7
1 ဒီးလၢ တၢ်အံၤအလီၢ်ခံ, ယထံၣ်ကလူးလွံၢ်ဂၤဆၢ ထၢၣ်လၢဟီၣ်ခိၣ်အနၢၣ်လွံၢ်နၢၣ်, ဒီးဟံးဃာ်ဟီၣ်ခိၣ် ကလံၤလွံၢ်ကျိၤ,ဒ်သိးကလံၤသုတအူဘၣ် ဟီၣ်ခိၣ်မ့ၢ် ဂ့ၤ,ပီၣ်လဲၣ်မ့ၢ်ဂ့ၤ,ထီရီၤသ့ၣ်မ့ၢ်ဂ့ၤန့ၣ်တဂ့ၤ.
2 ဒီးယထံၣ် ကလူးအဂၤတဂၤ,အိၣ်ဒီးယွၤလၢအမူဝဲ, အတၢ်စဲပနီၣ်ဃာ်, ဟဲထီၣ်လၢမုၢ်ထီၣ်တခီ,ဒီးကိးပသူ ထီၣ်လၢအကလုၢ်ဖးဒိၣ်ဒီးစံးဘၣ် အကလူးလွံၢ်ဂၤလၢ တၢ်ဟ့ၣ်အမၤအၢဟီၣ်ခိၣ်ဒီးပီၣ်လဲၣ်,
3 ဒီးစံးဝဲဒၣ်,တချုး ပစဲပနီၣ်ဃာ်ယွၤအခ့အပှၤလၢ အမဲာ်တူၢ်ခိၣ်အလိၤဒံး ဘၣ်ဒီး, ဟီၣ်ခိၣ်မ့ၢ်ဂ့ၤ,ပီၣ်လဲၣ်မ့ၢ်ဂ့ၤ,သ့ၣ်မ့ၢ်ဂ့ၤ,သုတ မၤအၢအီၤတဂ့ၤ.
4 ဒီးယနၢ်ဟူပှၤလၢအဘၣ် တၢ်စဲပနီၣ်ဃာ်တဖၣ်အ တၢ်ဂံၢ်န့ၣ်,ဒီးမ့ၢ်အအိၣ်တကလီၤလွံၢ်ကလးလွံၢ်ကထိ, လၢကယဲၢ်အံၣ်စရ့လးဖိခွါအဒူၣ်ကျါလီၤ.
5 ပှၤတက လးခံကထိလၢယူဒၤအဒူၣ်ကျါန့ၣ်, ဘၣ်တၢ်စဲပနီၣ် ဃာ်အီၤလီၤ. ပှၤတကလးခံကထိလၢရူၤဘ့ၣ်အဒူၣ်ကျါ န့ၣ်,ပှၤတကလးခံကထိလၢကးအဒူၣ်ကျါန့ၣ်,
6 ပှၤတ ကလးခံကထိလၢအၤရှ့ၢ်အဒူၣ်ကျါန့ၣ်, ပှၤတကလးခံ ကထိလၢနးသၤလံအဒူၣ်ကျါန့ၣ်, ပှၤတကလးခံကထိ လၢမနၤရှ့ၤအဒူၣ်ကျါန့ၣ်,
7 ပှၤတကလးခံကထိလၢစူၤ မ့းအိၣ်အဒူၣ်ကျါန့ၣ်, ပှၤတကလးခံကထိလၢလ့ၤဝံအ ဒူၣ်ကျါန့ၣ်, ပှၤတကလးခံကထိလၢယံးစၣ်ကၢ်အဒူၣ် ကျါန့ၣ်,
8 ပှၤတကလးခံကထိလၢစဘူလိၣ်အဒူၣ်ကျါ န့ၣ်, ပှၤတကလးခံကထိ လၢယိၤသးအဒူၣ်ကျါန့ၣ်, ပှၤတကလးခံကထိ လၢဘံၣ်ယၤမံၣ် အဒူၣ်ကျါန့ၣ်, ဘၣ်တၢ်စဲပနီၣ်ဃာ်အီၤလီၤ.
9 တၢ်န့ၣ်တဖၣ်အလီၢ်ခံဒီး, ယထံၣ်တၢ်,ဒီးကွၢ်ကွၢ်,ပှၤ ဂီၢ်မုၢ်ဖးဒိၣ်လၢပှၤဂံၢ်ထီၣ်တသ့ဘၣ်နီတဂၤဘၣ်န့ၣ်, ဟဲ လၢကယဲၢ်ပှၤကလုာ်, ဒီးကယဲၢ်ပှၤအဒူၣ်,ဒီးကယဲၢ်ပှၤ ဂီၢ်မုၢ်,ဒီးကယဲၢ်ပှၤကတိၤတၢ်အကျိာ်အကလုာ်ကလုာ် အကျါသ့ၣ်တဖၣ်န့ၣ် ဆၢထၢၣ်လၢလီၢ်ပစိာ်အမဲာ်ညါ ဒီးသိဖိအမဲာ်ညါ, ကူသိးထီၣ်အဆ့ဝါ,ဒီးအိၣ်ဒီးစူၣ်ပ လိၣ်အလၣ်လၢအစုပူၤ,
10 ဒီးကိးပသူထီၣ်လၢအကလုၢ် သီၣ်ဖးဒိၣ်,ဒီးစံးဝဲဒၣ်,မ်တၢ်အုၣ်က့ၤခီၣ်က့ၤအိၣ်ဒီးပက စၢ်လၢအဆ့ၣ်နီၤလၢလီၢ်ပစိာ်အဖီခိၣ်, ဒီးသိဖိန့ၣ်တ က့ၢ်.
11 ဒီးကလူးတဖၣ်ခဲလၢာ်,ဆၢထၢၣ်ဝးတရံးလီၢ်ပ စိာ်, ဒီးပှၤသူၣ်က့သးပှၢ်, ဒီးတၢ်အသးလွံၢ်ဒုန့ၣ်,ထိၣ် လီၤပှီၤအသးလၢလီၢ်ပစိာ်အမဲာ်ညါ, ဒီးဘူၣ်ထီၣ်ဘါ ထီၣ်ယွၤ,
12 ဒီးစံးဝဲဒၣ်,အၤမ့ၣ်,တၢ်စံးထီၣ်ပတြၢၤ,ဒီးတၢ် လၤကပီၤ,ဒီးတၢ်ကူၣ်ဘၣ်ကူၣ်သ့,ဒီးတၢ်စံးထီၣ်ပတြၢၤ အဘျုးအဖှိၣ်,ဒီးတၢ်ယူးတၢ်ယီၣ်,ဒီးတၢ်စိတၢ်ကမီၤ,ဒီး တၢ်ဂံၢ်တၢ်ဘါန့ၣ်, မ်အအိၣ်ဒီးပကစၢ်လီၤထူလီၤယိာ် တက့ၢ်,အၤမ့ၣ်.
13 ဒီးပှၤသူၣ်က့သးပှၢ်တဂၤ ကတိၤဆၢတၢ်,ဒီးစံးဘၣ် ယၤ,ပှၤကူသိးထီၣ်အဆ့ဝါန့ၣ်, မ့ၢ်မတၤတဖၣ်လဲၣ်.ဒီး မ့ၢ်အဟဲလၢလဲၣ်ခီလဲၣ်.
14 ဒီးယစံးဘၣ်အီၤ,ယကစၢ်ဧၢ, နသ့ၣ်ညါနဲလီၤ. ဒီးအဝဲဒၣ်စံးဘၣ်ယၤ, ပှၤတဖၣ်အံၤ မ့ၢ်ပှၤလၢအဟဲလၢတၢ်နးတၢ်ဖှီၣ်ဖးဒိၣ်အပူၤ,ဒီးဆှုၣ်အ ဆ့ဒီးမၤဝါထီၣ်အီၤလၢသိဖိအသွံၣ်လီၤ.
15 မၤသးဒ်န့ၣ် ဒီး, အိၣ်ဝဲလၢယွၤအလီၢ်ပစိာ်အမဲာ်ညါ, ဒီးမၤအတၢ် လၢအတၢ်လုၢ်အဟံၣ်ပူၤ,လၢမုၢ်ဆါဆဲးလၢမုၢ်နၤလီၤ. ဒီးပှၤလၢအဆ့ၣ်နီၤလၢလီၢ်ပစိာ်အဖီခိၣ်တဂၤန့ၣ်, က စၢၢ်ထီၣ်အဒဲလၢအဖီခိၣ်လီၤ.
16 ဒီးတၢ်တသၣ်ဝံၤလၢၤ ဘၣ်အသးဘၣ်, ဒီးတၢ်တသူလၢၤဘၣ်အသးလၢထံ ဘၣ်, ဒီးမုၢ်တဆဲးဆါလၢၤဘၣ်အီၤဘၣ်,ဒီးတၢ်တကိၢ် ဘၣ်လၢၤဘၣ်အီၤနီတမံၤဘၣ်.
17 အဂ့ၢ်ဒ်အံၤ, သိဖိလၢ လီၢ်ပစိာ်အသးကံၢ်ပူၤကအံးက့ၤကွၢ်က့ၤအီၤ, ဒီးကဆှၢ အီၤဆူထံမူထီၣ်ပၢၢ်အအိၣ်,ဒီးယွၤကထွါကွံာ်အမဲာ်ထံ လီၤလၢအမဲာ်သၣ်တိၣ်အလိၤခဲလၢာ်လီၤ.