9
1 ဒီးကလူးလၢအပှဲၤထီၣ်ယဲၢ်ဂၤတဂၤန့ၣ် အူထီၣ်ကွဲၤ, ဒီးယထံၣ်ဆၣ်တဖျၢၣ်လၢ အလီၤတဲာ်လၢမူခိၣ်ဆူဟီၣ် ခိၣ်ချၢန့ၣ်, ဒီးတၢ်ဟ့ၣ်လီၤအီၤလၢတၢ်ပူၤယိာ်အနီၣ် ဝံာ်,
2 ဒီးအိးထီၣ်တၢ်ပူၤယိာ်,ဒီးတၢ်ခုၣ်ဟဲထီၣ်လၢတၢ် ပူၤန့ၣ်, ဒ်ဖၣ်ကပူၤဖးဒိၣ်အခုၣ်ထီၣ်အသိး,ဒီးမုၢ်ဒီးတၢ် ဖးဖီခံးလီၤဝဲလၢတၢ်ပူၤခုၣ်ထီၣ်အဃိန့ၣ်လီၤ.
3 ဒီးဒွဲၣ်ဂဲာ် ဟဲထီၣ်လၢတၢ်ခုၣ်အပူၤဆူဟီၣ်ခိၣ်ချၢ အိၣ်ဒီးတၢ်ဟ့ၣ် အီၤလၢအစိအကမီၤ, ဒ်ပတ့ၤချဲးလၢဟီၣ်ခိၣ်ချၢအိၣ်ဒီး အစိအကမီၤအသိးလီၤ.
4 ဒီးတၢ်မၤလိာ်အီၤဒ်သိးအသု တမၤအၢမၤသီနီၣ်ဧိၤမံၤဧိၤလၢဟီၣ်ခိၣ်ချၢ, ဒီးကယဲၢ် တၢ်သံကစဲာ်,ဒီးကယဲၢ်သ့ၣ်န့ၣ်တဂ့ၤ. ကမၤအၢထဲပှၤ ကညီလၢယွၤအတၢ်စဲပနီၣ်ဃာ် တအိၣ်ဘၣ်လၢအမဲာ် တူၢ်ခိၣ်အလိၤတဖၣ်ဧိၤန့ၣ်လီၤ.
5 ဒီးဒ်သိးအကမၤသံ အီၤဒီး,တဟ့ၣ်ဘၣ်ဝဲဘၣ်,မ့ၢ်ဒ်သိးအကမၤနးမၤဖှီၣ်အီၤ ယဲၢ်လါလီၤ.ဒီးအတၢ်နးတၢ်ဖှီၣ်န့ၣ် မၤအသးဒ်ပတ့ၤချဲး လံာ်ပှၤကညီ,အတၢ်နးတၢ်ဖှီၣ်အသိးလီၤ.
6 ဒီးလၢအမုၢ်နံၤတဖၣ်န့ၣ်, ပှၤကညီကဃုတၢ်သံဘၣ် ဆၣ်ဒီးတထံၣ်န့ၢ်ဘၣ်ဝဲဘၣ်.ဒီးကဆၢသံအသး,ဒီးတၢ် သံကဃ့ၢ်ကွံာ်လၢအအိၣ်လီၤ.
7 ဒီးဒွဲၣ်ဂဲာ်အက့ၢ်အဂီၤန့ၣ်, လီၤဂာ်လၢကသ့ၣ်အိၣ်က တဲာ်ကတီၤအသးလၢအကဒုးသုးတၢ်အဂီၢ်,ဒီးတၢ်အိၣ် လၢအခိၣ်,ခိၣ်သလုးထူ, ဒီးအမဲာ်လီၤဂာ်လၢပှၤကညီ အမဲာ်,
8 ဒီးအိၣ်ဝဲဒီးအခိၣ်သူလီၤဂာ်လၢပိာ်မုၣ်အခိၣ် သူ,ဒီးအမဲလီၤဂာ်လၢခ့ယုၢ်အမဲ,
9 ဒီးအိၣ်ဝဲဒီးသဃိး, လီၤဂာ်လၢသဃိးထး, ဒီးအဒံးဆ့သီၣ်ထီၣ်ဒ်လ့ၣ်က ဟၣ်အိၣ်ဒီးကသ့ၣ်အါဒု ဃ့ၢ်ဆူတၢ်ဒုးသုးအပူၤသီၣ်အ သိးန့ၣ်လီၤ.
10 ဒီးအိၣ်ဒီးအမဲၢ်လီၤဂာ်လၢပတ့ၤချဲးအသိး, ဒီးအမဲၢ်အိၣ်ဒီးအနီၣ်လံာ်, ဒီးအိၣ်ဒီးအစိအကမီၤဒ်သိး အကမၤအၢပှၤကညီယဲၢ်လါလီၤ.
11 ဒီးအိၣ်ဝဲဒီးအစီၤပၤ လၢအဖီခိၣ်,တၢ်ယိာ်အကလူးတဂၤလီၤ. အမံၤလၢဧ့ၤ ဘြံၤအကျိာ်န့ၣ်မ့ၢ်အဘးဒိၣ်, ဒီးအမံၤလၢဟ့းလ့ၣ်အ ကျိာ်န့ၣ်မ့ၢ်အပီးလူၣ်လီၤ.
12 တၢ်နးတၢ်ဖှီၣ်အခီၣ်ထံးတမံၤပူၤကွံာ်လံ, ကွၢ်ကွၢ်, တၢ်အံၤတဖၣ်အလီၢ်ခံ,တၢ်နးတၢ်ဖှီၣ်ကဟဲဒံးခံမံၤလီၤ.
13 ဒီးကလူးလၢအပှဲၤထီၣ်ဃုဂၤတဂၤန့ၣ် အူထီၣ်ကွဲၤ,ဒီးယနၢ်ဟူတၢ်ကလုၢ်သီၣ်တမံၤဟဲထီၣ်လၢတၢ်လုၢ်လီၢ် ထူအနၢၤလွံၢ်နၢၤ, လၢအအိၣ်လၢယွၤအမဲာ်ညါ,
14 ဒီးစံးဘၣ်ကလူးလၢအပှဲၤထီၣ် ဃုဂၤတဂၤလၢအအိၣ်ဒီးကွဲၤ န့ၣ်, ဃ့ၣ်လီၤကွံာ်ကလူးလွံၢ်ဂၤလၢအဘၣ်တၢ်စၢဃာ် အီၤလၢထံမိၢ်ပှၢ်ဖးဒိၣ်ဖရၤသးအပူၤတက့ၢ်.
15 ဒီးကလူး လွံၢ်ဂၤလၢ အအိၣ်ကတဲာ်ကတီၤအသးလၢတနၣ်ရံၣ်, ဒီးတသီ,ဒီးတလါ, ဒီးတနံၣ်အဂီၢ်န့ၣ်ဘၣ်တၢ်ဃ့ၢ်လီၤ ကွံာ်အီၤ,ဒ်သိးအကမၤသံပှၤကညီသၢပူတပူၤန့ၣ်လီၤ.-
16 ဒီးပှၤကသ့ၣ်သုးဖိ,အတၢ်ဂံၢ်န့ၣ်မ့ၢ်တကလးအဘျီခံက လး,ဒီးယနၢ်ဟူအတၢ်ဂံၢ်န့ၣ်လီၤ.
17 ဒီးဒ်န့ၣ်အသိး ယထံၣ်ကသ့ၣ်လၢတၢ်ထံၣ်လၢညါခီ အပူၤ,ဒီးပှၤလၢအဆ့ၣ်နီၤလၢအလိၤ, အိၣ်ဒီးသဃိးမ့ၣ် အူ, ဒီးသူဂီၤ,ဒီးဘီဒ်လၢၢ်ကးအသိးလီၤ.ဒီးကသ့ၣ်အ ခိၣ်လီၤဂာ်လၢခ့ယုၢ်အခိၣ်, ဒီးမ့ၣ်အူဒီးတၢ်ခုၣ်ဒီးကး, ဟဲထီၣ်လၢအကိာ်ပူၤလီၤ.
18 ဒီးပှၤကညီသၢပူတပူသံ လၢတၢ်နးတၢ်ဖှီၣ်သၢမံၤအံၤ, လၢမ့ၣ်အူ,ဒီးတၢ်ခုၣ်,ဒီး ကးလၢအဟဲထီၣ်လၢအကိာ်ပူၤလီၤ.
19 အဂ့ၢ်ဒ်အံၤ,က သ့ၣ်န့ၣ်အိၣ်ဒီးအစိအကမီၤလၢအကိာ်ပူၤ, ဒီးလၢအမဲၢ် လီၤ.အဂ့ၢ်ဒ်အံၤ,အမဲၢ်လီၤဂာ်လၢဂုၢ်,ဒီးအိၣ်ဒီးအခိၣ်,ဒီး မၤအၢမၤနးတၢ်လၢအီၤလီၤ.
20 ဒီးပှၤကညီအိၣ်လီၤတဲာ် လၢအတသံဘၣ်လၢတၢ်နးတၢ်ဖှီၣ်အံၤတဖၣ်န့ၣ်,တပီၢ် ယၢ်လီၤက့ၤဘၣ်အသးလၢအစုအတၢ်မၤ,ဒ်သိးအသုတ ဘါထီၣ်တၢ်နါ, ဒီးတၢ်ဂီၤထူ,ဒီးတၢ်ဂီၤစ့,ဒီးတၢ်ဂီၤတိၢ်, ဒီးတၢ်ဂီၤလၢၢ်, ဒီးတၢ်ဂီၤသ့ၣ်လၢအထံၣ်တၢ်တသ့,နၢ် ဟူတၢ်တသ့,ဒီးဟးတၢ်တသ့ဘၣ်တဂ့ၤန့ၣ်ဘၣ်လီၤ.-
21 ဒီးတပီၢ်ယၢ်လီၤက့ၤဘၣ်အသး လၢအတၢ်မၤသံပှၤက ညီဒီးအတၢ်ဟိၣ်တၢ်ယီ, ဒီးအတၢ်မၤကမၣ်မုၣ်ကမၣ် ခွါ, ဒီးအတၢ်ဟုၣ်တၢ်ဘျၣ်န့ၣ်ဘၣ်လီၤ.