၤန့ၣ်လီၤ.
25 ကျဲစၢၤကျိၤထံးအဒၢးတဖၣ်အံၤအိၣ်ဒီးပဲတြီဖိတဖၣ်ဒ်သိးဒၣ် လၢအဂၤတကပၤတဖၣ်အသိးန့ၣ်လီၤ. ကျဲစၢၤကျိၤထံး
အတၢ်ထိၣ်ခဲလၢာ်မ့ၢ်ဝဲအထီ, အပျၢ်ယဲၢ်ဆံဒီးအလဲၢ်,
ခံဆံယဲၢ်ပျၢ်န့ၣ်လီၤ.
26 ဃီသွါနွံသွါလဲၤထီၣ်ဆူအအိၣ်, ဒီးအကျဲစၢၤထံးအဒၢးအိၣ် စ့ၢ်ကီးဝဲဖဲတၢ်အခိၣ်ထိး, ကွၢ်ဃီၤတၢ်ဆူတၢ်လုၢ်ဟံၣ်အဂၢၤ
န့ၣ်လီၤ. စူၣ်ပလိၣ်အထူၣ်တဖၣ်လၢအဘၣ်တၢ်စိးပျၤအီၤအိၣ်ဝဲ
လၢတၢ်ဒူၣ်လၢတၢ်အိပူၤတကပၤအလိၤလၢအကွၢ်ဃီၤတၢ်ဆူ
တၢ်လဲၤထီၣ်က့ၤလီၤအကျိၤန့ၣ်လီၤ.
27 ဖဲအံၤစ့ၢ်ကီးကျဲစၢၤကျိၤထံးလၢအလဲၤနုာ်ဆူတၢ်လုၢ်ဟံၣ်အဂၢၤ လၢအတၢ်အိပူၤအိၣ်တကျိၤန့ၣ်လီၤ. ပှၤတဂၤန့ၣ်ထိၣ်ကျဲစၢၤ
ကျိၤထံးခံကျိၤတကျိၤအံၤအတၢ်ဒ့ၣ်စၢၤ, ဒီးမ့ၢ်ဝဲအပျၢ်ယဲၢ်ဆံ
န့ၣ်လီၤ.
28 ပှၤတဂၤန့ၣ်လဲၤဆှၢနုာ်ယၤခီဖျိကလံၤထံးအကျဲစၢၤအကျိၤထံးဆူ တၢ်လုၢ်ဟံၣ်အဂၢၤလၢတၢ်အိပူၤန့ၣ်လီၤ.
အဝဲထိၣ်ကျဲစၢၤအကျိၤထံးဒီးနီၣ်ထိၣ်မ့ၢ်ဒၣ်ဒ်သိးသိးဒီးကျဲစၢၤကျိၤထံးတဖၣ်
လၢတၢ်ဒူၣ်လၢတၢ်ချၢတကပၤန့ၣ်လီၤ.
29 အပှၤခိးတၢ်အဒၢးတဖၣ်, အကျဲစၢၤထံးအဒၢး, ဒီးအတၢ် အဒူၣ်လၢတၢ်အိပူၤတကပၤခဲလၢာ်, အနီၣ်ထိၣ်မ့ၢ်တၢ်ဒ်သိးသိး
ဒီးတၢ်အဂၤတဖၣ်လၢအအိၣ်လၢကျဲစၢၤကျိၤထံးအဂၤတဖၣ်
အသိးန့ၣ်လီၤ.
30 လၢကျဲစၢၤကျိၤထံးအံၤအဒၢးတဖၣ်အပူၤန့ၣ်, အိၣ်စ့ၢ်ကီးဒီး ပဲတြီဖိတဖၣ်န့ၣ်လီၤ. အထီခဲလၢာ်မ့ၢ်ဝဲအပျၢ်ယဲၢ်ဆံဒီးအ
လဲၢ်မ့ၢ်ဝဲခံဆံယဲၢ်ပျၢ်န့ၣ်လီၤ.
31 အကျဲစၢၤကျိၤထံးအဒၢးန့ၣ်ကွၢ်ဃီၤတၢ်ဆူတၢ်လုၢ်ဟံၣ်အဂၢၤ လၢအဂၤတကပၤ, ဒီးလၢတၢ်လဲၤထီၣ်က့ၤလီၤအကျိၤအကပၤ
တၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်တဖၣ်အဂီၤဘၣ်တၢ်စိးပျၤဃာ်
အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်အံၤန့ၣ်လီၤ.
32 ပှၤတဂၤန့ၣ်, ဆှၢယၤခီဖျိမုၢ်ထီၣ်အကျဲစၢၤကျိၤထံးဆူ တၢ်လုၢ်ဟံၣ်အဂၢၤလၢတၢ်အိပူၤတကပၤန့ၣ်လီၤ. အဝဲထိၣ်
ကျဲစၢၤကျိၤထံး, ဒီးတၢ်န့ၣ်အနီၣ်ထိၣ်မ့ၢ်တၢ်ဒ်သိးသိးဒီး
လၢအဂၤအကပၤတဖၣ်န့ၣ်လီၤ.
33 အပှၤခိးတၢ်အဒၢးတဖၣ်, အကျဲစၢၤထံးအဒၢးဒီးအတၢ်အိပူၤ အတၢ်ဒူၣ်တဖၣ်အတၢ်ထိၣ်မ့ၢ်တၢ်ဒ်သိးသိးဒီးတၢ်လၢအဂၤတဖၣ်
လၢအအိၣ်လၢကျဲစၢၤကျိၤထံးအဂၤတဖၣ်အသိးန့ၣ်လီၤ. ပဲတြီဖိတဖၣ်အိၣ်ဝဲကိးကပၤဒဲးဒီးလၢကျဲစၢၤထံးအဒၢးပူၤစ့ၢ်ကီး
န့ၣ်လီၤ. အတၢ်ထိၣ်ခဲလၢာ်မ့ၢ်ဝဲအပျၢ်ယဲၢ်ဆံဒီးအလဲၢ်မ့ၢ်ဝဲယဲၢ်ပျၢ်န့ၣ်လီၤ.
34 ကျဲစၢၤထံးအဒၢးန့ၣ်, ကွၢ်ဃီၤတၢ်ဆူတၢ်လုၢ်ဟံၣ်အဂၢၤလၢ တၢ်ချၢတကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤ
အကပၤတၢ်ဒူၣ်တဖၣ်အလိၤန့ၣ်သ့ၣ်စူၣ်ပလိၣ်အဂီၤတဖၣ်ဘၣ်တၢ်
စိးပျၤဃာ်အီၤန့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်
အံၤန့ၣ်လီၤ.
35 အန့ၣ်ဝံၤဒီးပှၤတဂၤန့ၣ်ဆှၢကဒီးယၤဆူကလံၤစိးတြဲၤအကျဲစၢၤ ကျိၤထံးန့ၣ်လီၤ. အဝဲထိၣ်ကွၢ်ကျဲစၢၤကျိၤထံးန့ၣ်, ဒီးအတၢ်ထိၣ်မ့ၢ်ဝဲဒ်သိးသိးဒီးအဂၤတဖၣ်န့ၣ်လီၤ.
36 ဒ်တၢ်အဂၤတဖၣ်အသိးန့ၣ်တြဲၤဖးဒိၣ်အံၤအိၣ်စ့ၢ်ကီးဒီးပှၤခိးတၢ် အဒၢးတဖၣ်, တၢ်အိပူၤအတၢ်ဒူၣ်တဖၣ်လၢအဘၣ်တၢ်မၤဃံမၤလၤ
အီၤ, ကျဲစၢၤထံးအဒၢးဖိတဖျၢၣ်ဒီးပဲတြီဖိလၢအအိၣ်ဝးတရံး
ခဲလၢာ်န့ၣ်လီၤ. အနီၣ်ထိၣ်ခဲလၢာ်အထီမ့ၢ်ဝဲအပျၢ်ယဲၢ်ဆံဒီး
အလဲၢ်မ့ၢ်ဝဲခံဆံယဲၢ်ပျၢ်န့ၣ်လီၤ.
37 ကျဲစၢၤထံးအဒၢး, ကွၢ်ဃီၤတၢ်လုၢ်ဟံၣ်အဂၢၤလၢတၢ်ချၢ တကပၤန့ၣ်လီၤ. လၢတၢ်လဲၤထီၣ်က့ၤလီၤအကျိၤအကပၤတၢ်ဒူၣ်
တဖၣ်အလိၤန့ၣ်, သ့ၣ်စူၣ်ပလိၣ်အဂီၤတဖၣ်ဘၣ်တၢ်စိးပျၤဃာ်အီၤ
န့ၣ်လီၤ. ဃီသွါဃိးသွါလဲၤထီၣ်ဆူတြဲၤဖးဒိၣ်အံၤန့ၣ်လီၤ.
38 လၢတၢ်လုၢ်ဟံၣ်အဂၢၤလၢတၢ်ချၢတတီၤအပူၤန့ၣ်ဒၢးအိၣ်ဝဲတဖျၢၣ် လၢအအိၣ်စဲဘူးဒီးတၢ်အိပူၤအကျဲစၢၤကျိၤထံးလၢကလံၤစိး
တကပၤန့ၣ်လီၤ. ဒၢးအံၤအိၣ်အိးထီၣ်ပာ်အသးဆူကျဲစၢၤ
ထံးအဒၢးလၢအကွၢ်ဃီၤတၢ်ဆူတၢ်လုၢ်ဟံၣ်အဂၢၤပူၤ, ဒီးဖဲန့ၣ်
အဝဲသ့ၣ်သ့ကွံာ်ဆၣ်ဖိကီၢ်ဖိတဖၣ်လၢအဘၣ်တၢ်မၤသံအီၤဒ်သိး
ကဘၣ်တၢ်ဆိၣ်ကဲၤအီၤဒီဒုဒ်တၢ်လုၢ်တၢ်ပာ်တဖၣ်အသိးန့ၣ်လီၤ.
39 လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ်
လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ
ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.
40 လၢဒၢးအချၢတကပၤန့ၣ်, အိၣ်ဒီးစီၢ်နီၤခိၣ်လၢအဒ်သိးလိာ် အသးလွံၢ်ဖျၢၣ်, ခံဖျၢၣ်စုာ်စုာ်န့ၣ်အိၣ်ဝဲဒၣ်လၢကလံၤစိးတြဲၤဖးဒိၣ်
အကျဲစၢၤထံးတခီတကပၤန့ၣ်လီၤ.
41 စီၢ်နီၤခိၣ်ခဲလၢာ်အိၣ်ဝဲဃိးဖျၢၣ်လၢတၢ်ကမၤသံဆၣ်ဖိကီၢ်ဖိတဖၣ် လၢပှၤကလုၢ်ထီၣ်အီၤအဂီၢ်, လွံၢ်ဖျၢၣ်အိၣ်လၢဒၢးအပူၤဒီးလွံၢ်ဖျၢၣ်အိၣ်
လၢဒၢးအချၢလၢတၢ်လုၢ်ဟံၣ်အဂၢၤပူၤန့ၣ်လီၤ.
42 စီၢ်နီၤခိၣ်လွံၢ်ဖျၢၣ်လၢကဘၣ်တၢ်သူအီၤလၢတၢ်ကတဲာ်ကတီၤထီၣ် တၢ်လုၢ်တၢ်ပာ်တဖၣ်လၢ, တၢ်ကဆိၣ်ကဲၤထီၣ်အီၤဒီဒုအဂီၢ်လၢအအိၣ်
လၢဒၢးတဖျၢၣ်လၢအအိၣ်စဲဘူးဒီးတၢ်လုၢ်ဟံၣ်အဂၢၤအပူၤန့ၣ်, ဘၣ်တၢ်မၤအီၤလၢၢ်လၢအဘၣ်တၢ်ကူးတဲာ်အီၤန့ၣ်လီၤ.
အဝဲသ့ၣ်အကစီၤထီၣ်ထီဝဲတပျၢ်ဒီးအလဲၢ်န့ၣ်
မ့ၢ်ဝဲတပျၢ်ဒီးတထါ, ဒီးအဒီၣ်ဃီၤမ့ၢ်ဝဲတပျၢ်ဒီးတထါ
န့ၣ်လီၤ. တၢ်ပီးတၢ်လီတဖၣ်လၢတၢ်သူအီၤလၢတၢ်ကမၤ
သံတၢ်လုၢ်တၢ်ပာ်ဆၣ်ဖိကီၢ်ဖိတဖၣ်အဂီၢ်,
ဘၣ်တၢ်ပာ်အီၤလၢစီၢ်နီၤခိၣ်တဖၣ်အံၤအဖီခိၣ်န့ၣ်လီၤ.
43 စီၢ်နီၤခိၣ်တဖၣ်အံၤအခိၣ်ဒူဝးတရံးန့ၣ်အိၣ်ဒီးအကနူၤလၢအလဲၢ်ဝဲ တထါန့ၣ်လီၤ. ကယဲၢ်တၢ်ညၣ်ခဲလၢာ်ကဘၣ်တၢ်လုၢ်ထီၣ်အီၤ
လၢတၢ်လုၢ်တၢ်ပာ်အပူၤန့ၣ်ဘၣ်တၢ်ပာ်ထီၣ်အီၤလၢစီၢ်နီၤခိၣ်
တဖၣ်အံၤအဖီခိၣ်လီၤ.
44 အန့ၣ်ဝံၤဒီးအဝဲဆှၢဃီၤယၤဆူတၢ်လုၢ်လီၢ်အဂၢၤလၢတၢ်အိပူၤ န့ၣ်လီၤ. ဒၢးအိၣ်ဝဲဒၣ်ခံဖျၢၣ်လၢအအိၣ်အိးထီၣ်ဃာ်အသး
လၢတၢ်လုၢ်ဟံၣ်အဂၢၤတၢ်အိပူၤ, တဖျၢၣ်အိၣ်ဖဲကလံၤစီး
အကျဲစၢၤကျိၤထံးဒီးအမဲာ်ကွၢ်တၢ်ဆူကလံၤထံး, ဒီးအဂၤ
တဖျၢၣ်န့ၣ်အိၣ်လၢကလံၤထံးအကျဲစၢၤကျိၤထံးဒီးအမဲာ်
ကွၢ်တၢ်ဆူကလံၤစိးတကပၤန့ၣ်လီၤ.
45 ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ်
လၢယွၤအတၢ်လုၢ်ဟံၣ်အပူၤအဂီၢ်,
46 ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ
လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်,
အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ
ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.
47 ပှၤတဂၤန့ၣ်ထိၣ်တၢ်လုၢ်ဟံၣ်အဂၢၤလၢတၢ်အိပူၤဒီးလဲၢ်ဝဲဒၣ် အပျၢ်တကယၤဝးတရံးန့ၣ်လီၤ. ယွၤအတၢ်လုၢ်ဟံၣ်န့ၣ်အိၣ်ဝဲဒၣ်
လၢမုၢ်နုာ်တကပၤဒီးလၢအမဲာ်ညါန့ၣ်အိၣ်ဒီးတၢ်လုၢ်လီၢ်တခါန့ၣ်လီၤ.
48 အန့ၣ်ဝံၤဒီးအဝဲဆှၢယၤဆူယွၤအတၢ်လုၢ်ဟံၣ်အကျဲစၢၤထံး အဒၢးန့ၣ်လီၤ. အဝဲထိၣ်ကျဲစၢၤကျိၤထံးန့ၣ်လီၤ. အကစီၤထီၣ်ထီဝဲတခီယဲၢ်
ပျၢ်စုာ်စုာ်ဒီးအလဲၢ်န့ၣ်အိၣ်ဝဲဒၣ်တဆံလွံၢ်ပျၢ်, အိၣ်ဒီးတၢ်အဒူၣ်ခံ
ခီယၢ်ဘးလၢအထီၣ်ဝဲတခီသၢပျၢ်စုာ်စုာ်န့ၣ်လီၤ.
49 ဃီသွါတဖၣ်လၢအလဲၤထီၣ်ဆူကျဲစၢၤထံးအဒၢးန့ၣ်အလဲၢ် အိၣ်ဝဲအပျၢ်ခံဆံဒီးကစီၤထီၣ်ထီဝဲတဆံခံပျၢ်န့ၣ်လီၤ. တၢ်အထူၣ်
အိၣ်ဝဲခံထူၣ်လၢကျဲစၢၤကျိၤထံးတခီတကပၤစုာ်စုာ်န့ၣ်လီၤ.