17
1 စအဟံၭၥိၫဖ့လၭစံၭ စအၭဘစလၧၫ့ဒုၭရွံန့ယၧၩ လၧၦလလၬနံၫထီၫ့ဆံၭ, ယမိဂဲထုၪ့တၭ,ယမိလီၩ့ဆီး
2 စဒၫဝံၭလၧမုလနၩယီၩလီၫ.- ယမိချႃၭန့အဝ့ၫ, လၧ ဆၧပွံၭအၥၭ ဒဲအစူၪလၩ့ဆါ အဘိၩ့ဘၭနီၪတၭ, ယမိ မၩၥၭမဲၪအဝ့ၫတၭ, ကယဲၦလၧအအီၪလၧအၥိၭကိၭ ဂၩဒ့ၭနီၪမိစဲၪ့ဖျိၭတၭ, ယမိဖ့ၬခွံၬန့ၫစဎွၩလဂၩလီၫ.
3 တၭယမိဒုၭဂဲၫထဲၩ့ ၦခမျၧးထီးအလူၬ လၧနအီၪလီၫ. ၦလၧနအၪ့ဎၬဝ့ၫလဂၩနီၪ မၩအၥၭဘဲၫၦထီးအလူၬဂဲၫ ထဲၩ့အၥိၭနီၪလီၫ. ၦခမျၧးထီးအလူၬ မိအီၪလၧဆၧ
4 ဘၪလိၬအိၭလိၬလီၫ.- တၭဆၧချဲၩ့နီၪ ဘၪစအၭဘစ လၧၫ့အၥၭဂ့ၩမၬ, ဒဲအံၫစရ့လၭအၥုၪ့က့ၭၥၭၡါထီး
5 အလူၬဆ့လီၫ.- ထီးနီၪလဖၧၫ့, စအၭဘစလၧၫ့စံၭဝ့ၫ ဒၪ,ကိၭန့ၦအၫခဲၫဖိၪစဟုၡ့ၫဆ့ဆံၭ, မွဲဆၧနီၪလၫအီၪ လၧအနိၭလဲၪနီၪ ပမိနါဂၧၫ့ဘၪပၥၭဆ့လီၫ.
6 စဟုၡ့ၫဂဲၫလၧစအၭဘစလၧၫ့ အအီၪတၭ, စံၭဝ့ၫ ဒၪ,စအဟံၭၥိၫဖ့လၭချဲၩ့ဆၧ ဘဲၫဆၧချဲၩ့ယီၩအၥိၭ နီၪပမိဘၪမၩဘဲၫအဆၧချဲၩ့နီၪအၥိၭဧၪ. အ့ၪလမွဲဘၪ တၭ,ချဲၩ့နဝ့ၫဒၪဆံၭ.
7 တၭစဟုၡ့ၫစံၭစအၭဘစလၧၫ့, ဆၧကိၪ့လၧစအဟံၭ
8 ၥိၫဖ့လၭဖ့ၪလၫ့ယူၭနီၪအယီၩလဖၧၫ့ဂ့ၩဝါအ့ၬ.- တၭ စဟုၡ့ၫစံၭဝ့ၫဒၪ, အဂဲးဘဲၫယီၩ နၥ့ၪယၫနဖါဒဲအၡၩ ၥံၪလၧအမွဲၦအဆီၪ့, ဒဲအၥၭဆၫ, ဘဲၫဖုၫထၫ့မိလၧၦ အၪ့ဂူၬန့အဖိၪလၧမံၩ့လၬကျၩအၥိၭနီၪတၭ, နဖါမွဲၦ ဒုၭၥုၭလဂၩတၭ မိအီၪလၧၦခမျၧးအၥိၭ ၥၫ့နၩချီၩ့
9 အ့ၬ.- ယိခွါမွဲအအီၪၥူၪဝ့ၫဘိၩ့နဲၪ့ယီၩ လၧဆၧဖၧၩ့လ စီၪ့စီၪ့,အ့ၪလမွဲဘၪဘဲၫနီၪတၭ, အီၪဝ့ၫလၧအလးလ စီၪ့စီၪ့နီၪ, ထီးၦလနၩ့နၩ့လၩ့ထံၩဖါဆိၫဝ့ၫတၭ, ဆၧ မိမၩအၥၭလၧထီးဒၪၦလၧ အနါဂၧၫ့ဝ့ၫလဂၩလါလါ နီၪမိစံၭဝ့ၫဒၪ, ဆၧမၩၥံၫလမံၩ့မံၩ့အီၪဝ့ၫ လၧၦလၧအ
10 ဖိၬစအၭဘစလၧၫ့အခဲၫ့လဖၪအကျၩနီၪလီၫ.- တၭၦ အဆီၪ့လၧအၥၭ မၩအၥၭဘဲၫဆၬလၥၧၫ့အၥိၭနီၪမိ ဖံၪထၪ့တၡါဝ့ၫလီၫ. အဂဲးဘဲၫယီၩအံၫစရ့လၭထီးအ လူၬၥ့ၪယၫဝ့ၫ လၧနဖါမွဲၦအဆီၪ့ဒဲၦအီၪလၧအၥိၭလ
11 ဖၪမွဲၦအဆီၪ့ဆ့လီၫ.- မၩအၥၭဘဲၫနီၪတၭယဆၧကိၪ့ မွဲဝ့ၫလၧဆၧမိဒုၭအီၪကိၩ့အီၪကီၪ့ အံၫစရ့လၭထီးအ လူၬလၧနအီၪ, လၧဒၫ့ဖိးလၧဘံအၧၫၡံၫဘၫ, အၪဝ့ၫဘဲၫ မ့ၭၥံၪလၧမၫဆမံၭနဲၩ့အၥိၭနီၪ, ဒဲလၧနမိဘၪလ့ၩဒုၭ
12 ၥုၭလၧနနၫ့ဆါဒၪနဝ့ၫလီၫ.- ထီးဒၪအလးလၧၦမိဒၪန့ ဝ့ၫလစီၪ့စီၪ့တၭ, ၦမိဆီးလၩ့လၧအလီၩ့ ဘဲၫဆၩ့ထံၫ လၩ့ဘၪဂၪ့ခိၪအၥိၭနီၪတၭး လၧအဝ့ၫဒၪ, ဒဲၦအီၪလၧ အၥိၭထီးအလူၬအကျၩနီၪ န့ၫလဂၩမိအီၪက့ၪလၩ့ထး
13 ဘၪဝ့ၫဒၪအ့ၬ.- တၭအ့ၪအီၪက့ၪလၩ့အၥၭလၧဒိၩ့လ ဒိၩ့အဖၧၩ့တၭ, အံၫစရ့လၭထီးအလူၬ မိဘၪဂဲၫဆိၬ ဖျံၩလဖၪလၧဒိၩ့လဒိၩ့နီၪ, ပမိထုၭလၩ့န့ဝ့ၫ လၧထံၫ ချိၬဖၧၩ့ထီးလိးဖိၪအီၪလၩ့ထးဘၪ ထီးနီၪနးဖျိၪ့အ့ၬ.
14 တၭစအၭဘစလၧၫ့ ဒဲအံၫစရ့လၭအၡၩထီးအလူၬ နီၪစံၭဝ့ၫဒၪ, ၦအၫခဲၫဖိၪစဟုၡ့ၫအဆၧကိၪ့လမံၩ့ယီၩ ဂ့ၩနဲၪ့စအဟံၭၥိၫဖ့လၭ အဆၧကိၪ့နီၪဒံၭလီၫ. အဂဲး ဘဲၫယီၩယဟိဝၩစ့ၩရၫ့ဆၧဘဲၫၥိၭ စဟံၭၥိၫဖ့လၭအ ဆၧကိၪ့ဂ့ၩလမံၩ့နီၪ မိဘၪလၧဆၧဂၭဂီၩ့, ဘဲၫၥိၭယ ဟိဝၩမိဒုၭဘၪဆၧအၧၩ့ လၧစအၭဘစလၧၫ့ အဖၫ့ခိၪ လီၫ.
15 စဟုၡ့ၫစံၭၦလုဆၧစဇၫဒီၭ, ဒဲစအဘဲအၥၫ, စအ ဟံၭၥိၫဖ့လၭဒုၭကိၪ့ စအၭဘစလၧၫ့, ဒဲအံၫစရ့လၭ အၡၩၥုၪ့က့ၭၥၭၡါ ဘဲၫအံၩဘဲၫအိၩတၭ, ယဒုၭကိၪ့
16 ထၪ့ယူၭယဝ့ၫဆၧဘဲၫအံၩဘဲၫအိၩလီၫ.- တၭဘိၩ့နဲၪ့ ယီၩအၪ့မၧၫ့လၩ့ဆၧ ချဲၫ့ချဲၫ့တၭ, လီၩဘၪစဒၫဝံၭ တၭ,စံၭ,အီၪၥၫ့နၩချီၩ့ လၧၡါမုနၧၫ့ဖၫအဆၧပျၩ့ဖၧၩ့ လဂ့ၩ,ခၫ့ဂၬအ့ၪချဲၫ့ဆံၭ, စဎွၩဒဲၦအီၪလၧအၥိၭထီး အလူၬမိဘၪဆၧယုလၩ့ခွံၬဘၪခိၬဝ့ၫလီၫ.
17 စစၪ့နၥၧၫ့ဒဲစအဟံၭမအၭအီၪဝ့ၫ လၧအံၫ့ရိဂ့လၭ အနဲၩ့း အဂဲးဘဲၫယီၩ မွဲဆၧထီးဒၪဘၪအဝ့ၫၥံၪလ့ၩနုၬ လၧဒိၩ့ဖၧၩ့နီၪလဂ့ၩး ဎီးမုၪလဂၩလ့ၩလီၩဘၪအဝ့ၫ
18 ၥံၪနီၪတၭ, အဝ့ၫၥံၪလ့ၩလီၩဘၪစဒၫဝံၭလီၫ.- မွဲလါ နၫ့ဘိၩၦဖိၪၥၪအခွၫလဂၩ ဒၪဘၪအဝ့ၫၥံၪတၭ, လီၩ ဘၪစအၭဘစလၧၫ့လီၫ. အ့ၪမွဲၦနံၫဂၩနီၪလ့ၩဆၧချဲၫ့ ချဲၫ့တၭ,ဂဲၫထီၩ့လၧၦလဂၩအဂံၪ့ လၧဘဟုရံၫ့အဖၧၩ့ လၧထံၫဖၧၩ့ အီၪလၧအဝၩ့ဖၧၩ့နီၪတၭ, အဝ့ၫၥံၪစဲၪ့
19 လၩ့ဝ့ၫလၧအဖၧၩ့လီၫ.- ၦမုၪနီၪမၩန့ဒၩလၩ့ထၬထံၫ ဖၧၩ့အခိၪထိၭတၭ, အၪ့လိၫလၩ့ဂူၫဆၪ လၧအဖၫ့ခိၪ
20 တၭး ဆၧလမံၩ့နီၪ ၦၥ့ၪယၫဝ့ၫအ့ၬ.- ထီးစအၭဘစ လၧၫ့အခ့ၫအၡၩဂဲၫ လၧၦမုၪနီၪအအီၪ လၧဂံၪ့ဖၧၩ့ တၭ,အဝ့ၫၥံၪစံၭ, စစၪ့နၥၧၫ့, ဒဲစအဟံမအၭနီၪမွဲအ အီၪခီၫခီၫလဲၪ. တၭၦမုၪနီၪစံၭအဝ့ၫၥံၪ, ၦၡၩနီၪခၫ့ဂၬ ယူၭထံၫချိၬယူၭ. ထီးအဝ့ၫၥံၪအၪ့ဎၬနီၪလဒၪဘၪဝ့ၫ
21 တၭ,ထဲၩ့ထဲၩ့ဝ့ၫလၧယရုစလံၫ့လီၫ.- တၭလၧအဝ့ၫ ၥံၪစဲၪ့ထၪ့ခွံၬ အလးခဲၫ့နီၪဆၧမၩအၥၭ လၧၦလဖၪနီၪ စဲၪ့ထၪ့ခွံၬ လၧထံၫဖၧၩ့နီၪ, လ့ၩလီၩဘၪ စဎွၩဒၫဝံၭ တၭ,စံၭစဒၫဝံၭ, ဂဲထုၪ့တၭခၫ့ဂၬထံၫချိၬ ချဲၫ့ချဲၫ့ဆံၭ. အဂဲးဘဲၫယီၩ စအဟံၭၥိၫဖ့လၭဒုၭကိၪ့ဆၧထၫ့ဒုၪဒၩ
22 နၥံၪဘဲၫအံၩဘဲၫအိၩလီၫ.- ထီးနီၪလဖၧၫ့ စဒၫဝံၭဂဲ ထုၪ့,ဒဲကယဲၦလၧအအီၪလၧ အၥိၭလဖၪတၭ, ခၫ့ဂၬ ယီၫဒၫ့လီၫ. ထီးမုဆဲၪ့ထၪ့နီၪ ၦလၧအလခၫ့ဂၬဒံၭဘၪ ယီၫဒၫ့အီၪနးဂၩအ့ၬ.
23 ထီးစအဟံၭၥိၫဖ့လၭ, ဒၪဘၪဝ့ၫလၧၦၡၩလမၩဘၪ ဘဲၫအဝ့ၫဒၪကိၪ့ထၪ့ဆၧအၥိၭနီၪတၭ, အီၪက့ၪထၪ့ပီၩ့ လၧကၥ့ၪယီၩ့အလီၩ့တၭ, ဂဲထုၪ့တၭထဲၩ့ထဲၩ့ဝ့ၫလၧ အဂံၪ့, လၧအဒိၩ့ဒၪဝ့ၫအဖၧၩ့တၭ, မၪလူၬအၡၩဂံၪ့ဖိၪ အဆၧတၭ, စၧၩ့လၩ့ၥံၫအၥၭတၭ, ၥံၫဝ့ၫနီၪ, ဘၪဆၧ ခုၪ့လၩ့ဘၧၩ့ခွံၬဝ့ၫ လၧအဖါအၥွၪခိၪဖၧၩ့နီၪလီၫ.
24 ထီးနီၪလဖၧၫ့ စဒၫဝံၭ ဂဲၫဝ့ၫလၧမၫဟနၫအံၫ့လီၫ. စအၭဘစလၧၫ့ခၫ့ဂၬယီၫဒၫ့, အဝ့ၫဒၪဒဲအံၫစရ့လၭအ ၡၩထီးအလူၬလၧအၥိၭလီၫ.
25 တၭစအၭဘစလၧၫ့ဒုၭကဲၪစအၫမစၫ လၧၥုၭမုခ မျၧးအခိၪလၧစယိအၭအလးလီၫ. စအၫမစၫမွဲၦလဂၩ အဖိၪခွၫ, ၦလၧအမံၩ့မွဲစအံၥၫၦအံၫစရ့လၭဖိၪလၧ အလ့ၩနုၬလၧနးအၭဘဂၫလၭအအီၪ, လၧအမွဲစယိ အၭနးဇ့ၫရုၫအဲအၫအထၧၫ့ဖုဝဲမုၪ, စနၫဟၭအဖိၪမုၪလီၫ.
26 တၭအံၫစရ့လၭ ဒဲစအၭဘစလၧၫ့ၥုၪ့တဲၩ လၧခး ဂံလအၭအဖၧၩ့လီၫ.
27 ထီးစဒၫဝံၭဂဲၫထီၩ့လၧမၫဟနၫအံၫ့တၭ, ဆၧမၩအ ၥၭလၧၦအၫမၧၫ့ဖိၪ စနၫဟၭအဖိၪခွၫ စၡိဘဲၫဘၪဆဲၫ့ လၧရၭဘၫ, ဒဲစအၫမအ့လၭအဖိၪခွၫ စမၫခၧၫဘၪဆဲၫ့ လၧလိၫဒံဘၫ, ဒဲၦဂံလအၭဖိၪစဘၫဇံလ့ၫဘၪဆဲၫ့လၧ
28 ရိၫဇံလံၫ့ၥံၪနီၪ,- ဂဲၫဆိၬလးမံၫၥံၪ, ဒဲလိၫ့ၥံၪ, ဒဲဖၧၩ့ၥံၪ, ဒဲဘုၪကၠိၩ့, ဒဲဘုၪမုယီၩ, ဒဲကိၪမုၬ, ဒဲဘုၪဖီး,ဒဲပထိၭၥၪ,
29 ဒဲဘဲၩ့ၥၪ,ဒဲဆၧအၪ့ဝ့ၭဖီး,- ဒဲန့ၫစၩ့,ဒဲထီဘၭ, ဒဲၥိၪ,ဒဲ ချီနူထံၫခိလီၪ့လဖၪလၧစဒၫဝံၭအဂး, ဒဲလၧၦၡၩလၧ အအီၪလၧအၥိၭမိအၪ့အဂးလီၫ. အဂဲးဘဲၫယီၩမွဲအ စံၭဝ့ၫဒၪ, ၦခမျၧးနီၪဆၧၥၭဝံအၥၭ, ဒဲဆၧပွံၭအၥၭ, ဒဲ ဆၧၥူၫအၥၭလၧထံၫလၧၡါမုနၧၫ့ဖၫနီၪလီၫ.