16
1 တၭထီးစဒၫဝံၭလ့ၩဖီၩ့ခွံၬဆၧဒၩ့ခိၪ လဆံၭတၭ, ယိခွါ,စမံၫဖံၭဘၡ့ၭအခ့ၫအၡၩ စဇဲဘၫဂဲၫထၪ့ဆီးအ ဝ့ၫအီၪလၧကၥ့ၪယီၩ့နံၫဒုၩ တဲၩ့ဝဲၩအၥၭလၧအပီၩ့,ဒဲ ကိၪအလီၪ့နံၫယၩ, ဒဲစဘံၭၥၪဎဲၫ့အဆူၬလယၩ,ဒဲဆၧ ခိခၫအဆၧၥၪလယၩ, ဒဲစဘံၭထံၫထိၪ့လဖျိၪ့ အီၪဝ့ၫ
2 လၧအခိၪလီၫ.- တၭစဎွၩစံၭစဇဲဘၫ, လၧဆၧလဖၪ ယီၩနမိဒုၭနဲၪအခီၫပယီၫဘဲၫၥ့ၪလဲၪ. တၭစဇဲဘၫစံၭ ဝ့ၫဒၪ,ကၥ့ၪယီၩ့ၥံၪမွဲလၧစဎွၩအၡၩဂံၪ့ဖိၪ မိထူၬဝ့ၫအ ဂး,ကိၪဒဲဆၧခိခၫအဆၧၥၪ မွဲလၧၦၡၩဖိၪၥၪခွၫအဆၧ အၪ့အဂး, ဒဲစဘံၭထံၫနီၪ မွဲဝ့ၫဘဲၫၦလၧအလၩ့ဘဲၩ
3 လၧၡါမုနၧၫ့ဖၫနီၪမိအီၩဘၪဝ့ၫလီၫ.- တၭစဎွၩစံၭဝ့ၫ ဒၪ,နကဆါအဖိၪခွၫနီၪ, မွဲအအီၪခီၫခီၫလဲၪး တၭစဇဲ ဘၫစံၭစဎွၩ, ယိခွါ, မွဲအအီၪဝ့ၫလၧယရုစလံၫ့အဖၧၩ့ လီၫ. အဂဲးဘဲၫယီၩစံၭဝ့ၫဒၪ, ဆၧလၧမုဆၫလနံၩယီၩ အံၫစရ့လၭ အၡၩဂံၪ့ဖိၪ မိဖ့ၪထဲၩ့ယၧၩ လၧယဖါအ
4 ဘၩ့အမုးနီၪလီၫ.- စဎွၩစံၭစဇဲဘၫ,ယိခွါ, ကယဲစမံၫ ဖံၭဘၡ့ၭအဆၧနီၪ မွဲနဆၧထီးအလူၬလီၫ. တၭစဇဲ ဘၫစံၭဝ့ၫဒၪ, ယအၪ့ကံၩ့အၪ့ယၫနၧၩလၧဆၧဆၪ့လၩ့ ၥၭအဖၧၩ့, မွဲယမိဘၪခိးဘၪတၩလါ လၧနမ့ၬယၫဆံၭ, ယကဆါ, စဎွၩဧ့,
5 ထီးစဎွၩဒၫဝံၭဂဲၫထီၩ့လၧဘဟုရံၫ့တၭ, ယိခွါ,ၦလၧ စစီလူၫအၡၩဂံၪ့ဖိၪအဒီၪ့အကျၩလဂၩ ဂဲၫထၪ့ထီးနီၪ တၭ,အမံၩ့မွဲစၡံမအဲၫ, စဂ့ရၫအဖိၪခွၫလီၫ. အဝ့ၫဒၪ
6 ဂဲၫထၪ့တၭ, ဂဲၫထၪ့လခီၫဆိၪအၧၩ့ဆၧလခီၫလီၫ.- တၭ ခွံၬစဒၫဝံၭ, ဒဲစဎွၩဒၫဝံၭအခ့ၫအၡၩထီးအလူၬလၧလိး လီၫ. တၭၦခမျၧးထီးအလူၬ, ဒဲၦဂဲးဆီၪ့ထီးအလူၬ အီၪဝ့ၫလၧအစူၪထွ့ၪလခီၫ, ဒဲလၧအစူၪစ့ၪလခီၫလီၫ.
7 တၭလၧစၡံမအဲၫဆိၪအၧၩ့ဆၧနီၪ, စံၭဝ့ၫဘဲၫယီၩ, စဲၪ့ ထၪ့ဘီၪ,စဲၪ့ထၪ့ဘီၪ, ဆၧၥွံၪအၡၩလဂၩ, ၦဘၫအလၭ
8 ဖိၪဧ့,- စစီလူၫ, လၧနကဲၪစဎွၩလၧအလး, အၡၩဂံၪ့ဖိၪ ထီးအလူၬအၥွံၪနီၪ ယဟိဝၩဒုၭဘၪထဲၩ့ယူၭလၧနဖၫ့ ခိၪတၭ, ယဟိဝၩဖ့ၪလၫ့ယူၭ နဘၩ့နမုးလၧနဖိၪခွၫ စအၭဘစလၧၫ့ အစူၪဖၧၩ့ယူၭ. ယိခွါ, နဘၪဆၧဖီၪ့ နၧၩလၧနဆၧအၧၩ့ဒၪနဝ့ၫအဖၧၩ့လီၫ. အဂဲးဘဲၫယီၩ နမွဲဆၧၥွံၪအၡၩလီၫ.
9 တၭနးဇ့ၫရုၫအဲအၫအဖိၪခွၫ စအၭဘၡဲၫစံၭစဎွၩ, ထွံၪၥံၫလဒုၩယီၩ မိဆိၪအၧၩ့ယကဆါစဎွၩနီၪ, မွဲဘၪ လဲၪ. ဒုၭလ့ၩခၫ့ဂၬလါယၧၩဘီၪး တၭယမိဖ့ၬထ့ၬအ
10 ခိၬလီၫ.- တၭစဎွၩစံၭဝ့ၫဒၪ, ဆၧဘၪဆဲၫ့လၧယၧၩဒဲန ၥံၪမွဲဘဲၫၥ့ၪလဲၪ. နးဇ့ၫရုၫအဲအၫ အဖိၪခွၫၥံၪဧ့, မွဲအ ဆိၪအၧၩ့ဒၪဝ့ၫဆံၭ, တၭယဟိဝၩအ့ၪစံၭဝ့ၫ, ဆိၪအၧၩ့ စဒၫဝံၭဘီၪ, တၭမွဲပလၫမိစံၭ, နမၩဘဲၫနီၪ, မွဲဘၪလဲၪ
11 နီၪ,လဂၩလဲၪ.- တၭစဒၫဝံၭစံၭစအၭဘၡဲၫဒဲအခ့ၫအ ၡၩထီးအလူၬ, ယိခွါ, ယဖိၪခွၫလၧအဂဲၫထၪ့လၧယ ဎွံၬဖၧၩ့လဂၩ အၪ့ဎၬယၥၭမၧၫ့လီၫ. ဘိၩ့နဲၪ့ယီၩၦ ဘံၪ့ယမံၫ့ဖိၪနီၪ ဒံၩ့မိမၩဝ့ၫဆံၭဒိၪလဲၪ. အီၪဒၪဝ့ၫမွဲ အဆိၪအၧၩ့ဒၪဝ့ၫဘီၪး အဂဲးဘဲၫယီၩ ယဟိဝၩအၪ့မၧၫ့
12 ဝ့ၫဒၪလီၫ.- ဘၪလဘၪ ယဟိဝၩ မိယိလၩ့ယဆၧနၭ ဆၧၡၪ့တၭ, ယဟိဝၩမိဖ့ၪကၪယၧၩ ဆၧဂ့ၩလၧအဆၧ
13 ဆိၪအၧၩ့မုဆၫလနံၩယီၩအဂးလီၫ.- တၭစဒၫဝံၭဒဲအ ခ့ၫအၡၩလ့ၩဆၧလၧဖၧၩ့ၥၭတၭ, စၡံမအဲၫလ့ၩဝ့ၫလၧ ခိၪလီၩ့ဖၩဆဲၫဎၩ့လၧအဝ့ၫတၭ, လ့ၩဝ့ၫလခီၫ, ဆိၪ အၧၩ့ဝ့ၫလခီၫ, ဒဲခွံၬဝ့ၫလၧလိး ဒဲဎွံၪဝ့ၫလၧဂၪ့ခိၪမုၬ
14 လီၫ.- တၭစဎွၩဒဲၦခမျၧးလၧအအီၪဝ့ၫ လၧအၥိၭထီး အလူၬ, ဂဲၫဝ့ၫတၭ, ဆၧပွံၭအၥၭနီၪ, အီၪပွံၭဝ့ၫထီးနီၪ လီၫ.
15 စအၭဘစလၧၫ့, ဒဲၦခမျၧးထီးအလူၬ လၧအံၫစရ့ လၭအၡၩအကျၩနီၪ ဂဲၫဝ့ၫလၧယရုစလံၫ့တၭ, စအ
16 ဟံၭၥိၫဖ့လၭအီၪလၧအဝ့ၫၥံၪအၥိၭလီၫ.- တၭဆၧမၩ အၥၭထီးစဒၫဝံၭအထံၩအၥိၭ ၦအၫခဲၫဖိၪ စဟုၡ့ၫဂဲၫ ဝ့ၫလၧစအၭဘစလၧၫ့အအီၪနီၪတၭ, စဟုၡ့ၫစံၭစအၭ
17 ဘစလၧၫ့, မွဲစဎွၩမၧၫ့ဝ့ၫဆံၭ,မွဲစဎွၩမၧၫ့ဝ့ၫဆံၭ.- တၭ စအၭဘစလၧၫ့စံၭစဟုၡ့ၫ, အယီၩ,မွဲနခိးနတၩလၧန မၩနထံၩနၥိၭဆ့ဧၪ, နလလ့ၩဘၪ လၧနထံၩနၥိၭနီၪ,
18 မွဲဘၪလဲၪ.- တၭစဟုၡ့ၫစံၭစအၭဘစလၧၫ့, မွဲအ့ၬး ၦ လၧယဟိဝၩဒဲၦခမျၧးယီၩ, ဒဲအံၫစရ့လၭအၡၩထီး အလူၬရွံန့ဝ့ၫလဂၩနီၪ, ယမိကဲၪထၪ့အဆၧ, ဒဲယမိ
19 အီၪလၧအၥိၭလီၫ.- မၩဒီၭလဖၧၫ့ ယမိမၩဘၪပလၫ အဆၧလဂၩလဲၪ. လၧအဖိၪခွၫအမ့ၬယၫ မွဲအ့ၬဧၪ. ဘဲၫယမၩဆၧလၧနဖါအမ့ၬယၫ အၥိၭနီၪယမိအီၪလၧ
20 နမ့ၬယၫဘဲၫနီၪလီၫ.- ထီးနီၪလဖၧၫ့စအၭဘစလၧၫ့စံၭ စအဟံၭၥိၫဖ့လၭ, ပမိမၩဘဲၫၥ့ၪလဲၪ ဘဲၫၥ့ၪလဲၪနီၪ, ဖ့ၪလၫ့ဆၧကိၪ့လၧနၥံၪအကျၩဆံၭ.
21 တၭစအဟံၭၥိၫဖ့လၭစံၭစအၭဘစလၧၫ့, နဖါအၥံၪ မၫလၧအအီၪက့ၪလၩ့ထးဝ့ၫ ဘဲၫၥိၭအမိခိၭဂံၪ့လဖၪ နီၪလ့ၩနုၬလၧအအီၪဆံၭ, တၭအံၫစရ့လၭထီးအလူၬ မိနါဂၧၫ့လၧနဖါၥၭလိၪနၧၩတၭ, ကယဲၦလၧအအီၪလၧ
22 နၥိၭကိၭဂၩဒ့ၭနီၪအစူၪမိဆီၪ့ထၪ့လီၫ.- အခိးမွဲၦမၩ ထၪ့စအၭဘစလၧၫ့အတဲၩ လၧဂံၪ့ခိၪတၭ, စအၭဘ စလၧၫ့လ့ၩနုၬလၧအဖါအၥံၪမၫလဖၪ အအီၪလၧအံၫ
23 စရ့လၭထီးအလူၬအမ့ၬယၫလီၫ.- တၭစအဟံၭၥိၫဖ့ လၭအဆၧကိၪ့လၧအဒုၭကိၪ့ဆၧလၧ မုနံၩလဖၪနီၪမၩ အၥၭဘဲၫၦအၪ့စၪ့ဆၧလၧယွၩ အလူအၥိၭနီၪလီၫ. ကယဲစအဟံၭၥိၫဖ့လၭ အဆၧကိၪ့ထီးအလူၬမၩအ ၥၭဘဲၫနီၪလၧစဒၫဝံၭ, ဒဲစအၭဘစလၧၫ့ နံၫဂၩလူၬလီၫ.