9
1 တၢ်ကူၣ်သ့မၤအဟံၣ်လံ, စိးအထူၣ်နွံထူၣ်လံ, မၤသံ အဆၣ်ဖိကီၢ်ဖိလံ,
2 မၤဃါဃုာ်အစပံးထံလံ, ကတဲာ် ကတီၤအစီၢ်နီၤခိၣ်လံ,
3 မၢလီၤအဖိသၣ်ပိာ်မုၣ်တဖၣ် န့ၣ်လံ, ကိးထီၣ်ဝဲလၢဝ့ၢ်အလီၢ်ထီၣ်ထီအဖီခိၣ်,
4 ပှၤ လၢအတမၤလိဘၣ်တၢ်ဘၣ်န့ၣ် မ်အဃၣ်ဃီၤအသး ဆူအံၤတက့ၢ်. ပှၤလၢအသးဆးတအိၣ်ဘၣ်န့ၣ်အဝဲဒၣ် စံးဘၣ်အီၤ,
5 ဟဲဃီၤအီၣ်ယကိၣ်, ဒီးအီယစပံးထံလၢ ယဃါဃုာ်တက့ၢ်.
6 လဲၤသဒၣ်ပှၤဟးဂီၤဖိအတၢ်, ဒီးမူ နဲ, ဒီးလဲၤပိာ်စၢၢ်ဆၢတၢ်ကူၣ်တၢ်ဆးအကျဲန့ၣ်တက့ၢ်.
7 ပှၤလၢအသိၣ်က့ၤသီက့ၤ ပှၤဒုၣ်ဒွဲၣ်တၢ်န့ၣ်, န့ၢ်ဘၣ် တၢ်မဲာ်ဆှးလၢအဂီၢ်ဒၣ်ဝဲ, ဒီးပှၤလၢအသိၣ်ဃီၣ်ပှၤတ တီတလိၤဘၣ်န့ၣ်, ကဒိးအုးဒိးဃးလၢအလိၤဒၣ်ဝဲလီၤ.
8 သိၣ်ဃီၣ်ပှၤဒုၣ်ဒွဲၣ်တၢ်တဂ့ၤ. ကသးဟ့ဘၣ်ဖုးနၤ လီၤ.သိၣ်ဃီၣ်ပှၤကူၣ်တၢ်သ့တက့ၢ်, ဒီးကအဲၣ်နၤလီၤ.
9 ဟ့ၣ်တၢ်ကူၣ်သ့လၢပှၤကူၣ်တၢ်သ့တက့ၢ်, ဒီးကကူၣ် တၢ်သ့ဒိၣ်ထီၣ်လီၤ. ဘိးဘၣ်သ့ၣ်ညါပှၤတီပှၤလိၤလၢ တၢ်တက့ၢ်, ဒီးကန့ၢ်တၢ်အါထီၣ်လီၤ.
10 တၢ်ပျံၤယွၤမ့ၢ် တၢ်ကူၣ်သ့အခီၣ်ထံး, ဒီးတၢ်သ့ၣ်ညါတၢ်စီဆှံတဂၤ န့ၣ်မ့ၢ်တၢ်ကူၣ်တၢ်ဆးလီၤ.
11 မ့ၢ်မးနမုၢ်နံၤကအါထီၣ် လၢယၤ, ဒီးနသးသမူအနံၣ်န့ၣ်ကအါထီၣ်လီၤ.
12 နမ့ၢ်ကူၣ်တၢ်သ့ဒီး, နကကူၣ်တၢ်သ့လၢနဂီၢ်ဒၣ်နဲ, ဒီးနမ့ၢ်ဒုၣ်ဒွဲၣ်တၢ်ဒီး, နကဘၣ်တၢ်တဂၤဃီလီၤ.
13 ပိာ်မုၣ်ဟးဂီၤန့ၣ် ကလာ်ထီၣ်, အသးတဖးဘၣ်, ဒီး တသ့ၣ်ညါဘၣ်တၢ်နီတမံၤဘၣ်.
14 ဒီးဆ့ၣ်နီၤဝဲဖဲအဟံၣ် အကျဲစၢၤ, လၢလီၢ်ဆ့ၣ်နီၤအဖီခိၣ်လၢဝ့ၢ်အလီၢ်ထီၣ် ထီန့ၣ်,
15 ဒ်သိးအကကိးန့ၢ်ပှၤလဲၤပူၤဝဲလၢကျဲ, လၢအ ပိာ်ကျဲစၢၢ်ဆၢပံၢ်ကလာ်လီၤ.
16 ပှၤလၢအတမၤလိဘၣ် တၢ်ဘၣ်န့ၣ်မ်အဃၣ်ဃီၤအသးဖဲအံၤတက့ၢ်. ဒီးပှၤလၢ အသးဆးတအိၣ်ဘၣ်န့ၣ်အဝဲဒၣ်စံးဘၣ်အီၤ,
17 ထံလၢ ပဟုၣ်အီၤန့ၣ်မ့ၢ်အဆၢလီၤ. ဒီးကိၣ်လၢပအီၣ်ခူသူၣ် န့ၣ် မ့ၢ်အဝံၣ်လီၤ.
18 - ဒီးအဝဲဒၣ်တသ့ၣ်ညါဘၣ်လၢပှၤ သံအိၣ်ဖဲန့ၣ်, ဒီးပှၤလၢအကိးန့ၢ်အီၤန့ၣ်အိၣ်ဝဲလၢပျုၤ အတၢ်ယိာ်ပူၤန့ၣ်ဘၣ်လီၤ.