6
1 ဒီးယွၤအကလုၢ်ဘၣ်ယၤဒီးစံးဝဲဒၣ်, ပှၤကညီဖိခွါ ဧၢ,
2 ကွၢ်လၢနမဲာ်ဆူအံၣ်စရ့လးအကစၢၢ်ကလိ, ဒီး ကတိၤတၢ်လၢဝံကျိာ်လၢအဂ့ၢ်ဒီးစံး,
3 အံၣ်စရ့လးအ ကစၢၢ်သ့ၣ်ဧၢ, ကနၣ်ကစၢ်ယွၤအကလုၢ်တက့ၢ်.ယွၤ စံးဘၣ်ကစၢၢ်,ဒီးတၢ်စိခိၣ်, ဒီးထံဖိကျိ,ဒီးတၢ်ပျီပူၤ,ဒီး ကစၢၢ်ကဆူးဒ်အံၤ,ကွၢ်ကွၢ်, ယကဒုးဘၣ်သုလၢနးတ ဘ့ၣ်,ဒီးယကမၤဟးဂီၤသုလီၢ်ထီၣ်ထီတဖၣ်လီၤ.
4 ဒီး သုတၢ်လုၢ်လီၢ်တဖၣ်ကအိၣ်သယုၢ်, ဒီးသုတၢ်ဂီၤဃ မၣ်တဖၣ်ကကၢ်ကွံာ်, ဒီးယကတ့ၢ်လီၤသုပှၤဘၣ်တၢ် ကျီသံတဖၣ်လၢသုတၢ်ဂီၤတၢ်ဖီၣ်အမဲာ်ညါလီၤ.
5 ဒီးယပာ်လီၤပှၤအံၣ်စရ့လးဖိအစိၣ်တဖၣ် လၢအတၢ် ဂီၤတၢ်ဖီၣ်အမဲာ်ညါ, ဒီးယကမၤလီၤပြံလီၤပြါအဃံ အကွဲလၢသုတၢ်လုၢ်အလီၢ်အဃၢၤဝးတရံးဝဲလီၤ.
6 လၢသုအိၣ်သုဆိးအလီၢ်ခဲလၢာ်န့ၣ် တၢ်ကမၤလူၤခူ ဧိၤဝ့ၢ်ဧိၤ, ဒီးတၢ်အလီၢ်ထီၣ်ထီတဖၣ်န့ၣ် ကအိၣ်သ ယုၢ်, ဒ်သိးတၢ်ကမၤလူၤ,ဒီးမၤသယုၢ်အီၤ, ဒီးသုတၢ် ဂီၤတၢ်ဖီၣ်ကကၢ်ကွံာ်, ဒီးဆိတ့ၢ်,ဒီးဒ်သိးတၢ်ကကူာ် လီၤကွံာ်သုတၢ်ဂီၤဃမၣ်, ဒီးသုမၤတၢ်တဖၣ်န့ၣ်က တုၤလၢတၢ်ဟးဂီၤလီၤ.
7 ဒီးပှၤဘၣ်တၢ်မၤသံအီၤတ ဖၣ် ကလီၤဃံၤလၢသုကျါ,ဒီးသုကသ့ၣ်ညါလၢယမ့ၢ် ယွၤလီၤ.
8 ဘၣ်ဆၣ်ဒီးယကပာ်လီၤတဲာ် တၢ်အိၣ်လီၤတဲာ်, ဒ် သိးတုၤသုလီၤပြံလီၤပြါလၢကီၢ်တဖၣ်အကျါဒီး, သု ကအိၣ်ဒီးပှၤလၢအပူၤဖျဲးဒီးနး လၢပှၤကလုာ်တဖၣ်အ ကျါတနီၤလီၤ.
9 ဒီးပှၤလၢအပူၤဖျဲး လၢသုကျါန့ၣ် ကသ့ၣ်နီၣ်ထီၣ် က့ၤယၤလၢပှၤကလုာ်တဖၣ်အကျါ, ဖဲပှၤကစိာ်မၢကဲ ကုၢ်အီၤလီၤ. အဂ့ၢ်ဒ်အံၤ, ယကမၤဟးဂီၤအသးမၤက မၣ်မုၣ်ကမၣ်ခွါလၢအဟးသဒၣ်ယၤ, ဒီးအမဲာ်လၢအ လဲၤမၤကမၣ်မုၣ်ကမၣ်ခွါလၢ အတၢ်ဂီၤတၢ်ဖီၣ်လီၤ. ဒီးကသးဟ့လီၤအသးလၢတၢ်အၢလၢ အမၤဝဲလၢအ တၢ်သးဘၣ်အၢခဲလၢာ်အကျါအဃိလီၤ.
10 တုၤနုၤတ ဘျီကသ့ၣ်ညါဝဲ လၢယမ့ၢ်ယွၤ, ဒီးလၢယတစံးဘၣ် လၢယကမၤအီၤလၢတၢ်အၢအံၤကလီလီဘၣ်.
11 ကစၢ်ယွၤစံးဒ်အံၤ, သီလၢနစု,ဒီးဆှ့ၣ်လၢနခီၣ်,ဒီး စံး,အါလၣ်, လၢအံၣ်စရ့လးအပှၤဟံၣ်ဖိအတၢ်သး ဘၣ်အၢအအၢအသီခဲလၢာ်အဃိတက့ၢ်. အဂ့ၢ်ဒ်အံၤ, ကလီၤဃံၤလၢနးဧိၤဘီဧိၤ, လၢတၢ်သၣ်ဝံၤလီၤဒိ, ဒီး လၢတၢ်သံသတြိာ်လီၤ.
12 ပှၤအိၣ်ဝဲလၢအယံၤန့ၣ် ကသံလၢတၢ်သံသတြိာ်,ဒီး ပှၤအိၣ်ဝဲလၢအဘူးန့ၣ်ကလီၤဃံၤလၢနးဧိၤဘီဧိၤ, ဒီး ပှၤလၢအအိၣ်လီၤတဲာ်, လၢတၢ်ဝီၤဃာ်အီၤန့ၣ်ကသံ လၢတၢ်သၣ်ဝံၤလီၤဒိလီၤ. ယကမၤလၢထီၣ်ပှဲၤထီၣ်ယ သးကဲၤထီၣ်လၢအလိၤဒ်န့ၣ်လီၤ.
13 တုၤအပှၤဘၣ်တၤမၤသံအီၤအိၣ်ဝဲလၢ အတၢ်ဂီၤတၢ် ဖီၣ်အကျါဝးတရံးအတၢ်လုၢ်လီၢ်, လၢကယဲၢ်တၢ်စိခိၣ် ထီအလိၤ, လၢကယဲၢ်ကစၢၢ်ကလိအဒီခိၣ်ခဲလၢာ်,ဒီး လၢကယဲၢ်သ့ၣ်သံကစဲာ်အဖီလာ်, ဒီးလၢကယဲၢ်သ့ ထိးဖၣ်တီၣ်အဖီလာ်, ဖဲဒၣ်အလီၢ်လၢအမၤဘူၣ်အတၢ် ဂီၤတၢ်ဖီၣ်လၢတၢ်နၢမူဒီး, သုကသ့ၣ်ညါလၢယမ့ၢ်ယွၤ လီၤ.
14 ဒီးယကယူာ်ထီၣ်ယစုထီဒါအီၤ, ဒီးမၤသယုၢ်ထံဧိၤ ကီၢ်ဧိၤ, မ့ၢ်မးယကမၤသယုၢ်အီၤနးန့ၢ်ပှၢ်မုၢ်ကနၢဒံး ဘလးတက့ၢ်, လၢအအိၣ်အဆိးအလီၢ်ခဲလၢာ်အပူၤ, ဒီးကသ့ၣ်ညါဝဲလၢယမ့ၢ်ယွၤလီၤ.