11
1 ကွံာ်နကိၣ်လၢထံဖံးခိၣ်တက့ၢ်. အဂ့ၢ်ဒ်အံၤ, အါနံၤ အါသီအလီၢ်ခံန့ၣ်နကထံၣ်န့ၢ်က့ၤအီၤလီၤ.
2 ဟ့ၣ်နီၤဖးတၢ်လၢပှၤနွံဂၤ, ဒီးဃိးဂၤဒၣ်လဲာ်အဂီၢ် တက့ၢ်. အဂ့ၢ်ဒ်အံၤ, တၢ်အၢလၢအကမၤအသးလၢ ဟီၣ်ခိၣ်ချၢမနုၤမနုၤန့ၣ်နတသ့ၣ်ညါဘၣ်.
3 တုၤတၢ် အၢၣ်ပှဲၤဒီးတၢ်စူၤဒီး, လူလီၤအသးလၢဟီၣ်ခိၣ်ချၢလီၤ ဒီးတုၤသ့ၣ်တထံးလီၤဃံၤဝဲဆူကလံၤထံးမ့ၢ်ဂ့ၤ, ဆူက လံၤစိးမ့ၢ်ဂ့ၤ, ဖဲအလီၢ်လၢသ့ၣ်လီၤဃံၤဝဲန့ၣ်ကအိၣ်ဝဲဖဲ န့ၣ်လီၤ.
4 ပှၤလၢအခိးကလံၤန့ၣ်တဖှံဘၣ်တၢ်ဘၣ်, ဒီး ပှၤလၢအကွၢ်တၢ်အၢၣ်န့ၣ်တကူးဘၣ်ဘုဘၣ်.
5 သးအ ကျဲမ့ၢ်ဂ့ၤ, ဃံကဲထီၣ်လၢပှၤလၢအဒၢတၢ်တဒၢလီၢ်ပူၤဒ် လဲၣ်ဒ်လဲၣ်မ့ၢ်ဂ့ၤ, ဒ်နတသ့ၣ်ညါဘၣ်အသိးန့ၣ် နတ သ့ၣ်ညါဘၣ်ယွၤအမၤတၢ်လၢ အမၤတၢ်ခဲလၢာ်ဒ်န့ၣ် သိးလီၤ.
6 လၢမုၢ်ဂီၤန့ၣ်ဖှံနတၢ်ချံတက့ၢ်, ဒီးလၢမုၢ်ဟါ န့ၣ်ထုးက့ၤနစုတဂ့ၤ. အဂ့ၢ်ဒ်အံၤ, ကဘီၣ်ထီၣ်လၢလဲၣ် တမံၤမံၤလဲၣ်, အအံၤမ့ၢ်ဂ့ၤ, အန့ၣ်မ့ၢ်ဂ့ၤ, မ့တမ့ၢ်ဘၣ်, တၢ်ခံမံၤလၢာ်ကဂ့ၤဒ်သိးသိးမ့ၢ်ဂ့ၤ, နတသ့ၣ်ညါဘၣ်.
7 မ့ၢ်မးတၢ်ကပီၤမုာ်ဝဲ, ဒီးပမဲာ်ကွၢ်မုၢ်အတၢ်ကပီၤန့ၣ် မုာ်ဝဲလီၤ.
8 ဘၣ်ဆၣ်ဒီးပှၤမ့ၢ်မူဝဲအါနံၣ်အါလါ, ဒီးသး ခုဒၣ်ဝဲလၢ တၢ်ခဲလၢာ်အပူၤနာ်သက့ဒီး, မ်အသ့ၣ် နီၣ်ထီၣ်က့ၤမုၢ်နံၤအခံးတဖၣ်တက့ၢ်. အဂ့ၢ်ဒ်အံၤ, က အိၣ်အါနံၤအါသီလီၤ. ကယဲၢ်တၢ်လၢအဟဲဝဲန့ၣ်မ့ၢ်တၢ် ကလီကလီလီၤ.
9 ဖိၣ်သၣ်ခွါဧၢ, လၢနဖိၣ်သၣ်ခွါအဖၢ မုၢ်ဒီး, သးခုတက့ၢ်. ဒီးမၤမုာ်နသးလၢနဖိၣ်သၣ်ခွါအ မုၢ်နံၤအတီၢ်ပူၤ, ဒီးလဲၤတၢ်လၢနသးအကျဲပူၤ, ဒီးဖဲတၢ် ဘၣ်နမဲာ်တက့ၢ်. ဘၣ်ဆၣ်ဒီးသ့ၣ်ညါနဲ, လၢကယဲၢ် တၢ်ခဲလၢာ်န့ၣ်အဃိ, ယွၤကဒုးဟဲနၤဆူတၢ်စံၣ်ညီၣ် အပူၤန့ၣ်တက့ၢ်.
10 မၤသးဒ်န့ၣ်ဒီးသုးကွံာ်တၢ်မၤကိၢ်မၤဂီၤနသး, ဒီးသုး ကွံာ်တၢ်အၢလၢနဖံးနညၣ်တက့ၢ်.အဂ့ၢ်ဒ်အံၤ, ဖိသၣ်ဒီး ဖိၣ်သၣ်ခွါထီၣ်အလီၢ်န့ၣ်မ့ၢ်တၢ်ကလီကလီလီၤ.