6
1 ဒီးယထံၣ်တၢ်,ဖဲသိဖိအိးထီၣ်တၢ်စဲပနီၣ်ဃာ်တဖျၢၣ် လၢတၢ်စဲပနီၣ်ဃာ်နွံဖျၢၣ်အကျါန့ၣ်, ဒီးယနၢ်ဟူလၢ တၢ်အသးလွံၢ်ဒုအကျါတဒု, စံးဝဲဒ်လၢလီအကလုၢ် သီၣ်အသိး,ဟဲတက့ၢ်.
2 ဒီးယထံၣ်တၢ်,ဒီးကွၢ်ကွၢ်,က သ့ၣ်ဝါ, ဒီးပှၤလၢအဆ့ၣ်နီၤလၢအလိၤတဂၤအိၣ်ဒီးအ ချံၣ်လီၤ. ဒီးတၢ်ဟ့ၣ်လီၤအီၤလၢခိၣ်သလုး,ဒီးဒ်သိးအ ကမၤနၢၤတၢ်ဒီး,ဟးထီၣ်မၤနၢၤတၢ်လီၤ.
3 ဒီးဖဲအအိးထီၣ်တၢ်စဲပနီၣ်ဃာ်လၢ အပှဲၤထီၣ်ခံဖျၢၣ် တဖျၢၣ်န့ၣ်, ယနၢ်ဟူတၢ်အသးလၢအပှဲၤထီၣ်ခံဒုတဒု စံးဝဲဒၣ်,ဟဲတက့ၢ်.
4 ဒီးကသ့ၣ်အဂၤလၢအဂီၤတဒုဟး ထီၣ်, ဒီးတၢ်ဟ့ၣ်လီၤအစိအကမီၤလၢပှၤလၢအဆ့ၣ်နီၤ လၢအလိၤတဂၤ, ဒ်သိးအကထုးကွံာ်တၢ်ဃူတၢ်ဖိးလၢ ဟီၣ်ခိၣ်ချၢ, ဒီးလၢပှၤကမၤသံလိာ်အသးလီၤ. ဒီးတၢ် ဟ့ၣ်လီၤအီၤလၢနးဖးဒိၣ်တဘ့ၣ်လီၤ.
5 ဒီးဖဲအအိးထီၣ်တၢ်စဲပနီၣ်ဃာ်လၢအပှဲၤထီၣ်သၢဖျၢၣ် တဖျၢၣ်န့ၣ်, ယနၢ်ဟူတၢ်အသးလၢအပှဲၤထီၣ်သၢဒုတ ဒုန့ၣ်စံးဝဲဒၣ်,ဟဲတက့ၢ်. ဒီးယထံၣ်တၢ်, ဒီးကွၢ်ကွၢ်, ကသ့ၣ်သူတဒု, ဒီးပှၤလၢ အဆ့ၣ်နီၤလၢအလိၤတဂၤ အိၣ်ဒီးစီၤပီၢ်လၢအစုပူၤလီၤ.
6 ဒီးယနၢ်ဟူတၢ်အကလုၢ် လၢတၢ်အသးလွံၢ်ဒုအကျါစံးဝဲဒၣ်, ဘုကၠူၣ်တသလိး လၢဒန့ၤရံတဘ့ၣ်အဂီၢ်, ဒီးဘုမုယီၤသၢသလိးလၢဒန့ၤ ရံတဘ့ၣ်အဂီၢ်လီၤ.ဒီးမၤဟးဂီၤသိဧိၤချါဧိၤဒီးစပံးထံတ ဂ့ၤ.
7 ဒီးဖဲအအိးထီၣ် တၢ်စဲပနီၣ်ဃာ်လၢ အပှဲၤထီၣ်လွံၢ် ဖျၢၣ်တဖျၢၣ်န့ၣ်, ယနၢ်ဟူတၢ်အသးလၢအပှဲၤထီၣ်လွံၢ် ဒုတဒုအကလုၢ်န့ၣ်စံးဝဲဒၣ်,ဟဲတက့ၢ်.
8 ဒီးယထံၣ်တၢ်, ဒီးကွၢ်ကွၢ်, ကသ့ၣ်လါဝါတဒု,ဒီးပှၤလၢအဆ့ၣ်နီၤလၢ အလိၤတဂၤအမံၤမ့ၢ်တၢ်သံ,ဒီးပျုၤပူၤပိာ်ထီၣ်အခံလီၤ. ဒီးတၢ်ဟ့ၣ်လီၤအဝဲသ့ၣ်အစိအကမီၤ, လၢဟီၣ်ခိၣ်လွံၢ် ပူတပူအဖီခိၣ်,ဒ်သိးအကမၤသံတၢ်လၢနး, ဒီးလၢတၢ် သၣ်ဝံၤ,ဒီးလၢတၢ်သံ,ဒီးလၢဟီၣ်ခိၣ်တၢ်ဒူတၢ်ဃိၤလီၤ.
9 ဒီးဖဲအအိးထီၣ်တၢ်စဲပနီၣ်ဃာ်လၢ အပှဲၤထီၣ်ယဲၢ် ဖျၢၣ်တဖျၢၣ်န့ၣ်, ယထံၣ်ပှၤလၢအဒိးသံအသးလၢယွၤ အကလုၢ်အကထါအဃိ, ဒီးလၢအတၢ်အုၣ်အသးလၢ အဟံးဃာ်ဝဲအဃိ,အသးတဖၣ်အိၣ်လၢတၢ်လုၢ်လီၢ်အ ဖီလာ်.
10 ဒီးကိးထီၣ်လၢအကလုၢ်ဖးဒိၣ်,ဒီးစံးဝဲဒၣ်,တၢ် စီဆှံ,တၢ်အမ့ၢ်အတီကစၢ်ဧၢ, နတစံၣ်ညီၣ်ဘၣ်ပှၤအိၣ် လၢဟီၣ်ခိၣ်ချၢတဖၣ်, ဒီးနတဟ့ၣ်ကၣ်အတၢ်ဒဲးဘး လၢပသွံၣ်အဃိန့ၣ်ဒီး, နကအိၣ်ဆံးယံာ်လဲၣ်.
11 ဒီးတၢ် ဟ့ၣ်လီၤအီၤလၢဆ့ဝါ, ဒီးတၢ်စံးဘၣ်အီၤလၢအကအိၣ် ဘှံးဒံးအဆၢအကတီၢ်တစဲးတုၤအခ့အပှၤသကိးဒီးအီၤ ဒီးအဒီပုၢ်ဝဲၢ်, လၢအကဒိးသံအသးဒ်သိးသိးဒီးအီၤန့ၣ်, ကလၢထီၣ်ပှဲၤထီၣ်လီၤ.
12 ဒီးယထံၣ်တၢ်,ဖဲအအိးထီၣ်တၢ်စဲပနီၣ်ဃာ်လၢအပှဲၤ ထီၣ်ဃုဖျၢၣ်တဖျၢၣ်န့ၣ်ဒီး,ဟီၣ်ခိၣ်ဟူးဝးဒိၣ်မး, ဒီးမုၢ် သူထီၣ်ဒ်ထၢၣ်အတၢ်ကံးညာ်တၢ်ဆူၣ်အသိး, ဒီးလါကဲထီၣ်ဒ်တၢ်သွံၣ်အသိးခဲလၢာ်,
13 ဒီးဆၣ်ဧိၤဖီဧိၤလၢမူကပိာ်လိၤ, လီၤဆှုဆူဟီၣ်ခိၣ်ချၢဒ်ချၢၣ်ဒၢသၣ်လၢအတမံ ဒံးဘၣ်လၢအဘၣ်တၢ်ဟူးဝးလၢ ကလံၤဒိၣ်ဒိၣ်ကလဲာ်အသိးန့ၣ်လီၤ.-
14 ဒီးမူခိၣ်ဒံကွံာ်,ဒ်လံာ်လၢတၢ်ထူထီၣ် အီၤအသိး, ဒီးကယဲၢ်ကစၢၢ်ကလိ,ဒီးကယဲၢ်ကီးတဖၣ်, သုးကွံာ်အလီၢ်,-
15 ဒီးဟီၣ်ခိၣ်အစီၤပၤ,ပဒိၣ်ပပှၢ်,ဒီးပှၤ သုးဖိတကထိအခိၣ်, ဒီးပှၤအထူးအတီၤ,ဒီးပှၤအိၣ်ဒီး အစိအကမီၤသ့ၣ်တဖၣ်, ဒီးကယဲၢ်တၢ်အကုၢ်အပှၤ,ဒီး ပှၤသဘျ့တဂၤလၢ်လၢ်န့ၣ်, ပာ်ခူသူၣ်အသးလၢတၢ်အိပူၤ,ဒီးလၢကစၢၢ်တဖၣ်အလၢၢ်အိပူၤ,-
16 ဒီးစံးဘၣ်ကစၢၢ် ကလိ, ဒီးလၢၢ်ဧိၤလ့ဧိၤသ့ၣ်တဖၣ်န့ၣ်, လီၤတဲာ်လၢပ လိၤ,ဒီးမၤဘၢကွံာ်ပှၤလၢ ပှၤလၢအဆ့ၣ်နီၤလၢလီၢ်ပ စိာ်တဂၤန့ၣ်အမဲာ်ညါ,ဒီးလၢသိဖိအသးဒိၣ်ထီၣ်န့ၣ်တက့ၢ်.-
17 အဂ့ၢ်ဒ်အံၤ,တၢ်ဒိၣ်အမုၢ်တနံၤဘၣ်ဃးဒီးအဝဲဒၣ် အတၢ်သးဒိၣ်ထီၣ်န့ၣ်ဘၣ်လံ, ဒီးမ့ၢ်မတၤဆၢထၢၣ်သ့ တဂၤလဲၣ်.