8
1-2 ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,- ဟံးန့ၢ်စီၤ အၤဟရိၣ်ဒီးအဖိခွါတဖၣ်ဒီးအီၤ, ဒီးတၢ်အကူအသိး, ဒီးသိဖှူတၢ်, ဒီးဂီၤဖံးလၢတၢ်လုၢ်တၢ်ဒဲးဘးအဂီၢ်တဒု, ဒီးသိဖါခံဒု, ဒီးနာ်တဖျၢၣ်အိၣ်ဒီးကိၣ်တအိၣ်ဘၣ်ဒီး ကိၣ်မံၣ်,
3 ဒီးဒုးအိၣ်ဖှိၣ်ရိဖှိၣ်တၢ်အိၣ်ဖှိၣ်ခဲလၢာ်လၢ တၢ်အိၣ်ဖှိၣ်အဒဲအကျဲစၢၤန့ၣ်တက့ၢ်.
4 ဒီးစီၤမိၤရှ့မၤဝဲ ဒ်ယွၤမၤလိာ်အီၤအသိး, ဒီးတၢ်အိၣ်ဖှိၣ်န့ၣ်အိၣ်ဖှိၣ်ရိဖှိၣ် ဖဲတၢ်အိၣ်ဖှိၣ်အဒဲကျဲစၢၤန့ၣ်လီၤ.
5 ဒီးစီၤမိၤရှ့စံးဘၣ် တၢ်အိၣ်ဖှိၣ်န့ၣ်, တၢ်လၢယွၤမၤလိာ်လၢပဘၣ်မၤန့ၣ်မ့ၢ် အအံၤ,
6 ဒီးစီၤမိၤရှ့ဟံးန့ၢ်စီၤအၤဟရိၣ်, ဒီးအဖိခွါတ ဖၣ်, ဒီးသ့စီအီၤဒီးထံလီၤ.
7 ဒီးဒုးသိးအီၤဒီးဆ့, ဒီးကံၢ်တူာ်အယီၢ်ဒ့ ဒီးယီၢ်တ ကိး, ဒီးဒုးသိးအီၤဒီးဆ့ဖးထီ, ဒီးပာ်အ့ဖိးလၢအလိၤ, ဒီး, ကံၢ်တူာ်အီၤဒီးအ့ဖိးအယီၢ်တကိးကံၣ်ဃ့, ဒီးမၤ ဃာ်အ့ဖိးဒီးအီၤ,
8 ဒီးပာ်သဃိးလၢအသးနါပှၢ်, ဒီးပာ် စ့ၢ်ကီးအူရံၣ်ဒီးတူမံၣ်လၢသဃိးအပူၤ,
9 ဒီးပာ်ခိၣ်ဖျီၣ် လၢအခိၣ်, ဒီးလၢခိၣ်ဖျီၣ်အဖီခိၣ်လၢအမဲာ်ညါတခီပာ် ထီၣ်တၢ်ဘ့ၣ်ဘၣ်ထူ, ခိၣ်သလုးစီဆှံ, ဒ်ယွၤမၤလိာ် စီၤမိၤရှ့အသိးန့ၣ်လီၤ.
10 ဒီးစီၤမိၤရှ့ဟံးန့ၢ်သိဖှူတၢ်, ဒီးဖှူတၢ်အိၣ်အလီၢ်, ဒီး ကယဲၢ်တၢ်အိၣ်လၢအပူၤ, ဒီးမၤစီဆှံအီၤလီၤ.
11 ဒီးဖှံ တၢ်လုၢ်လီၢ်အဖီခိၣ်လၢအီၤနွံစု, ဒီးဖှံတၢ်လုၢ်လီၢ်ဒီးအ တၢ်ဖိတၢ်လံၤခဲလၢာ်, ဒီးသရာ်ဒီးအခီၣ်, ဒ်သိးအက မၤစီဆှံအီၤလီၤ.
12 ဒီးလူလီၤသိဖှူတၢ်လၢစီၤအၤဟရိၣ်အဖီခိၣ်, ဒီးဖှူအီၤ ဒ်သိးအကမၤစီဆှံအီၤလီၤ.
13 ဒီးစီၤမိၤရှ့ဒုးဟဲစီၤအၤဟရိၣ်အဖိခွါတဖၣ်, ဒီးဒုးသိး အီၤဒီးဆ့, ဒီးကံၢ်တူာ်အယီၢ်ဒ့ဒီးယီၢ်တကိး, ဒီးဒုးဖျီၣ် အခိၣ်ဒီးခိၣ်ဖျီၣ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
14 ဒီးဟဲစိာ်ဂီၤဖံးလၢတၢ်လုၢ်တၢ်ဒဲးဘးအဂီၢ်တဒု,ဒီးစီၤ အၤဟရိၣ်ဒီးအဖိခွါတဖၣ်န့ၣ် ပာ်အစုလၢဂီၤဖံးလၢတၢ် လုၢ်တၢ်ဒဲးဘးအဂီၢ်တဒုအခိၣ်လီၤ.
15 ဒီးမၤသံအီၤ,ဒီးစီၤ မိၤရှ့ဟံးန့ၢ်အသွံၣ်, ဒီးပာ်အီၤဒီးအစုမုၢ်လၢတၢ်လုၢ်လီၢ် အနၢၤတဖၣ်အလိၤဝးတရံးဝဲ, ဒီးမၤကဆှီထီၣ်တၢ်လုၢ် လီၢ်, ဒီးလူလီၤတၢ်သွံၣ်လၢတၢ်လုၢ်လီၢ်အခီၣ်ထံး, ဒီး မၤစီဆှံအီၤဒ်သိးအကမၤပူၤဖျဲးတၢ်လၢအဖီခိၣ်လီၤ.
16 ဒီးဟံးန့ၢ်သိလၢအပှံာ်လိၤခဲလၢာ်, ဒီးတၢ်အိၣ်လၢ အသူၣ်အလိၤ, ဒီးအကလ့ၢ်ခံဖျၢၣ်, ဒီးအသိ, ဒီးစီၤ မိၤရှ့ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်လီၤ.
17 မ့ မ့ၢ်ဂီၤဖံး, ဒီးအဖံး, ဒီးအညၣ်, ဒီးအအ့ၣ်န့ၣ်ဆူးထီၣ် ကွံာ်ဝဲဒီးမ့ၣ်အူလၢပှၤသူၣ်ဒဲအလီၢ်လၢခိ, ဒ်ယွၤမၤလိာ် စီၤမိၤရှ့အသိးန့ၣ်လီၤ.
18 ဒီးဟဲစိာ်သိဖါတဒုလၢတၢ်လုၢ်မ့ၣ်အူအဂီၢ်, ဒီးစီၤ အၤဟရိၣ်ဒီးအဖိခွါတဖၣ် ပာ်အစုလၢသိဖါတဒုအခိၣ် လီၤ.
19 ဒီးမၤသံအီၤ, ဒီးစီၤမိၤရှ့ဖှံအသွံၣ်လၢတၢ်လုၢ် လီၢ်အဖီခိၣ်ဝးတရံးဝဲလီၤ.
20 ဒီးဒီၣ်တဲာ်သိဖါတကူာ်, တကူာ်, ဒီးစီၤမိၤရှ့ဆိၣ် ကဲၤကွံာ်အခိၣ်, ဒီးအကူာ်တဖၣ်, ဒီးအသိလီၤ.
21 ဒီး သ့စီအပှံာ်ဒီးအခီၣ်လၢထံ, ဒီးစီၤမိၤရှ့ဆိၣ်ကဲၤကွံာ်သိ ဖါဒီဒုလၢတၢ်လုၢ်လီၢ်အဖီခိၣ်လီၤ. မ့ၢ်တၢ်လုၢ်မ့ၣ်အူ လၢတၢ်နၢမူအဂီၢ်, တၢ်လုၢ်မ့ၣ်အူလၢယွၤအဂီၢ်, ဒ်ယွၤ မၤလိာ်စီၤမိၤရှ့အသိးန့ၣ်လီၤ.
22 ဒီးဟဲစိာ်သိဖါအဂၤတဒု, သိဖါဘၣ်ဃးဒီးတၢ်ပာ်စီ ဆှံ, ဒီးစီၤအၤဟရိၣ်ဒီးအဖိခွါတဖၣ်ပာ်အစုလၢသိဖါခိၣ် န့ၣ်လီၤ.
23 ဒီးမၤသံအီၤ, ဒီးစီၤမိၤရှ့ဟံးန့ၢ်အသွံၣ်, ဒီးပာ် လၢစီၤအၤဟရိၣ်အနၢ်ကုခိၣ်အထွဲအဖီခိၣ်, ဒီးလၢအစု မုၢ်ဒိၣ်အထွဲအဖီခိၣ်, ဒီးလၢအခီၣ်မုၢ်ဒိၣ်အထွဲ အဖီခိၣ်လီၤ.
24 ဒီးဒုးဟဲက့ၤစီၤအၤဟရိၣ်အဖိခွါတဖၣ်, ဒီးပာ်တၢ် သွံၣ်လၢအနၢ်ကုခိၣ်အထွဲအဖီခိၣ်, ဒီးလၢအစုမုၢ်ဒိၣ်အ ထွဲအဖီခိၣ်, ဒီးလၢအခီၣ်မုၢ်ဒိၣ်အထွဲအဖီခိၣ်လီၤ.ဒီးစီၤ မိၤရှ့ဖှံတၢ်သွံၣ်လၢတၢ်လုၢ်လီၢ်အဖီခိၣ်ဝးတရံးဝဲလီၤ.
25 ဒီးဟံးန့ၢ်အသိ, ဒီးအမဲၢ်, ဒီးအသိလၢအအိၣ်လၢအ ပှံာ်လိၤခဲလၢာ်, ဒီးတၢ်အိၣ်လၢသူၣ်အလိၤ, ဒီးအက လ့ၢ်ခံဖျၢၣ်အသိ, ဒီးအဖံဘၣ်ခိၣ်အစုထွဲ,
26 ဒီးလၢနာ် အိၣ်ဒီးကိၣ်တအိၣ်ဘၣ်ဒီးကိၣ်မံၣ် လၢအအိၣ်လၢယွၤ အမဲာ်ညါန့ၣ် ဟံးန့ၢ်ကိၣ်တအိၣ်ဘၣ်ဒီးကိၣ်မံၣ်တဘ့ၣ်, ဒီးကိၣ်အိၣ်ဒီးသိတဘ့ၣ်, ဒီးကိၣ်ဘူသလါတဘ့ၣ်, ဒီး ပာ်ဝဲလၢသိအဖီခိၣ်, ဒီးလၢဖံဘၣ်ခိၣ်အထွဲအဖီခိၣ်,-
27 ဒီးပာ်အီၤလၢစီၤအၤဟရိၣ်အစုပူၤ, ဒီးလၢအဖိခွါတဖၣ် အစုပူၤ, ဒီးဝၢ်ဝဲလၢတၢ်ဝၢ်လၢယွၤအမဲာ်ညါလီၤ.
28 ဒီးစီၤမိၤရှ့ဟံးန့ၢ်ဝဲလၢအဝဲသ့ၣ်အစုပူၤ, ဒီးဆိၣ်ကဲၤ ကွံာ်ဝဲလၢတၢ်လုၢ်လီၢ်မ့ၣ်အူအဖီခိၣ်လီၤ. မ့ၢ်တၢ်ပာ်စီ ဆှံလၢတၢ်နၢမူအဂီၢ်လီၤ. မ့ၢ်တၢ်လုၢ်မ့ၣ်အူလၢယွၤအ ဂီၢ်လီၤ.
29 ဒီးစီၤမိၤရှ့ဟံးန့ၢ်အသးနါပှၢ်, ဒီးဝၢ်ဝဲလၢတၢ်ဝၢ်လၢ ယွၤအမဲာ်ညါလီၤ. လၢသိဖါပာ်စီဆှံတၢ်အပူၤန့ၣ်မ့ၢ်ဝဲ လၢစီၤမိၤရှ့အဂီၢ်, ဒ်ယွၤမၤလိာ်စီၤမိၤရှ့အသိးန့ၣ်လီၤ.
30 ဒီးစီၤမိၤရှ့ဟံးန့ၢ်သိဖှူတၢ်, ဒီးတၢ်သွံၣ်အိၣ်လၢတၢ် လုၢ်လီၢ်အဖီခိၣ်, ဒီးဖှံဝဲလၢစီၤအၤဟရိၣ်အလိၤ, ဒီး လၢအကူအသိးအလိၤ, ဒီးလၢအဖိခွါတဖၣ်အလိၤ, ဒီး လၢအဖိခွါတဖၣ်အိၣ်ဒီးအီၤအကူအသိးအလိၤ, ဒီးမၤ စီဆှံစီၤအၤဟရိၣ်ဒီးအကူအသိးဒီးအဖိခွါတဖၣ်, ဒီးအ ဖိခွါတဖၣ်အိၣ်ဒီးအီၤ, အကူအသိးလီၤ.
31 ဒီးစီၤမိၤရှ့စံးဘၣ် စီၤအၤဟရိၣ်ဒီးအဖိခွါတဖၣ်, ချီ တၢ်ညၣ်ဖဲတၢ်အိၣ်ဖှိၣ်အဒဲအကျဲစၢၤ, ဒီးအီၣ်အီၤဖဲန့ၣ် ဒီးကိၣ်အိၣ်လၢနာ်ဘၣ်ဃးဒီးတၢ်ပာ်စီဆှံအပူၤ, ဒ်ယ မၤလိာ်တၢ်ဒီးစံး, စီၤအၤဟရိၣ်ဒီးအဖိခွါတဖၣ်ဘၣ် အီၣ်အီၤန့ၣ်အသိးတက့ၢ်.
32 ဒီးတၢ်လၢအအိၣ်လီၤတဲာ် ဒီးတၢ်ညၣ်ဒီးကိၣ်န့ၣ်, သုဘၣ်ဆူးထီၣ်ကွံာ်အီၤလၢမ့ၣ် အူလီၤ.
33 ဒီးသုတဘၣ်ဟးထီၣ်လၢ တၢ်အိၣ်ဖှိၣ်အဒဲအကျဲစၢၤ အပူၤနွံနံၤအတီၢ်ပူၤတုၤလၢ တၢ်ပာ်စီဆှံသုမုၢ်နံၤတဖၣ် လၢာ်လီၤ. အဂ့ၢ်ဒ်အံၤ, နွံနံၤန့ၣ်ကမၤစီဆှံထီၣ်သုလီၤ.
34 ဒ်တၢ်မၤအသးလၢ မုၢ်မဆါတနံၤအံၤအသိးန့ၣ်ယွၤ မၤလိာ်လၢပှၤကမၤတၢ်ပူၤဖျဲးလၢသုဂီၢ်လီၤ.
35 ဒီးသုဘၣ်အိၣ်လၢ တၢ်အိၣ်ဖှိၣ်အဒဲအကျဲစၢၤနွံနံၤသ့ သ့တနံၤသီသီတနၤ, ဒီးကွၢ်ယွၤအတၢ်ကွၢ်, ဒ်သိးသု သုတသံတဂ့ၤ. အဂ့ၢ်ဒ်အံၤ, တၢ်မၤလိာ်ယၤဒ်န့ၣ်လီၤ.
36 ဒီးစီၤအၤဟရိၣ်ဒီးအဖိခွါတဖၣ် မၤကယဲၢ်တၢ်လၢ ယွၤမၤလိာ်ဝဲလၢစီၤမိၤရှ့အစုပူၤလီၤ.