5
1 ဒီးနဲဒၣ်အံၤ, ပှၤကညီဖိခွါဧၢ,ဟံးန့ၢ်ဒီလၢအကနၣ် အ့ၣ်ဂ့ၤတဘ့ၣ်, ပှၤလူၤတၢ်ဖိအဒီ,ဒီးလူၤနခိၣ်,ဒီးနခၣ် ဆူၣ်, ဒီးဟံးန့ၢ်စီးပီၢ်လၢအစီၤတၢ်,ဒီးနီၤဖးနခိၣ်သူဒီး နခၣ်ဆူၣ်အဆၢတက့ၢ်.
2 တုၤတၢ်ကဝီၤဃာ်ဝ့ၢ်အမုၢ်နံၤတဖၣ်ကလၢာ်ဒီး, သၢ ပူတပူန့ၣ်နဘၣ်ဆူးထီၣ်ကွံာ်လၢမ့ၣ်အူလၢ ဝ့ၢ်အသး ကံၢ်ပူၤ, ဒီးနဘၣ်ဟံးန့ၢ်သၢပူတပူ,ဒီးကျီအီၤဝးတရံးဝဲ လၢနး, ဒီးသၢပူတပူန့ၣ် နဘၣ်မၤပြံပြါအီၤလၢက လံၤအကျါ, ဒီးယကဒုးပိာ်အခံလၢနးတဘ့ၣ်လီၤ.
3 ဒီး နဘၣ်ဟံးန့ၢ်စှၤဘိလၢအကျါ, ဒီးဘိၣ်ထီၣ်အီၤလၢန ဆ့အခီၣ်ထံးအပူၤလီၤ.
4 ဒီးလၢအဝဲသ့ၣ်အကျါန့ၣ် နဘၣ်ဟံးန့ၢ်ကဒီးတနီၤ, ဒီးဖၢလီၤအီၤလၢမ့ၣ်အူကျါ, ဒီးဆူးထီၣ်ကွံာ်အီၤလၢမ့ၣ်အူလီၤ. မ့ၣ်အူကဟဲထီၣ် လၢအီၤဒီးဘၣ်အံၣ်စရ့လးအပှၤဟံၣ်ဖိခဲလၢာ်လီၤ.
5 ကစၢ်ယွၤစံးဒ်အံၤ, အဝဲအံၤမ့ၢ်ယရူၤၡလ့ၣ်လီၤ.ယ ပာ်လီၤအီၤလၢပှၤကလုာ်တဖၣ်,ဒီးထံဧိၤကီၢ်ဧိၤအိၣ်ဝး တရံးအီၤတဖၣ်အသးကံၢ်ပူၤလီၤ.
6 ဒီးပူထီၣ်ယတၢ် စံၣ်ညီၣ်လၢအမၤတၢ်အၢအါန့ၢ် ပှၤကလုာ်တဖၣ်,ဒီး ယတၢ်သိၣ်တၢ်သီအါန့ၢ်ကီၢ်လၢ အဝးတရံးအီၤတ က့ၢ်လီၤ. အဂ့ၢ်ဒ်အံၤ,ညိကွံာ်ယတၢ်စံၣ်ညီၣ်,ဒီးတလဲၤ ဘၣ်လၢယတၢ်သိၣ်တၢ်သီအပူၤဘၣ်.
7 မၤသးဒ်န့ၣ်ဒီးကစၢ်ယွၤစံးဒ်အံၤ, မ့ၢ်သုပူထီၣ်အါန့ၢ် ပှၤကလုာ်တဖၣ်ဝးတရံးသု, ဒီးတလဲၤဘၣ်လၢယတၢ် သိၣ်တၢ်သီအပူၤ, ဒီးတတိၢ်န့ၢ်ဘၣ်ယတၢ်စံၣ်ညီၣ် ဘၣ်, ဒီးမ့ၢ်သုမၤတၢ်ဒ်ပှၤကလုာ်တဖၣ် အိၣ်ဝးတရံး သုအလုၢ်အလၢ်အသိးန့ၣ်ဒီး,
8 ကစၢ်ယွၤစံးဒ်အံၤ, ကွၢ်ကွၢ်,တၢ်လၢယၤအံၤ ယထီဒါနၤလီၤ.ဒီးယမၤတၢ် စံၣ်ညီၣ်တဖၣ် ထီဒါနၤလၢပှၤကလုာ်တဖၣ်အမဲာ်ညါ လီၤ.
9 ဒီးယကမၤနၤလၢတၢ်လၢယတမၤတ့ၢ်ဘၣ်,ဒီး တၢ်လၢယတမၤလၢၤဘၣ်လၢ နတၢ်အၢခဲလၢာ်အဃိ လီၤ.
10 မၤသးဒ်န့ၣ်ဒီးပၢ်တဖၣ်က အီၣ်အဖိခွါတဖၣ်လၢန ပူၤ,ဒီးဖိခွါတဖၣ်ကအီၣ်အပၢ်တဖၣ်, ဒီးယကမၤတၢ် စံၣ်ညီၣ်တဖၣ်လၢနပူၤ, ဒီးနတၢ်အိၣ်လီၤတဲာ်ခဲလၢာ် န့ၣ်ယကမၤလီၤပြံလီၤပြါအီၤဆူ ကလံၤကိးခီဒဲးအကျါ ခဲလၢာ်န့ၣ်လီၤ.
11 မၤသးဒ်န့ၣ်ဒီးယမူယဲ, ယွၤစံးဝဲဒၣ်, မ့ၢ်နမၤဘၣ်အၢ ယလီၢ်စီဆှံလၢ နတၢ်တကဆှီဘၣ်ခဲလၢာ်ဒီးလၢန တၢ်သးဘၣ်အၢခဲလၢာ်ဒီး, ယကဃၣ်ကွံာ်ယမဲာ်လၢ နအိၣ်ဒီးယတသးလီဘၣ်, ဒီးယတသးကညီၤဘၣ် လီၤ.
12 ပှၤသၢပူတပူလၢနပူၤန့ၣ်ကသံလၢ တၢ်သံသတြိာ်, ဒီးကလၢာ်ကွံာ်ဝဲလၢတၢ်သၣ်ဝံၤလီၤဒိလၢနပူၤ, ဒီးပှၤ သၢပူတပူကလီၤဃံၤလၢနးဝးတရံးနၤ, ဒီးယကမၤပြံ ပြါသၢပူတပူဆူ ကလံၤကိးခီဒဲးအကျါခဲလၢာ်,ဒီးယ ကဒုးပိာ်အခံလၢနးတဘ့ၣ်လီၤ.
13 ဒီးယသးထီၣ်ကလၢာ်ကွံာ်, ဒီးယကဒုးအိၣ်ဘှံးယ သးကဲၤထီၣ်လၢအလိၤ, ဒီးယသးကမုာ်ထီၣ်က့ၤလီၤ. ဒီးတုၤယမၤလၢထီၣ်ပှဲၤထီၣ်ယသးကဲၤထီၣ်လၢအလိၤ ဒီး, ကသ့ၣ်ညါလၢယၤ, ယွၤအံၤယကတိၤတၢ်လၢယ သးဆူၣ်လီၤ.
14 ဒီးယကမၤသယုၢ်နၤ, ဒီးတၢ်ဒုၣ်ဒွဲၣ်အလီၢ်လၢပှၤက လုာ်ခဲလၢာ်အကျါလၢအအိၣ်ဝးတရံးနၤ, လၢကယဲၢ် ပှၤလၢအလဲၤတြူာ်နၤအမဲာ်ညါခဲလၢာ်လီၤ.
15 တုၤယ မၤတၢ်စံၣ်ညီၣ်တဖၣ်လၢယသးထီၣ်, ဒီးလၢယသး ကဲၤထီၣ်, ဒီးလၢယသးကဲၤထီၣ်အသိၣ်ဃီၣ်တၢ်လၢန ပူၤဒီး, နကကဲထီၣ်တၢ်ဒုၣ်ဒွဲၣ်အလီၢ်, ဒီးတၢ်စံးအၢ အလီၢ်, တၢ်သိၣ်က့ၤအလီၢ်,ဒီးတၢ်ကမၢကမၣ်အလီၢ်, လၢပှၤကလုာ်တဖၣ်အိၣ်ဝးတရံးနၤအဂီၢ်လီၤ. တၢ်လၢ ယၤယွၤအံၤ,ယကတိၤတၢ်န့ၣ်လီၤ.
16 တုၤယပျၢ်တၢ်သၣ်ဝံၤလီၤဒိအပျၢ်အၢတဖၣ် ဆူအ လိၤ,လၢအမ့ၢ်လၢတၢ်မၤဟးဂီၤတၢ်အဂီၢ်, လၢယက မၢအမၤဟးဂီၤသု, ဒီးမၤဒိၣ်ထီၣ်တၢ်သၣ်ဝံၤလီၤဒိလၢ သုကျါ, ဒီးမၤကၢ်ကွံာ်သုကိၣ်အနီၣ်ထိးဘိဒီး,ကမၤ အသးလီၤ.
17 ဒီးယကမၢလီၤတၢ်သၣ်ဝံၤလီၤဒိ, ဒီးဆၣ်ဖိကီၢ်ဖိအ ဒူလၢအကမၤလၢာ်ကွံာ်နဖိနလံၤ, ဒီးတၢ်သံသတြိာ်, ဒီးတၢ်သွံၣ်န့ၣ်ကခီဂာ်နၤ, ဒီယကဒုးဘၣ်နၤလၢနးဧိၤ ဘီဧိၤလီၤ. တၢ်လၢယၤယွၤအံၤ,ယကတိၤလံတၢ်လံ.