6
1-2 ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,- ပှၤတဂၤ ဂၤမ့ၢ်မၤတၢ်ဒဲးဘး ဒီးမၤကမၣ်ဘၣ်ယွၤ, ဒီးကတိၤက ဘျံးကဘျၣ်ဒီးပှၤလၢအဃၢၤလၢ တၢ်ဘၣ်တၢ်ပာ်အီၤ လၢအစုပူၤအဂ့ၢ်အကျိၤဂ့ၤ, လၢတၢ်ဟ့ၣ်ကီၤအဂ့ၢ်အ ကျိၤဂ့ၤ, လၢတၢ်ဟံးန့ၢ်ဆူၣ်အဂ့ၢ်အကျိၤဂ့ၤ, ဒီးမ့ၢ်လီန့ၢ် ပှၤလၢအဃၢၤမ့ၢ်ဂ့ၤ,
3 မ့ၢ်ထံၣ်န့ၢ်တၢ်လၢအဟါမၢ်, ဒီး ကတိၤကဘျံးကဘျၣ်လၢအဂ့ၢ်အကျိၤ, ဒီးဆိၣ်တၢ်က ဘျံးကဘျၣ်မ့ၢ်ဂ့ၤ, ကယဲၢ်တၢ်န့ၣ်တမံၤမံၤလၢပှၤမၤဒီး မၤကမၣ်ဘၣ်တၢ်ဒီး,
4 မ့ၢ်အမၤကမၣ်တၢ်ဒီးအတၢ်ဒဲး ဘးအိၣ်ဝဲဒီး, တၢ်ကမၤအသးလၢအဘၣ်ဟ့ၣ်က့ၤတၢ် လၢအမၤန့ၢ်ဆူၣ်ဂ့ၤ, တၢ်လၢအမၤန့ၢ်လၢလီတၢ်ဂ့ၤ, တၢ် လၢတၢ်ပာ်လၢအစုပူၤဂ့ၤ, တၢ်လၢအဟါမၢ်ဒီးထံၣ်န့ၢ် ဂ့ၤ,
5 ကယဲၢ်တၢ်လၢအဆိၣ်တၢ်ကဘျံးကဘျၣ်လၢအဂ့ၢ် အကျိၤဂ့ၤ, ဘၣ်ဟ့ၣ်က့ၤတၢ်န့ၣ်အမိၢ်ပှၢ်, ဒီးဘၣ်ပာ်ဖှိၣ် အယဲၢ်ပူတပူဒီးအီၤလီၤ. ဒီးမုၢ်နံၤလၢတၢ်ထံၣ်န့ၢ်အတၢ် ဒဲးဘးန့ၣ် ဘၣ်ဟ့ၣ်က့ၤအီၤလၢပှၤလၢအ မ့ၢ်အတၢ်လီၤ.
6 ဒီးဘၣ်ဟဲစိာ်အတၢ်လုၢ်တၢ်ကမၣ် တၢ်အဖါအလၢ အပှဲၤတဒုလၢ သိဒီးမဲာ်တဲးလဲးအကျါဆူယွၤအအိၣ်, တၢ်အဖါအလၢအပှဲၤလၢ သိဒီးမဲာ်တဲးလဲးအကျါဖဲန ပာ်အပှ့ၤလၢတၢ်လုၢ်တၢ်ကမၣ်အဂီၢ်, ဆူပှၤလုၢ်တၢ် အဒိၣ်အအိၣ်လီၤ.
7 ဒီးပှၤလုၢ်တၢ်အဒိၣ်ဘၣ်မၤတၢ်ပူၤ ဖျဲးလၢအဂီၢ်လၢယွၤအမဲာ်ညါ, ဒီးတၢ်ကပျၢ်ကယဲၢ်တၢ် တမံၤမံၤလၢအမၤကမၣ်တၢ်လၢအပူၤလီၤ.ဒီးယွၤကတိၤတၢ်ဒီးစီၤမိၤရှ့ဒီးစံးဝဲဒၣ်,
8-9 မၤလိာ်စီၤ အၤဟရိၣ်ဒီးအဖိခွါတဖၣ်ဒီးစံး, အအံၤမ့ၢ်တၢ်သိၣ်တၢ် သီဘၣ်ဃးဒီးတၢ်လုၢ်မ့ၣ်အူန့ၣ်, တၢ်လုၢ်မ့ၣ်အူဘၣ် အိၣ်လၢတၢ်လုၢ်လီၢ်အဖၣ်ကပူၤအဖီခိၣ် သီတနၤကျၢၤ တုၤမုၢ်ဂီၤလီၤ. ဒီးတၢ်လုၢ်လီၢ်အမ့ၣ်အူဘၣ်ကဲၤလၢအ လိၤတထံၣ်ဃီလီၤ.
10 ဒီးပှၤလုၢ်တၢ်အဒိၣ်ဘၣ်သိးအ ဆ့ဖှီဝါ, ဒီးအတၢ်ဖျီၣ်ခံဖှီဝါလၢအညၣ်အလိၤ, ဒီးဘၣ် ဟံးထီၣ်ဖၣ်ဆါလၢမ့ၣ်အူအီၣ်ကွံာ်ဝဲဒီး တၢ်လုၢ်မ့ၣ်အူ လၢတၢ်လုၢ်လီၢ်အဖီခိၣ်, ဒီးဘၣ်ပာ်အီၤလၢတၢ်လုၢ် လီၢ်အဃၢၤလီၤ.
11 ဒီးဘၣ်ဘ့ၣ်ကွံာ်အကူအသိး, ဒီး သိးအဂၤတဖၣ်, ဒီးစိာ်ထီၣ်ကွံာ်ဖၣ်ဆါဆူအလီၢ်ကဆှီ လၢဒဲအလီၢ်လၢခိလီၤ.
12 ဒီးမ့ၣ်အူလၢတၢ်လုၢ်လီၢ်အဖီခိၣ် ဘၣ်ကဲၤတထံၣ်ဃီ လီၤ. တဘၣ်လီၤပံာ်ဘၣ်ဝဲဘၣ်, ဒီးပှၤလုၢ်တၢ်အဒိၣ် ဘၣ်ဆိၣ်ကဲၤသ့ၣ်မုၣ်လၢအဖီခိၣ်ကိးဂီၤဒဲး, ဒီးပာ်က တဲာ်ကတီၤတၢ်လုၢ်မ့ၣ်အူလၢအဖီခိၣ်, ဒီးဘၣ်ဆိၣ်ကဲၤ ကွံာ်တၢ်မၤဃူမၤဖိးအသိလၢအဖီခိၣ်လီၤ.
13 ဒီးမ့ၣ်အူ ဘၣ်ကဲၤလၢတၢ်လုၢ်လီၢ်အဖီခိၣ် တထံၣ်ဃီလီၤ. တ ဘၣ်လီၤပံာ်ဘၣ်.
14 ဒီးအအံၤမ့ၢ်တၢ်သိၣ်တၢ်သီဘၣ်ဃးဒီး တၢ်မၤဘူၣ် ကိၣ်န့ၣ်, စီၤအၤဟရိၣ်အဖိခွါတဖၣ်ဘၣ်မၤဘူၣ်အီၤလၢ ယွၤအမဲာ်ညါလၢတၢ်လုၢ်လီၢ်အမဲာ်ညါလီၤ.
15 ဒီးဘၣ် ဟံးန့ၢ်တၢ်မၤဘူၣ်အကိၣ်ကမူၣ်တတၢၤဒုၣ်, ဒီးအသိ, ဒီး လီၢ်ဘၣ်လၢအအိၣ်လၢ တၢ်မၤဘူၣ်ကိၣ်အဖီခိၣ်ခဲလၢာ်, ဒီးဘၣ်ဆိၣ်ကဲၤကွံာ်အီၤလၢတၢ်လုၢ်လီၢ်အဖီခိၣ်, တၢ်နၢ မူလၢတၢ်သ့ၣ်နီၣ်ထီၣ်က့ၤအီၤအဂ့ၢ်လၢယွၤအဂီၢ်လီၤ.
16 ဒီးတၢ်အိၣ်လီၤတဲာ်န့ၣ် စီၤအၤဟရိၣ်ဒီးအဖိခွါတ ဖၣ်ကအီၣ်ဘၣ်ဝဲလီၤ. ဘၣ်အီၣ်ဝဲဒီးကိၣ်တအိၣ်ဒီးကိၣ် မံၣ်လၢတၢ်အလီၢ်စီဆှံအပူၤလီၤ. ဘၣ်အီၣ်ဝဲလၢတၢ် အိၣ်ဖှိၣ်အဒဲအဂၢၤပူၤလီၤ.
17 ဒီးပှၤတဘၣ်ကုၢ်အီၤဒီးကိၣ်မံၣ်ဘၣ်. ယဟ့ၣ်လီၤအီၤ လၢအဂီၢ်လၢယတၢ်လုၢ်မ့ၣ်အူအပူၤလီၤ. မ့ၢ်တၢ်စီဆှံက တၢၢ်, ဒ်တၢ်လုၢ်တၢ်ဒဲးဘးအသိး, ဒီးဒ်တၢ်လုၢ်တၢ်က မၣ်အသိးန့ၣ်လီၤ.
18 ဒီးကယဲၢ်ပှၤပိာ်ခွါလၢစီၤအၤဟရိၣ် အဖိခွါအကျါကအီၣ်ဘၣ်ဝဲကိးဂၤဒဲးလီၤ. မ့ၢ်တၢ်အလုၢ် အလၢ်အထူအယိာ် လီၤလၢသုစၢၤသုသွဲၣ်အစိၤစိၤအ ဃၣ်ဃၣ်ဘၣ်ဃးဒီးတၢ်လုၢ်မ့ၣ်အူလၢယွၤအဂီၢ်လီၤ. က ယဲၢ်ပှၤလၢအထိးဘၣ်အီၤန့ၣ်ဘၣ်စီဆှံဝဲကိးဂၤဒဲးလီၤ.ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,
19-20 အအံၤ မ့ၢ်စီၤအၤဟရိၣ်ဒီးအဖိခွါတဖၣ် အတၢ်မၤဘူၣ်လၢအ ဘၣ်မၤဘူၣ်ယွၤလၢမုၢ်နံၤလၢအဒိးဖှူအသး, ကိၣ်ကမူၣ် တအ့ဖးဆံဆဲၣ်ပူတပူလၢ တၢ်မၤဘူၣ်ကိၣ်အဂီၢ်တထံၣ် ဃီ,ဖးဖီတၢ်န့ၣ်လၢမုၢ်ဂီၤ,ဒီးဖးဖီတၢ်န့ၣ်လၢမုၢ်ဟါလီၤ.
21 ဘၣ်မၤအီၤဒီးသိလၢတၢ်ဘ့ၣ်ဘၣ်အလိၤ,ကုၢ်ဝဲဝံၤဒီး, နဘၣ်ဟဲစိာ်လီၤ. တၢ်မၤဘူၣ်အကူာ်တဖၣ်လၢအကုၢ်အ သးန့ၣ်,နဘၣ်မၤဘူၣ်အီၤလၢတၢ်နၢမူလၢယွၤအဂီၢ်လီၤ.
22 ဒီးပှၤလုၢ်တၢ်အဒိၣ် လၢအဖိခွါတဖၣ်အကျါလၢအ ဒိးဖှူအသးလၢအလီၢ်န့ၣ် ဘၣ်မၤဘူၣ်အီၤလီၤ.မ့ၢ်တၢ် အလုၢ်အလၢ်အထူအယိာ်လၢယွၤအဂီၢ်လီၤ. ဘၣ်ဆိၣ် ကဲၤကွံာ်တုၤအလၢာ်လီၤ.
23 ဒီးကယဲၢ်တၢ်မၤဘူၣ်ကိၣ် လၢပှၤလုၢ်တၢ်အဒိၣ်အဂီၢ်န့ၣ် ဘၣ်ဆိၣ်ကဲၤကွံာ်တုၤအ လၢာ်လီၤ. ပှၤတဘၣ်အီၣ်အီၤဘၣ်လီၤ.ဒီးယွၤကတိၤတၢ်ဒီး စီၤမိၤရှ့ဒီးစံးဝဲဒၣ်,
24-25 ကတိၤ တၢ်ဒီးစီၤအၤဟရိၣ်အဖိခွါတဖၣ်, ဒီးစံးဘၣ်အီၤ, အ အံၤမ့ၢ်တၢ်သိၣ်တၢ်သီဘၣ်ဃးဒီး တၢ်လုၢ်တၢ်ဒဲးဘး လီၤ. ဖဲပှၤမၤသံတၢ်လုၢ်မ့ၣ်အူအလီၢ်န့ၣ်ပှၤဘၣ်မၤသံ တၢ်လုၢ်တၢ်ဒဲးဘး, လၢယွၤအမဲာ်ညါလီၤ. မ့ၢ်တၢ်စီ ဆှံကတၢၢ်လီၤ.
26 ဒီးပှၤလုၢ်တၢ်အဒိၣ်လၢအမၤပူၤဖျဲးတၢ်ဒဲးဘးလၢအီၤ န့ၣ်ဘၣ်အီၣ်ဝဲလီၤ. ဘၣ်အီၣ်ဝဲလၢတၢ်အလီၢ်စီဆှံလၢ တၢ်အိၣ်ဖှိၣ်အဒဲအဂၢၤပူၤလီၤ.
27 ဒီးကယဲၢ်တၢ်လၢအထိး အညၣ်န့ၣ်ဘၣ်စီဆှံဝဲလီၤ. ဒီးတၢ်ကူတၢ်သိးတဘ့ၣ် ဘ့ၣ်မ့ၢ်ဘၣ်တၢ်ဖှံဘၣ်အီၤလၢအသွံၣ်ဒီး, နဘၣ်ဆှုၣ် တၢ်လၢအဘၣ်တၢ်ဖှံဘၣ်အီၤလၢတၢ်အလီၢ်စီဆှံပူၤလီၤ.
28 ဒီးသပၢၤဟီၣ်ခိၣ်လၢ တၢ်ချီအီၤလၢအပူၤန့ၣ်ကဘၣ် တၢ်မၤကၢ်ကွံာ်အီၤ, ဒီးတၢ်မ့ၢ်ချီအီၤလၢသပၢၤတိၢ်အ ပူၤဒီး, ပှၤဘၣ်တြူာ်အီၤ, ဒီးသ့ကွံာ်အီၤလၢထံလီၤ.
29 ကယဲၢ်ပှၤပိာ်ခွါ လၢပှၤလုၢ်တၢ်အဒိၣ်အကျါန့ၣ်က အီၣ်ဘၣ်ဝဲကိးဂၤဒဲးလီၤ. မ့ၢ်တၢ်စီဆှံကတၢၢ်လီၤ.
30 ဒီးတၢ်လုၢ်တၢ်ဒဲးဘးလၢ ပှၤဟဲစိာ်အသွံၣ်ဆူတၢ် အိၣ်ဖှိၣ်အဒဲပူၤလၢအကမၤပူၤဖျဲးတၢ်လၢ တၢ်အလီၢ်စီ ဆှံအပူၤန့ၣ်, ပှၤတဘၣ်အီၣ်အီၤနီတမံၤဘၣ်. ကဘၣ် တၢ်ဆူးကွံာ်အီၤလၢမ့ၣ်အူလီၤ.