8
1 ဒီးဖဲအအိးထီၣ်တၢ်စဲပနီၣ်ဃာ်လၢ အပှဲၤထီၣ်နွံဖျၢၣ် တဖျၢၣ်န့ၣ်, တၢ်အိၣ်ဘှီၣ်ကလာ်လၢမူခိၣ်တခီနၣ်ရံၣ် ဃၣ်ဃၣ်လီၤ.
2 ဒီးယထံၣ်ဘၣ်ကလူး လၢအဆၢထၢၣ်လၢယွၤအမဲာ် ညါနွံဂၤ, ဒီးတၢ်ဟ့ၣ်လီၤအီၤလၢကွဲၤနွံဖျၢၣ်လီၤ.
3 ဒီးက လူးအဂၤတဂၤ,အိၣ်ဒီးတၢ်ဆိၣ်ကဲၤနၢမူအလီခီထူဟဲဝဲ, ဒီးဆၢထၢၣ်လၢတၢ်လုၢ်လီၢ်အဖီခိၣ်, ဒီးတၢ်ဟ့ၣ်လီၤ အီၤလၢတၢ်ဆိၣ်ကဲၤနၢမူလၢအအါ, ဒ်သိးအကဟ့ၣ် ဃုာ်ဒီး ပှၤစီဆှံခဲလၢာ်အတၢ်ဘါထုကဖၣ်လၢတၢ်လုၢ် လီၢ်ထူအဖီခိၣ်လၢလီၢ်ပစိာ်အမဲာ်ညါလီၤ.
4 ဒီးတၢ်ဆိၣ် ကဲၤနၢမူအခုၣ်အိၣ်ဒီးပှၤစီဆှံအတၢ်ဘါထုကဖၣ်, လဲၤ ထီၣ်လၢကလူးအစုပူၤလၢယွၤအမဲာ်ညါလီၤ.
5 ဒီးကလူးန့ၣ်ဟံးန့ၢ်တၢ်ဆိၣ်ကဲၤနၢမူအလီခီ,ဒီးမၤပှဲၤ ဝဲလၢမ့ၣ်အူအိၣ်လၢတၢ်လုၢ်လီၢ်, ဒီးတ့ၢ်လီၤဝဲဆူဟီၣ် ခိၣ်ချၢ,ဒီးတၢ်အကလုၢ်သီၣ်တဖၣ်, ဒီးလီသီၣ်,ဒီးလီဝၢ် အဒံး,ဒီးဟီၣ်ခိၣ်ဟူးဝးတဖၣ်, မၤအသးလီၤ.
6 ဒီးကလူး နွံဂၤအိၣ်ဒီးကွဲၤနွံဖျၢၣ်န့ၣ် ဒ်သိးအကအူထီၣ်ဝဲဒီး, က တဲာ်ကတီၤအသးလီၤ.
7 ဒီးအခီၣ်ထံးတဂၤန့ၣ်အူထီၣ်ကွဲၤ, ဒီးသူၣ်ကဲထီၣ်ဝဲ, ဒီးမ့ၣ်အူဃါဃုာ်အသးဒီးတၢ်သွံၣ်, ဒီးတၢ်တ့ၢ်လီၤအီၤ ဆူဟီၣ်ခိၣ်ချၢ, ဒီးမ့ၣ်အူအီၣ်ကွံာ်ဟီၣ်ခိၣ်သၢပူတပူ,ဒီး အီၣ်ကွံာ်သ့ၣ်သၢပူတပူ, ဒီးအီၣ်ကွံာ်နီၣ်အသံကစဲာ်ခဲ လၢာ်လီၤ.
8 ဒီးကလူးလၢအပှဲၤထီၣ်ခံဂၤတဂၤန့ၣ် အူထီၣ်ကွဲၤဒီး တၢ်လီၤဂာ်လၢကစၢၢ်ဖးဒိၣ်ကဲၤဒီးမ့ၣ်အူန့ၣ်, ဘၣ်တၢ် တ့ၢ်လီၤအီၤဆူပီၣ်လဲၣ်ပူၤ, ဒီးပီၣ်လဲၣ်သၢပူတပူကဲထီၣ် လၢတၢ်သွံၣ်လီၤ.
9 ဒီးတၢ်အိၣ်လၢပီၣ်လဲၣ်ပူၤသၢပူတပူ သံ,ဒီးကဘီသၢပူတပူဟးဂီၤလီၤ.
10 ဒီးကလူးလၢအပှဲၤထီၣ်သၢဂၤတဂၤန့ၣ် အူထီၣ်ကွဲၤ, ဒီးဆၣ်ဖးဒိၣ်တဖျၢၣ် ကဲၤကပီၤဒ်မ့ၣ်အူဒၢအသိး, လီၤ တဲာ်လၢမူခိၣ်, ဒီးလီၤတဲာ်လၢထံမိၢ်ပှၢ်တဖၣ်သၢပူတပူ အဖီခိၣ်,ဒီးထံထီၣ်ပၢၢ်တဖၣ်အဖီခိၣ်လီၤ.
11 ဒီးဆၣ်တ ဖျၢၣ်အမံၤမ့ၢ်အးပစံၣ်သိၣ်လီၤ. ဒီးထံသၢပူတပူကဲထီၣ် ဝဲလၢအးပစံၣ်သိၣ်လီၤ. မ့ၢ်ထံခၣ်ဒီး, လၢပှၤကညီအ ကျါပှၤသံအါဂၤလီၤ.
12 ဒီးကလူးလၢအပှဲၤထီၣ်လွံၢ်ဂၤတဂၤန့ၣ် အူထီၣ်ကွဲၤ, ဒီးတၢ်ကျီကွံာ်မုၢ်သၢပူတပူ,ဒီးလါသၢပူတပူ,ဒီးဆၣ်ဧိၤ ဖီဧိၤသၢပူတပူဒ်သိးအသၢပူတပူကခံးဝဲ, ဒီးမုၢ်ဆါခီတ ကပီၤဘၣ်သၢပူတပူ,ဒီးမုၢ်နၤဒ်န့ၣ်အသိးလီၤ.
13 ဒီးယထံၣ်တၢ်, ဒီးယနၢ်ဟူလံာ်ဖးဒိၣ်ယူၤဝဲလၢမူက ပိာ်လိၤ,ဒီးစံးဝဲလၢအကလုၢ်သီၣ်ဖးဒိၣ်, မ့ၢ်ကလူးလၢ အအိၣ်လီၤတဲာ်ဒံးသၢဂၤလၢအကအူထီၣ်ကွဲၤ,အသီၣ်ဝဲ အဃိဒီး, တၢ်အဖှီၣ်,တၢ်အဖှီၣ်,တၢ်အဖှီၣ်အိၣ်ဒီးပှၤလၢ အအိၣ်ဝဲဆိးဝဲလၢဟီၣ်ခိၣ်ချၢလီၤ.