1 ယွၤတဲဘၣ်ယၤလၢယကဘၣ်သးဝံၣ်တၢ်သူၣ်အုးသးအုး အတၢ်သးဝံၣ်အံၤလၢကီၢ်အံၣ်စရ့လးအစီၤပၤဖိခွါခံဂၤ အဂီၢ်န့ၣ်လီၤ. 2 သုမိၢ်မ့ၢ်မးခ့ယုၢ်မိၢ်တဒုန့ၣ်လီၤ. အဝဲလုၢ်ဒုးဒိၣ်ထီၣ် အခ့ယုၢ်ဖိတဖၣ်လၢခ့ယုၢ်ဖါအဒူအဃိၤတဖၣ်အကျါန့ၣ်လီၤ. 3 အဝဲလုၢ်ဒုးဒိၣ်ထီၣ်ခ့ယုၢ်ဖိတဒုဒီးသိၣ်လိန့ၢ်အီၤလၢကသ့ လူၤဖီၣ်န့ၢ်တၢ်မံၤလာ်န့ၣ်လီၤ. အဝဲကဲထီၣ်ပှၤတဂၤလၢအအီၣ်ပှၤ ကညီန့ၣ်လီၤ. 4 ပှၤကလုာ်တဖၣ်နၢ်ဟူဘၣ်အဝဲအဂ့ၢ်ဒီးဖီၣ်န့ၢ်အီၤလၢတၢ်ပူၤ တပူၤန့ၣ်လီၤ. အဝဲသ့ၣ်မိၤထီၣ်ကွံာ်အီၤလၢနီၣ်ကွးတဖၣ်, ဆူ ကီၢ်အဲၤကူပတူးန့ၣ်လီၤ. 5 အဝဲခိးတၢ်တုၤလၢအထံၣ်ဘၣ်ဝဲတၢ်မုၢ်လၢ်ခဲလၢာ်, လၢာ် ကွံာ်ဝဲလံန့ၣ်လီၤ. အန့ၣ်ဝံၤဒီးအဝဲဒုးဒိၣ်ထီၣ်ကဒီးခ့ယုၢ်ဖိတဒု လၢခ့ယုၢ်ဖိအဂၤတဖၣ်အကျါဒီးအဝဲဒိၣ်ဒ်ခ့ယုၢ်အဒူအဃိၤ တဒုအသိးန့ၣ်လီၤ. 6 ဖဲအဒိၣ်တုာ်လံန့ၣ်, အဝဲဟးဝ့ၤဝီၤစီၤဖီၣ်အီၣ်တၢ်ဒီးခ့ယုၢ် အဂၤတဖၣ်န့ၣ်လီၤ. အဝဲစ့ၢ်ကီးမၤလိန့ၢ်ကဘၣ်ဖီၣ်န့ၢ်တၢ်မံၤလာ်ဒ်လဲၣ်ဒီးကဲထီၣ် ပှၤတဂၤလၢအအီၣ်ပှၤကညီန့ၣ်လီၤ. 7 အဝဲမၤဟးဂီၤကွံာ်တိာ်ဧိၤတာ်ဧိၤတဖၣ်, အဝဲမၤဟးဂီၤဝ့ၢ် တဖၣ်န့ၣ်လီၤ. ပှၤဂီၢ်မုၢ်လၢကီၢ်ပူၤတဖၣ်ပျံၤတၢ်ဖုးတၢ်တဘျီ လၢ်လၢ်ဖဲအဝဲကညီၤထီၣ်တၢ်န့ၣ်လီၤ. 8 ပှၤကလုာ်တဖၣ်ပာ်ဖှိၣ်ထီၣ်အသးလၢကဒုးတၢ်ဒီးအီၤအဂီၢ် န့ၣ်လီၤ. ပှၤဂီၢ်မုၢ်ဟဲလၢတၢ်လီၢ်ကိးပူၤဒဲးန့ၣ်လီၤ. အဝဲသ့ၣ်သလၣ်ထီၣ်အစၤတဖၣ်ဒီးဖီၣ်န့ၢ်အီၤလၢအစၤပူၤန့ၣ်လီၤ. 9 အဝဲသ့ၣ်ဒၢနုာ်အီၤဆူကပိၤတဖျၢၣ်အပူၤဒီးက့ၤစိာ်အီၤဆူ ကီၢ်ဘၤဘူၤလိၣ်အစီၤပၤအအိၣ်န့ၣ်လီၤ. အဝဲသ့ၣ်ပာ်အီၤလၢပှၤ ခိးတၢ်ဖိအစုပူၤမ့ၢ်ဒ်သိးအဝဲအတၢ်ကညီၤထီၣ်သုတဘၣ်တၢ်နၢ် ဟူကဒီးလၢကီၢ်အံၣ်စရ့လးအတၢ်လူၢ်တဖၣ်အဒီခိၣ်နီ တစုလၢၤတဂ့ၤန့ၣ်လီၤ. 10 သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ. 11 အဒ့တဖၣ်အဂံၢ်အဘါဆူၣ်ဝဲဒီးဒိၣ်ထီၣ်ဝဲလၢကကဲထီၣ်စီၤပၤ အနီၣ်ထိးဘိတဖၣ်န့ၣ်လီၤ. စပံးမုၢ်န့ၣ်ဒိၣ်ထီၣ်ထီဝဲတုၤဒၣ်လဲာ်ကတုၤဆူတၢ်အၢၣ်အကျါ န့ၣ်လီၤ. ပှၤကိးဂၤဒဲးထံၣ်အီၤလၢအလၣ်တဖၣ်အါဝဲဆံးအါဒီး အမုၢ်ထီဝဲဆံးထီလဲၣ်န့ၣ်လီၤ. 12 ဘၣ်ဆၣ်တၢ်သးဒိၣ်အစုတဖၣ်ထဲးထီၣ်ကွံာ်အီၤလၢအဂံၢ် တဖၣ်ဒီးတ့ၢ်လီၤကွံာ်အီၤဆူဟီၣ်ခိၣ်လိၤန့ၣ်လီၤ. မုၢ်ထီၣ်အကလံၤမၤဃ့ထီကွံာ်အသၣ်န့ၣ်လီၤ. အဒ့တဖၣ်ကၢ်ကွံာ်ဝဲ, ဃ့ထီကွံာ်ဒီးဘၣ်တၢ်ဒွဲၣ်ကွံာ်အီၤန့ၣ်လီၤ. 13 ခဲအံၤဘၣ်တၢ်သူၣ်လီၤက့ၤအီၤလၢမဲးမုၢ်ခိၣ်အပူၤလၢကီၢ်လၢ အဃ့ထီဒီးထံတအိၣ်ဘၣ်န့ၣ်လီၤ. 14 စပံးမုၢ်အထူၣ်မ့ၣ်အူအီၣ်အီၤလီၤ. အဒ့ဒီးအသၣ်တဖၣ်မ့ၣ် အူအီၣ်ကွံာ်အီၤန့ၣ်လီၤ. အဒ့တဖၣ်အဂံၢ်တဆူၣ်ကဒီးလၢၤနီတစု ဘၣ်. တကဲထီၣ်လၢၤစီၤပၤအနီၣ်ထိးဘိတဖၣ်နီတစုလၢၤဘၣ်. အအံၤမ့ၢ်တၢ်သူၣ်အုးသးအုးအတၢ်သးဝံၣ်တယုၢ်န့ၣ်လီၤ. တၢ်အံၤဘၣ်တၢ်သးဝံၣ်အီၤတဘျီဘၣ်တဘျီန့ၣ်လီၤ.