7
1 ဒီးအအံၤမ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်တၢ် ကမၣ်, မ့ၢ်တၢ်စီဆှံကတၢၢ်လီၤ.
2 ဖဲအမၤသံတၢ်လုၢ်မ့ၣ် အူအလီၢ်န့ၣ် ပှၤဘၣ်မၤသံတၢ်လုၢ်တၢ်ကမၣ်ဖဲန့ၣ်လီၤ.ဒီးဘၣ်ဖှံအသွံၣ်ဝးတရံးဝဲလၢတၢ်လုၢ်လီၢ်အဖီခိၣ်လီၤ.
3 ဒီးဘၣ်မၤန့ၢ်အသိခဲလၢာ်, အမဲၢ်ဘီၣ်, ဒီးအသိလၢ အပှံာ်သလီအလိၤ,
4 ဒီးအကလ့ၢ်ခံဖျၢၣ်, ဒီးသိလၢ အအိၣ်လၢအလိၤလၢအအိၣ်လၢအယီၢ်ဒ့အဃၢၤ, ဒီး တၢ်အိၣ်လၢအသူၣ်အလိၤန့ၣ် ဘၣ်ဟံးထီၣ်ကွံာ်ဒီးအ ကလ့ၢ်တဖၣ်လီၤ.
5 ဒီးပှၤလုၢ်တၢ်အဒိၣ်, ဘၣ်ဆိၣ်ကဲၤကွံာ်အီၤလၢတၢ် လုၢ်လီၢ်အဖီခိၣ်, တၢ်လုၢ်မ့ၣ်အူလၢယွၤအဂီၢ်လီၤ. မ့ၢ် တၢ်လုၢ်တၢ်ကမၣ်လီၤ.
6 ကယဲၢ်ပိာ်ခွါလၢ ပှၤလုၢ်တၢ်အဒိၣ်အကျါကအီၣ် ဘၣ်ဝဲလီၤ. ဘၣ်အီၣ်ဝဲလၢတၢ်အလီၢ်စီဆှံအပူၤလီၤ. မ့ၢ်တၢ်စီဆှံကတၢၢ်လီၤ.
7 ဒ်တၢ်လုၢ်တၢ်ဒဲးဘးအသိး န့ၣ်တၢ်လုၢ်တၢ်ကမၣ်ဒ်န့ၣ်အသိးလီၤ. အတၢ်သိၣ်တၢ် သီမ့ၢ်တမံၤဃီလီၤ. ပှၤလုၢ်တၢ်အဒိၣ်လၢအမၤပူၤဖျဲးတၢ် ဒီးအီၤန့ၣ်ကန့ၢ်ဘၣ်ဝဲလီၤ.
8 ဒီးပှၤလုၢ်တၢ်အဒိၣ် လၢအလုၢ်ပှၤတဂၤအတၢ်လုၢ် မ့ၣ်အူ, ပှၤလုၢ်တၢ်အဒိၣ်တဂၤန့ၣ် ကန့ၢ်ဘၣ်တၢ်လုၢ် မ့ၣ်အူလၢအလုၢ်ဝဲန့ၣ်အဖံးလၢအဂီၢ်ဒၣ်ဝဲလီၤ.
9 ဒီးကယဲၢ်တၢ်မၤဘူၣ်ကိၣ် လၢအကုၢ်အသးလၢဖၣ် ကပူၤ, ဒီးကယဲၢ်တၢ်လၢတၢ်ကုၢ်အီၤလၢသပၢၤပူၤမ့ၢ် ဂ့ၤ, လၢတၢ်ဘ့ၣ်ဘၣ်အဖီခိၣ်မ့ၢ်ဂ့ၤ, ကကဲထီၣ်ပှၤလုၢ် တၢ်အဒိၣ်လၢအမၤဘူၣ်ဝဲအတၢ်လီၤ.
10 ဒီးကယဲၢ်တၢ်မၤဘူၣ်ကိၣ်ဃါဃုာ်ဒီးသိ, ဒီးတၢ်အ ဃ့ခဲလၢာ်န့ၣ်စီၤအၤဟရိၣ်အဖိခွါ ကန့ၢ်ဘၣ်ကိးဂၤဒဲး, တဂၤဒ်တဂၤဒၣ်အသိးန့ၣ်လီၤ.
11 ဒီးအအံၤမ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်မၤဃူ မၤဖိးတၢ်လၢပှၤကမၤဘူၣ်ယွၤလီၤ.
12 မ့ၢ်မၤဘူၣ်ဝဲလၢ တၢ်စံးထီၣ်ပတြၢၤအဂီၢ်ဒီး, ဘၣ်မၤဘူၣ်အီၤဒီးတၢ်စံး ထီၣ်ပတြၢၤအတၢ်လုၢ်လၢကိၣ်ဘ့ၣ်ဘၣ်တအိၣ်ဒီးကိၣ် မံၣ်ဃါဃုာ်ဒီးသိ, ဒီးကိၣ်ဘ့ၣ်ဘၣ်ဘူသလါတအိၣ်ဒီး ကိၣ်မံၣ်ဖှူဒီးသိ, ဒီးကိၣ်ဘ့ၣ်ဘၣ်တ့အသးလၢကိၣ်က မူၣ်ဃါဃုာ်ဒီးသိဒီးကုၢ်အသးလီၤ.
13 လၢကိၣ်ဘ့ၣ်ဘၣ် အမဲာ်ညါန့ၣ်, ဘၣ်မၤဘူၣ်ကိၣ်အိၣ်ဒီးကိၣ်မံၣ်အိၣ်ဒီး အတၢ်မၤဃူမၤဖိးအတၢ်လုၢ်စံးထီၣ်ပတြၢၤလီၤ.
14 ဒီးဘၣ်မၤဘူၣ်ကိၣ်တဘ့ၣ်လၢ တၢ်မၤဘူၣ်ခဲလၢာ် အကျါ, လၢတၢ်ဝံၢ်လၢယွၤအဂီၢ်, ဒီးကကဲထီၣ်ပှၤလုၢ် တၢ်အဒိၣ်လၢအဖှံ တၢ်လုၢ်မၤဃူမၤဖိးအတၢ်သွံၣ်န့ၣ်တ ဂၤအတၢ်လီၤ.
15 ဒီးအတၢ်မၤဃူမၤဖိးအတၢ်လုၢ်စံးထီၣ်ပတြၢၤအညၣ် န့ၣ်ဘၣ်အီၣ်ဝဲမုၢ်တနံၤဃီ လၢအမၤဘူၣ်န့ၣ်လီၤ. တ ဘၣ်ဒုးအိၣ်လီၤတဲာ်အီၤတုၤမုၢ်ဂီၤနီတစဲးဘၣ်.
16 ဒီးအတၢ်မၤဘူၣ်အတၢ်လုၢ်န့ၣ် မ့မ့ၢ်တၢ်ဘၣ်ဃးဒီး ဆိၣ်တၢ်ဂ့ၤဂ့ၤ, တၢ်မၤဘူၣ်ဒၣ်တၢ်ဂ့ၤဂ့ၤဒီး, မုၢ်တနံၤ လၢအမၤဘူၣ်အတၢ်လုၢ်န့ၣ်ဘၣ်အီၣ်ဝဲ, ဒီးမုၢ်ဆ့ၣ်ထီၣ် တနံၤန့ၣ်ဘၣ်အီၣ်ဝဲစ့ၢ်ကီးလီၤ.
17 မ့မ့ၢ်သၢနံၤတနံၤန့ၣ် တၢ်လုၢ်အညၣ်လၢအအိၣ်လီၤတဲာ်ကဘၣ်တၢ်ဆူးထီၣ် ကွံာ်အီၤလၢမ့ၣ်အူလီၤ.
18 ဒီးလၢသၢနံၤတနံၤန့ၣ် ပှၤမ့ၢ်အီၣ်တၢ်မၤဃူမၤဖိးအ တၢ်လုၢ်အညၣ်ဒီး, တၢ်တတူၢ်လိာ်ဘၣ်ဝဲဘၣ်, ဒီးတၢ် တပာ်ဘၣ်ဝဲလၢပှၤလၢအမၤဘူၣ်အီၤအဂီၢ်ဘၣ်, ကကဲ ထီၣ်တၢ်သးဘၣ်အၢ, ဒီးပှၤလၢအအီၣ်ဝဲန့ၣ်ကဘၣ်အ တၢ်ဒဲးဘးလီၤ.
19 ဒီးတၢ်ညၣ်လၢအထိး တၢ်တကဆှီဘၣ်တမံၤမံၤန့ၣ် ပှၤတဘၣ်အီၣ်အီၤဘၣ်. ကဘၣ်တၢ်ဆူးထီၣ်ကွံာ်လၢ မ့ၣ်အူလီၤ. ဒီးကယဲၢ်ပှၤအကဆှီတဂၤလၢ်လၢ်န့ၣ်က အီၣ်ဘၣ်တၢ်ညၣ်န့ၣ်လီၤ.
20 ဘၣ်ဆၣ်ဒီးပှၤလၢအအိၣ်ဒီး အတၢ်တကဆှီဘၣ်လၢ အလိၤတဂၤဂၤလၢအအီၣ်တၢ်မၤဃူမၤဖိးအတၢ်လုၢ်အ ညၣ်လၢအဘၣ်ဃးဒီးယွၤန့ၣ် ကဘၣ်တၢ်ဒီၣ်တဲာ်ကွံာ် အီၤဒီးအပှၤတကလုာ်ဒၣ်ဝဲန့ၣ်လီၤ.
21 ဒီးပှၤကညီအတၢ်တကဆှီဘၣ်မ့ၢ်ဂ့ၤ, ဆၣ်ဖိကီၢ်ဖိ လၢအတကဆှီဘၣ်မ့ၢ်ဂ့ၤ, တၢ်သးဘၣ်အၢအတၢ်တ ကဆှီဘၣ်မ့ၢ်ဂ့ၤ, ပှၤလၢအထိးဘၣ်ထီရီၤတၢ်တကဆှီ ဘၣ်တမံၤမံၤ, ဒီးအီၣ်တၢ်မၤဃူမၤဖိးအတၢ်လုၢ်အညၣ် လၢအဘၣ်ဃးဒီးယွၤန့ၣ် ကဘၣ်တၢ်ဒီၣ်တဲာ်ကွံာ်အီၤ ဒီးအပှၤတကလုာ်ဒၣ်ဝဲန့ၣ်လီၤ.ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,
22-23 ကတိၤ တၢ်ဒီး ပှၤအံၣ်စရ့လးဖိဒီးစံး, ဂီၤဖံးဂ့ၤဂ့ၤ, သိဂ့ၤဂ့ၤ, မဲာ်တဲးလဲးဂ့ၤဂ့ၤ, သုတအီၣ်အသိနီတမံၤတဂ့ၤ.
24 ဒီး ဆၣ်ဖိကီၢ်ဖိလၢအသံဒၣ်တၢ်အသိ, ဒီးတၢ်လၢဆၣ်ဖိ ကီၢ်ဖိအ့ၣ်ဖှီအီၤအသိန့ၣ်, သုမၤအလီၢ်အဂၤမ့ၢ်အိၣ်ဒီး, သုကမၤဘၣ်လီၤ. မ့မ့ၢ်သုတအီၣ်အီၤတဂ့ၤ.
25 အဂ့ၢ်ဒ်အံၤ, ကယဲၢ်ပှၤလၢအအီၣ်ဆၣ်ဖိကီၢ်ဖိအသိ လၢပှၤလုၢ်လၢတၢ်လုၢ်မ့ၣ်အူလၢယွၤအဂီၢ်န့ၣ်, ပှၤလၢ အအီၣ်ကဘၣ်တၢ်ဒီၣ်တဲာ်ကွံာ်အီၤလၢ အပှၤတကလုာ် ဒၣ်ဝဲလီၤ.
26 ဒီးထိၣ်ဧိၤလံၣ်ဧိၤမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, သုတအီၣ်အသွံၣ်လၢ သုအိၣ်သုဆိးအလီၢ်နီတပူၤနီတမံၤတ ဂ့ၤ.
27 ကယဲၢ်ပှၤလၢအအီၣ်တၢ်သွံၣ်တမံၤမံၤန့ၣ် အဝဲတဂၤက ဘၣ်တၢ်ဒီၣ်တဲာ်ကွံာ်အီၤဒီး အပှၤတကလုာ်ဒၣ် ဝဲလီၤ.ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,
28-29 ကတိၤ တၢ်ဒီးပှၤအံၣ်စရ့လးဖိဒီးစံး, ပှၤလၢအမၤဘူၣ်ယွၤအ တၢ်လုၢ်မၤဃူမၤဖိးန့ၣ် ဘၣ်ဟဲစိာ်အတၢ်မၤဘူၣ်ဆူယွၤ လၢတၢ်လုၢ်တၢ်မၤဃူမၤဖိးလီၤ.
30 ဒီးဘၣ်ဟဲစိာ်တၢ်လုၢ်မ့ၣ်အူလၢယွၤအဂီၢ် လၢအစု ဒၣ်ဝဲလီၤ. ဘၣ်ဟဲစိာ်အသိဒီးအသးနါပှၢ်, ဒ်သိးအသး နါပှၢ်ကဘၣ်တၢ်ဝၢ်အီၤ, တၢ်ဝၢ်လၢယွၤအမဲာ်ညါလီၤ.
31 ဒီးပှၤလုၢ်တၢ်အဒိၣ် ဘၣ်ဆိၣ်ကဲၤကွံာ်အသိလၢတၢ် လုၢ်လီၢ်အဖီခိၣ်လီၤ. မ့မ့ၢ်အသးနါပှၢ်န့ၣ်, ကကဲထီၣ် စီၤအၤဟၤရိၣ်ဒီးအဖိခွါတဖၣ်အတၢ်လီၤ.
32 ဒီးအဖံဘၣ်ခိၣ်အထွဲန့ၣ် သုဘၣ်ဟ့ၣ်အီၤလၢပှၤလုၢ် တၢ်အဒိၣ်လီၤ. မ့ၢ်တၢ်ဝံၢ်ဘၣ်ဃးဒီး သုတၢ်လုၢ်မၤဃူ မၤဖိးလီၤ.
33 ပှၤလၢစီၤအၤဟရိၣ်အဖိခွါအကျါ, လၢအမၤဘူၣ်သု တၢ်လုၢ်မၤဃူမၤဖိးအသွံၣ်ဒီးအသိတဂၤန့ၣ် ကန့ၢ်ဘၣ် အဖံဘၣ်ခိၣ်အထွဲလၢအဂီၢ်လီၤ.
34 အဂ့ၢ်ဒ်အံၤ,သးနါ ပှၢ်ဝၢ်ဒီးဖံဘၣ်ခိၣ်ဝံၢ်န့ၣ် ယဟံးန့ၢ်လၢပှၤအံၣ်စရ့လးဖိ လၢတၢ်လုၢ်မၤဃူမၤဖိးအပူၤ, ဒီးယဟ့ၣ်လီၤအီၤလၢပှၤ လုၢ်တၢ်အဒိၣ်စီၤအၤဟရိၣ်ဒီးအဖိခွါလၢ တၢ်အလုၢ်အ လၢ်အထူအယိာ်လၢပှၤအံၣ်စရ့လးဖိအကျါလီၤ.
35 အဝဲန့ၣ်မ့ၢ်စီၤအၤဟရိၣ်အတၢ်ဘၣ်ဃးဒီး အဒိးဖှူအ သးဒီးအဖိခွါတဖၣ်အဒိးဖှူအသးလၢ တၢ်လုၢ်မ့ၣ်အူလၢ ယွၤအဂီၢ်အကျါ, လၢမုၢ်နံၤလၢအပာ်အီၤလၢအကမၤ ပှၤလုၢ်တၢ်အဒိၣ်အတၢ်မၤလၢယွၤအဂီၢ်လီၤ.
36 မုၢ်နံၤ လၢအဖှူအီၤန့ၣ်ယွၤမၤလိာ်ဝဲလၢပှၤအံၣ်စရ့လးဖိ ဘၣ် ဟ့ၣ်အီၤလီၤ. မ့ၢ်တၢ်အလုၢ်အလၢ်အထူအယိာ်လီၤလၢ အစၢၤအသွဲၣ်အစိၤစိၤအဃၣ်ဃၣ်လီၤ.
37 အဝဲန့ၣ်မ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်မ့ၣ်အူ, ဒီးတၢ်မၤဘူၣ်ကိၣ်, ဒီးတၢ်လုၢ်တၢ်ဒဲးဘး, ဒီးတၢ်လုၢ် တၢ်ကမၣ်, ဒီးတၢ်ပာ်စီဆှံတၢ်,
38 ဒီးတၢ်လုၢ်မၤဃူမၤ ဖိးလၢယွၤမၤလိာ်စီၤမိၤရှ့လၢကစၢၢ်စံၤနါအလိၤ, မုၢ်တ နံၤလၢအမၤလိာ်ပှၤအံၣ်စရ့လးဖိလၢအဘၣ်မၤဘူၣ်ယွၤ လၢအတၢ်မၤဘူၣ်လၢစံၤနါအပှၢ်လၢ်ကျါန့ၣ်လီၤ.