21
1 တၭလၧစဒၫဝံၭအမုနံၩလဖၪအကျၩနီၪ ဆၧၥၭဝံ လၩ့ဒိၩအီၪ, လနံၪ့ဘၪလနံၪ့ၥၧၫ့နံၪ့လီၫ. တၭစဒၫဝံၭ အၪ့စၪ့ဆၧလၧယဟိဝၩတၭ, ယဟိဝၩလီၩဆၧၫ့ဝ့ၫဒၪ, မွဲလၧစစီလူၫအကၠီၩ့, ဒဲလၧအၡၩဂံၪ့ဖိၪဘၪဆဲၫ့လၧ ဆၧၥွံၪအကၠီၩ့လၧအမၩၥံၫ ၦဂံဘအၧၫ့ဖိၪအကၠီၩ့လီၫ.
2 တၭစဎွၩကိၭန့ၦဂံဘအၧၫ့ဖိၪတၭ, စံၭအဝ့ၫၥံၪ (တၭ ၦဂံဘအၧၫ့ဖိၪနီၪ ဘၪဆဲၫ့လၧၦအံၫစရ့လၭဖိၪမွဲအ့ၬ. မွဲအဘၪဆဲၫ့လၧဆၧအီၪလၩ့ထး လၧၦအၫမိၫဖိၪ,လၧ ၦအံၫစရ့လၭဖိၪဆိၪလၩ့အၥၭလၧအဝ့ၫၥံၪလီၫ. တၭ စစီလူၫအၪ့ဎၬမၩၥံၫအဝ့ၫၥံၪ လၧအၥၭဆီၪ့ လၧၦအံၫ
3 စရ့လၭဖိၪဒဲလၧၦယုဒၫဖိၪအဂးလီၫ.)- အခိးမွဲစဒၫ ဝံၭစံၭၦဂံဘအၧၫ့ဖိၪၥံၪ, ယမိဘၪမၩလၧနၥံၪအဂးနီၪ မွဲဆၧနီၪလမံၩ့လဲၪ. တၭယမိမၩဆၧဖီၩ့ဖျ့ၭ ဘဲၫၥိၭန ၥံၪမိဆိၪဂ့ၩယဟိဝၩအဆၧန့ၥၫနီၪ လၧဆၧနီၪလမံၩ့
4 လဲၪ.- တၭၦဂံဘအၧၫ့ဖိၪစံၭအဝ့ၫ, လၧစစီလူၫမွဲဂ့ၩ, အၡၩဂံၪ့ဖိၪမွဲဂ့ၩ, အကျိၪၥံၪစ့ၩၥံၪ, ထီၫ့ၥံၪလွ့ၫၥံၪပမိ မၩအ့ၬ. တၭနမၩၥံၫဘၪၦၡၩလၧအံၫစရ့လၭအကျၩ လၧပဂးနးဂၩအ့ၬ. တၭအဝ့ၫဒၪစံၭဝ့ၫ, ဆၧလၧနၥံၪမိ
5 စံၭနီၪ, ယမိမၩလၧနၥံၪအဂးလီၫ.- တၭအဝ့ၫၥံၪစံၭ စဎွၩ, ၦလၧအမၩလူၬခွံၬပၧၩ, ဒဲကိၪ့မၩဂၭဂီၩ့ပၧၩ, ဘဲၫၥိၭပထီးအီၪထးဘၪလၧ အံၫစရ့လၭအခးနဲၩ့ထံၭ
6 လစီၪ့လါလါနီၪ,- မွဲဆၧဖ့ၪလၫ့ခွံၬ အဝ့ၫဒၪအဖိၪခွၫ နွ့ၫဂၩလၧပစူၪဖၧၩ့ဆံၭ. တၭပမိစၧၩ့လၩ့ၥံၫအဝ့ၫၥံၪ လၧယဟိဝၩအဂး လၧဂံဘအၫ ဘၪဆဲၫ့လၧစစီလူၫ လၧယဟိဝၩရွံန့ဝ့ၫလီၫ. တၭစဎွၩစံၭဝ့ၫဒၪ, ယမိဖ့ၪ လၫ့အဝ့ၫၥံၪလီၫ.
7 မွဲလါနၫ့ဘိၩ, စဎွၩလီၫ့ကီၩ့ စစီလူၫအဖိၪခွၫစစၪ့ နၥၧၫ့အဖိၪခွၫစမံၫဖံၭဘၡ့ၭ လၧယဟိဝၩ အဆၧဆိၪ လၩ့အၥၭလၧအအီၪဝ့ၫလၧ အဝ့ၫၥံၪအကၠီၩ့, လၧစဒၫ
8 ဝံၭ,ဒဲစစီလူၫအဖိၪခွၫစစၪ့နၥၧၫ့နီၪလီၫ.- တၭစဎွၩမၩ န့စအဲအၫအဖိၪမုၪ နးရံဇဖၫအဖိၪခွၫနံၫဂၩလၧအအီၪ ဖျဲၪန့ဝ့ၫလၧစစီလူၫအဂး စအၫမိၫနဲၫ ဒဲစမံၫဖံၭဘၡ့ၭ, ဒဲစစီလူၫအဖိၪမုၪနးမံရၭအဖိၪခွၫယဲဂၩ လၧအအီၪဖျဲၪ န့ၦမံၫဟိလၭဖိၪ စဘၫဇံလ့ၫအဖိၪခွၫ စအ့ဒံၫအ့လၭ
9 အဂးလီၫ.- အဝ့ၫဒၪဖ့ၪလၫ့ခွံၬအဝ့ၫၥံၪလၧၦဂံဘအၧၫ့ ဖိၪအစူၪဖၧၩ့တၭ, အဝ့ၫၥံၪစၧၩ့လၩ့ၥံၫဝ့ၫလၧခိၪလီၩ့ ခိၪလၧယဟိဝၩအမ့ၬယၫတၭ, အဝ့ၫၥံၪလၩ့ထံၩဖါဝ့ၫ နွ့ၫဂၩလစီၪ့ဎးတၭ, ဘၪဆၧမၩၥံၫဝ့ၫလၧဆၧကူၭဘုၪ အမုနံၩလဖၪ အဘိၩ့ဘၭ လၧဆၧကူၭဘုၪဆိၫ ဘုၪမု
10 ယီၩအခၪ့ထံၭနီၪလီၫ.- တၭစအဲအၫအဖိၪမုၪနးရံဇဖၫ မၩန့ရၧၬအဆၧကဲၩ့ယၬတၭ, ဒၩလၩ့ဝ့ၫလၧလိးလီၩ့ လၧအဂး, လၧဆၧကူၭဆိၫဘုၪထီးထံၫလၩ့ဘၪလၧမူၭ ခိၪလၧအဝ့ၫၥံၪအလီၩ့တၭ, လၧမုဆၫလခီၫထိၪၥံၪလံၪ ၥံၪလၧဆၧဖိၭဖၫ့မိဆီးလၩ့ လၧအဝ့ၫၥံၪအလီၩ့မွဲဂ့ၩ, လၧမုနၩလခီၫဆၧဖိၪဆၧဎါ လၧမံၩ့လၬကျၩမွဲဂ့ၩ,ဒုၭ ဂဲၫဝ့ၫဒၪအ့ၬ.
11 တၭၦလီၩဘၪစဒၫဝံၭလၧဆၧ လၧစစီလူၫအၥံၪမၫ
12 စအဲအၫအဖိၪမုၪနးရံဇဖၫမၩဝ့ၫနီၪလီၫ.- တၭစဒၫဝံၭ လ့ၩမၩန့စစီလူၫအဎွံၪ, ဒဲအဖိၪခွၫစစၪ့နၥၧၫ့အဎွံၪလၧ ယၫဘ့ၭဂံလအၭအၡၩလဖၪအအီၪ, ၦလၧအအၪ့ဂူၪ န့ဝ့ၫလၧဘ့ၭၥၡၫ့အဖၧၩ့ၥၭ, ထီးအလးၦဖလံၡၫဖိၪဒုၭ လၩ့ဆဲၩဝ့ၫလၧၦဖလံၡၫဖိၪ မၩၥံၫစစီလူၫလၧဂံလဘိ
13 အၫအဖၧၩ့ အလးခဲၫ့နီၪလီၫ.- တၭအဝ့ၫဂဲၫဆိၬထၪ့ စစီလူၫအဎွံၪဒဲအဖိၪခွၫစစၪ့နၥၧၫ့အဎွံၪထီးနီၪ, ဒဲအၪ့ ထုၫ့ကီၪ့ၦလၧအဘၪ စၧၩ့လၩ့ၥံၫအၥၭလဖၪ အဎွံၪ
14 လီၫ.- တၭၦခုၪ့လၩ့ဘၧၩ့ခွံၬ စစီလူၫ ဒဲအဖိၪခွၫစစၪ့ နၥၧၫ့အဎွံၪလၧဘံၪ့ယမံၫ့အခးဖၧၩ့ လၧဇံလၫအဖၧၩ့, လၧအဖါစကံၭအၥွၪခိၪဖၧၩ့လီၫ. တၭၦၡၩၥံၪမၩက ယဲဆၧလၧစဎွၩမၪလူၬဝ့ၫ ထီးအလူၬလီၫ. လၧခဲၫ့ထဲၩ့ တၭယွၩခိၭနၪ ဆၧအၪ့ကံၩ့အၪ့ယၫလၧခးအဂးနီၪ လီၫ.
(ၥကွ့ၭ ၂ဝ;၄-၈).
15 ၦဖလံၡၫဖိၪ ဒုၭဒံၭဆၧထၫ့ဒုၪဒၩ ဒီၭအံၫစရ့လၭ တၭ,စဒၫဝံၭလ့ၩလၩ့ဒဲအခ့ၫအၡၩအီၪလၧအၥိၭတၭ, ဒုၭၥုၭထၫ့ဒၩ ၦဖလံၡၫဖိၪတၭ, စဒၫဝံၭလၩ့ဘဲၩဝ့ၫ
16 လီၫ.- တၭစအံၭၡဘ့ၫဘံနီၭ လၧအအီၪလၧၦဆီၪ့အ ဖိၪခွၫအကျၩ, အဖၩ့အလယၧးမွဲထီးဘၩ့ၥၧၫ့ယၩ, ခဲးထၬအၥၭလၧဆၧအၥၫ့တၭ, မိမၩၥံၫစဒၫဝံၭလီၫ.
17 မွဲလါနၫ့တၭ နးဇ့ၫရုၫအဲအၫအဖိၪခွၫ စအၭဘၡဲၫမၩ ဆၧၩ့စဒၫဝံၭတၭ, ဖ့ၬခွံၬၦဖလံၡၫဖိၪတၭ, မၩၥံၫအဝ့ၫ ဒၪလီၫ. ထီးနီၪလဖၧၫ့စဒၫဝံၭအၡၩၥံၪ ဆိၪလၩ့အၥၭ လၧအဝ့ၫၥံၪအၥိၭစံၭဝ့ၫဒၪ, နလ့ၩထၪ့ဘၪလၧၩ့နဝ့ၫ လၧပၥိၭလၧဆၧဒုၭၥုၭအဖၧၩ့အ့ၬ, မွဲဘဲၫၥိၭနထီးမၩ ခံၭလၩ့အံၫစရ့လၭအဆၧဖၩ့နီၪလဂ့ၩလီၫ.
18 တၭလၧဆၧလဖၪနီၪအလးခဲၫ့ ဆၧမၩအၥၭလၧ ဆၧဒုၭဒီၭၥုၭလၧၦဖလံၡၫဖိၪလၧဂီၭအဖၧၩ့လီၫ. ထီးနီၪ လဖၧၫ့ၦဟုၡၫဖိၪ စစံဘခ့ၫဖ့ၬခွံၬ စစၭဖၭလၧအအီၪ
19 လၧၦဆီၪ့အဖိၪခွၫအကျၩလီၫ.- တၭမၩဒီၭလဖၧၫ့ဆၧ ဒုၭဒီၭၥုၭလၧၦဖလံၡၫဖိၪလၧဂီၭအဖၧၩ့တၭ, ၦဘ့ၭၥ လံၫဟံၫ့ဖိၪ စယၫရံၫအီရဂံၫ့အဖိၪခွၫ စအ့ၫလဟၫနၫ့ နီၪဖ့ၬခွံၬၦဘၪဆဲၫ့ လၧဂံတံၭဖိၪစဂိၫလဲအၫတၭ, အ ဖၩ့ဘီၩ့မၩအၥၭ ဘဲၫၦထၭထၪအထၪခိၪအၥိၭနီၪလီၫ.
20 မၩဒီၭလဖၧၫ့ဆၧဒုၭၥုၭလၧဂၫၥၭအဖၧၩ့တၭ, ၦအဂၩ့ ဒိၪအီၪဝ့ၫလဂၩလၧအစူၪနိၩ့ လၧအစူၪဎူၫဘီၩ့,ဒဲအခၪ့ နိၩ့အီၪလၧအခၪ့ဎူၫဘီၩ့, ထီးအလူၬမွဲနံၫဆံၫလံဘီၩ့ လီၫ. တၭအဝ့ၫဒၪအီၪဖျဲၪဝ့ၫလၧၦဆီၪ့အဂးဆ့လီၫ.
21 တၭထီးအမၩကြၩ့ထမးအံၫစရ့လၭတၭ, စဒၫဝံၭအ ထၧၫ့ဖုဝဲစၡံမအဲၫအဖိၪခွၫ စစၪ့နၥၧၫ့ဖ့ၬခွံၬဝ့ၫဒၪလီၫ.
22 အဝ့ၫၥံၪလံဂၩနီၪအီၪဖျဲၪ လၧၦဆီၪ့လၧဂၫၥၭအဖၧၩ့ အဂးတၭ, လၩ့ထံၩဖါဝ့ၫလၧစဒၫဝံၭအစူၪဖၧၩ့,ဒဲလၧ အခ့ၫအၡၩလဖၪနီၪ အစူၪဖၧၩ့လီၫ.