25
1-2 ယွၤကတိၤတၢ်ဒီးယၤလီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢပှၤဧၣ်မိၣ်ဖိ
အကီၢ်ဂ့ၤဘၣ်တၢ်စံၣ်ညီၣ်န့ၣ်တက့ၢ်.
3 တဲဘၣ်အဝဲသ့ၣ်လၢကဒိကနၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. သုဘၣ်သူၣ်ဘၣ်သးတ့ၢ်လၢသုထံၣ်ဘၣ်ယတၢ်လုၢ်ဟံၣ်ဘၣ်တၢ်မၤ
တရီတပါအီၤ,
သုထံၣ်ဘၣ်ကီၢ်အံၣ်စရ့လးဘၣ်တၢ်မၤဟးဂီၤဒီးမၤအိၣ်သယုၢ်အီၤ, သုထံၣ်ဘၣ်ကီၢ်ယူဒၤအပှၤဂီၢ်မုၢ်လဲၤဆူတၢ်စိာ်မၢကဲကုၢ်အပူၤ
အဃိန့ၣ်လီၤ.
4 မ့ၢ်လၢသုသူၣ်ဖှံသးညီအဃိ, ယကပျဲပှၤအဒူၣ်တဖၣ်လၢမုၢ်ထီၣ် ပှၢ်မုၢ်ကနၢတခီမၤနၢၤသုန့ၣ်လီၤ. အဝဲသ့ၣ်ကသူၣ်ထီၣ်အဒဲတဖၣ်လၢကီၢ်အပူၤဒီးသူၣ်လီၤအတၢ်အိၣ်တၢ်
ဆိးအလီၢ်ဖဲန့ၣ်လီၤ. အဝဲသ့ၣ်ကအီၣ်တၤသူတၤသၣ်ဒီးကအီတၢ်နုၢ်ထံလၢအကြၢးမ့ၢ်သု
တၢ်န့ၣ်လီၤ.
5 ယကဒုးကဲထီၣ်ကွံာ်ဝ့ၢ်ရးဘးဆူတၢ်လီၢ်တတီၤလၢပှၤကပာ်ကီၤလၤ အူးတဖၣ်အဂီၢ်, ဒီးကီၢ်ဧၣ်မိၣ်ဒီတကီၢ်န့ၣ်, ယကဒုးကဲထီၣ်အီၤလၢတၢ်လီၢ်တတီၤလၢပှၤကပာ်သိအဂီၢ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.
6 အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.
7 မ့ၢ်လၢသုမၤတ့ၢ်တၢ်န့ၣ်အဃိ, ယကဟ့ၣ်လီၤကွံာ်သုဆူပှၤကလုာ် ဂၤတဖၣ်အစုပူၤလၢကဒုးသုဒီးဂုာ်ဆူၣ်ပျီဆူၣ်သုန့ၣ်လီၤ. ယကမၤဟးဂီၤကွံာ်သုစီဖ့ကလ့ၤ, တုၤဒၣ်လဲာ်သုတမ့ၢ်လၢၤဘၣ်
ပှၤတကလုာ်မ့ၢ်ဂ့ၤ, သုတအိၣ်လၢၤဒီးသုထံသုကီၢ်ဒၣ်ဝဲမ့ၢ်ဂ့ၤလၢၤဘၣ်.
အန့ၣ်ဒီးသုကသ့ၣ်ညါယမ့ၢ်ယွၤန့ၣ်လီၤ.”
8 ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မ့ၢ်လၢကီၢ်မိၤအးစံး တ့ၢ်ဝဲလၢကီၢ်ယူဒၤန့ၣ်လီၤဂာ်ဒီးကယဲၢ်ကီၢ်အဂၤတဖၣ်အဃိ,
9 ယကပျဲဝ့ၢ်တဖၣ်လၢအဒီဒၣ်အိၣ်ပှိၤကီၢ်မိၤအးအကီၢ်ဆၢဘၣ်တၢ်ဒုးအီၤ, ဃုာ်ဒီးဝ့ၢ်အဂ့ၤကတၢၢ်တဖၣ်ဒၣ်လဲာ်, လၢအမ့ၢ်ဝ့ၢ်ဘ့ၤသၡံမိး, ဝ့ၢ်ဘဧၤလးမဧိာ်ဒီးဝ့ၢ်ကံးရယးသံၣ်တဖၣ်န့ၣ်လီၤ.
10 ယကပျဲပှၤအဒူၣ်တဖၣ်လၢမုၢ်ထီၣ်ပှၢ်မုၢ်ကနၢတခီ, မၤနၢၤကွံာ်ကီၢ်မိၤအးဃုာ်ဒီးကီၢ်ဧၣ်မိၣ်ဒ်သိးကီၢ်မိၤအး သုတမ့ၢ်လၢၤထံကီၢ်တဘ့ၣ်နီတစုတဂ့ၤန့ၣ်လီၤ.
11 ယကစံၣ်ညီၣ်ကီၢ်မိၤအးဒီးအဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”
12 ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ကီၢ်အဒိၣ်အပှၤဂီၢ်မုၢ်ဟ့ၣ် ကၣ်တၢ်အအၢအသီလၢကီၢ်ယူဒၤအဖီခိၣ်ဒီးတၢ်ဟ့ၣ်ကၣ်န့ၣ်ဟဲစိာ်
တၢ်ကမၣ်အထူအယိာ်လၢကီၢ်အဒိၣ်အလိၤန့ၣ်လီၤ.
13 ခဲကနံၣ်အံၤ, ယဘိးဘၣ်သ့ၣ်ညါလၢယကစံၣ်ညီၣ်ကီၢ်အဒိၣ်ဒီးမၤသံ ကွံာ်ကယဲၢ်ပှၤကညီဒီးဆၣ်ဖိကီၢ်ဖိခဲလၢာ်န့ၣ်လီၤ. ယကဒုးကဲထီၣ်အီၤလၢတၢ်အိၣ်သယုၢ်အလီၢ်တတီၤစးထီၣ်လၢဝ့ၢ်တ့ၤ
မၣ်တုၤဆူဝ့ၢ်ဒံဒၣ်ဒီးပှၤဂီၢ်မုၢ်ကဘၣ်တၢ်မၤသံအီၤ
လၢတၢ်ဒုးပျီပူၤန့ၣ်လီၤ.
14 ယပှၤဂီၢ်မုၢ်အံၣ်စရ့လးကမၤဟ့ၣ်ကၣ်တၢ်လၢကီၢ်အဒိၣ်အဖီခိၣ်လၢ ယဂီၢ်, ဒီးအဝဲသ့ၣ်ကဒုးကလၢၢ်ဘၣ်ကီၢ်အဒိၣ်လၢယတၢ်သးကဲၤထီၣ်ဒိၣ်နး
နးကလဲာ်န့ၣ်လီၤ. ကီၢ်အဒိၣ်ကသ့ၣ်ညါဝဲလၢယတၢ်ဟ့ၣ်ကၣ်အတၢ်
ပညိၣ်, အခီပညီမ့ၢ်တၢ်မနုၤလဲၣ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်
ကတိၤလံတၢ်လံ.
15 ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ပှၤဖလ့ၡသးဖိတဖၣ်ဟ့ၣ်ကၣ် တၢ်အၢအၢသီသီလၢအဒုၣ်အဒါလီၢ်လံၤလၢပျၢၤတဖၣ်အဖီခိၣ်ဒီး
မၤဟးဂီၤကွံာ်အီၤလၢအဝဲသ့ၣ်အတၢ်သးဟ့အပူၤန့ၣ်လီၤ.
16 ဒီးလၢတၢ်န့ၣ်အဃိ, ယဘိးဘၣ်သ့ၣ်ညါထီၣ်လၢယကဒုးပှၤဖလ့ၡသး ဖိတဖၣ်ဒီးတြူာ်ကွံာ်အဝဲသ့ၣ်ခဲလၢာ်လီၤ. ယကမၤဟးဂီၤကွံာ်ပှၤကိးဂၤဒဲးလၢအအိၣ်လီၤတဲာ်တ့ၢ်ဖဲန့ၣ်လၢ
ပှၤဖလ့ၡသးဖိအတၢ်ပၢၤခိၣ်န့ၣ်လီၤ.
17 ယကစံၣ်ညီၣ်အဝဲသ့ၣ်နးနးကလဲာ်ဒီးဟ့ၣ်ကၣ်တၢ်လၢအဝဲသ့ၣ်အဖီ ခိၣ်လၢလၢပှဲၤပှဲၤန့ၣ်လီၤ. အဝဲသ့ၣ်ကကလၢၢ်ယတၢ်သးဒိၣ်ထီၣ်န့ၣ်လီၤ. အန့ၣ်တစုအဝဲသ့ၣ်, ကသ့ၣ်ညါလၢယမ့ၢ်ယွၤန့ၣ်လီၤ.”