38
1-2 ဒီးယွၤအကလုၢ်ဘၣ်ယၤဒီးစံးဝဲဒၣ်,- ပှၤကညီဖိခွါ ဧၢ, ကွၢ်လၢနမဲာ်ဆူစီၤကိးအအိၣ်လၢ ကီၢ်မါကူးအ ပူၤ,ရိၣ်,မ့ၤရှ့း,ဒီးတူၤဘလးအပဒိၣ်ဖးဒိၣ်, ဒီးကတိၤ တၢ်ထီဒါအီၤလၢဝံကျိာ်ဒီးစံးဘၣ်အီၤ,
3 ကစၢ်ယွၤစံး ဒ်အံၤ,ကွၢ်ကွၢ်, ယထီဒါနၤစီၤကိး,ရိၣ်,မ့ၤရှ့း,ဒီးတူၤဘ လးအပဒိၣ်ဖးဒိၣ်,
4 ယကဘိးဃၣ်ကဒါက့ၤနၤ,ဒီးယ ကကွးနီၣ်ကွးလၢနခၣ်ပူၤ, ဒီးယကမိၤထီၣ်နၤ,ဒီးနသုးမုၢ်ခဲလၢာ်,ကသ့ၣ်,ဒီးပှၤဒိးကသ့ၣ်တဖၣ်လီၤ. ကူသိး ဝဲဒီးတၢ်အကူအသိးအဃံအလၤခဲလၢာ်လီၤ. မ့ၢ်တၢ် တဖုဖးဒိၣ်အိၣ်ဒီးကတီၤဖိ, ဒီးကတီၤဖးဒိၣ်လီၤ.မၤဒီး နးဧိၤဘီဧိၤခဲလၢာ်လီၤ.
5 ပှၤပၤရၣ်ဖိ, ပှၤကူၤၡးဖိ, ဒီးပှၤပူၤတၤဖိအိၣ်ဝဲဒီးအီၤ လီၤ. အဝဲသ့ၣ်အိၣ်ဝဲဒီးကတီၤဒီးခိၣ်ကုာ်သုးလီၤ.
6 ကိမၢၤဒီးအပှၤအဖုခဲလၢာ်, တိၤကးရမၤအပှၤဟံၣ်ဖိ လၢကလံၤစိး, ဒီးအသုးမုၢ်ခဲလၢာ်,ပှၤအါကလုာ်အိၣ် ဝဲဒီးနၤလီၤ.
7 အိၣ်ကတဲာ်ကတီၤနသး, ဒီးကတဲာ်ကတီၤတၢ်လၢ နဂီၢ်ဒၣ်နဲ, နဲဒၣ်ဒီးနပှၤတဖုလၢအအိၣ်ဖှိၣ်ရိဖှိၣ်ဆူန အိၣ်,ဒီးကဲထီၣ်နဲလၢအခိၣ်န့ၣ်တက့ၢ်.
8 အါနံၤအါသီပူၤကွံာ်ဒီး, တၢ်ကအိၣ်သကိးနၤလီၤ. လၢနံၣ်လၢခံတဖၣ်န့ၣ် နကဟဲဆူကီၢ်လၢတၢ်မၤန့ၢ် က့ၤလၢနးအစုပူၤ, လၢတၢ်ထၢဖှိၣ်လၢပှၤအါကလုာ် အကျါ,ဆူအံၣ်စရ့လးအကစၢၢ်ကလိလၢ အအိၣ်တ့ၢ် သယုၢ်တထံၣ်ဃီလီၤ. ဘၣ်ဆၣ်ဒီး,တၢ်ဒုးဟဲထီၣ်အီၤ လၢပှၤကလုာ်တဖၣ်အကျါ, ဒီးကအိၣ်ဝဲဆိးဝဲခၢၣ်သ နၢၢ်ခဲလၢာ်လီၤ.
9 နကထီၣ်ဒ်ကလံၤမုၢ်အသိး, ဒီးနကဟဲထီၣ်လုၢ်ဘၢ ထံဧိၤကီၢ်ဧိၤဒ်တၢ်အၢၣ်အသိး, နဲဒၣ်ဒီးနပှၤအဖုခဲ လၢာ်, ဒီးပှၤအါကလုာ်အိၣ်ဝဲဒီးနၤလီၤ.
10 ကစၢ်ယွၤစံးဒ်အံၤ, တၢ်ကမၤအသးလၢမုၢ်တနံၤန့ၣ် လၢတၢ်ကလိၣ်ထီၣ်လၢနသးကံၢ်ပူၤ, ဒီးနကကူၣ်ထီၣ် တၢ်ကူၣ်အၢ,
11 ဒီးနကစံး,ယကလဲၤထီၣ်ဆူတဝီလၢ အခိၣ်ဒူတအိၣ်ဘၣ်အကီၢ်တဘ့ၣ်, ယကလဲၤဆူပှၤ လၢအအိၣ်ဘှံး, လၢအအိၣ်အဆိးဒီးတပလီၢ်ဘၣ်အ သးအအိၣ်, ပှၤခဲလၢာ်လၢအအိၣ်အဆိး,ဒီးအခိၣ်ဒူတ အိၣ်ဘၣ်,ဒီးနီၣ်ဘိမ့ၢ်ဂ့ၤ, တြဲၤမ့ၢ်ဂ့ၤ,တအိၣ်ဘၣ်,
12 ဒ် သိးယကဂုာ်ဆူၣ်ပျီဆူၣ်တၢ်, ဒီးဂုာ်န့ၢ်တၢ်,ဒ်သိးနက ပာ်နစုလၢတၢ်အိၣ်သယုၢ်အလီၢ်အဖီခိၣ်, လၢပှၤအိၣ် ဝဲဆိးဝဲလၢအပူၤ, ဒီးလၢပှၤဂီၢ်မုၢ်အလိၤလၢတၢ်ထၢ ဖှိၣ်အီၤလၢပှၤကလုာ်အကျါလၢ အအိၣ်ဝဲဒီးဆၣ်ဖိကီၢ် ဖိအဒၢ, ဒီးတၢ်ဖိတၢ်လံၤလၢအအိၣ်အဆိးလၢဟီၣ်ခိၣ် အသးကံၢ်ပူၤလီၤ.
13 ၡဘၤ,ဒီးဒဒၣ်,ဒီးတၢ်ၡံၣ်အပှၤကၤတၢ်ဖိ, ဒီးအပဒိၣ် ဖိၣ်သၣ်ခွါခဲလၢာ်န့ၣ် ကစံးဘၣ်နၤ, နဟဲဂုာ်ဆူၣ်ပျီ ဆူၣ်တၢ်န့ၣ်စ့ၢ်ကီးဧါ. နဒုးအိၣ်ဖှိၣ်နပှၤတဖုဒ်သိးနက ဂုာ်န့ၢ်တၢ်စ့ၢ်ကီးဧါ. ဒ်သိးနကစိာ်ထီၣ်ကွံာ်ကျိၣ်ဧိၤစ့ ဧိၤ,ဒီးထူဧိၤလွဲဧိၤ, ဒ်သိးနကဟံးထီၣ်ကွံာ်ဆၣ်ဖိကီၢ်ဖိ အဒၢ, ဒီးတၢ်ဖိတၢ်လံၤ, ဒ်သိးနကဂုာ်ဆူၣ်ပျီဆူၣ်တၢ် ဖးဒိၣ်စ့ၢ်ကီးဧါ.
14 မၤသးဒ်န့ၣ်ဒီး ပှၤကညီဖိခွါဧၢ, ကတိၤတၢ်လၢဝံ ကျိာ်,ဒီးစံးဘၣ်စီၤကိး, ကစၢ်ယွၤစံးဒ်အံၤ,မုၢ်တနံၤလၢ ယပှၤဂီၢ်မုၢ်အိၣ်ခၢၣ်သနၢၢ်န့ၣ်နကသ့ၣ်ညါတမ့ၢ်ဘၣ် ဧါ,
15 ဒီးနကဟဲလၢနလီၢ်ပူၤလၢကလံၤစိးတခီ,နဲဒၣ်, ဒီးပှၤအါကလုာ်အိၣ်ဒီးနၤ, အဝဲသ့ၣ်ခဲလၢာ်ဒိးကသ့ၣ် ဒီးပှၤတဖုဖးဒိၣ်,ဒီးပှၤသုးမုၢ်ဂီၢ်မုၢ်လီၤ.
16 ဒီးနကလဲၤထီဒါယပှၤဂီၢ်မုၢ်အံၣ်စရ့လး ဒ်သိးနက လုၣ်ဘၢထံဧိၤကီၢ်ဧိၤဒ်တၢ်အၢၣ်အသိးန့ၣ်လီၤ. တၢ် ကမၤအသးလၢမုၢ်နံၤလၢခံတဖၣ်န့ၣ် ယကဒုးဟဲထီၣ် နၤထီဒါယထံယကီၢ် ဒ်သိးပှၤကလုာ်တဖၣ်ကသ့ၣ် ညါယၤဖဲယဘၣ်တၢ်ပာ်စီဆှံယၤလၢနပူၤလီၤ, စီၤကိး ဧၢ.
17 ကစၢ်ယွၤစံးဒ်အံၤ, နမ့ၢ်ပှၤလၢယကတိၤတၢ်လၢအ ဂ့ၢ်လၢပျၢၤလၢယခ့ယပှၤအံၣ်စရ့လး အဝံတဖၣ်အစု ပူၤ,လၢအကတိၤတၢ်လၢဝံကျိာ်လၢ မုၢ်နံၤတဖၣ်န့ၣ် အါနံၣ်,လၢယကဒုးဟဲနၤထီဒါအီၤတဂၤန့ၣ်ဧါ.
18 ဒီးလၢမုၢ်တနံၤလၢစီၤကိးကဟဲထီဒါ ကီၢ်အံၣ်စရ့လး ဒီး, တၢ်ကမၤအသးလၢယသးကဲၤထီၣ်ကထီၣ်ဝဲလီၤ. ကစၢ်ယွၤစံးဝဲဒၣ်.
19 အဂ့ၢ်ဒ်အံၤ,ယကတိၤတ့ၢ်တၢ်လၢ ယသးဆူၣ်, ဒီးလၢယသးကဲၤထီၣ်အမ့ၣ်အူလီၤ,မ့ၢ်မး လၢမုၢ်တနံၤန့ၣ်တၢ်ဟူးဝးဖးဒိၣ် ကအိၣ်ဝဲလၢကီၢ်အံၣ် စရ့လးအပူၤလီၤ.
20 ဒီးဒ့ၣ်ဧိၤညၣ်ဧိၤလၢပီၣ်လဲၣ်ပူၤ,ဒီး ထိၣ်ဧိၤလံၣ်ဧိၤလၢမူကပိာ်လိၤ, ဒီးဆၣ်ဖိကီၢ်ဖိလၢပှၢ် လၢ်ကျါဒီးတၢ်စွါလၢအစွါဝဲလၢ ဟီၣ်ခိၣ်ချၢကိးမံၤဒဲး, ဒီးကယဲၢ်ပှၤကညီလၢအအိၣ်ဝဲ လၢဟီၣ်ခိၣ်ချၢခဲလၢာ် န့ၣ်ကကနိးလၢယမဲာ်ညါလီၤ. ဒီးတၢ်ကတ့ၢ်လီၤကွံာ် ကစၢၢ်ကလိဒီးတၢ်အထီဘံကလီၤပှီၢ်, ဒီးတၢ်အဒူၣ် ခဲလၢာ်ကလီၤပှီၢ်လၢဟီၣ်ခိၣ်အဖီခိၣ်လီၤ.
21 ဒီးယကကိးန့ၢ်နးတဘ့ၣ်ထီဒါအီၤလၢ ယကစၢၢ်က လိခဲလၢာ်အကျါ, ကစၢ်ယွၤစံးဝဲဒၣ်,ဒီးပှၤအနးကအိၣ် လၢအဒီပုၢ်ဝဲၢ်အလိၤ, ပှၤအနးကအိၣ်လၢအဒီပုၢ်ဝဲၢ်အ လိၤစုာ်စုာ်လီၤ.
22 ဒီးယကစံၣ်ညီၣ်တၢ်သံသတြိာ်,ဒီး တၢ်သွံၣ်ဘၣ်အီၤ,ဒီးယကဒုးဟဲစူၤတၢ်လုၣ်ဘၢတၢ်,ဒီး သူၣ်ဖးဒိၣ်,ဒီးမ့ၣ်အူ,ဒီးကးလၢအဖီခိၣ်, ဒီးလၢအပှၤ ဂီၢ်မုၢ်အဖီခိၣ်, ဒီးလၢပှၤအါကလုာ်လၢအအိၣ်ဝဲဒီးအီၤ အဖီခိၣ်လီၤ.
23 ဒီးယကပာ်ဒိၣ်ယသး, ဒီးပာ်စီဆှံယသး, ဒီးယက ဒိးတၢ်သ့ၣ်ညါယၤလၢ ပှၤအါကလုာ်အမဲာ်ညါ,ဒီးက သ့ၣ်ညါဝဲလၢယမ့ၢ်ယွၤလီၤ.