18
1-2 ယွၤကတိၤတၢ်ဒီးယၤဒီးစံးဝဲ, “တၢ်ကတိၤဒိလၢပှၤဂီၢ်မုၢ်ကတိၤဝဲတလီၢ်လီၢ်လၢကီၢ်အံၣ်စရ့လး
အပူၤအံၤအခီပညီဒ်မ့ၢ်တၢ်မနုၤလဲၣ်. မိၢ်ပၢ်တဖၣ်အီၣ်ဝဲစပံးသၣ်ဆံၣ်တဖၣ်ဘၣ်ဆၣ်ဖိတဖၣ်အမဲဆှံဝဲလီၤ.”
3 ယွၤပၢဘၣ်တၢ်ခဲလၢာ်ကစၢ်စံးဝဲ, “ဒ်ယမ့ၢ်ယွၤလၢအမူဝဲနီၢ်နီၢ် တဂၤအသိး, ယစံးယဲလၢ, နတယၢၤထီၣ်ဘၣ်ကဒီးတၢ်ကတိၤဒိအံၤလၢကီၢ်အံၣ်စရ့လး
အကီၢ်ပူၤနီတဘျီလၢၤဘၣ်.
4 ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.
5 ပစံးဒၣ်ကလိာ်ပှၤအဂ့ၤနီၢ်နီၢ်အိၣ်ဝဲတဂၤလၢ အတီဝဲလိၤဝဲဒီးကတိၤတၢ်မ့ၢ်တၢ်တီန့ၣ်လီၤ.
6 အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ
တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ
အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ်
အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.
7 အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.
8 အဝဲတဟ့ၣ်လိၢ်လီၤစ့လၢတၢ်အါထီၣ်အဂီၢ်ဘၣ်. အဝဲဂ့ၢ်လိာ်လၢကမၤတၢ်အၢတၢ်သီဒီးဟ့ၣ်ထီၣ်တၢ်စံၣ်ညီၣ်တီလၢ ကယဲၢ်တၢ်ဂ့ၢ်လိာ်ဘှီလိာ်အဂီၢ်န့ၣ်လီၤ.
9 ပှၤဒ်သိးန့ၣ်တဂၤစူၢ်ယတၢ်မၤလိာ်တဖၣ်ဒီးတိၢ်န့ၢ်ဟံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ်လီၤ. အဝဲမ့ၢ်ပှၤအတီအလိၤဒီးအဝဲကမူဝဲဒၣ်လီၤ. ယွၤပၢဘၣ်တၢ်ခဲလၢာ်အကစၢ်စံးတၢ်န့ၣ်လီၤ.
10 အန့ၣ်ဝံၤဒီး, ပစံးဒၣ်ကလိာ်ပှၤတဂၤအံၤအိၣ်ဒီးအဖိခွါတဂၤလၢ အဂုာ်ဆူၣ်တၢ်ဒီးမၤသံတၢ်,
မ့ၢ်ပှၤတဂၤလၢအမၤတၢ်သ့ၣ်တဖၣ်အံၤခဲလၢာ်,
11 တၢ်လၢအပၢ်တမၤနီတမံၤနီတစုဘၣ်န့ၣ်လီၤ. အဝဲအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤဆူ
တၢ်လုၢ်လီၢ်တဖၣ်လၢတၢ်တြီအီၤဒီးကလံာ်န့ၢ်ပိာ်ခွါအဂၤ
အမါတဖၣ်န့ၣ်လီၤ.
12 အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.
13 ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ
အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.
14 ခဲအံၤ, ပစံးဒၣ်ကလိာ်, ပှၤခံဂၤတဂၤအံၤအိၣ်ဒီးအဖိခွါတဂၤလီၤ. အဝဲထံၣ်ဘၣ်ကယဲၢ်တၢ်ဒဲးဘးတဖၣ်အပၢ်လၢမၤတ့ၢ်ဝဲဘၣ်ဆၣ် တပိာ်ထွဲဘၣ်အပၢ်အဒိအတဲာ်အခံဘၣ်.
15 အဝဲတဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ် တဖၣ်လၢတၢ်တြီဃာ်အီၤမ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ပှၤအဂၤတဂၤအမါမ့ၢ်ဂ့ၤ,
16 တဆီၣ်ဘံၣ်ဆီၣ်ဘၢပှၤနီတဂၤမ့ၢ်ဂ့ၤ, တဂုာ်ဆူၣ်ပျီဆူၣ်ပှၤနီ တဂၤမ့ၢ်ဂ့ၤန့ၣ်ဘၣ်. အဝဲဟ့ၣ်ကဒါက့ၤတၢ်လၢပှၤဃ့လိၢ်တၢ်တဂၤဟ့ၣ်ပာ်အီၤဒ်တၢ်အုၣ်
ကီၤအသိးန့ၣ်လီၤ. အဝဲလုၢ်အီၤလုၢ်အီ
ပှၤလၢတၢ်သၣ်ဝံၤအသးတဖၣ်ဒီးဒုးကူဒုးသိးပှၤလၢအအိၣ်ဘ့ၣ်ဆ့
တဖၣ်န့ၣ်လီၤ.
17 အဝဲဂ့ၢ်လိာ်လၢကမၤတၢ်အၢတၢ်သီဒီးတဟ့ၣ်လိၢ်လီၤစ့လၢတၢ်အါ ထီၣ်အဂီၢ်န့ၣ်ဘၣ်. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးစူၢ်
ယတၢ်မၤလိာ်တဖၣ်န့ၣ်လီၤ. အဝဲတသံဘၣ်လၢအပၢ်အတၢ်ဒဲးဘးတဖၣ်အဃိဘၣ်.
မ့မ့ၢ်အဝဲကမူဝဲသပှၢ်ကတၢၢ်န့ၣ်လီၤ.
18 ဘၣ်ဆၣ်ဒီးအဝဲအပၢ်တခီန့ၣ်လီတၢ်ဒီးဂုာ်ဆူၣ်တၢ်, ဒီးထီဘိမၤတၢ်အၢတၢ်သီလၢပှၤကိးဂၤဒဲးန့ၣ်လီၤ. လၢတၢ်န့ၣ်အဃိ အဝဲသံဝဲမ့ၢ်လၢတၢ်ဒဲးဘးတဖၣ်လၢအဝဲအကစၢ်ဒၣ်ဝဲမၤတ့ၢ်အီၤ
အဃိန့ၣ်လီၤ.
19 ဘၣ်ဆၣ်နသံကွၢ်နဲလီၤ. ဘၣ်မနုၤဖိခွါတဂၤန့ၣ်တတူၢ်ဘၣ်တၢ်လၢ အပၢ်အတၢ်ဒဲးဘးတဖၣ်အဃိန့ၣ်လဲၣ်. တၢ်စံးဆၢတခီမ့ၢ်ဝဲ, ဖိခွါမၤတၢ်လၢအတီအဘၣ်ဒီးဂ့ၤဝဲန့ၣ်လီၤ. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပိာ်
ထွဲအီၤလီၤတံၢ်လီၤဆဲးအဃိ, အဝဲကမူဝဲသပှၢ်ကတၢၢ်န့ၣ်လီၤ.
20 ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ
န့ၣ်ဘၣ်.
ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ
န့ၣ်လီၤ.
21 ပှၤအၢပှၤသီတဂၤမ့ၢ်ဆိကတီၢ်မၤတၢ်ဒဲးဘးဒီးတိၢ်န့ၢ်ဖံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်, အဝဲမ့ၢ်မၤတၢ်လၢအဘၣ်ဒီးအဂ့ၤန့ၣ်, အဝဲတသံဝဲဘၣ်. အဝဲကမူဝဲသပှၢ်ကတၢၢ်န့ၣ်လီၤ.
22 အဝဲအတၢ်ဒဲးဘးခဲလၢာ်, ကဘၣ်တၢ်ပျၢ်ကွံာ်အီၤဒီးအဝဲ ကမူဝဲလီၤ. အဂ့ၢ်ဒ်အံၤ, အဝဲမၤတၢ်လၢအဘၣ်န့ၣ်လီၤ.
23 မ့ၢ်သုဆိကမိၣ်လၢယသးမုာ်သးခုလၢယထံၣ်ဘၣ်ပှၤအၢပှၤသီ တဂၤသံဝဲန့ၣ်ဧါ. ယွၤပၢဘၣ်တၢ်ခဲလၢာ်ကစၢ်သံကွၢ်ဝဲ. တမ့ၢ်ဘၣ်, ယအဲၣ်ဒိးထံၣ်ဒါခီလၢအဝဲကပီၢ်ယၢ်လီၤက့ၤအသးဒီး
မူဝဲန့ၣ်လီၤ.
24 ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ.
တမ့ၢ်ဘၣ်.
တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.
25 ဘၣ်ဆၣ်သုစံးသုဝဲ, တၢ်လၢယွၤပၢဘၣ်တၢ်ခဲလၢာ်ကစၢ်မၤဝဲန့ၣ် တဘၣ်ဘၣ်. ဒိကနၣ်ယၤတက့ၢ်. သုဝဲပှၤအံၣ်စရ့လးဖိသ့ၣ်ဧၢ, မ့ၢ်သုဆိကမိၣ်လၢယမၤတၢ်န့ၣ်တဖၣ်အကျဲတဘၣ်န့ၣ်ဧါ. ကျဲလၢအတဘၣ်န့ၣ်မ့ၢ်လၢသုကျဲတခီန့ၣ်လီၤ.
26 ဖဲပှၤတီပှၤလိၤတဂၤဆိကတီၢ်မၤတၢ်ဂ့ၤဒီးစးထီၣ်မၤတၢ်အၢတၢ် သီဒီးသံဝဲန့ၣ်, အဝဲသံဝဲ, မ့ၢ်လၢတၢ်အၢတၢ်သီလၢအဝဲမၤတ့ၢ်
အီၤအဃိန့ၣ်လီၤ.
27 ဖဲပှၤအၢပှၤသီတဂၤဆိကတီၢ်မၤတၢ်ဒဲးဘးဒီးမၤတၢ်အဘၣ်ဒီး ဂ့ၤဝဲန့ၣ်, အဝဲအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.
28 အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.
29 ဒီးသုဝဲပှၤအံၣ်စရ့လးဖိတဖၣ်သုစံး, တၢ်လၢယွၤပၢဘၣ်တၢ်ခဲ လၢာ်ကစၢ်မၤဝဲန့ၣ်တဘၣ်ဘၣ်. သုဆိကမိၣ်လၢယကျဲန့ၣ်, တဘၣ်ဝဲဘၣ်တမ့ၢ်ဘၣ်ဧါ, ပှၤလၢအကျဲတဘၣ်န့ၣ်မ့ၢ်သုဝဲ
တခီန့ၣ်လီၤ.
30 ခဲကနံၣ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်တဲဘၣ်သုဝဲ ပှၤအံၣ်စရ့လးဖိတဖၣ်လၢ, ယကစံၣ်ညီၣ်သုဝဲတဂၤဘၣ်
တဂၤစုာ်စုာ်ဒ်တၢ်လၢသုမၤတ့ၢ်အီၤအသိးန့ၣ်လီၤ. ဃၣ်ကွံာ်သုသးလၢကယဲၢ်တၢ်အၢတၢ်သီလၢသုမၤအီၤ, ဒီးပျဲသုတၢ်ဒဲးဘးမၤဟးဂီၤသုန့ၣ်တဂ့ၤ.
31 စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု
ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”
32 ယွၤပၢဘၣ်တၢ်ခဲလၢာ်ကစၢ်စံးဝဲ, “ယတအဲၣ်ဒိးလၢပှၤကသံ နီတဂၤဘၣ်. ဃၣ်ကွံာ်သုသးလၢသုတၢ်ဒဲးဘးတဖၣ်ဒီးမူသုဝဲတက့ၢ်.”