19
1 ဆၧလီၩဘၪစယိအၭ, ယိခွါ,စဎွၩဂၪ့တၭ,အၥၭယူ
2 မီၪ့ဘၪစအၭဘစလၧၫ့လီၫ.- တၭဆၧလၧမုလနံၩနီၪ အဆၧမၩနၧၩ့မၩစၪကဲၪထၪ့ဝ့ၫ လၧဆၧမီၪ့ဆၧမၭလၧ ၦထီးအလူၬအဂးလီၫ. အဂဲးဘဲၫယီၩ ၦခမျၧးနါဂၧၫ့ လၧမုဆၫလနံၩနီၪ လၧစဎွၩအၥုၪ့အုၭၥၭအုၭ လၧအ
3 ဖိၪခွၫအကၠီၩ့နီၪလီၫ.- ၦခမျၧးနီၪဂဲၫၥူၪဝ့ၫလၧဒိၩ့ဖၧၩ့, ဘဲၫၦလၧအမ့ၬမဲ အီၪက့ၪၥူၪအၥၭ ထီးအစဲၪ့ဖျိၭဝ့ၫ
4 လၧဆၧဒုၭၥုၭနီၪလီၫ.- စဎွၩချႃၬဘံၭအမ့ၬတၭ, စဎွၩ ကိၭၡၭထၪ့လၧအလူဖၭဒိၪ, ယဖိၪခွၫစအၭဘစလၧၫ့ ဧ့ၬ စအၭဘစလၧၫ့ဧ့ၬ ယဖိၪခွၫဧ့ၬ ယဖိၪခွၫဧ့ၬ
5 စယိအၭဂဲၫနုၬလၧဂံၪ့ဖၧၩ့ လၧစဎွၩအအီၪတၭ,စံၭ ဝ့ၫဒၪ, ဆၧလၧမုဆၫလနံၩယီၩ, နဒုၭမ့ၬမဲနခ့ၫနၡၩထီး အလူၬလၧအမၩဖီၩ့မၩဖျ့ၭ နၥၭမၧၫ့လၧမုဆၫလနံၩ ယီၩ,ဒဲနဖိၪခွၫလဖၪ, ဒဲနဖိၪမုၪလဖၪအၥၭမၧၫ့, ဒဲနမၫ
6 လဖၪအၥၭမၧၫ့, ဒဲနၥံၪမၫလဖၪအၥၭမၧၫ့း- လၧနအဲၪ နဒုၪနဒၩတၭ, မ့ၬလဲၩနထံၩနၥိၭအကၠီၩ့နီၪလီၫ. အဂဲး ဘဲၫယီၩ နဒုၭနဲၪလၧမုဆၫလနံၩယီၩ လၧၦဒိၪမွဲဂ့ၩ, ဆၧအခ့ၫအၡၩမွဲဂ့ၩ, မွဲဆၧလၧနမ့ၬယၫအ့ၬ. အဂဲး ဘဲၫယီၩယၥ့ၪယၫလၧမုဆၫလနံၩယီၩ လၧစအၭဘစ လၧၫ့အ့ၪမၧၫ့ဒံၭတၭ, ပအ့ၪၥံၫပဝ့ၫ လၧမုဆၫလနံၩ
7 ယီၩကိၭဂၩဒ့ၭ, မွဲဆၧအဂ့ၩလၧနမ့ၬယၫလီၫ.- ဘိၩ့ နဲၪ့ယီၩဂဲထုၪ့တၭ, လ့ၩထၪ့ချဲၩ့မုၬဆၧလၧနခ့ၫနၡၩ လဖၪဆံၭ. အဂဲးဘဲၫယီၩ ယဆိၪလၩ့ယၥၭလၧယဟိ ဝၩအမ့ၬယၫ လၧနအ့ၪလလ့ၩထၪ့ဘၪတၭ, ကဲမုနၩ ခိၬယီၩၦမိအီၪလၧနၥိၭနးဂၩအ့ၬ. တၭဆၧအၧၩ့ယီၩ မိနၭနဲၪ့ကယဲဆၧအၧၩ့လၧအဘၪနၧၩ ခီၫလၧနဖိၪၥၪ
8 ခွၫထၪ့ခီးဘိၩ့နဲၪ့ယီၩလီၫ.- ထီးနီၪလဖၧၫ့စဎွၩဂဲထုၪ့ တၭ,ဆၧၫ့နၩ့ဝ့ၫလၧတရၫ့ဖၧၩ့တၭ, ၦလဖၪလီၩဘၪၦ ခမျၧးထီးအလူၬ, စံၭဝ့ၫ,ယိခွါ, စဎွၩဆၧၫ့နၩ့ဝ့ၫလၧ တရၫ့ဖၧၩ့လီၫ. တၭၦထီးအလူၬ ဂဲၫဝ့ၫလၧစဎွၩအ မ့ၬယၫလီၫ. အဂဲးဘဲၫယီၩအံၫစရ့လၭထဲၩ့စဲၪ့ထၪ့ယူၭ လဂၩလၧအတဲၩဒၪဝ့ၫ, လဂၩလၧအတဲၩဒၪဝ့ၫလီၫ.
9 လၧကယဲအံၫစရ့လၭ အဒီၪ့လဖၪအကျၩနီၪ, ၦ ခမျၧးထီးအလူၬဂဲးလိၬတ့ၭလိၬအၥၭတၭ, စံၭဝ့ၫဒၪ, စဎွၩမၩဖီၩ့မၩဖျ့ၭပၧၩ လၧပဒုၪပဒၩအစူၪဖၧၩ့, ဒဲမၩ ဂၭဖျ့ၭပၧၩလၧၦဖလံၡၫဖိၪအစူၪဖၧၩ့လီၫ. တၭဘိၩ့နဲၪ့ ယီၩမွဲအစဲၪ့ထၪ့ခွံၬ လၧခးဖၧၩ့လၧစအၭဘစလၧၫ့အ
10 ကၠီၩ့လဲၪၬ- တၭစအၭဘစလၧၫ့ လၧပဂုၪဝ့ၫလၧပဖၫ့ ခိၪၥံၫယူၭလၧဆၧဒုၭၥုၭအဖၧၩ့ယူၭ. တၭဘိၩ့နဲၪ့ယီၩ ဂဲၫထဲၩ့ၥိၫ့ထဲၩ့ စဎွၩအဂဲးအကၠီၪ့နီၪ နၥံၪလချဲၩ့ဘၪ ဆၧနးထံၪ, မွဲဘၪလဲၪ.
11 တၭစဎွၩဒၫဝံၭမၪလူၬၦလုဆၧလဖၪ, စဇၫဒီၭ,ဒဲစ အဘဲအၥၫတၭ,စံၭဝ့ၫဒၪ, ချဲၩ့ဆၧလၧယုဒၫအၥုၪ့က့ၭၥၭ ၡါၥံၪတၭ, စံၭ,နၥံၪမွဲၦလၧခဲၫ့ထုၬ လၧအမိဂဲၫထဲၩ့ၥိၫ့ စဎွၩလၧအဂံၪ့နီၪ,မွဲဘၪလဲၪ. တၭအံၫစရ့လၭအဆၧ ချဲၩ့ထီးအလူၬဂဲၫနုၬ လၧစဎွၩအအီၪ လၧအဂံၪ့ဖၧၩ့
12 လီၫ.- နၥံၪမွဲယထၧၫ့ဖုဝဲ,နၥံၪမွဲယဎွံၪ, ဒဲယယၪလီၫ. တၭနၥံၪမွဲၦလၧခဲၫ့ထုၬ လၧအမိဂဲၫထဲၩ့ၥိၫ့စဎွၩနီၪ,
13 မွဲဘၪလဲၪ.- တၭစံၭနၥံၪဝ့ၫလၧစအၫမစၫ, နမွဲယဎွံၪဒဲ ယယၪမွဲအ့ၬဧၪ. နအ့ၪလကဲၪထၪ့ဘၪၦၥုၭမုအခိၪလ ထံၪဎးလဘီၩ့ဎး လၧစယိအၭအလးတၭ, မွဲယွၩမၩ
14 ယၧၩဘဲၫနီၪဒဲအၪနဲၪ့အနီၪဒံၭဆံၭ.- တၭအဝ့ၫဒၪဒုၭ ကူၭလၩ့ယုဒၫအၡၩအၥၭ ထီးအလူၬ ဘဲၫၦၡၩလဂၩ ဎးအၥိၭနီၪလီၫ. အခိးမွဲအဝ့ၫၥံၪအၪ့မၧၫ့လၩ့ဆၧလၧ စဎွၩတၭ,စံၭဝ့ၫဒၪ, ဂဲၫထဲၩ့ထဲၩ့နဝ့ၫ, ဒဲနခ့ၫနၡၩၥံၪ
15 ထီးအလူၬဆံၭ.- အခိးမွဲစဎွၩဂဲၫထဲၩ့ထဲၩ့တၭ, ဂဲၫ ထီၩ့လၧယီၫဒၫ့အနဲၩ့လီၫ. တၭယုဒၫဂဲၫထီၩ့လၧဂံလ ဂၫလၭဘဲၫၥိၭအမိလ့ၩအၪ့ဂၬစဎွၩ, ဘဲၫၥိၭအမိၥိၫ့စ ဎွၩခၫ့ဂၬယီၫဒၫ့နီၪလီၫ.
16 တၭၦဘံၪ့ယမံၫ့ဖိၪစဂံရၫအဖိၪခွၫ စၡံမအဲၫလၧအ ဘၪဆဲၫ့လၧဘဟုရံၫ့လဂၩ မၩဝ့ၫချဲၫ့ချဲၫ့တၭ, ဂဲၫလၩ့ လၧယုဒၫအၡၩၥံၪအၥိၭဘဲၫၥိၭအမိအၪ့ဂၬ စဎွၩဒၫဝံၭ
17 လီၫ.- တၭစဘံၪ့ယမံၫ့အၡၩလထီၫ့, ဒဲစစီလူၫအၡၩ ဂံၪ့ဖိၪအခ့ၫအၡၩစဇဲဘၫ, ဒဲအဖိၪခွၫလဆံၫယဲဂၩ, ဒဲ အဎီးအၡၩနံၫဆံၫအီၪလၧအၥိၭတၭ, အဝ့ၫၥံၪနီၪခၫ့
18 ဂၬယီၫဒၫ့လၧစဎွၩအမ့ၬယၫလီၫ.- ချံၫခၫ့ဆၧနီၪခၫ့ဝ့ၫ ဘဲၫၥိၭအမိဒုၭခၫ့ဂၬစဎွၩအၡၩဂံၪ့ဖိၪ, ဒဲဘဲၫၥိၭအမိ မၩထီးဒၪဆၧဂ့ၩ လၧစဎွၩအမ့ၬယၫလီၫ. လၧအခၫ့ ယီၫဒၫ့နီၪစဂံရၫအဖိၪခွၫ စၡံမအဲၫထိၪလၩ့ထံၩဖါအ ၥၭလၧစဎွၩအမ့ၬယၫတၭး
19 စံၭစဎွၩ, မွဲယကဆါထီး အီၪက့ၪဆၧဒဲၩဘၭ လၧယလီၩ့လဂ့ၩ. တၭမွဲနထီးနၪ့ ထၪ့ထဲၩ့ဆၧလၧ နခ့ၫနၡၩ မၩဆၧအၧၩ့လၧမုလနံၩလၧ ယကဆါ စဎွၩစဲၪ့ထၪ့ခွံၬ လၧယရုစလံၫ့လဂ့ၩ, မွဲစဎွၩ
20 ထီးအီၪက့ၪဆၧနီၪ လၧအၥၭလဂ့ၩ.- အဂဲးဘဲၫယီၩ နဎီးနၡၩၥ့ၪယၫဝ့ၫ လၧယမၩမၪဘၪယူၭ ဆၧယူၭ, တၭယိခွါ, လၧမုဆၫလနံၩယီၩ ယဂဲၫလၩ့ဝံလၧကယဲ စယိၥၭအၡၩဂံၪ့ဖိၪအကျၩ, ဘဲၫၥိၭယမိအၪ့ဂၬ ယက ဆါစဎွၩလီၫ.
21 နးဇ့ၫရုၫအဲအၫအဖိၪခွၫ စအၭဘၡဲၫစံၭဆၧၫ့ဆၧ တၭ,စံၭဝ့ၫဒၪ, စၡံမအဲၫမိဘၪၥံၫဝ့ၫ လၧဆၧလမံၩ့ ယီၩအကၠီၩ့, မွဲအ့ၬဧၪ. အဂဲးဘဲၫယီၩ မွဲအဆိၪအၧၩ့
22 ယွၩအၡၩဒိၭဂုၪအၥၭလီၫ.- တၭစဒၫဝံၭစံၭဝ့ၫဒၪ,ဘဲၫ ၥိၭနၥံၪမိကဲၪယဒုၪယဒၩ လၧမုဆၫလနံၩယီၩ, နးဇ့ၫ ရုၫအဲအၫအဖိၪခွၫၥံၪဧ့, ယၧၩဒဲနၥံၪမွဲဘဲၫၥ့ၪလဲၪ.ၦ လၧအမိဘၪဆၧမၩၥံၫဝ့ၫလဂၩဂၩ လၧမုဆၫလနံၩယီၩ အီၪလၧအံၫစရ့လၭအကျၩနီၪဆ့ဧၪ. ယမွဲစဎွၩလၧ အံၫစရ့လၭအဖၫ့ခိၪလၧမုဆၫလနံၩယီၩ, မွဲယၥ့ၪယၫ
23 အ့ၬဧၪ.- မၩအၥၭဘဲၫနီၪတၭ, စဎွၩစံၭစၡံမအဲၫ, နၥံၫ ဘၪအ့ၬ. တၭစဎွၩဆိၪလၩ့အၥၭလၧအဝ့ၫလီၫ.
24 စစီလူၫအဖိၪခွၫစမံၫဖံၭဘၡ့ၭ, ဂဲၫလၩ့အၪ့ဂၬစဎွၩ တၭ, လတဲၩ့ဝဲၩဘၪအခၪ့, လတဲၩ့ဝဲၩဘၪအခၪလၬ ဆီၪ့,ဒဲလအၪ့ဆူၫဝၭဘၪအကီၩ့အၥိၭ လၧမုလနံၩလၧ စဎွၩစဲၪ့ထၪ့ခွံၬ ထီၩ့လၩ့မုလနံၩ လၧအဂဲၫထဲၩ့ထဲၩ့
25 မုၬမုၬနီၪလီၫ.- ထီးအထီၩ့လၧယရုစလံၫ့ ဘဲၫၥိၭအမိ အၪ့ဂၬစဎွၩတၭ, ဆၧမၩအၥၭလၧစဎွၩစံၭအဝ့ၫ, နလ
26 လ့ၩဖိၬဘၪယခဲၫ့နီၪ, မွဲဘၪလဲၪ,စမံၫဖံၭဘၡ့ၭဧ့,- တၭ အဝ့ၫဒၪစံၭဆၧၫ့ဝ့ၫ, ယကဆါ,စဎွၩဧ့, ယခ့ၫယၡၩ အၪ့လီၫန့ယၧၩလီၫ. အဂဲးဘဲၫယီၩနခ့ၫနၡၩစံၭ, ယမိ အီၪက့ၪထၪ့ပီၩ့လၧကၥ့ၪယီၩ့အလီၩ့နီၪ, ဘဲၫၥိၭယမိ ထူၬဝ့ၫတၭ, လ့ၩလၧစဎွၩအအီၪနီၪ, အဂဲးဘဲၫယီၩ,
27 နခ့ၫနၡၩအခၪ့ဂၭဂီၩ့လီၫ.- တၭအဝ့ၫနီၪ ချဲၩ့ခဲၪနခ့ၫ နၡၩလၧယကဆါစဎွၩအမ့ၬယၫလီၫ. မွဲလါနၫ့ဘိၩ ယကဆါစဎွၩ မွဲယွၩအၥီၫ့လဂၩလီၫ. မၩအၥၭဘဲၫ
28 နီၪတၭမၩဆၧလၧအဂ့ၩ လၧနမ့ၬယၫဆံၭ.- အဂဲးဘဲၫ ယီၩယဖါအၡၩဂံၪ့ဖိၪကိၭဂၩဒ့ၭ မွဲၦအၥံၫလၧယက ဆါစဎွၩအမ့ၬယၫလီၫ. မွဲလါနၫ့ဘိၩ နအီၪက့ၪနခ့ၫ နၡၩလၧၦလၧအအၪ့ဆၧလၧနစပွဲ ဒၪနဝ့ၫလဖၪအကျၩ လီၫ. တၭယမိကိၭထၪ့ဒံၭလၧစဎွၩနီၪ, မွဲအလးအီၪ
29 ဒံၭဘဲၫၥ့ၪလဲၪ.- တၭစဎွၩစံၭအဝ့ၫ, နချဲၩ့ဒံၭလၧဆၧနီၪ အဂဲးအကၠီၪ့ဒံၭ,မွဲဘၪလဲၪ. ယစံၭယူၭ, နဝ့ၫဒၪဒဲစဇဲ ဘၫနီၪဘၪအၪ့နၩ့ဖၭဂၪ့ခိၪအဆၧၫ့လီၫ.
30 တၭစမံၫဖံၭဘၡ့ၭစံၭစဎွၩ, မွဲလၧယကဆါစဎွၩဂဲၫ ထဲၩ့ထဲၩ့ယူၭ လၧအဂံၪ့ဒၪဝ့ၫမုၬမုၬယူၭအဂဲးနီၪမွဲအ ဝ့ၫဒၪမၩန့ဒၪဝ့ၫထီးအလူၬဆံၭ.
31 တၭၦဂံလအၭဖိၪ စဘၫဇံလ့ၫဂဲၫလၩ့လၧရိၫဇံလံၫ့ လ့ၩခၫ့ဂၬယီၫဒၫ့ လၧစဎွၩအၥိၭဘဲၫၥိၭအမိၥိၫ့အဝ့ၫ
32 ခၫ့ဂၬယီၫဒၫ့လီၫ.- စဘၫဇံလ့ၫ အၥၭၡါယူၭအနံၪ့ ဎိၭဆံၫတၭ, အဝ့ၫဒၪ တဲၩ့ဝဲၩ ဘၪယူၭ စဎွၩ အဆၧ အၪ့ဆၧအီၩ လၧအအီၪလၧမၫဟနၫအံၫ့ အဘိၩ့ဘၭ
33 နီၪလီၫ. အဂဲးဘဲၫယီၩမွဲၦအကဲၪဒိၪဖၭဒိၪလီၫ.- တၭ စဎွၩစံၭစဘၫဇံလ့ၫလ့ၩခၫ့ဂၬ ဆၧလၧယၥိၭဆံၭ. တၭ ယမိဒုၭအၪ့ဒုၭအီၩနၧၩ လၧယၥိၭ လၧယရုစလံၫ့အ
34 ဖၧၩ့နီၪလီၫ.- စဘၫဇံလ့ၫစံၭစဎွၩ, ဘဲၫၥိၭယမိလ့ၩထၪ့ လၧစဎွၩအၥိၭ လၧယရုစလံၫ့တၭ, ယမၧၫ့ဒံၭအနံၪ့ အလၩအမုနံၩလဖၪနီၪ, မွဲအအီၪဒံၭဆံၭအၪလဲၪ.
35 ဆၧလၧမုဆၫလနံၩယီၩ ယၥၭၡါယူၭ အနံၪ့ဎိၭဆံၫ လီၫ. ယအၪ့နၩ့ဖၭဆၧဂ့ၩ ဒဲဆၧအၧၩ့ အဆၧၫ့နီၪဘၪ မိၥ့ၪဧၪ, ဆၧလၧယအၪ့ယအီၩနီၪ နခ့ၫနၡၩၥ့ၪယၫအ အွံၪဘၪမိၥ့ၪဧၪ. ၦမုၪၥံၪမၩထၭခိၪမွဲဂ့ၩ, ၦခွၫၥံၪမၩ ထၭခိၪမွဲဂ့ၩ,အလူနီၪယနါဂၧၫ့မိၥ့ၪဒံၭဧၪ, အခိးမွဲဘဲၫ နီၪတၭနခ့ၫနၡၩ မိကဲၪဒံၭလၧဆၧအွံၪဆၧယိၭအဎၧၫ့
36 လၧယကဆါစဎွၩအဂးနီၪ, မွဲဘၪလဲၪ.- နခ့ၫနၡၩမိခၫ့ ဂၬယီၫဒၫ့လဆံၭဖိၪ လၧစဎွၩအၥိၭတၭ, စဎွၩမိဖ့ၪ လၫ့ကၪယၧၩလၧဆၧအလံၩ့အလဲၫယီၩ, မွဲဘၪလဲၪ.
37 ဘဲၫၥိၭယမိၥံၫလၧယဒိၩ့ဒၪယဝ့ၫအဖၧၩ့ အီၪလၧယ မိယဖါအၥွၪခိၪနဲၩ့, ဒုၭထဲၩ့ထဲၩ့လါ နခ့ၫနၡၩဘီၪ. အ့ၪမွဲယိခွါ, နခ့ၫနၡၩစခံၫမဟၫ့လီၫ. အဝ့ၫဒၪအ့ၪခၫ့ ဂၬဒၪဝ့ၫလၧယကဆါစဎွၩအၥိၭတၭ, မၩအဝ့ၫလၧ
38 ဆၧဂ့ၩလၧနမ့ၬယၫဆံၭ.- တၭစဎွၩစံၭဝ့ၫဒၪ, စခံၫမ ဟၫ့မိလ့ၩခၫ့ဂၬဘၪဆၧလၧယၥိၭတၭ, ယမိမၩအဝ့ၫ လၧဆၧလၧအဂ့ၩလၧနမ့ၬယၫတၭ, ထီးဒၪဆၧလၧနမိ န့ဘၪလၧယၧၩအလးအီၪလမံၩ့လါလါနီၪ, ယမိမၩ
39 လၧနဂးလီၫ.- တၭၦခမျၧးထီးအလူၬလ့ၩခၫ့ဂၬယီၫဒၫ့ လီၫ. ထီးစဎွၩခၫ့ဂၬဂီၩ့တၭ, စဎွၩအဲၪဂါစဘၫဇံလ့ၫ တၭ,ဆိၪဂ့ၩဝ့ၫတၭ, အဝ့ၫဒၪထဲၩ့ထဲၩ့ဝ့ၫလၧအလးဒၪ ဝ့ၫနီၪလီၫ.
40 ထီးနီၪလဖၧၫ့ စဎွၩလ့ၩဆၧလၧဂံလဂၫ လၭတၭ, စခံၫမဟၫ့လ့ၩလၧအၥိၭတၭ, ယုဒၫအၡၩခမျၧးထီး အလူၬၥိၫ့စဎွၩနီၪ, ဒဲအံၫစရ့လၭအၡၩခမျၧး ဖိၭဖၫ့ ဆ့လီၫ.
41 ယိခွါ,အံၫစရ့လၭအၡၩထီးအလူၬ ဂဲၫဝ့ၫလၧစဎွၩ အအီၪတၭ, စံၭစဎွၩ,ပထၧၫ့ဖုဝဲ, ယုဒၫအၡၩအၪ့ဂူၪန့ ခွံၬနၧၩတၭ,စဎွၩ, ဒဲအၡၩဂံၪ့ဖိၪ, ဒဲစဒၫဝံၭအၡၩအီၪ လၧအၥိၭထီးအလူၬနီၪ, ဂဲၫၥိၫ့ဝ့ၫခၫ့ဂၬယီၫဒၫ့မွဲဘၪ
42 လဲၪး- တၭယုဒၫအၡၩထီးအလူၬ စံၭဆၧၫ့အံၫစရ့လၭ အၡၩ, အဂဲးဘဲၫယီၩစဎွၩမွဲပဘူၭပထံးလီၫ. နၥံၪၥၭ ထၪ့ပၧၩလၧဆၧယီၩအကၠီၩ့မွဲဘၪလဲၪ. မွဲပအၪ့စဎွၩ အဆၧဧၪ. တၭမွဲအဖ့ၪလၫ့ပၧၩ လၧဆၧလမံၩ့မံၩ့ဆ့
43 ဧၪ.- တၭအံၫစရ့လၭအၡၩ စံၭဆၧၫ့ယုဒၫအၡၩတၭ, စံၭဝ့ၫဒၪ,လၧစဎွၩအဖၧၩ့နီၪ ပအီၪလၧပဂးဆံၫပိၩ့ တၭ,ပအီၪလၧဆၧဘၪဆဲၫ့လၧစဒၫဝံၭအၪနဲၪ့နၥံၪဒံၭ လီၫ. တၭနၥံၪအီၪက့ၪကြၩ့ထမးပၧၩ လၧနၥံၪလဒုၭ ချဲၩ့ဆိၫဘၪပၧၩလၧဆၧဒုၭဂဲၫထဲၩ့ပစဎွၩ အဂဲးအကၠီၪ့ နီၪမွဲဘၪလဲၪ. တၭယုဒၫအၡၩအဆၧချဲၩ့ၥံၪနီၪ, ဆီၪ့ နဲၪ့အံၫစရ့လၭအၡၩ အဆၧချဲၩ့လဖၪနီၪဒံၭလီၫ.