10
စီၤၡလိၤမိၤအတၢ်ကတိၤဒိ
1 ဖိခွါလၢအကူၣ်တၢ်သ့န့ၣ်ဒုးသးခုအပၢ်လီၤ. မ့မ့ၢ်ဖိ ခွါလၢအဟးဂီၤန့ၣ်မ့ၢ်တၢ်သးအုးအလီၢ်လၢအမိၢ်လီၤ.
2 တၢ်အၢတၢ်သီအတၢ်လုၢ်ဒိၣ်ပှ့ၤဒိၣ်န့ၣ်တဂိာ်တသီၣ် ဘၣ်တၢ်နီတမံၤဘၣ်. မ့မ့ၢ်တၢ်တီတၢ်လိၤန့ၣ်မၤပူၤမၤ ဖျဲးဒီးတၢ်သံလီၤ.
3 ယွၤတဒုးသၣ်ဝံၤပှၤတီပှၤလိၤအသးဘၣ်. မ့မ့ၢ်အက ညိကွံာ်ပှၤတတီတလိၤအသးကွံတၢ်လီၤ.
4 ပှၤလၢအမၤတၢ်လၢ အစုလီၤဘှါန့ၣ်ဖှီၣ်လီၤယာ်လီၤ ဝဲလီၤ. မ့မ့ၢ်ပှၤအခုအစုန့ၣ်ဒုးထူးထီၣ်တီၤထီၣ်ဝဲလီၤ.
5 ပှၤလၢအထၢဖှိၣ်တၢ်လၢ တၢ်ကိၢ်အကတီၢ်န့ၣ်မ့ၢ်ဖိ ခွါလၢအကူၣ်တၢ်သ့လီၤ. မ့မ့ၢ်ပှၤလၢအမံဝဲလၢကူးဘု အကတီၢ်န့ၣ်မ့ၢ်ဖိခွါလၢအဒုးမဲာ်ဆှးတၢ်လီၤ.
6 တၢ်ဆိၣ်ဂ့ၤတဖၣ်အိၣ်ဝဲလၢ ပှၤတီပှၤလိၤအခိၣ်လီၤ. မ့မ့ၢ်တၢ်မၤအၢန့ၣ် ကကျၢၢ်ဘၢပှၤတတီတလိၤအထး ခိၣ်လီၤ.
7 တၢ်သ့ၣ်နီၣ်ထီၣ်က့ၤပှၤတီပှၤလိၤန့ၣ် ဘၣ်ဆိၣ်ဂ့ၤဝဲ လီၤ. မ့မ့ၢ်ပှၤတတီတလိၤအမံၤကအုၣ်ကကျၣ်လီၤ.
8 ပှၤလၢအသးကူၣ်တၢ်သ့န့ၣ်ဒိးန့ၢ်တၢ်မၤလိာ်လီၤ. မ့ မ့ၢ်ပှၤလၢအဟးဂီၤလၢအပျုၤန့ၣ်ကလီၤဃံၤဝဲလီၤ.
9 ပှၤလၢအလဲၤတၢ် လၢလၢပှဲၤပှဲၤန့ၣ် လဲၤဝဲဂၢၢ်ဂၢၢ် ကျၢၤကျၢၤလီၤ. မ့မ့ၢ်ပှၤလၢအလဲၤတၢ်ဒၢက့ၣ်ဒၢကူန့ၣ် တၢ်ကမၤဖျါထီၣ်အီၤလီၤ.
10 ပှၤလၢအဖျးအမဲာ်န့ၣ် ကဒုးသးအုးတၢ်လီၤ. ပှၤလၢ အဟးဂီၤလၢအပျၢၤန့ၣ်ကလီၤဃံၤဝဲလီၤ.
11 ပှၤတီပှၤလိၤအထးခိၣ်မ့ၢ်ထံမူအပူၤလီၤ. မ့မ့ၢ်တၢ်မၤ အၢန့ၣ်ကကျၢၢ်ဘၢပှၤတတီတလိၤအထးခိၣ်န့ၣ်လီၤ.
12 တၢ်သးဟ့န့ၣ် ထိၣ်ဂဲၤထီၣ်တၢ်အ့ၣ်လိာ်ဆိးက့လိာ် လီၤ. မ့မ့ၢ်တၢ်အဲၣ်တၢ်ကွံန့ၣ်ကျၢၢ်ဘၢကယဲၢ်တၢ်မၤက မၣ်ခဲလၢာ်လီၤ.
13 ပှၤအကူၣ်အဆးန့ၣ် တၢ်ကူၣ်သ့အိၣ်ဝဲလၢအပျုၤလိၤ လီၤ. မ့မ့ၢ်ပှၤလၢအသးဆးတအိၣ်ဘၣ်န့ၣ်နီၣ်တီၢ်အိၣ် ဝဲလၢအချၢဃံအဂီၢ်လီၤ.
14 ပှၤလၢအကူၣ်တၢ်သ့န့ၣ်ပာ်ဖှိၣ်တၢ်သ့ၣ်ညါ, မ့မ့ၢ်ပှၤ ဟးဂီၤဖိအထးခိၣ်န့ၣ်အိၣ်ဘူးဝဲဒီးတၢ်ဟးဂီၤလီၤ.
15 ပှၤထူးပှၤတီၤအတၢ်ထူးတၢ်တီၤန့ၣ် မ့ၢ်အဝ့ၢ်ဆူၣ်န့ၣ် လီၤ. ပှၤဖှီၣ်ဖိယာ်ဖိအတၢ်ဖှီၣ်တၢ်ယာ်န့ၣ်မ့ၢ်တၢ်မၤဟး ဂီၤအီၤလီၤ.
16 ပှၤတီပှၤလိၤအမၤတၢ်န့ၣ်ဘၣ်ဃးဒီးတၢ်မူ, ပှၤတတီ တလိၤအတၢ်အါထီၣ်န့ၣ်ဘၣ်ဃးဒီးတၢ်ဒဲးဘးလီၤ.
17 ပှၤလၢအတိၢ်န့ၢ် တၢ်သိၣ်လိန့ၣ်မ့ၢ်တၢ်မူအကျဲတ ဘိလီၤ. မ့မ့ၢ်ပှၤလၢအလဲၤသဒၣ်တၢ်သိၣ်ဃီၣ်န့ၣ်ဒုးဟး ဖျိးကျဲလီၤ.
18 ပှၤလၢအပာ်ခူသူၣ်တၢ်သးဟ့န့ၣ် အိၣ်ဒီး အပျုၤက ဘျံးကဘျၣ်, ဒီးပှၤလၢအကတိၤခဲၣ်တၢ်န့ၣ်မ့ၢ်ပှၤဟးဂီၤ ဖိလီၤ.
19 လၢတၢ်ကတိၤအါထံၣ်အကျါန့ၣ် တၢ်ကမၣ်တစှၤ ဘၣ်. မ့မ့ၢ်ပှၤလၢအဝံဂုၢ်အထးခိၣ်န့ၣ်မ့ၢ်ပှၤကူၣ်တၢ်သ့ လီၤ.
20 ပှၤတီပှၤလိၤအပျ့ၤန့ၣ် မ့ၢ်စ့လၢတၢ်ဃုထၢအီၤ, မ့မ့ၢ် ပှၤတတီတလိၤအသးန့ၣ်တဂိာ်တသီၣ်ဘၣ်တၢ်ဘၣ်.
21 ပှၤတီပှၤလိၤအပျုၤဒုးအီၣ်တၢ်လၢပှၤအါဂၤလီၤ. မ့မ့ၢ် ပှၤဟးဂီၤဖိသံဝဲလၢ အသူၣ်ဆးအသးဆးတအိၣ်ဘၣ် အဃိန့ၣ်လီၤ.
22 ယွၤအတၢ်ဆိၣ်ဂ့ၤန့ၣ် ဒုးထူးဒုးတီၤပှၤ, ဒီးတပာ် ဖှိၣ်ထီၣ်တၢ်သူၣ်အုးသးအုးဒီးအီၤဘၣ်.
23 ဒ်လိာ်ကွဲတၢ်အသိးန့ၣ် ပှၤဟးဂီၤဖိမၤအၢတၢ်လီၤ. မ့ မ့ၢ်တၢ်ကဟ့ၣ်တၢ်လၢပှၤတီပှၤလိၤဆၢန့ၢ်ဘၣ်လီၤ.
24 တၢ်လၢပှၤတတီတလိၤပျံၤဝဲန့ၣ်ကဘၣ်အီၤလီၤ. မ့မ့ၢ် တၢ်ကဟ့ၣ်တၢ်လၢပှၤတီပှၤလိၤဆၢန့ၢ်ဘၣ်လီၤ.
25 ဒ်ကလံၤသဝံးလဲၤပူၤကွံာ်တၢ်အသိး, ပှၤတတီတ လိၤဘၣ်န့ၣ်တအိၣ်လၢၤဘၣ်. မ့မ့ၢ်ပှၤတီပှၤလိၤအိၣ်ဝဲ ဒီး အခီၣ်ထံးအထူအယိာ်လီၤ.
26 ဒ်တၤဆံၣ်ထံလၢပမဲအသိး, ဒီးဒ်မ့ၣ်အူခုၣ်လၢပမဲာ် အသိးန့ၣ်ပှၤကၢၣ်ဖိမ့ၢ်ဒ်န့ၣ်သိးလၢ ပှၤလၢအမၢလီၤ အီၤလီၤ.
27 တၢ်ပျံၤယွၤန့ၣ်မၤအါထီၣ်မုၢ်နံၤမုၢ်နၤလီၤ. မ့မ့ၢ်ပှၤတ တီတလိၤအနံၣ်အလါန့ၣ်ကစှၤလီၤဝဲလီၤ.
28 ပှၤတီပှၤလိၤ အတၢ်မုၢ်လၢ်န့ၣ် မ့ၢ်တၢ်သူၣ်ခုသးခု လီၤ. မ့မ့ၢ်ပှၤတတီတလိၤဘၣ် အတၢ်ကွၢ်လၢ်အကျဲ န့ၣ်ကဟါမၢ်လီၤ.
29 ယွၤအကျဲမ့ၢ်တိာ်ဧိၤတာ်ဧိၤလၢ ပှၤအလၢအပှဲၤအဂီၢ်, မ့မ့ၢ်တၢ်ဟးဂီၤအိၣ်ဝဲလၢပှၤမၤတၢ်အၢအဂီၢ်လီၤ.
30 ပှၤတီပှၤလိၤ တဘၣ်တၢ်သုးအလီၢ် လီၤစိၤလီၤထီ ဘၣ်. မ့မ့ၢ်ပှၤတတီတလိၤဘၣ်န့ၣ် တအိၣ်တဆိးဘၣ် လၢထံဧိၤကီၢ်ဧိၤအပူၤဘၣ်.
31 တၢ်ကူၣ်သ့ထီၣ်ဖျဲးလၢ ပှၤတီပှၤလိၤအထးခိၣ်လီၤ. မ့မ့ၢ်လီတၢ်အပျ့ၤန့ၣ်တၢ်ကကူးတဲာ်အီၤလီၤ.
32 ပှၤတီပှၤလိၤ အပျုၤန့ၣ်သ့ၣ်ညါတၢ်ဘၣ်တၢ်အသး လီၤ. မ့မ့ၢ်ပှၤတတီတလိၤဘၣ်အထးခိၣ်န့ၣ်ကတိၤလီ တၢ်လီၤ.