11
1 စီၤပီၢ်လီတၢ်န့ၣ် မ့ၢ်တၢ်သးဘၣ်အၢလၢယွၤအမဲာ်ညါ လီၤ.မ့မ့ၢ်စီၤပီၢ်သၣ်အတီန့ၣ်မ့ၢ်တၢ်ဘၣ်အသးလီၤ.
2 တုၤသးထီၣ်ထီဟဲဝဲဒီး, တၢ်မဲာ်ဆှးဟဲဝဲလီၤ. မ့မ့ၢ် တၢ်ကူၣ်သ့အိၣ်ဝဲဒီးပှၤအသူၣ်စူၤအသးစူၤလီၤ.
3 ပှၤတီပှၤလိၤ အတၢ်လၢတၢ်ပှဲၤန့ၣ်ကဆှၢအီၤလီၤ. မ့ မ့ၢ်ပှၤဝ့ၤတၢ်လီတၢ်အလွဲတၢ်န့ၣ်ကမၤဟးဂီၤအီၤလီၤ.
4 လၢတၢ်သးထီၣ်အနံၤန့ၣ် တၢ်ထူးတၢ်တီၤတဂိာ်တ သီၣ်ဘၣ်တၢ်ဘၣ်. မ့မ့ၢ်တၢ်တီတၢ်လိၤ မၤပူၤမၤဖျဲး တၢ်လၢတၢ်သံလီၤ.
5 ပှၤအလၢအပှဲၤအတၢ်တီတၢ်လိၤန့ၣ် မၤလိၤအကျဲ လီၤ. မ့မ့ၢ်ပှၤတတီတလိၤန့ၣ်လီၤဃံၤဝဲလၢအတၢ်တ တီတလိၤဒၣ်ဝဲအဃိလီၤ.
6 ပှၤအသးစၢၢ်ဆၢအတၢ်တီတၢ်လိၤ ကမၤပူၤမၤဖျဲးအီၤ လီၤ. မ့မ့ၢ်ပှၤလီတၢ်ဖိအတၢ်သးကွံန့ၣ် ဖီၣ်န့ၢ်အီၤလီၤ.
7 တုၤပှၤတတီတလိၤဘၣ်သံဒီး, အတၢ်မုၢ်လၢ်န့ၣ်ဟါ မၢ်ဝဲ, ဒီးပှၤအၢအကွၢ်လၢ်တၢ်န့ၣ်တုၤလၢတၢ်ဟးဂူာ် ဟးဂီၤလီၤ.
8 တၢ်မၤပူၤမၤဖျဲး ပှၤတီပှၤလိၤလၢ တၢ်မၤကိၢ်မၤဂီၤ လီၤ. ဒီးပှၤတတီတလိၤန့ၣ်ဟဲနုာ်လၢအလီၢ်လီၤ.
9 ပှၤလီတၢ်ဖိ မၤဟးဂီၤပှၤအိၣ်လၢအဃၢၤလၢအထး ခိၣ်လီၤ. မ့မ့ၢ်ပှၤပူၤဖျဲးဝဲလၢ ပှၤတီပှၤလိၤအတၢ်သ့ၣ် ညါအဃိလီၤ.
10 တုၤပှၤတီပှၤလိၤဘၣ်တၢ်ဂ့ၤတၢ်ဝါဒီး, ပှၤဝ့ၢ်ဖိသးခု ဝဲ, ဒီးတုၤပှၤတတီတလိၤဘၣ်တုၤလၢတၢ်ဟးဂီၤဒီး, ပှၤ ကိးပသူထီၣ်လီၤ.
11 ခူဧိၤဝ့ၢ်ဧိၤန့ၣ် ထီၣ်ထီဝဲလၢ ပှၤတီပှၤလိၤအတၢ်ဆိၣ် ဂ့ၤလီၤ. မ့မ့ၢ်ကလီၤပှီၢ်ဝဲလၢပှၤတတီတလိၤဘၣ်အထး ခိၣ်လီၤ.
12 ပှၤလၢအမၤတရီတပါပှၤလၢ အဃၢၤန့ၣ်မ့ၢ်ပှၤလၢ အသးဆးတအိၣ်ဘၣ်လီၤ. မ့မ့ၢ်ပှၤအကူၣ်အဆးန့ၣ်က အိၣ်ဘှီၣ်ကလာ်လီၤ.
13 ပှၤလၢအလဲၤကတိၤခဲၣ်တၢ်န့ၣ် လီၣ်ဖျါထီၣ်တၢ်ခူ သူၣ်လီၤ. မ့မ့ၢ်ပှၤလၢအသးတီန့ၣ်ပာ်တဒၢတၢ်လီၤ.
14 ဖဲပှၤဆှၢတၢ်တအိၣ်ဘၣ်န့ၣ် ပှၤဂီၢ်မုၢ်လီၤဃံၤဝဲလီၤ. မ့မ့ၢ်ဖဲပှၤဒုးကူၣ်တၢ်အိၣ်ဝဲအါဂၤန့ၣ် တၢ်အုၣ်က့ၤခီၣ် က့ၤအိၣ်ဝဲလီၤ.
15 ပှၤအုၣ်ကီၤအသးလၢပှၤလၢ အတသ့ၣ်ညါသ့ၣ်ခိး ဘၣ်ဝဲအဂီၢ်န့ၣ်, ကဘၣ်တၢ်ကီတၢ်ခဲလီၤ.မ့မ့ၢ်ပှၤသးဟ့ တၢ်အုၣ်ကီၤန့ၣ်, ဘၣ်ယိၣ်တၢ်အလီၢ်တအိၣ်ဘၣ်.
16 ပိာ်မုၣ်အိၣ်ဒီးအဃံအလၤဟံးဃာ်တၢ်လၤကပီၤ, ဒီး ပှၤအဆူၣ်ဟံးဃာ်တၢ်ထူးတၢ်တီၤန့ၣ်လီၤ.
17 ပှၤမၤဘျုးမၤဖှိၣ်တၢ်န့ၣ် မၤတၢ်ဂ့ၤလၢအသးဒၣ်ဝဲအ ဂီၢ်လီၤ. မ့မ့ၢ်ပှၤအသးကိၤန့ၣ်မၤကိၢ်မၤဂီၤအဖံးအညၣ် ဒၣ်ဝဲလီၤ.
18 ပှၤတတီတလိၤန့ၣ် မၤတၢ်လၢအဘူးအလဲလီတၢ်အ ဂီၢ်လီၤ. မ့မ့ၢ်ပှၤလၢအဖှံတၢ်တီတၢ်လိၤန့ၣ်ကန့ၢ်ဘၣ် အဘူးအလဲကျၢၤလီၤ.
19 ပှၤလၢအအိၣ်ကျၢၤလၢ တၢ်တီတၢ်လိၤအပူၤန့ၣ်က န့ၢ်ဘၣ်တၢ်မူလီၤ. မ့မ့ၢ်ပှၤလၢအလူၤတၢ်အၢန့ၣ်မၤန့ၢ် ဝဲလၢအတၢ်သံဒၣ်ဝဲအဂီၢ်လီၤ.
20 ပှၤလၢအသးက့ၣ်န့ၣ်ယွၤသးဘၣ်အၢအီၤလီၤ. မ့မ့ၢ် ပှၤအကျဲလိၤန့ၣ်ဘၣ်အသးလီၤ.
21 စုဟံးဃာ်စုဘၣ်ဆၣ်ဒီး ပှၤအၢအတၢ်ဒဲးဘးတပျၢ် ဘၣ်.မ့မ့ၢ်ပှၤတီပှၤလိၤအချံအသၣ်ကပူၤဖျဲးတၢ်လီၤ.
22 ဒ်တၢ်အကွီၤထူလၢထိးအနါဒ့ပူၤအသိးန့ၣ် ပိာ်မုၣ် အဃံအလၤလၢအဟးဖးဒီး တၢ်ကူၣ်ဘၣ်ကူၣ်သ့အ အိၣ်န့ၣ်မ့ၢ်ဒ်န့ၣ်သိးလီၤ.
23 ပှၤတီပှၤလိၤအဆၢတၢ်န့ၣ်မ့ၢ်ထဲတၢ်ဂ့ၤလီၤ. မ့မ့ၢ်ပှၤ တတီတလိၤဘၣ် အကွၢ်လၢ်တၢ်အကျဲန့ၣ်မ့ၢ်တၢ်သး ထီၣ်လီၤ.
24 တၢ်လၢအဖှံတၢ်, ဒီးအတၢ်အါထီၣ်န့ၣ်အိၣ်ဝဲလီၤ. ဒီးတၢ်လၢအဟ့ၣ်တၢ်စှၤကဲၣ်ဆိး, ဒီးဘၣ်ထဲတၢ်ဖှီၣ် တၢ်ယာ်န့ၣ်အိၣ်ဝဲလီၤ.
25 ပှၤလၢအဟ့ၣ်တၢ်ညီကဘီၣ်ထီၣ်ညီထီၣ်, ဒီးပှၤလၢ အဖှိၣ်ထံန့ၣ်ကဒိးဖှိၣ်ထံအကစၢ်ဒၣ်ဝဲလီၤ.
26 ပှၤလၢအဟံးဃာ်ဘုဧိၤဟုဧိၤန့ၣ် ပှၤဂီၢ်မုၢ်ကဆိၣ်အၢ အီၤလီၤ. မ့မ့ၢ်တၢ်ဆိၣ်ဂ့ၤကဘၣ်ပှၤအခိၣ်လၢအဆါ ကွံာ်ဝဲလီၤ.
27 ပှၤလၢအဃုတၢ်ဂ့ၤသပှၢ်တၢၢ်န့ၣ်ဃုတၢ်ဘျုးလီၤ. မ့ မ့ၢ်ပှၤလၢအဃုတၢ်အၢန့ၣ် တၢ်အအၢကချုးန့ၢ်အီၤလီၤ.
28 ပှၤလၢအသန့ၤအသးလၢ တၢ်ထူးတၢ်တီၤန့ၣ်ကလီၤ ဃံၤဝဲလီၤ. မ့မ့ၢ်ပှၤတီပှၤလိၤန့ၣ် ကဆှိးထီၣ်ဒ်သ့ၣ်ဒ့ဆှိး ဝဲအသိးန့ၣ်လီၤ.
29 ပှၤလၢအမၤကိၢ်မၤဂီၤအပှၤဟံၣ်ဖိဒၣ်ဝဲန့ၣ် ကန့ၢ်သါ ကလံၤ, ဒီးပှၤဟးဂီၤဖိန့ၣ်ကကဲထီၣ်ပှၤလၢအသးကူၣ် တၢ်သ့အကုၢ်အပှၤလီၤ.
30 ပှၤတီပှၤလိၤအတၤသၣ်န့ၣ် မ့ၢ်တၢ်မူအသ့ၣ်, ဒီးပှၤ လၢအမၤန့ၢ်ပှၤအသးတဖၣ်န့ၣ်မ့ၢ်ပှၤကူၣ်တၢ်သ့လီၤ.
31 ကွၢ်ကွၢ်, ပှၤတီပှၤလိၤန့ၣ် တၢ်ဟ့ၣ်ကၣ်တၢ်လၢအီၤ လၢဟီၣ်ခိၣ်ချၢလီၤ. မ့မ့ၢ်ပှၤတတီတလိၤ, ဒီးပှၤတၢ် ဒဲးဘးဖိန့ၣ်အါန့ၢ်အန့ၣ်တက့ၢ်လီၤ.