18
1 စဒၫဝံၭ, ဝံထၪ့နၬထၪ့ၦခမျၧးလၧအအီၪလၧအၥိၭ တၭ, အီၪက့ၪၦအထီၫ့ၥံၪအခိၪလဖၪ, ဒဲၦအယၩၥံၪ
2 အခိၪလဖၪ လၧအဝ့ၫၥံၪအဖၫ့ခိၪလီၫ.- တၭစဒၫဝံၭ အၪ့မၧၫ့လၩ့ၥၧၫ့ဒီၪ့လဒီၪ့ လၧစယိအၭအစူၪဖၧၩ့, ဒဲ ၥၧၫ့ဒီၪ့လဒီၪ့ လၧနးဇ့ၫရုၫအဲအၫအဖိၪခွၫ စယိအၭအ ထၧၫ့ဖုဝဲစအၭဘၡဲၫအစူၪဖၧၩ့, ဒဲၥၧၫ့ဒီၪ့လဒီၪ့လၧၦဂံ တဲၫဖိၪစအံၭတအဲၫ အစူၪဖၧၩ့လီၫ. တၭစဎွၩစံၭၦခ မျၧးၥံၪ,ယမိလ့ၩထၪ့ ယနၫ့ဆါဒၪယဝ့ၫ လၧနၥံၪအ
3 ၥိၭတၡါလီၫ.- တၭၦခမျၧးစံၭဆၧၫ့ဝ့ၫဒၪ, နလ့ၩဘၪ အ့ၬ,အဂဲးဘဲၫယီၩပအ့ၪစဲၪ့တၭ, အဝ့ၫၥံၪနီၪအီၪက့ၪ ပၧၩလၧအၥၭအ့ၬ. ပဝ့ၫဒၪယီၩပအ့ၪၥံၫဖိၭဖၫ့လါနၫ့ တၭ,အဝ့ၫၥံၪအီၪက့ၪပၧၩ လၧအၥၭအ့ၬ. အဂဲးဘဲၫ ယီၩဘိၩ့နဲၪ့ယီၩနဂ့ၩနဲၪ့ဒံၭၦလလၬနီၪဒံၭလီၫ. အခိး မွဲဘိၩ့နဲၪ့ယီၩ နအီၪမၩဆၧၩ့ပၧၩလၧဒိၩ့နီၪ မွဲအဂ့ၩ
4 ဒၪအဆၧဒံၭလီၫ.- တၭစဎွၩစံၭအဝ့ၫၥံၪ, ယမိမၩဆၧ အဂ့ၩလၧနၥံၪအမ့ၬယၫလီၫ. တၭစဎွၩဆၧၫ့ထုၪ့လၧ အတရၫ့အနဲၩ့တၭ, ၦခမျၧးထီးအလူၬဂဲၫထၪ့လၧခီၫ့ အယၩလဖၪ, ဒဲအထီၫ့လဖၪလီၫ.
5 တၭစဎွၩမၪလူၬစယိအၭ, ဒဲစအၭဘၡဲၫ,ဒဲစအံၭ တအဲၫၥံၪ,စံၭဝ့ၫဒၪ, မၩၦဖိၪၥၪခွၫစအၭဘစလၧၫ့စီၩစီၩ လၧယကၠီၩ့ဆံၭ. တၭစဒၫဝံၭမၪလူၬ ၦၥုၭဖိၪအခိၪလ ဖၪလၧစအၭဘစလၧၫ့အဂဲးအကၠီၪ့နီၪ, ၦခမျၧးနါဂၧၫ့ ဝ့ၫကိၭဂၩဒ့ၭလီၫ.
6 အခိးမွဲဘဲၫနီၪၦခမျၧးစဲၪ့ထၪ့ဝ့ၫ လၧဆၧပျၩ့ဖၧၩ့ ထၫ့ဒုၪဒၩအံၫစရ့လၭတၭ, ဆၧဒုၭၥုၭအီၪဝ့ၫလၧအံဖြံၫ့
7 အၥံၪ့လစီၪ့အကျၩလီၫ.- တၭအံၫစရ့လၭအၡၩခမျၧး ဘၪဆၧမၩၥံၫဝ့ၫလၧစဒၫဝံၭအခ့ၫအၡၩ အမ့ၬယၫတၭ, ဆၧလၧမုလနံၩနီၪ ဆၧမၩၥံၫဖၭဒိၪ အီၪဝ့ၫၦၡၩနံၫလၬ
8 လီၫ.- ဆၧဒုၭၥုၭနီၪလၩ့ပြံၩလၩ့ပၩ ထီးလၧခးထၧၫ့ ဘံၪ့ယၫတၭ, ဆၧလၧမုလနံၩနီၪ ၥံၪ့လစီၪ့နီၪအၪ့ခွံၬ ၦၡၩအၪနဲၪ့နၭၥံၪဖၩ့ၥံၪ အၪ့ခွံၬဆၧဒံၭလီၫ.
9 စအၭဘစလၧၫ့ ဘၪခီၩ့စဒၫဝံၭအခ့ၫအၡၩလီၫ. စ အၭဘစလၧၫ့ထူၬကၥ့ၪလၫတၭ, ကၥ့ၪလၫလ့ၩဝ့ၫလၧ ၥံၪ့ထိၭဖၫအထဲၩ့တၪ့အဖၫ့လၬတၭ စအၭဘစလၧၫ့အ ခိၪၥူၫဘၪကွၭလၧၥံၪ့ထိၭဖၫနီၪ, အနၫ့ဆါလၩ့ဆဲၩလၧ ဆၧဖိၭဖၫ့လီၫ. တၭကၥ့ၪလၫလၧအအီၪဝ့ၫလၧအဝ့ၫ
10 ဒၪအဖၫ့လၬနီၪ စဲၪ့ခွံၬဝ့ၫဒၪလီၫ.- ၦလဂၩဒၪဘၪဝ့ၫ နီၪ,လီၩဘၪစယိအၭတၭ, စံၭဝ့ၫဒၪ, ယိခွါ,ယဒၪဘၪ စအၭဘစလၧၫ့ လၩ့ဆဲၩလၧၥံၪ့ထိၭဖၫလထံၭအခံၫ
11 လီၫ.- စယိအၭစံၭၦလၧအလီၩဘၪဝ့ၫနီၪ, ယိခွါ,နဒၪ ဘၪတၭနလဖ့ၬခွံၬဘၪနဝ့ၫထီးနီၪ ထီၩ့လၩ့လၧဂၪ့ခိၪ နီၪ,မွဲဘၪလဲၪ, တၭယမိဖ့ၪလၫ့နၧၩလၧစ့ၩဆံၫဘံၪ့ဒဲ
12 ခၧၩ့ယးလီၫ.- ၦလဂၩနီၪစံၭစယိအၭ, ယအ့ၪဒိၭန့စ့ၩ လထီၫ့လၧယစူၪဖၧၩ့လါနၫ့တၭ, ယယၩ့ထၪ့ယစူၪ ထၫ့ဒုၪဒၩစဎွၩအဖိၪခွၫဆ့အ့ၬ. အဂဲးဘဲၫယီၩလၧပ နါဖၧၩ့နီၪစဎွၩမၪလူၬနၧၩ ဒဲစအၭဘၡဲၫဒဲစအံၭတအဲၫ တၭ,စံၭဝ့ၫဒၪ, နၥံၪမၩၦဖိၪၥၪခွၫစအၭဘစလၧၫ့ဘဲၫ
13 ၥ့ၪလဲၪဘဲၫၥ့ၪလဲၪနီၪ ထီးလၩ့နၥံၪအၥၭဆံၭ.- အ့ၪလ မွဲဘၪဘဲၫနီၪတၭ, ယမိမၩဆၧထၫ့ဒုၪဒၩယၥၭမၧၫ့ဒၪ ယဝ့ၫလီၫ. အဂဲးဘဲၫယီၩ ဆၧအီၪၥူၪလၧစဎွၩအမ့ၬ ယၫနးမံၩ့အ့ၬ. တၭနဝ့ၫဒၪနနၫ့ဆါဒၪနဝ့ၫ နမိအီၪက့ၪ
14 ထၪ့နၥၭထၫ့ဒုၪဒၩယၧၩဆ့လီၫ.- ထီးနီၪလဖၧၫ့ စယိ အၭစံၭဝ့ၫဒၪ, ယအီၪယံၬအီၪနးလၧနၧၩ ဘဲၫယီၩၥ့ၪ အ့ၬ.အဝ့ၫဒၪ မၩန့ဖၩ့ၥၧၫ့ဘံၪ့ လၧအစူၪဖၧၩ့တၭ, ဆ့ၭဖျီၫ့စအၭဘစလၧၫ့ အၥၭဘိၩ့ အမၧၫ့ဒံၭလၧၥံၪ့
15 ထိၭဖၫအခံၫနီၪလီၫ.- ၦဖိၪၥၪခွၫဆံၫဂၩလၧအဆိၬစ ယိအၭအစူၪဝဲၩနီၪ ဝၩ့ထၬဖ့ၬခွံၬစအၭဘစလၧၫ့တၭ, မၩၥံၫအဝ့ၫလီၫ.
16 စယိအၭအူၪထၪ့ခွ့ၩတၭ, ၦခမျၧးဂဲၫထဲၩ့ထဲၩ့လၧ အလီၩ့ဆီး အံၫစရ့လၭနီၪလီၫ. အဂဲးဘဲၫယီၩ စယိ
17 အၭပဒၩ့ၦခမျၧးလီၫ.- အဝ့ၫၥံၪမၩန့ စအၭဘစလၧၫ့ တၭ,ခွံၬလၩ့ခွံၬဝ့ၫလၧ ဆၧဖၧၩ့ဖၭဒိၪ လၧအအီၪဝ့ၫ လၧၥံၪ့လဝၩ့နီၪအကျၩတၭ, အီၪက့ၪကီၪ့လိးဖၭဒိၪလ ပိၩ့လၧအဖၫ့ခိၪတၭ, အံၫစရ့လၭထီးအလူၬစဲၪ့ဝ့ၫလ ဂၩလၧအတဲၩဒၪဝ့ၫ, လဂၩလၧအတဲၩဒၪဝ့ၫဆုၬဆုၬ လီၫ.
18 တၭစအၭဘစလၧၫ့ လၧအမၧၫ့ဒံၭအဘိၩ့ဘၭနီၪ, မၩန့ထုၪ့ဖၭဒိၪလထုၪ့တၭ, အီၪက့ၪဝ့ၫထုၪ့လၧၫ့လၧ အဂးဒၪဝ့ၫ, လၧအအီၪဝ့ၫ လၧစဎွၩ အခိၪလီၩ့ဆူၭ လီၫ. အဂဲးဘဲၫယီၩ စံၭဝ့ၫ, ယဖိၪခွၫ လၧအမိဒုၭနၪ့ ထၪ့ထဲၩ့ယမံၩ့အီၪအ့ၬ. တၭဖျိၬထုၪ့နီၪအမံၩ့ လၧအ မံၩ့ဒၪဝ့ၫတၭ, ၦကိၭဝ့ၫလၧစအၭဘစလၧၫ့အစူၪခီးမု ဆၫလနံၩယီၩလီၫ.
19 တၭစဇၫဒီၭအဖိၪခွၫ စအဟံမအၭစံၭဝ့ၫဒၪ,ဒုၭစဲၪ့ ယၧၩဘီၪး တၭယမိဆိၬန့ စဎွၩလၧအဆၧပရၧၫ့လၧ ယွၩစ့ၩရၫ့ဝ့ၫ လၧအဖီၩ့ဖျ့ၭ အဒုၪအဒၩ အစူၪဖၧၩ့
20 လီၫ.- တၭစယိအၭစံၭဝ့ၫဒၪ, လၧမုဆၫလနံၩယီၩန ဆိၬဘၪဆၧပရၧၫ့အ့ၬ. အ့ၪမွဲမုနးနံၩဒီၭနီၪ နမိဆိၬဆၧ ပရၧၫ့လီၫ. အ့ၪမွဲမုဆၫလနံၩယီၩ နဆိၬဘၪဆၧပရၧၫ့
21 အ့ၬ. အဂဲးဘဲၫယီၩစဎွၩအဖိၪခွၫၥံၫယူၭ.- တၭစယိ အၭစံၭစကုၡဲၫ, လ့ၩလီၩဘၪစဎွၩလၧဆၧလၧနဒၪဘၪ ဆံၭ,စကုၡဲၫၡီၫ့လၩ့အခိၪ လၧစယိအၭ အမ့ၬယၫ
22 တၭ,စဲၪ့တလဲးဝ့ၫလီၫ.- ထီးနီၪလဖၧၫ့စဇၫဒီၭအဖိၪ ခွၫစအဟံမအၭ စံၭဒီၭစယိအၭ, မွဲလါနၫ့ထီးဒၪဆၧ မၩအၥၭနီၪ ဒုၭစဲၪ့လါယၧၩ လၧစကုၡဲၫ အၥိၭဆံၭ. တၭစယိအၭစံၭဝ့ၫဒၪ, ယဖိၪခွၫဧ့, နဆၧပရၧၫ့လအီၪ
23 ဝဲၩဘၪနးမံၩ့တၭ, နမိလ့ၩစဲၪ့မွဲဘၪလဲၪ.- မွဲလါနၫ့ထီး ဒၪဆၧမၩအၥၭနီၪ, ဒုၭစဲၪ့လါယၧၩဆံၭ. တၭအဝ့ၫ ဒၪစံၭအဝ့ၫ, စဲၪ့ဘီၪ. ထီးနီၪလဖၧၫ့ စအဟံမအၭစဲၪ့ တလဲးဝ့ၫလၧဆၧပျၩ့ဖၧၩ့အဖၧၩ့ၥၭတၭ, လ့ၩဖီၩ့ခွံၬ စကုၡဲၫနီၪလီၫ.
24 စဒၫဝံၭဆၧၫ့နၩ့ဝ့ၫ လၧတရၫ့နံၫဘံၪ့ အဘိၩ့ဆၧၩ့ တၭ,ၦခိၭဆၧဖိၪလ့ၩထၪ့လၧဆၧ အခိၪလၧတရၫ့အ ဖၫ့ခိၪလခီၫ ထီၩ့လၧဆၧအခိၪဒၧၩ့တၭ, ကျဲၪ့ထၪ့အ မ့ၬ,ယိဝ့ၫတၭ, ယိခွါ,ၦလဂၩစဲၪ့တလဲးဝ့ၫ လဂၩဎး
25 လီၫ.- ၦခိၭဆၧနီၪကိၭထၪ့တၭ, လီၩဘၪစဎွၩတၭ,စ ဎွၩစံၭဝ့ၫဒၪ, အ့ၪအီၪလဂၩဎးတၭ, အီၪဝ့ၫလၧဆၧအ ပရၧၫ့လၧအနိၭဖၧၩ့လီၫ. ဂဲၫဝ့ၫတၭ, ၥုၭဘူၭအၥၭ
26 လီၫ.- ၦခိၭဆၧဖိၪဒၪၦၡၩဂူၫဂၩလဂၩဒၪစဲၪ့တလဲးဝ့ၫ တၭ,ၦခိၭဆၧဖိၪကိၭစိၩၦပၧၩ့တရၫ့လဂၩတၭ, စံၭ ဝ့ၫဒၪ,ယိခွါ, ၦလဂၩစဲၪ့တလဲးလဂၩဎးလီၫ. တၭစ
27 ဎွၩစံၭဝ့ၫဒၪ, အဝ့ၫဆိၬဆၧအပရၧၫ့ဆ့လီၫ.- တၭၦခိၭ ဆၧဖိၪစံၭဝ့ၫဒၪ, ယဒၪၦလၧအစဲၪ့လၧယၫလဂၩ,လၩ့ ဂၬဘဲၫစဇၫဒီၭအဖိၪခွၫစအဟံမအၭ စဲၪ့တလဲးအၥိၭ နီၪလီၫ.တၭစဎွၩစံၭဝ့ၫဒၪ, အဝ့ၫလဂၩနီၪ မွဲၦၡၩအ ဂ့ၩတၭ,ဂဲၫဝ့ၫလၧဆၧပရၧၫ့အဂ့ၩလီၫ.
28 တၭစအဟံမအၭ ကိၭထၪ့, စံၭစဎွၩ, ဆၧအမုၬ လီၫ. ထွံၩလၩ့လၧစဎွၩအမ့ၬယၫတၭ, စံၭဝ့ၫဒၪ, ယ ဟိဝၩနယွၩလၧအဖ့ၪလၫ့ခွံၬ ၦလၧအယၩ့ထၪ့အစူၪ ထၫ့ဒၩယကဆါစဎွၩနီၪ, မွဲအဘၪဆၧစံၭထၪ့အၪ့အူၭ
29 ဆံၭ.- စဎွၩစံၭဝ့ၫဒၪ, ၦဖိၪၥၪခွၫစအၭဘစလၧၫ့နီၪ,မွဲ အအီၪမုၬဆ့ဧၪ. တၭစအဟံမအၭစံၭဝ့ၫဒၪ, လၧစယိ အၭအၪ့မၧၫ့လၩ့စဎွၩအခ့ၫအၡၩ, ဒဲနခ့ၫနၡၩယၧၩ, ယဒၪဘၪဆၧတုၩ့ထၪ့တုၩ့လၩ့ဖၭဒိၪ လါနၫ့ဘိၩမွဲနီၫ
30 လဲၪ, နီၫလဲၪနီၪယၥ့ၪယၫအ့ၬ.- စဎွၩစံၭဝ့ၫ,ကၠၪထဲၩ့န ၥၭတၭ, ဆၧၫ့ထုၪ့ထီးယီၩဘီၪ. တၭအဝ့ၫဒၪကၠၪစိၩ
31 အၥၭတၭ, ဆၧၫ့ထုၪ့ဝ့ၫလီၫ.- တၭယိခွါ,စကုၡဲၫဂဲၫဝ့ၫတၭ စကုၡဲၫစံၭဝ့ၫဒၪ, ဆၧပရၧၫ့,ယကဆါစဎွၩဧ့ၬ အ ဂဲးဘဲၫယီၩလၧမုဆၫလနံၩယီၩ ယဟိဝၩစ့ၩရၫ့တီၩန့ နၧၩလၧကယဲၦလၧအဂဲထုၪ့ထၫ့ဒုၪဒၩနၧၩ ထီးအလူၬ
32 အစူၪဖၧၩ့နီၪလီၫ.- တၭစဎွၩစံၭ စကုၡဲၫနီၪ, ၦဖိၪၥၪ ခွၫစအၭဘစလၧၫ့နီၪ, မွဲအအီၪမုၬဆ့ဧၪ. တၭစကုၡဲၫ စံၭဆၧၫ့ဝ့ၫ, ယကဆါစဎွၩအဒုၪအဒၩ, ဒဲကယဲၦလၧ အဂဲထုၪ့ထၫ့ဒုၪဒၩနၧၩ ဘဲၫၥိၭအမိမၩအၧၩ့နၧၩ ထီး
33 အလူၬနီၪ, မွဲအအီၪဘဲၫဖိၪၥၪခွၫအၥိၭနီၪဆံၭ.- စဎွၩ အၥၭဘၪထံၭနၭမၬတၭ လ့ၩထၪ့ဝ့ၫလၧဒူၭဖၧၩ့လၧတ ရၫ့အဖၫ့ခိၪတၭ, ဂၪ့ဝ့ၫလီၫ. လ့ၩဆၧ အဘိၩ့ဘၭနီၪ တၭ,စံၭဝ့ၫဘဲၫယီၩ, ယဖိၪခွၫစအၭဘစလၧၫ့ဧ့, ယဖိၪ ခွၫဧ့, ယဖိၪခွၫ စအၭဘစလၧၫ့ဧ့ၬ ယအ့ၪၥံၫခ့ၬယူၭ လၧနလး မွဲအဂ့ၩဒၪဆၧဒံၭလီၫၬ စအၭဘစလၧၫ့ဧ့ၬ ယဖိၪခွၫဧ့ၬ ယဖိၪခွၫဧ့ၬ