20
1 ဆၧမၩအၥၭလၧၦဘၫအလၭဖိၪ အီၪထီးနီၪလဂၩ တၭ,အမံၩ့မွဲစၡံဘၫၦဘံၪ့ယမံၫ့ဖိၪစဘံၭကြဲၫအဖိၪ ခွၫလီၫ. တၭအဝ့ၫနီၪအူၪထၪ့ခွ့ၩတၭ, စံၭဝ့ၫဒၪ,ပဂး လအီၪဘၪလၧစဒၫဝံၭအဖၧၩ့တၭ, ပန့ၥၫဆၧလအီၪ ဘၪလၧစယ့ၭစံၫအဖိၪခွၫအဖၧၩ့လီၫ. အံၫစရ့လၭဧ့, လဂၩလၧအတဲၩဒၪဝ့ၫ, လဂၩလၧအတဲၩဒၪဝ့ၫဆံၭ.
2 အခိးမွဲဘဲၫနီၪအံၫစရ့လၭအၡၩထီးအလူၬ စဲၪ့ထၪ့ခွံၬ လၧအဖိၬစဒၫဝံၭအခဲၫ့တၭ, လ့ၩဖိၬစဘံၭကြဲၫအဖိၪခွၫ စၡံဘၫအခဲၫ့နီၪလီၫ. အ့ၪမွဲယုဒၫအၡၩ ဘုၭထၬလၧ အစဎွၩလၧယီၫဒၫ့ထီၩ့လၧယရုစလံၫ့လီၫ.
3 စဒၫဝံၭဂဲၫထီၩ့လၧအဂံၪ့ လၧယရုစလံၫ့အဖၧၩ့ တၭ,စဎွၩမၩန့ အၥံၪမၫဆံၫဂၩ လၧအအီၪက့ၪလၩ့ ထးဝ့ၫဘဲၫၥိၭအမိခိၭဂံၪ့နီၪတၭ, အီၪက့ၪအဝ့ၫၥံၪလၧ ၦခိၭဆၧအလးတၭ, လုအၪ့အဝ့ၫၥံၪ, မွဲလါနၫ့လ့ၩနုၬ လၧအအီၪအ့ၬ. အဝ့ၫၥံၪဘၪဆၧကၭထံၭထၬဝ့ၫဘဲၫ နီၪအီၪမဲၫဝ့ၫထီးမုလနံၩလၧအၥံၫလီၫ.
4 ထီးနီၪလဖၧၫ့စဎွၩစံၭစအၫမစၫ, ဒုၭအီၪကီၪ့န့ ယၧၩလၧယုဒၫအၡၩ လၧၥၧၫ့နံၩအထးဖၧၩ့တၭ, အီၪနဝ့ၫ
5 ထီးယီၩဆ့ဆံၭ.- မၩအၥၭဘဲၫနီၪတၭစအၫမစၫလ့ၩ ဒုၭအီၪကီၪ့ယုဒၫအၡၩလါနၫ့တၭ, မွဲအအီၪဒံၭယံၬ
6 နဲၪ့အဖၭနံၩဖၭၥၫ့ လၧအဂးဒံၭလီၫ.- တၭစဒၫဝံၭစံၭ စအၭဘၡဲၫ, ဘိၩ့နဲၪ့ယီၩ စဘံၭကြဲၫအဖိၪခွၫစၡံဘၫ နီၪမိမၩအၧၩ့ပၧၩနၭနဲၪ့စအၭဘစလၧၫ့ဒံၭလီၫ. မၩန့ နကဆါအခ့ၫအၡၩတၭ, လီၩ့ဆီးဆံၭ. မိလ့ၩနုၬဘၪ ခိၬလၧဒိၩ့အီၪလၧအခိၪဒၧၩ့တၭ, မိဖီၩ့ဖျ့ၭခွံၬဝ့ၫလၧ
7 ပၧၩလီၫ.- စယိအၭအၡၩလဖၪ, ဒဲၦခ့ရ့ၭဖိၪ, ဒဲၦပံလ့ၭ ဖိၪ,ဒဲၦအဆီၪ့ထီးအလူၬလီၩ့ဆီးအဝ့ၫး အဝ့ၫၥံၪစဲၪ့ ထၪ့ခွံၬလၧယရုစလံၫ့ဘဲၫၥိၭအမိလီၩ့ဆီး စဘံၭကြဲၫ အဖိၪခွၫစၡံဘၫနီၪလီၫ.
8 ထီးအဝ့ၫၥံၪအီၪလၧလိးဖၭဒိၪ လၧအအီၪဝ့ၫလၧ ဂံဘအၧၫ့နီၪ, စအၫမစၫဂဲၫအၪ့ဂၬအဝ့ၫၥံၪလီၫ. တၭ စယိအၭအဆဲၫ့လၧအၥိၭဝ့ၫခဲးထူၬအၥၭ ဒဲနၭလဘံၪ့ ခဲးထၬအၥၭလၧအခၧၩ့ယး လၧအကၠိၭဖၧၩ့နီၪလ့ၩဝ့ၫ
9 အဘိၩ့ဘၭတၭလၩ့ထ့ၬခွံၬဝ့ၫလီၫ.- တၭစယိအၭစံၭ စအၫမစၫ, နအီၪမုၬဆ့ဧၪ, ယထၧၫ့ဖုဝဲဧ့,တၭစယိအၭ ဖီၪ့စအၫမစၫအခၪလၬဆီၪ့လၧအစူၪထွ့ၪ ဘဲၫၥိၭအမိ
10 အဲၪဂါဝ့ၫလီၫ.- တၭစအၫမစၫချႃၭယိနၭလဘံၪ့လၧ အအီၪလၧစယိအၭအစူၪဖၧၩ့နီၪအ့ၬ. အခိးမွဲအဝ့ၫဒၪ ဆ့ၭအဝ့ၫနီၪအဂူၭဖိၫ့ဖၧၩ့တၭ, အဎွံၬဂဲၫလၩ့လၬလၧ ဂၪ့ခိၪတၭ, လဆ့ၭလၧၩ့ဘၪဒီၭတၭ, မွဲအၥံၫဝ့ၫလီၫ. တၭစယိအၭ ဒဲအထၧၫ့ဖုဝဲစအၭဘၡဲၫလီၩ့ဆီးစဘံၭ
11 ကြဲၫအဖိၪခွၫစၡံဘၫနီၪလီၫ.- စယိအၭအၡၩလဂၩ ဆၧၫ့ထုၪ့လၧအနဲၩ့ထံၭတၭ, စံၭဝ့ၫဒၪ,ၦလၧအဘၪအ ၥၭလၧစယိအၭ ဒဲၦလၧအအီၪဝ့ၫလၧစဒၫဝံၭအဂးနီၪ,
12 မွဲအဖိၬစယိအၭအခဲၫ့ဆံၭ.- တၭစအၫမစၫလွၫအၥၭ လၧဆၧၥွံၪဖၧၩ့လၧဖၧၩ့ၥၭမုနီၪလီၫ. ထီးၦလဂၩနီၪ ဒၪဘၪဝ့ၫလၧၦခမျၧးထီးအလူၬ အီၪပထုၬဝ့ၫတၭ,အ ဝ့ၫဒၪၥုၭခွံၬစအၫမစၫ လၧဖၧၩ့ၥၭမုဖၧၩ့ လၧမံၩ့လၬ ကျၩတၭ, ချႃၬဘံၭဝ့ၫလၧဖၬဘဲၩ့လဘံၪ့တၭ, မွဲလၧ အဒၪဘၪဝ့ၫလၧကယဲၦလၧအဂဲၫ လၧအအီၪလဂၩ
13 လါလါအီၪထီဝ့ၫအကၠီၩ့နီၪလီၫ.- ထီးအဘၪဆၧၥုၭ ခွံၬဝ့ၫလၧဖၧၩ့ၥၭမုအဖၧၩ့တၭ, ၦခမျၧးဖိၬစယိအၭ အခဲၫ့ဘဲၫၥိၭ အမိလီၩ့ဆီးစဘံၭကြဲၫအဖိၪခွၫစၡံဘၫ နီၪလီၫ.
14 ထီးအလ့ၩခၫ့ဂၬအံၫစရ့လၭ အဒီၪ့ၥံၪထီးအလူၬဖိး လၧအၫဘလၭဒဲဘ့ၭၥမၫအခၫ ဒဲကယဲၦဘံရဲဖိၪတၭ,
15 အဝ့ၫၥံၪအီၪကိၩ့အီၪကီၪ့, လ့ၩဖိၬအခဲၫ့ဆ့လီၫ.- တၭ အဝ့ၫၥံၪဂဲၫဝၩ့ထၬ အဝ့ၫဒၪလၧအၫဘလၭ ဘၪဆဲၫ့ လၧဘ့ၭၥမၫအခၫအဖၧၩ့တၭ, မၩပိၩ့ထၪ့ဂၪ့ခိၪထၫ့ဒုၪ ဒၩဒိၩ့တၭ, ဆၧနီၪအီၪဝ့ၫလၧအကၠီၪ့ဖၧၩ့တၭ, ၦခမျၧး ထီးအလူၬလၧအအီၪ လၧစယိအၭအၥိၭနီၪခွံၬဆၧ
16 လၧဒိၩ့ခိၪဒၧၩ့ဘဲၫၥိၭအမိမၩလၩ့ဎီးဝ့ၫဒၪလီၫ.- ထီး နီၪလဖၧၫ့ၦမုၪ လၧအကိၪ့ဆၧၥ့ၪ လၧဒိၩ့ဖၧၩ့လဂၩ ကိၭထၪ့, ခိၭနၪၬ ခိၭနၪဘီၪၬ စံၭလါစယိအၭ, ဂဲၫၥုၭ ဘူၭနၥၭလၧယီၩဘဲၫၥိၭ ယမိချဲၩ့ဆၧလၧနၧၩဘီၪ.
17 ထီးအဝ့ၫဒၪဂဲၫဘူၭလၧအဝ့ၫတၭ, ၦမုၪနီၪစံၭဝ့ၫဒၪ, နမွဲစယိအၭနီၪဧၪ. တၭအဆၧစံၭဝ့ၫဒၪ, ယၧၩလီၫ. တၭၦမုၪစံၭအဝ့ၫ, ခိၭနၪနဎီးမုၪအဆၧချဲၩ့ဘီၪ. တၭ
18 အဝ့ၫဒၪစံၭဝ့ၫ, ယနါဂၧၫ့ယူၭ.- ထီးနီၪလဖၧၫ့မွဲအချဲၩ့ ဝ့ၫတၭ,စံၭဝ့ၫဒၪ, လၧဖျိၩ့ၦချဲၩ့ဆၧချဲၩ့လထံၪ, စံၭဝ့ၫ ဒၪ,အဝ့ၫၥံၪမိအၪ့စၪ့ဆၧလၧအၫဘလၭ တၡါတၭး
19 အဝ့ၫၥံၪမၩဂီၩ့ဝ့ၫဘဲၫနီၪလီၫ.- ယဝ့ၫဒၪယီၩ ယမွဲၦ အီၪဘၪလိၬအိၭလိၬ, ဒဲၦအမွဲအတီၩ လၧအံၫစရ့လၭ အကျၩလီၫ. နအၪ့ဎၬ မၩဂၭဂီၩ့ဒိၩ့လဖျိၪ့ ဒဲမိလဂၩ လၧအံၫစရ့လၭအကျၩလီၫ. နမိအၪ့ယုလၩ့ခွံၬယဟိ
20 ဝၩအဆၧန့ၥၫနီၪ, မွဲဘၪလဲၪ.- စယိအၭချဲၩ့ဆၧၫ့ဆၧ တၭစံၭဝ့ၫဒၪ, ယအၪ့ယုလၩ့ခွံၬဆၧမွဲဂ့ၩ, ယမၩဂၭ
21 ဂီၩ့ခွံၬဆၧမွဲဂ့ၩမွဲယထီးမၩလဂ့ၩ,- ဆၧလမံၩ့နီၪမွဲဘဲၫ နီၪအ့ၬ. မွဲၦဘၪဆဲၫ့လၧခိၪလီၩ့အံဖြံၫ့, စဘံၭကြဲၫအ ဖိၪခွၫအမံၩ့စၡံဘၫယၩ့ထၪ့အစူၪ ထၫ့ဒုၪဒၩစဎွၩဒၫဝံၭ လီၫ.ဖ့ၪလၫ့ခွံၬန့အဝ့ၫဒၪတၭး ယမိစဲၪ့ထၪ့ခွံၬ လၧ ဒိၩ့လီၫ.တၭၦမုၪနီၪ စံၭစယိအၭ,ယိခွါ, ဆၧမိခွံၬစိၩ
22 အခိၪဎွံၪလၧနအီၪလၧဒိၩ့ခိၪဒၧၩ့ဝါလခီၫလီၫ.- ထီးနီၪ လဖၧၫ့ၦမုၪနီၪလ့ၩဝ့ၫလၧ အဆၧကိၪ့ၥ့ၪလၧၦခမျၧးထီး အလူၬအအီၪတၭး အဝ့ၫၥံၪဖ့ၬထ့ၬခွံၬ စဘံၭကြဲၫအဖိၪ ခွၫစၡံဘၫအခိၪဎွံၪတၭ, ခွံၬထၪ့ခွံၬဝ့ၫလၧစယိအၭအ အီၪလီၫ. အဝ့ၫဒၪအူၪထၪ့ခွ့ၩတၭ, ၦစဲၪ့ထၪ့ခွံၬဝ့ၫလၧ ဒိၩ့နီၪ,လဂၩလၧအတဲၩဒၪဝ့ၫ, လဂၩလၧအတဲၩဒၪဝ့ၫ နီၪလီၫ. တၭစယိအၭထဲၩ့ထဲၩ့ဝ့ၫ လၧယရုစလံၫ့လၧ စဎွၩအအီၪလီၫ.
23 တၭစယိအၭအီၪဝ့ၫ လၧအံၫစရ့လၭအၡၩၥုၭမုထီး အလူၬအဖၫ့ခိၪ စယဟီအဒၫအဖိၪခွၫ စဘံၫ့နအဲအၫ အီၪဝ့ၫလၧၦခ့ၫရ့ၭဖိၪအဖၫ့ခိၪ, ဒဲလၧၦပံလ့ၭဖိၪအဖၫ့
24 ခိၪလီၫ.- တၭစအဒိရၫ့အီၪဝ့ၫလၧဆၧဖ့ၪလၫ့အခီၫ့အ ဖၫ့ခိၪ, ဒဲစအဟဲလၧၭအဖိၪခွၫစယဟီၡဖၭမွဲၦကွ့ၭနဲၪ့
25 ဆၧလီၫ.- တၭစၡံဝၫမွဲၦကွ့ၭလံၬ, ဒဲစဇၫဒီၭ, ဒဲစအဘဲ
26 အၥၫမွဲၦလုဆၧလဖၪလီၫ. တၭၦယၫအၧၫဖိၪစအဲရၫ မွဲၦပၧၩ့ဆၧအခိၪလၧ စဒၫဝံၭအဂးလီၫ.