7
1-2 ဒီးယွၤအကလုၢ်ဘၣ်ယၤဒီးစံးဝဲဒၣ်,- ဒီးနဲဒၣ်အံၤ, ပှၤကညီဖိခွါဧၢ, ကစၢ်ယွၤစံးလၢအံၣ်စရ့လးအကီၢ် အဂ့ၢ်ဒ်အံၤ, တၢ်အကတၢၢ်, တၢ်အကတၢၢ်ဟဲဘၣ် ကီၢ်လွံၢ်နၢၣ်လီၤ.
3 ခဲကနံၣ်အံၤတၢ်အကတၢၢ်ဘၣ်နၤ လီၤ. အဂ့ၢ်ဒ်အံၤ,ယကပျၢ်ယသးထီၣ်ဆူနအိၣ်,ဒီးယ ကစံၣ်ညီၣ်နၤဒ်နကျဲတဖၣ်အသိး, ဒီးယကဟ့ၣ်ကၣ် နၤလၢနတၢ်သးဘၣ်အၢခဲလၢာ်န့ၣ်လီၤ.
4 ဒီးယမဲာ်တ သးလီဘၣ်နၤ, ဒီးယတသးကညီၤဘၣ်, ဒီးယကဟ့ၣ် ကၣ်နၤလၢနကျဲတဖၣ်, ဒီးနတၢ်သးဘၣ်အၢတဖၣ်န့ၣ် ကအိၣ်ဝဲလၢဝဲလၢနပူၤ, ဒီးသုကသ့ၣ်ညါလၢယမ့ၢ် ယွၤလီၤ.
5 ကစၢ်ယွၤစံးဝဲဒ်အံၤ, တၢ်အၢတမံၤ,တၢ်အၢ,ကွၢ်ကွၢ်, ဟဲဝဲလီၤ.
6 တၢ်အကတၢၢ်ဟဲဝဲ, တၢ်အကတၢၢ်ဟဲ ဝဲလီၤ. ဖုသံနီၣ်ဝဲထီဒါနၤ,ကွၢ်ကွၢ်,ဟဲဝဲလီၤ.
7 ပှၤလၢအအိၣ်အဆိးလၢကီၢ်ပူၤဧၢ, မုၢ်ဆ့ၣ်ထီၣ်န့ၢ် နၤ, တၢ်အဆၢအကတီၢ်ဘၣ်လံ, တၢ်တၢထီၣ်တၢလီၤ အမုၢ်တနံၤအိၣ်ဘူးထီၣ်လံ. တမ့ၢ်ဘၣ်တၢ်သးခုအ သီၣ်လၢကစၢၢ်ကလိဘၣ်.
8 ခဲကနံၣ်အံၤဘူးဒီးယကလူလီၤ ယသးကဲၤထီၣ်လၢန လိၤ, ဒီးမၤလၢာ်ယသးထီၣ်လၢနလိၤ, ဒီးယကစံၣ် ညီၣ်နၤဒ်နကျဲတဖၣ်အသိး, ဒီးယကဟ့ၣ်ကၣ်နၤလၢ နတၢ်သးဘၣ်အၢခဲလၢာ်လီၤ.
9 ဒီးယမဲာ်တသးလီဘၣ်, ဒီးယတသးကညီၤဘၣ်,ယ ကဟ့ၣ်ကၣ်တၢ်လၢနၤဒ်နကျဲတဖၣ်အသိးန့ၣ်, ဒီးန တၢ်သးဘၣ်အၢတဖၣ်ကဘၣ်နၤ, ဒီးသုကသ့ၣ်ညါလၢ ယၤယွၤအံၤ, ယကျီသုလီၤ.
10 ကွၢ်ကွၢ်,မုၢ်တနံၤန့ၣ်,ကွၢ်ကွၢ်,ဟဲဝဲ, မုၢ်ဆ့ၣ်ထီၣ်ဝဲ, နီၣ်ထိးဘိဆှိးထီၣ်လံ, တၢ်သးထီၣ်ထီဘိၣ်ထီၣ်လံ.
11 တၢ်မၤန့ၢ်ဆူၣ်န့ၣ် ကဲထီၣ်လံတၢ်တတီတလိၤအနီၣ် တီၢ်လံ. အဝဲသ့ၣ်မ့ၢ်ဂ့ၤ,အပှၤဂီၢ်မုၢ်မ့ၢ်ဂ့ၤ, အတၢ်အိၣ် ဖှိၣ်မ့ၢ်ဂ့ၤ, တအိၣ်လီၤတဲာ်ဘၣ်နီတဂၤဘၣ်. ဒီးပှၤတ ဟီၣ်ဘၣ်လၢအဃိဘၣ်.
12 အကတီၢ်ဟဲဘၣ်ဝဲ,မုၢ်တ နံၤန့ၣ်သုးဘူးအသးလီၤ. ပှၤလၢအပှ့ၤတၢ်န့ၣ်မ်အသု တသးခုတဂ့ၤ. ဒီးပှးလၢအဆါကွံာ်တၢ်န့ၣ်မ်အသုတ သးအုးတဂ့ၤ.အဂ့ၢ်ဒ်အံၤ, တၢ်သးထီၣ်ဘၣ်ပှၤဂီၢ်မုၢ်ခဲ လၢာ်လီၤ.
13 အဂ့ၢ်ဒ်အံၤ,ပှၤဆါတၢ်န့ၣ်မ့ၢ်မူဒံးဘၣ်ဆၣ် ဒီး, တက့ၤက့ၤဘၣ်ဆူတၢ်လၢအဘၣ်တၢ်ဆါကွံာ်အ သးအအိၣ်ဘၣ်. အဂ့ၢ်ဒ်အံၤ,တၢ်ထံၣ်လၢညါခီထီဒါ ပှၤဂီၢ်မုၢ်ခဲလၢာ်, တဟဲက့ၤနီတဂၤဘၣ်,ဒီးပှၤလၢအမူ ဝဲလၢအတၢ်အၢအပူၤ တမၤဆူၣ်ထီၣ်ဘၣ်အသးနီတ ဂၤဘၣ်.
14 အူထီၣ်ကွဲၤ, ဒီးကတဲာ်ကတီၤတၢ်ခဲလၢာ် တက့ၢ်. ဘၣ်ဆၣ်ဒီးပှၤတလဲၤဒုးသုးဘၣ်နီတဂၤဘၣ်. အဂ့ၢ်ဒ်အံၤ, ယသးထီၣ်ဘၣ်အပှၤဂီၢ်မုၢ်ခဲလၢာ်လီၤ.
15 နးဧိၤဘီဧိၤအိၣ်ဝဲလၢခိ, ဒီးတၢ်သံသတြိာ်, ဒီးတၢ် သၣ်ဝံၤလီၤဒိအိၣ်ဝဲလၢအပူၤလီၤ. ပှၤအိၣ်ဝဲလၢပှၢ်လၢ် ကျါန့ၣ်ကသံဝဲလၢနးဧိၤဘီဧိၤ, ဒီးပှၤအိၣ်ဝဲလၢဝ့ၢ်ပူၤ န့ၣ် တၢ်သၣ်ဝံၤလီၤဒိ,ဒီးတၢ်သံသတြိာ်န့ၣ်ကအီၣ်ကွံာ် အီၤလီၤ.
16 ဒီးပှၤလၢအပူၤဖျဲးတၢ်လၢအကျါတဖၣ်န့ၣ် ကအိၣ် ဝဲလၢကစၢၢ်ကလိဒ်ထိၣ်လွံၢ်လၢ ကစၢၢ်ကဆူးပူၤအ သိးန့ၣ်လီၤ. အသူၣ်အုးသးအုးခဲလၢာ်လၢအတၢ်အၢ အဃိကိးဂၤဒဲးလီၤ.
17 ပှၤအစုအဂံၢ်အဘါကစၢ်လီၤခဲလၢာ်, ဒီးပှၤအခီၣ်လ့ၢ် ခိၣ်ကကဲထီၣ်ထံခဲလၢာ်လီၤ.
18 ဒီးကကံၢ်တူာ်အယီၢ် ဒ့လၢထၢၣ်အတၢ်ကံးညာ်, ဒီးတၢ်မၤပျံၤတၢ်ကကျၢၢ် ဘၢအီၤ, ဒီးတၢ်မဲာ်ဆှးကအိၣ်ဝဲလၢ ပှၤအမဲာ်ခဲလၢာ်, ဒီးကယဲၢ်အခိၣ်ကလ့ၤခဲလၢာ်လီၤ.
19 ကကွံာ်တ့ၢ်အစ့လၢကျဲပူၤ, ဒီးတပးကဲဘၣ်အထူန့ၣ် ဘၣ်.အစ့ဒီးအထူမၤပူၤမၤဖျဲးအီၤလၢ ယွၤအတၢ်သး ထီၣ်အမုၢ်တနံၤတသ့ဘၣ်. အတၢ်သၣ်ဝံၤတဘျါလၢ အီၤ,ဒီးအဟၢဖၢတပှဲၤဘၣ်လၢအီၤဘၣ်. အဂ့ၢ်ဒ်အံၤ, မ့ၢ်အတၢ်ဒဲးဘးအခီၣ်ဘၣ်တိၢ်အလီၢ်န့ၣ်လီၤ.
20 အဂ့ၢ်ဒ်အံၤ, ပာ်အကယၢကယဲအဃံအလၤလၢတၢ် သးထီၣ်ထီ, ဒီးတ့အတၢ်သးဘၣ်အၢ,ဒီးအတၢ်သးဟ့ အလီၢ်အဂီၤတဖၣ်လၢအီၤလီၤ. မၤသးဒ်န့ၣ်ဒီးယက ပာ်အီၤလၢတၢ်ဘၣ်အၢဘၣ်သီလၢအဂီၢ်လီၤ.
21 ဒီးယကဟ့ၣ်လီၤအီၤလၢ ပှၤတခီဘီမုၢ်ဖိအစုပူၤလၢ အတၢ်ဂုာ်ဆူၣ်ပျီဆူၣ်အဂီၢ်, ဒီးလၢဟီၣ်ခိၣ်အပှၤတတီ တလိၤဘၣ်လၢတၢ်ဂုာ်န့ၢ်အဂီၢ်, ဒီးအဝဲသ့ၣ်တဖၣ်န့ၣ် ကမၤအီၤလၢတၢ်တကဆှီဘၣ်လီၤ.
22 ဒီးယကဃၣ်ကွံာ်ယမဲာ်လၢအအိၣ်, ဒီးအဝဲသ့ၣ်က မၤတကဆှီဘၣ်ယလီၢ်အိၣ်တဒၢလီၤ. ဒီးတမျိၤတမျာ် တဖၣ်ကလဲၤနုာ်, ဒီးမၤအီၤတကဆှီဘၣ်လီၤ.
23 တ့ပျံၤသွဲတဘိတက့ၢ်. အဂ့ၢ်ဒ်အံၤ,ထံဧိၤကီၢ်ဧိၤန့ၣ် ပှဲၤဝဲဒီးတၢ်မၤသံတၢ်တတီဘၣ်, ဒီးဝ့ၢ်န့ၣ်ပှဲၤဝဲဒီးတၢ် မၤန့ၢ်ဆူၣ်လီၤ.
24 မၤသးဒ်န့ၣ်ဒီးယွၤကဒုးဟဲနုာ်ပှၤက လုာ်တဖၣ်လၢအအၢ, ဒီးကမၤန့ၢ်သုဟံၣ်သုဃီလီၤ. ဒီးယကဒုးဆိတ့ၢ်ပှၤအဆူၣ်အသးထီၣ်ထီ, ဒီးပှၤကမၤ တကဆှီဘၣ်အလီၢ်စီဆှံတဖၣ်လီၤ.
25 တၢ်မၤဟးဂီၤဟဲဝဲ ဒီးပှၤကဃုတၢ်ဃူတၢ်ဖိး, ဒီးတ ထံၣ်န့ၢ်ဘၣ်ဝဲဘၣ်.
26 တၢ်နးတၢ်ဖှီၣ်န့ၣ်ကဘၣ်တၢ်နး တၢ်ဖှီၣ်ဒီးတၢ်အကစီၣ်န့ၣ် ကဘၣ်တၢ်အကစီၣ်လီၤ.ဒီးကဃုတၢ်ထံၣ်တၢ်လၢညါခီလၢ ဝံအအိၣ်ဘၣ်ဆၣ် ဒီး, တၢ်သိၣ်တၢ်သီကဟါမၢ်လၢပှၤလုၢ်တၢ်အဒိၣ်အ အိၣ်, ဒီးတၢ်ဒုးကူၣ်တၢ်န့ၣ်လၢပှၤသးပှၢ်အအိၣ်လီၤ.
27 စီၤပၤန့ၣ်အသူၣ်ကအုးအသးကအုး, ဒီးပဒိၣ်ဖးဒိၣ် တဖၣ်န့ၣ်ကကူကသိးဒီးတၢ်အသးကတုၤ, ဒီးပှၤကီၢ် ဖိအစုကဘၣ်တၢ်ကိၢ်တၢ်ဂီၤ, ဒီးယကမၤအီၤဒ်အကျဲ အကပူၤအသိးန့ၣ်, ဒီးဒ်အတၢ်စံၣ်ညီၣ်တဖၣ်အသိးန့ၣ် ယကစံၣ်ညီၣ်အီၤ, ဒီးကသ့ၣ်ညါဝဲလၢယမ့ၢ်ယွၤလီၤ.