39
1 ဒီးနဲဒၣ်ပှၤကညီဖိခွါဧၢ, ကတိၤတၢ်လၢဝံကျိာ်လၢ စီၤကိးအဂ့ၢ်, ဒီးစံး,ကစၢ်ယွၤစံးဒ်အံၤ,ကွၢ်ကွၢ်,ယထီ ဒါနၤ, ရိၣ်,မ့ၤရှ့း,ဒီးတူၤဘလးအပဒိၣ်ဖးဒိၣ်ဧၢ,
2 ယ ကဘိးဃၣ်ကဒါက့ၤနၤ, ဒီးယကဆှၢဝ့ၤဝီၤနၤ,ဒီးယ ကဒုးဟဲထီၣ်နၤလၢ ကလံၤစိးတခီဒီးယကဒုးဟဲထီၣ် နၤလၢအံၣ်စရ့လးအကစၢၢ်ကလိလီၤ.
3 ဒီးယကကျီကွံာ်နချံၣ်လၢနစုစ့ၣ်ပူၤ, ဒီးယကဒုးလီၤ တဲာ်နပျၢ်ဧိၤစၤဧိၤလၢနစုထွဲလီၤ.
4 နကလီၤဃံၤလၢအံၣ်စရ့လးအကစၢၢ်လိၤ,နဲဒၣ်,ဒီးန ပှၤအဖုတဖၣ်, ဒီးပှၤကလုာ်တဖၣ်လၢအအိၣ်ဒီးနၤ,ဒီး ယကဟ့ၣ်လီၤကွံာ်နၤဆူထိၣ်ဒူအကလုာ်ကလုာ်, ဒီး လၢဆၣ်ဖိကီၢ်ဖိလၢပှၢ်လၢ်ကျါဒ်သိးအကအီၣ်ကွံာ်နၤ လီၤ.
5 နကလီၤဃံၤလၢပျီပူၤလီၤ.အဂ့ၢ်ဒ်အံၤ, ယက တိၤလံတၢ်လံ,ကစၢ်ယွၤစံးဝဲဒၣ်.
6 ဒီးယကမၤလီၤမ့ၣ်အူလၢမါကူးအပူၤ, ဒီးလၢပှၤအိၣ် ခၢၣ်သနၢၢ်လၢကီၢ်လၢပီၣ်လဲၣ်နံၤတဖၣ်အပူၤ, ဒီးက သ့ၣ်ညါဝဲလၢယမ့ၢ်ယွၤလီၤ.
7 ဒီးယကဘိးဘၣ်သ့ၣ်ညါတၢ်လၢ ယမံၤစီဆှံလၢယ ပှၤဂီၢ်မုၢ်အံၣ်စရ့လးအကျါ, ဒီးယတဒုးမၤအၢလၢၤ ဘၣ်ယမံၤစီဆှံဘၣ်, ဒီးပှၤကလုာ်တဖၣ်ကသ့ၣ်ညါဝဲ လၢယမ့ၢ်ယွၤ, တၢ်စီဆှံတဂၤလၢအံၣ်စရ့လးအကျါ လီၤ.
8 ကွၢ်ကွၢ်,ဟဲဝဲ,ဒီးမၤအသးလီၤ, ကစၢ်ယွၤစံးဝဲဒၣ်,မ့ၢ် မုၢ်တနံၤလၢယကတိၤတၢ်လၢအဂ့ၢ်န့ၣ်လီၤ.
9 တုၤနုၤတဘျီပှၤလၢအအိၣ်အဆိးလၢ အံၣ်စရ့လးအ ဝ့ၢ်ပူၤတဖၣ်န့ၣ်ကဟးထီၣ်, ဒီးကဆိၣ်ကဲၤထီၣ်,ဒီးဆူး ထီၣ်ကွံာ်အစုကဝဲၤ, ကတီၤဖးဒိၣ်,ဒီးကတီၤဖိ,ချံၣ်,ဒီး ပျၢ်,ဒီးအစုအနီၣ်တီၢ်, ဒီးဘီတဖၣ်,ဒီးကဆူးထီၣ်ကွံာ် အီၤလၢမ့ၣ်အူနွံနံၣ်လီၤ.
10 ဒီးတဟံးန့ၢ်ဘၣ်သ့ၣ်မုၣ်လၢပှၢ်လၢ်ကျါ, ဒီးတကူာ် လီၤကွံာ်တၢ်လၢသ့ၣ်တဖၣ်အကျါဘၣ်. အဂ့ၢ်ဒ်အံၤ, ကဆူးထီၣ်ကွံာ်တၢ်အစုကဝဲၤလၢမ့ၣ်အူ, ဒီးကဂုာ် ဆူၣ်ပှၤအတၢ်လၢအဂုာ်ဆူၣ်အတၢ်, ဒီးဂုာ်န့ၢ်ပှၤအ တၢ်လၢအဂုာ်န့ၢ်အတၢ်လီၤ,ကစၢ်ယွၤစံးဝဲဒၣ်.
11 ဒီးတၢ်မၤအသးလၢမုၢ်တနံၤန့ၣ် လၢယကဟ့ၣ်လီၤ စီၤကိးလၢအသွၣ်ခိၣ်အလီၢ်ဖဲန့ၣ် လၢအံၣ်စရ့လးအ ပူၤ, လၢကစၢၢ်ကဆူးပှၤခီဂာ်တၢ်, လၢပီၣ်လဲၣ်အမုၢ် ထီၣ်တခီ, ဒီးကတြီပှၤခီဂာ်တၢ်အကျဲလီၤ. ဒီးကခူၣ် လီၤကွံာ်စီၤကိး, ဒီးအပှၤဂီၢ်မုၢ်ခဲလၢာ်ဖဲန့ၣ်, ဒီးကယုၢ် အမံၤလၢကစၢၢ်ကိးအပှၤဂီၢ်မုၢ်လီၤ.
12 ဒီးပှၤအံၣ်စရ့လးအပှၤဟံၣ်ဖိ ကခူၣ်လီၤကွံာ်အီၤနွံ လါဒ်သိးအကမၤကဆှီထံဧိၤကီၢ်ဧိၤန့ၣ်လီၤ.
13 ဒီးပှၤ ကီၢ်ဖိခဲလၢာ်ကခူၣ်လီၤကွံာ်အီၤ, ဒီးကကဲထီၣ်လၢအ မံၤလၢအဂီၢ်, လၢမုၢ်တနံၤလၢတၢ်ကပာ်လၤပာ်ကပီၤ ယၤလီၤ.
14 ဒီးကပာ်ပှၤကညီလၢ အကမၤတၢ်မၤန့ၣ်တထံၣ်ဃီ, ဒီးအဝဲသ့ၣ်န့ၣ်ဒီးပှၤလၢအလဲၤတြူာ်တၢ်တဖၣ် ကခူၣ် လီၤကွံာ်ပှၤလၢ အအိၣ်လီၤတဲာ်လၢဟီၣ်ခိၣ်အဖီခိၣ်ဒ် သိးအကမၤကဆှီတၢ်အဂ့ၢ်လီၤ. ဒီးနွံလါအလီၢ်ခံန့ၣ် ကဃုတၢ်လီၤ.
15 ဒီးပှၤလဲၤတၢ်တဖၣ် တုၤအခီဂာ်ထံဧိၤကီၢ်ဧိၤန့ၣ်ဒီး, မ့ၢ်ထံၣ်ဘၣ်ပှၤကညီအဃံဒီး, ကမၤပနီၣ်တၢ်လၢအ ဃၢၤတုၤပှၤကခူၣ်လီၤကွံာ်တ့ၢ်အီၤလၢ ကစၢၢ်ကိးအ ပှၤဂီၢ်မုၢ်အပူၤလီၤ.
16 ဝ့ၢ်အမံၤကမ့ၢ်စ့ၢ်ကီးတၢ်ဂီၢ်မုၢ်, ဒီးကမၤကဆှီထံဧိၤ ကီၢ်ဧိၤန့ၣ်လီၤ.
17 ဒီးနဲဒၣ်အံၤပှၤကညီဖိခွါဧၢ, ကစၢ်ယွၤစံးဒ်အံၤ, စံး ဘၣ်ကယဲၢ်ထိၣ်ဧိၤလံၣ်ဧိၤ အကလုာ်ကလုာ်,ဒီးက ယဲၢ်ဆၣ်ဖိကီၢ်ဖိလၢပှၢ်လၢ်ကျါ, အိၣ်ဖှိၣ်ရိဖှိၣ်ဒီးဟဲ, အိၣ်ဖှိၣ်ရိဖှိၣ်လၢကိးခီဒဲး, ဆူတၢ်လုၢ်လၢယလုၢ်လၢ သုဂီၢ်,တၢ်လုၢ်ဖးဒိၣ်လၢအံၣ်စရ့လး အကစၢၢ်အလိၤ တက့ၢ်.
18 ဒီးသုကအီၣ်တၢ်ညၣ်,ဒီးအီတၢ်သွံၣ်န့ၣ်,သု ကအီၣ်ပှၤအဆူၣ်အညၣ်, ဒီးသုကအီဟီၣ်ခိၣ်အပဒိၣ် ဖးဒိၣ်အသွံၣ်,သိဖါ,သိဖိ,ဒီးမဲာ်တဲးလဲး, ဂီၤဖံးဖါတ ဖၣ်အသွံၣ်,ဘၤၡၣ်အတၢ်ဘီၣ်ခဲလၢာ်လီၤ.
19 ဒီးသုကအီၣ်တၢ်သိတုၤသုအီၣ်ကုးအီၣ်ပှဲၤ, ဒီးအီတၢ် သွံၣ်တုၤသုအီမူၤသုသးလီၤ. မ့ၢ်အဘၣ်ဃးဒီးယတၢ် လုၢ်လၢယလုၢ်လၢသုဂီၢ်လီၤ.
20 ဒီးသုကအီၣ်ကုးအီၣ်ပှဲၤလၢ ယစီၢ်နီၤခိၣ်လၢကသ့ၣ်, ဒီးပှၤဒိးကသ့ၣ်,ဒီးပှၤဆူၣ်, ဒီးပှၤသုးဖိအကလုာ်က လုာ်လီၤ, ကစၢ်ယွၤစံးဝဲဒၣ်.
21 ဒီးယကပာ်လီၤယလၤကပီၤ လၢပှၤကလုာ်တဖၣ် အကျါ, ဒီးပှၤကိးကလုာ်ဒဲးကထံၣ်ဘၣ်ယတၢ်စံၣ်ညီၣ် လၢယမၤအီၤ, ဒီးယစုလၢယပာ်လၢအဖီခိၣ်လီၤ.
22 ဒီးလၢမုၢ်တနံၤလံၤလံၤ ဆူညါန့ၣ်ပှၤအံၣ်စရ့လးအ ပှၤဟံၣ်ဖိကသ့ၣ်ညါဝဲလၢယမ့ၢ်ယွၤအကစၢ်လီၤ.
23 ဒီးပှၤကလုာ်တဖၣ်ကသ့ၣ်ညါဝဲလၢ အံၣ်စရ့လးအ ပှၤဟံၣ်ဖိလဲၤကဲကုၢ်လၢအတၢ်ဒဲးဘးအဃိလီၤ. အဂ့ၢ် ဒ်အံၤ, မၤကမၣ်ဘၣ်ယၤ,ဒီးယပာ်တဒၢယမဲာ်လၢအီၤ, ဒီးယဟ့ၣ်လီၤကွံာ်အီၤဆူ အဒုၣ်အဒါအစုပူၤ,ဒီးလီၤ ဃံၤဝဲလၢနးဧိၤဘီဧိၤလီၤ.
24 ဒ်အတၢ်တကဆှီဘၣ်အသိး, ဒီးဒ်အတၢ်ကမၣ်အ သိးန့ၣ်ယမၤအီၤ,ဒီးပာ်တဒၢယမဲာ်ဒီးအီၤလီၤ.
25 မၤသးဒ်န့ၣ်ဒီးကစၢ်ယွၤစံးဒ်အံၤ, ယကဒုးဟဲက့ၤယၤ ကိာ်အပှၤလဲၤကဲကုၢ်, ဒီးယသးကအိၣ်အံၣ်စရ့လးအ ပှၤဟံၣ်ဖိခဲလၢာ်, ဒီးယကသးက့ၣ်တၢ်လၢယမံၤစီဆှံ အဂီၢ်လီၤ.
26 တုၤနုၤတဘျီအမဲာ်ကဆှးလၢအတၢ်မၤ ကမၣ်လၢအမၤကမၣ်ယၤ, ဖဲအအိၣ်ခၢၣ်သနၢၢ်လၢ အကီၢ်ပူၤ, ဒီးတၢ်တမၤပျံၤဘၣ်အီၤဘၣ်,
27 ဖဲယဒုးဟဲ က့ၤအီၤလၢပှၤကလုာ်တဖၣ်အကျါ, ဒီးထၢဖှိၣ်အီၤလၢ အဒုၣ်အဒါအကီၢ်ပူၤ, ဒီးတၢ်ပာ်စီဆှံယၤလၢအဃိလၢ ပှၤအါကလုာ်အမဲာ်ညါန့ၣ်လီၤ.
28 ဒီးကသ့ၣ်ညါဝဲလၢ ယမ့ၢ်ယွၤအကစၢ်လၢ အမၢကဲကုၢ်အီၤလၢပှၤကလုာ် တဖၣ်အကျါ, ဒီးထၢဖှိၣ်အီၤဆူအကီၢ်ဒၣ်ဝဲအပူၤ,ဒီး တလဲၤသဒၣ်အီၤဖဲန့ၣ်နီတဂၤဘၣ်.
29 ဒီးယတပာ်တဒၢလၢၤဘၣ်ယမဲာ်လၢအီၤဘၣ်. အဂ့ၢ် ဒ်အံၤ, ယလူလီၤလံယသးလၢအံၣ်စရ့လးအပှၤဟံၣ် ဖိအလိၤလံ, ကစၢ်ယွၤစံးဝဲဒၣ်.