10
1 သၣ်ဘုလါသံန့ၣ်ဒုးနၢအုၣ်ပှၤမၤတၢ်နၢမူတဂၤအသိ အချါလီၤ. ဒီးပှၤဟးဂီၤဖိအတၢ်တစဲးဖိဃၢန့ၢ်တၢ်ကူၣ် သ့, ဒီးတၢ်လၤကပီၤတက့ၢ်ဒ်န့ၣ်အသိးလီၤ.
2 ပှၤကူၣ် တၢ်သ့အသးန့ၣ် အိၣ်ဝဲလၢအစုထွဲတခီလီၤ. မ့မ့ၢ်ပှၤ ဟးဂီၤဖိအသးန့ၣ်အိၣ်ဝဲလၢအစုစ့ၣ်တခီလီၤ.
3 ဒီးတုၤ ပှၤဟးဂီၤဖိလဲၤတၢ်လၢကျဲစ့ၢ်ကီး, ဒီးအသးဆးတအိၣ် ဘၣ်ဒီး, စံးဘၣ်ပှၤကိးဂၤဒဲးလၢအမ့ၢ်ပှၤဟးဂီၤဖိလီၤ.
4 ပဒိၣ်ဖးဒိၣ်တဂၤအသးမ့ၢ်ထီၣ်ဘၣ်နၤဒီး, ဟးလၢန လီၢ်တဂ့ၤ, အဂ့ၢ်ဒ်အံၤ, တၢ်သူၣ်စူၤသးစူၤန့ၣ်မၤပူၤမၤဖျဲး တၢ်ဒဲးဘးအဒိၣ်အယိာ်လီၤ.
5 ယထံၣ်ဘၣ်တၢ်အၢတမံၤလၢမုၢ်အဖီလာ်, တၢ်ကမၣ် လၢအဟဲထီၣ်လၢပှၤပၢတၢ်လီၤ.
6 ပှၤဟးဂီၤဖိဘၣ်တၢ် ပာ်အီၤလၢအလီၢ်ထီၣ်ထီ, ဒီးပှၤထူးပှၤတီၤ ဆ့ၣ်နီၤ လၢအလီၢ်ဖုၣ်လီၤ.
7 ယထံၣ်တၢ်အခ့အပှၤလၢကသ့ၣ် လိၤ, ဒီးပဒိၣ်ဖးဒိၣ်လဲၤတၢ်လၢအခီၣ်ဒ်တၢ်အခ့အပှၤ အသိးန့ၣ်လီၤ.
8 ပှၤလၢအခူၣ်လီၤတၢ်ပူၤန့ၣ်ကလီၤတဲာ်လၢအပူၤလီၤ.ဒီးပှၤလၢအဘၢၣ်ဖျိတၢ်အဒူၣ်န့ၣ်ဂုၢ်ကအ့ၣ်အီၤလီၤ.-
9 ပှၤလၢအသုးကွံာ်လၢၢ်တဖၣ်န့ၣ် အတၢ်ကမၤဆါအီၤ လီၤ. ပှၤလၢအမၤသ့ၣ်ဖးသ့ၣ်န့ၣ်တၢ်ကဘၣ်ဘၣ်ဖုး အီၤလီၤ.
10 ထးအကနၣ်မ့ၢ်တအ့ၣ်ဘၣ်, ဒီးပှၤမ့ၢ်တကျ့ ဘၣ်အကနၣ်ဒီး, ပှၤဘၣ်ထုးထီၣ်အဂံၢ်အဘါဆူၣ်တ က့ၢ်လီၤ. မ့မ့ၢ်တၢ်ကူၣ်သ့ဂ့ၤလၢတၢ်ဆှၢပှၤအဂီၢ်လီၤ.
11 ပှၤအူတၢ်သမူတၢ်တချုး မၤဒံးဘၣ်တၢ်ဒီး, ဂုၢ်မ့ၢ်ဖျး တၢ်ဒီး, ပှၤအူတၢ်တဂၤန့ၣ်အဘျုးအဖှိၣ်တအိၣ်ဘၣ်.
12 ပှၤကူၣ်တၢ်သ့ အတၢ်ကတိၤန့ၣ် ဘၣ်တၢ်အသးလီၤ. မ့မ့ၢ်ပှၤဟးဂီၤဖိအပျုၤန့ၣ်မၤဟးဂီၤအီၤလီၤ.
13 အထးခိၣ် အတၢ်ကတိၤခီၣ်ထံးန့ၣ်မ့ၢ်ပှၤဟးဂီၤဖိအတၢ်, ဒီးအထး ခိၣ်အကတၢၢ်န့ၣ် မ့ၢ်တၢ်ပျုၢ်အၢလီၤ.
14 ဒီးပှၤဟးဂီၤဖိ မၤအါထီၣ်အတၢ်ကတိၤလီၤ. ဘၣ်ဆၣ်ဒီးတၢ်ကမၤအ သးန့ၣ်ပှၤတသ့ၣ်ညါနီတဂၤဘၣ်. ဒီးတၢ်ကမၤအသး ဆူညါန့ၣ်မ့ၢ်မတၤစံးသ့တဂၤလဲၣ်.
15 ပှၤဟးဂီၤဖိမၤတၢ် န့ၣ်မၤဘှံးအသးလီၤ. အဂ့ၢ်ဒ်အံၤ, တသ့ၣ်ညါလဲၤဆူ ဝ့ၢ်ပူၤဘၣ်.
16 ကီၢ်ဧၢ, နဘၣ်အဖှီၣ်လီၤ. အဂ့ၢ်ဒ်အံၤ, နစီၤပၤမ့ၢ် ဖိသၣ်, ဒီးနပဒိၣ်တဖၣ်အီၣ်တၢ်အီတၢ်လၢဂီၤဂီၤလီၤ.
17 ကီၢ်ဧၢ, တုၤနစီၤပၤ မ့ၢ်ပှၤအိၣ်ဖျဲၣ်ပဒိၣ်ဖိ, ဒီးနပ ဒိၣ်တဖၣ်အီၣ်တၢ်အီတၢ်လၢ အဆၢဘၣ်အကတီၢ်ဂ့ၤ လၢတၢ်အဂံၢ်အဘါအဂီၢ်, တမ့ၢ်ဘၣ်လၢအီမူၤအသး အဂီၢ်ဒီး, နဘၣ်တၢ်ဆိၣ်ဂ့ၤလီၤ.
18 ပှၤကၢၣ်မၤတၢ်သ တးဒီး, ဟံၣ်လီၤပှီၢ်ကွံာ်လီၤ. ဒီးစုအကၢၣ်န့ၣ်သတး ဒီး, ဟံၣ်လီၤစီၤလီၤ.
19 ပှၤမၤတၢ်အီၣ်တၢ်အီလၢပှၤကနံၤဝဲအဂီၢ်, ဒီးစပံးထံ မၤခုပှၤအသးလီၤ.မ့မ့ၢ်စ့စံးဆၢတၢ်ခဲလၢာ်လီၤ.
20 လၢနဆိကမိၣ်တၢ်အပူၤဒၣ်လဲာ်န့ၣ် ဆိၣ်အၢစီၤပၤ တဂ့ၤ, ဒီးလၢနဒၢးပူၤဒၣ်လဲာ် ဆိၣ်အၢပှၤထူးပှၤတီၤ တဂ့ၤ. အဂ့ၢ်ဒ်အံၤ, ထိၣ်လၢမူကပိာ်လိၤကစိာ်တၢ်အ ကလုၢ်, ဒီးတၢ်လၢအအိၣ်ဒီးအဒံးဆ့န့ၣ် ကစံးဘၣ်တဲဘၣ်တၢ်လီၤ.