9
1 အဂ့ၢ်ဒ်အံၤ, ယဆိကမိၣ်တၢ်အံၤခဲလၢာ်လၢယက ဃုန့ၢ်တၢ်ခဲလၢာ်အံၤ, လၢပှၤတီပှၤလိၤ, ဒီးပှၤကူၣ်တၢ် သ့,ဒီးအတၢ်မၤတဖၣ်န့ၣ်အိၣ်ဝဲလၢယွၤအစုပူၤ, ဒီးတၢ် အဲၣ်မ့ၢ်ဂ့ၤ, တၢ်သးဟ့မ့ၢ်ဂ့ၤ, ပှၤတသ့ၣ်ညါဘၣ်နီတ ဂၤဘၣ်, တၢ်ခဲလၢာ်န့ၣ်အိၣ်ဆူညါလၢအီၤလီၤ.
2 တၢ်ခဲလၢာ်ဟဲဘၣ် ပှၤခဲလၢာ်ဒ်သိးသိးလီၤ.ပှၤတီဒီး ပှၤတတီဘၣ်, ပှၤဂ့ၤဒီးပှၤကဆှီဒီးပှၤတကဆှီဘၣ်, ပှၤ လၢအလုၢ်တၢ်ဒီးပှၤလၢ အတလုၢ်ဘၣ်တၢ်န့ၣ်ဘၣ်ဝဲ တၢ်တမံၤဃီလီၤ. ဒ်ပှၤအဂ့ၤအသိးန့ၣ် ပှၤတၢ်ဒဲးဘး ဖိမ့ၢ်ဒ်န့ၣ်သိးလီၤ. ပှၤလၢအဆိၣ်တၢ်န့ၣ် မ့ၢ်ဒ်ပှၤလၢ အပျံၤတၢ်ဆိၣ်အသိးန့ၣ်လီၤ,
3 တၢ်အၢတမံၤအိၣ်ဝဲလၢ ကယဲၢ်တၢ်ခဲလၢၢာ်လၢ အမၤအသးလၢမုၢ်အဖီလာ် လၢပှၤခဲလၢာ်ဘၣ်တၢ်တမံၤဃီလီၤ. ဒီးပှၤကညီအသး ပှဲၤဒီးတၢ်အၢ, ဒီးတၢ်ပျုၢ်အိၣ်ဝဲလၢအသးကံၢ်ပူၤလၢအ မူဒံးအဖၢမုၢ်, ဒီးလၢအဝဲန့ၣ်အလီၢ်ခံန့ၣ်သံဝဲလီၤ.
4 အဂ့ၢ်ဒ်အံၤ, လၢပှၤလၢအဘၣ်တၢ်ဂံၢ်ဃုာ်အီၤဒီးပှၤမူခဲလၢၢာ်န့ၣ်ပမုၢ်လၢ်အဂီၢ်အလီၢ်အိၣ်လီၤ.အဂ့ၢ်ဒ်အံၤ,ထွံၣ်မူဒံးတဒုဂ့ၤန့ၢ်ခ့ယုၢ်လၢအသံတဒုတက့ၢ်လီၤ.-
5 အဂ့ၢ်ဒ်အံၤ, ပှၤလၢအမူဒံးန့ၣ် သ့ၣ်ညါဝဲလၢအကသံ လီၤ. မ့မ့ၢ်ပှၤသံန့ၣ် တသ့ၣ်ညါဘၣ်တၢ်နီတမံၤဘၣ်. ဒီးအဘူးအလဲတအိၣ်လၢၤဘၣ်. အဂ့ၢ်ဒ်အံၤ, ပှၤသးပ့ၤ နီၣ်တၢ်သ့ၣ်နီၣ်ထီၣ်က့ၤအီၤလီၤ.
6 အတၢ်အဲၣ်ဒီးအတၢ် သးဟ့, ဒီးအတၢ်သးကါန့ၣ်ဟါမၢ်လံ, ဒီးအဂီၢ်တအိၣ် လၢၤဘၣ်လၢတၢ်မၤအသးလၢ မုၢ်အဖီလာ်နီတမံၤလီၤ ထူလီၤယိာ်လီၤ.
7 လဲၤအီၣ်နကိၣ်ဒီးတၢ်သးခု, ဒီးအီနစပံးထ့လၢတၢ် သးဖှံတက့ၢ်. အဂ့ၢ်ဒ်အံၤ, ယွၤတူၢ်လိာ်လံနမၤတၢ် လံ.
8 မ်နကူနသိးန့ၣ် ဝါဝဲကိးအဆၢအကတီၢ်ဒဲးတ က့ၢ်. မ်နခိၣ်အသိအသုတအိၣ်ဆံးကဲၣ်ဆိးတဂ့ၤ.
9 မူသးခုဒီးနမါလၢနအဲၣ်အီၤလၢ နတၢ်ကလီကလီအသးသမူအမုၢ်နံၤခဲလၢာ်အတီၢ်ပူၤလၢ ယွၤဟ့ၣ်လီၤနၤလၢမုၢ်အဖီလာ်, နမုၢ်နံၤကလီကလီခဲလၢာ်အတီၢ်ပူၤတက့ၢ်. အဂ့ၢ်ဒ်အံၤ, အဝဲန့ၣ်မ့ၢ်နဂီၢ်လၢနမူဒံးအဖၢမုၢ်, ဒီးလၢနတၢ်မၤအပူၤလၢနမၤလၢမုၢ်အဖီလာ် လီၤ.
10 ကယဲၢ်တၢ်လၢနစုထံၣ်န့ၢ်လၢ နကမၤတမံၤလၢ်လၢ်န့ၣ် မၤအီၤလၢနဂံၢ်နဘါခဲလၢာ်တက့ၢ်. အဂ့ၢ်ဒ်အံၤ, တၢ် မၤမ့ၢ်ဂ့ၤ,တၢ်ကူၣ်မ့ၢ်ဂ့ၤ,တၢ်သ့ၣ်ညါမ့ၢ်ဂ့ၤ, တၢ်ကူၣ်သ့ မ့ၢ်ဂ့ၤ, တအိၣ်ဘၣ်လၢပျုၤပူၤဖဲနလဲၤတၢ်န့ၣ်ဘၣ်လီၤ.
11 ယဟဲက့ၤ ဒီးယထံၣ်တၢ်လၢမုၢ်အဖီလာ်လၢပှၤဃ့ၢ် သတြီၤချ့န့ၣ် တတုၤဆိဘၣ်, ဒီးပှၤဒုးတၢ်ဆူၣ်န့ၣ်တ မၤနၢၤဘၣ်တၢ်ဘၣ်, ဒီးကိၣ်တအိၣ်ဘၣ်ဒီးပှၤကူၣ်တၢ် သ့ဘၣ်, ဒီးတၢ်ထူးတၢ်တီၤ တအိၣ်ဘၣ်ဒီးပှၤလၢအ ကူၣ်အဆးဘၣ်, ဒီးပှၤမၤတၢ်သ့တဘၣ်ဘျုးဘၣ်ဖှိၣ် ဘၣ်လီၤ. မ့မ့ၢ်တၢ်အဆၢအကတီၢ်ဒီးတၢ်ဘၣ်အတီၤ ဘၣ် ပှၤခဲလၢာ်လီၤ.
12 အဂ့ၢ်ဒ်အံၤ, ပှၤကညီစ့ၢ်ကီးတ သ့ၣ်ညါဘၣ်အဆၢအကတီၢ်ဘၣ်. ဒ်ဒ့ၣ်ဧိၤညၣ်ဧိၤလၢ အဘၣ်ပှာ်အၢအသိးန့ၣ်, ဒီးဒ်ထိၣ်ဧိၤလံၣ်ဧိၤဘၣ်ပျံၤ သကွီၤအသိးန့ၣ် ပှၤကညီဖိဘၣ်ပျံၤသကွီၤလၢအက တီၢ်အၢဖဲအဘၣ်အီၤသတူၢ်ကလာ်လီၤ.
13 တၢ်ကူၣ်သ့အံၤ ယထံၣ်လၢမုၢ်အဖီလာ်, ဒီးဒိၣ်ဝဲ လၢယၤလီၤ.
14 ဝ့ၢ်ဆံးအိၣ်, ဒီးပှၤစှၤဂၤအိၣ်ဝဲလၢအပူၤ, ဒီးစီၤပၤဖးဒိၣ်ဟဲထီဒါအီၤ, ဒီးကဝီၤဃာ်အီၤ ဒီးမၤထီၣ် တိာ်ဖးဒိၣ်တဖၣ်ထီဒါအီၤလီၤ.
15 ဒီးပှၤဖှီၣ်ဖိလၢအကူၣ် တၢ်သ့တဂၤန့ၣ် အိၣ်ဝဲလၢအပူၤလီၤ. ဒီးမၤပူၤမၤဖျဲး ဝ့ၢ်န့ၣ်လၢအတၢ်ကူၣ်သ့လီၤ. ဘၣ်ဆၣ်ဒီး ပှၤတသ့ၣ် နီၣ်ထီၣ်က့ၤပှၤဖှီၣ်ဖိတဂၤန့ၣ်နီတဂၤဘၣ်.
16 ဒီးယစံး, တၢ်ကူၣ်သ့ဂ့ၤန့ၢ်တၢ်အဂံၢ်အဘါတက့ၢ်လီၤ. ဘၣ်ဆၣ် ဒီးပှၤတပးကဲဘၣ် ပှၤဖှီၣ်ဖိယာ်ဖိ အတၢ်ကူၣ်သ့န့ၣ်, ဒီးပှၤတနၢ်ဟူဘၣ်အတၢ်ကတိၤဘၣ်.
17 ပှၤကူၣ်တၢ်သ့ အတၢ်ကတိၤကပုာ်လုးန့ၣ် ဟူထီၣ်ဝဲဒိၣ်န့ၢ်ပှၤကိးပသူ ထီၣ်လၢအပၢတၢ်လၢ ပှၤဟးဂီၤဖိအကျါတက့ၢ်လီၤ.
18 တၢ်ကူၣ်သ့န့ၣ်ဂ့ၤန့ၢ် ဒုးသုးတၢ်အစုကဝဲၤတက့ၢ်လီၤ. မ့မ့ၢ်ပှၤတၢ်ဒဲးဘးဖိတဂၤဧိၤန့ၣ် မၤဟးဂီၤတၢ်ဂ့ၤအါမး လီၤ.