15
1 တၭလၧဆၧနီၪအလးခဲၫ့ဆၧမၩအၥၭ, လၧစအၭဘ စလၧၫ့တဲၩ့ဝဲၩလဲၪ့ၥုၭလဖၪ, ဒဲကၥ့ၪလဖၪ, ဒဲၦၡၩယဲ
2 ဆံၫဘဲၫၥိၭအမိစဲၪ့တလဲးလၧအမ့ၬယၫလီၫ.- စအၭ ဘစလၧၫ့ဂဲထုၪ့ဂီၩဂီၩတၭ, ဆၧၫ့ထုၪ့လၧတရၫ့အ ဖၧၩ့ၥၭနဲၩ့တၭ, ထီးၦအီၪလၧအမူၭအရါလဂၩဂၩ ဂဲၫလၧစဎွၩအအီၪ လၧဆၧစ့ၩရၫ့အဂးတၭ, ဆၧမၩ အၥၭလၧစအၭဘစလၧၫ့ကိၭန့ဝ့ၫတၭ, စံၭဝ့ၫဒၪ,နဘၪ ဆဲၫ့လၧဒိၩ့ပလၫလဲၪ. တၭအဝ့ၫနီၪ စံၭဝ့ၫဒၪ, နခ့ၫန ၡၩဘၪဆဲၫ့လၧအံၫစရ့လၭအဒီၪ့လဖၪ အကျၩလဒီၪ့
3 လီၫ.- တၭစအၭဘစလၧၫ့စံၭအဝ့ၫဒၪ, ယိခွါ,နမူၭနီၪ မွဲဆၧဂ့ၩ ဒဲဘၪဝ့ၫး မွဲလါနၫ့စဎွၩအခ့ၫအၡၩလၧအမိ
4 ခိၭနၪနလူနီၪအီၪအ့ၬ.- တၭစအၭဘစလၧၫ့စံၭဝ့ၫဒၪ, မွဲပလၫမိအီၪက့ၪယၧၩ လၧၦစ့ၩရၫ့ခွးလၧခးဖၧၩ့လ ဂၩလဲၪ. တၭကယဲၦလၧအအီၪလၧအမူၭအရါမွဲဂ့ၩ, ဆၧစ့ၩရၫ့အလးမွဲဂ့ၩ, အ့ၪဂဲၫဝ့ၫလၧယအီၪတၭ, ယ
5 မိစ့ၩရၫ့အဝ့ၫ လၧဆၧတီၩဆၧလီၩ့လီၫ.- ထီးၦလဂၩ ဂၩၥုၭဘူၭအၥၭဘဲၫၥိၭ အမိထွံၩလၩ့တၭ, ဆၧမၩအ ၥၭလၧအဝ့ၫဒၪယူၬစိၩအစူၪတၭ, မၩန့ဝ့ၫတၭအဲၪဂါ
6 ဝ့ၫလီၫ.- တၭစအၭဘစလၧၫ့မၩအံၫစရ့လၭထီးအ လူၬလၧအဂဲၫလၧစဎွၩအအီၪ လၧစ့ၩရၫ့ဆၧအဂးဘဲၫ ဆၧနီၪလမံၩ့အၥိၭလီၫ. အခိးမွဲစအၭဘစလၧၫ့အၪ့ ဂူၪန့အံၫစရ့လၭအၥၭလီၫ.
7 တၭအနံၪ့လံဆံၫ အလးခဲၫ့နီၪဆၧမၩအၥၭလၧ စအၭဘစလၧၫ့စံၭစဎွၩ, ဒုၭလ့ၩလါယၧၩ ဘဲၫၥိၭယမိ မၩဘိၪ့ဆၧဘၪဆဲၫ့လၧဆၧဆိၪလၩ့ယၥၭ လၧယဆိၪ
8 လၩ့လၧယဟိဝၩလၧဟံဘြၧၫ့အဖၧၩ့နီၪဆံၭ.- အဂဲး ဘဲၫယီၩလၧယအီၪလၧဂ့ၭၡၧၫ လၧစံရအၫအဖၧၩ့နီၪ နခ့ၫနၡၩဆိၪလၩ့အၥၭ လၧဆၧဆိၪလၩ့လမံၩ့တၭ, စံၭ, ယဟိဝၩအ့ၪဒုၭဂဲၫထဲၩ့ဒီၭယၧၩ လၧယရုစလံၫ့ အဖၧၩ့တၡါတၭ, ထီးနီၪလဖၧၫ့ ယမိမၩယဟိဝၩအ
9 ဆၧလီၫ.- တၭစဎွၩစံၭအဝ့ၫ, လ့ၩဆၧမုၬမုၬဆံၭ. အ ခိးမွဲအဝ့ၫဒၪဂဲထုၪ့တၭ, လ့ၩဝ့ၫလၧဟံဘြၧၫ့လီၫ.
10 စအၭဘစလၧၫ့အၪ့မၧၫ့လၩ့ ၦယိၥူၪဆၧလၧအံၫစရ့ လၭအဒီၪ့ၥံၪထီးအလူၬအကျၩတၭစံၭဝ့ၫ, ထီးနၥံၪနါ ဂၧၫ့ခွ့ၩအၥီၫတၭ, နၥံၪမိဘၪစံၭ, စအၭဘစလၧၫ့ကဲၪ
11 စဎွၩလၧဟံဘြၧၫ့အဖၧၩ့လီၫ.- တၭၦၡၩနံၫယၩစဲၪ့ ထၪ့ခွံၬဝ့ၫလၧယရုစလံၫ့အဖၧၩ့ ဖိၬစအၭဘစလၧၫ့အ ခဲၫ့နီၪလီၫ. ဆၧကိၭန့ဝ့ၫတၭ, အဝ့ၫၥံၪလ့ၩဝ့ၫတီၩတီၩ
12 လီၩ့လီၩ့တၭ, ၥ့ၪယၫဆၧနးမံၩ့အ့ၬ.- တၭစအၭဘစ လၧၫ့အၪ့မၧၫ့လၩ့ၦလ့ၩကိၭန့ ၦဂဲလိၫဖိၪစအဟံၭၥိၫဖ့ လၭစဒၫဝံၭအၡၩ ဒုၭကိၪ့ဆၧလဂၩ လၧအအီၪလၧ ဒိၩ့ဂဲလိၫအဖၧၩ့ လၧအလုထၪ့ဆၧလဖၪ အဘိၩ့ဘၭ လီၫ. တၭဆၧပိၩ့ထၪ့ဆၧနီၪဆီၪ့ဝ့ၫ, အဂဲးဘဲၫယီၩၦ နုၬလၧစအၭဘစလၧၫ့အစူၪဖၧၩ့နီၪ အၪထၪ့ဝ့ၫလထံၪ ဎးလီၫ.
13 အၥီၫ့လဂၩဂဲၫလၧစဒၫဝံၭအအီၪတၭ, စံၭဝ့ၫဒၪ, အံၫစရ့လၭအၡၩလဖၪ အၥၭအီၪလၧစအၭဘစလၧၫ့
14 အၥိၭလီၫ.- တၭစဒၫဝံၭစံၭအခ့ၫအၡၩထီးအလူၬ လၧ အအီၪလၧအၥိၭလၧယရုစလံၫ့အဖၧၩ့နီၪ ဂဲထုၪ့တၭ,မွဲ ပစဲၪ့ဖျိၭၡီၩ့ဆံၭ. အ့ၪလမွဲဘၪဘဲၫနီၪတၭ, ပဖီၩ့ဖျ့ၭ လၧစအၭဘစလၧၫ့အ့ၬး စဲၪ့ထၪ့ခွံၬချဲၫ့ချဲၫ့ဆံၭ. မိချႃၭ န့ရှုၭဘၪခိၬပၧၩတၭ, မိဒုၭဘၪပၧၩလၧဆၧအၧၩ့တၭ,
15 မိဖ့ၬခွံၬဒိၩ့လၧနၭအနါလီၫ.- တၭစဎွၩအခ့ၫအၡၩၥံၪ စံၭစဎွၩ,ယိခွါ, နခ့ၫနၡၩလဖၪ, ထီးဒၪယကဆါစဎွၩ မိစ့ၩရၫ့ဆၧလမံၩ့လါလါလီၫ.
16 စဎွၩစဲၪ့ထၪ့ဒဲအၡၩဂံၪ့ဖိၪထီးအလူၬ အီၪလၧအၥိၭ တၭ,စဎွၩအီၪက့ၪလၩ့ထးအၥံၪမၫဆံၫဂၩ ဘဲၫၥိၭအ
17 မိအီၪခိၭဂံၪ့နီၪလီၫ.- စဎွၩစဲၪ့ထၪ့ဒဲၦခမျၧးထီးအလူၬ အီၪလၧအၥိၭတၭ, အီၪထီလၧအလးအီၪယဲၩ့လီၫ.
18 တၭအခ့ၫအၡၩထီးအလူၬနီၪ လ့ၩလၧအနဲၩ့ထံၭတၭ, ၦခ့ၫရံၭဖိၪထီးအလူၬ, ဒဲၦပံလ့ၭဖိၪထီးအလူၬ, ဒဲၦဂံၭ တဲၭဖိၪထီးအလူၬ, ၦဎူၫယၩလၧအဂဲၫလၧအၥိၭလၧ
19 ဂၫၥၭအဖၧၩ့နီၪ လ့ၩဝ့ၫလၧစဎွၩအမ့ၬယၫလီၫ.- ထီး နီၪလဖၧၫ့ စဎွၩစံၭၦဂံၭတဲၭဖိၪ စအံၭတအဲၫ, နဝ့ၫဒၪ ယီၩမွဲဘၪနီၫလၧနလ့ၩဖိၬပခဲၫ့လဲၪ, ထဲၩ့ထဲၩ့လၧနလး တၭအီၪလၧစဎွၩအၥိၭဆံၭ. အဂဲးဘဲၫယီၩနမွဲၦလခီၫ ဘၩ့မုးဖိၪ, ဒဲၦဘၪဆၧနၫ့ထၪ့ခွံၬ လၧနလးဆ့လီၫ.
20 နဂဲၫလၧမုဂၪတဂၪနီၪ, ယမိအၪ့မၧၫ့နဂၭဝံၩ့ဝၩ့ဖိၬပခဲၫ့ လၧမုဆၫလနံၩယီၩဆ့ဧၪ, ယမိလ့ၩဆၧထီးဒၪယမိ လ့ၩနီၪ,ထဲၩ့ထဲၩ့နဝ့ၫတၭ, ထဲၩ့ဆိၬနထၧၫ့ဖုဝဲလဖၪ ဆံၭ. မွဲဆၧအခိးအတၩ, ဒဲဆၧမွဲဆၧတီၩအီၪလၧနၥိၭ
21 ဆံၭ.- စအံၭတအဲၫစံၭဆၧၫ့စဎွၩနီၪတၭ, စံၭဝ့ၫဒၪ, ယ ဟိဝၩမၧၫ့ဝ့ၫ, ဒဲယကဆါမၧၫ့ဝ့ၫ, ထီးဒၪအလးလၧက ဆါအီၪဝ့ၫလၧဆၧမၧၫ့အဖၧၩ့မွဲဂ့ၩ, လၧဆၧၥံၫအဖၧၩ့
22 မွဲဂ့ၩ, နခ့ၫနၡၩမိအီၪဝ့ၫ ထီးနီၪဆ့လီၫ.- စဒၫဝံၭစံၭ စအံၭတအဲၫ, လ့ၩဘီၪ, ခၫ့ဂၬဆၧဆံၭ. တၭၦဂံၭတဲၭ ဖိၪစအံၭတအဲၫနီၪလ့ၩခၫ့ဂၬဆၧ ဒဲအၡၩထီးအလူၬ,
23 ဒဲကယဲဖိၪဒံၩဖိၪၥၪလၧအအီၪလၧအၥိၭလီၫ.- ၦခးဖိၪ ထီးအလူၬဂၪ့ဝ့ၫ လၧအလူဖၭဒိၪတၭ, ၦခမျၧးခၫ့ဂၬ ဆၧထီးအလူၬ, ဒဲစဎွၩအနၫ့ဆါဒၪဝ့ၫနီၪခၫ့ဂၬထံၫချိၬ ကံၭဒၧၫ့တၭ, ၦထီးအလူၬခၫ့ဂၬဆၧ, တီၩလၧမံၩ့လၬ ကျၩအဖၧၩ့ၥၭနီၪလီၫ.
24 တၭယိခွါ, စဇၫဒီၭဆ့, ဒဲၦလံဝဲၫဖိၪထီးအလူၬအီၪ လၧအၥိၭ, ဆိၬယွၩအဆၧအုၩ့လၩ့အတလၫနီၪ, အဝ့ၫ ၥံၪအီၪက့ၪလၩ့ ယွၩအတလၫတၭ, စအဘဲအၥၫလ့ၩ ထၪ့,ထီးၦခမျၧးထီးအလူၬစဲၪ့ထၪ့ခွံၬလၧဒိၩ့ဖၧၩ့လူၬ
25 ဝ့ၫလီၫ.- တၭစဎွၩစံၭစဇၫဒီၭ, ထဲၩ့ဆိၬယွၩအတလၫ နီၪလၧဒိၩ့ဖၧၩ့ဆံၭ. ယအ့ၪဘၪခိးဘၪတၩလၧယဟိ ဝၩအမ့ၬယၫတၭ, အဝ့ၫဒၪမိဒုၭဂဲၫထဲၩ့ထဲၩ့ယၧၩတၭ,
26 မိဒုၭနဲၪယၧၩ လၧအဝ့ၫနီၪ, ဒဲအအီၪအလးလီၫ.- မွဲ လါနၫ့အဝ့ၫဒၪအ့ၪစံၭဘဲၫယီၩ, လဘၪဘၪယၥၭဒဲနၧၩ နီၪ,ယိခွါ,ယၧၩလီၫ. မွဲအမၩယၧၩထီးအဂ့ၩလၧအ
27 မ့ၬယၫဆံၭ.- တၭစဎွၩစံၭၦလုဆၧစဇၫဒီၭ, နမွဲၦဒၪ ဆၧလၧယၫမွဲအ့ၬဧၪ. ထဲၩ့ထဲၩ့လၧဒိၩ့ဖၧၩ့မုၬမုၬဒဲန ဖိၪခွၫနံၫဂၩလၧနၥိၭ, နဖိၪခွၫစအဟံမအၭ, ဒဲစအဘဲ
28 အၥၫအဖိၪခွၫစစၪ့နၥၧၫ့နီၪဆံၭ.- ယိခွါဘီၪ ယမိအီၪ လၧၡါမုနၧၫ့ဖၫအဆၧပျၩ့ဖၧၩ့ ထီးဆၧချဲၩ့ဂဲၫလၧနၥံၪ
29 အအီၪလၧအမိဒုၭနဲၪယဆၧလီၫ.- အခိးမွဲစဇၫဒီၭဒဲ စအဘဲအၥၫ, ဂဲၫဆိၬထဲၩ့ယွၩအတလၫလၧယရုစလံၫ့ အဖၧၩ့တၭ, အဝ့ၫၥံၪအီၪထီးနီၪလီၫ.
30 စဒၫဝံၭလ့ၩထၪ့ခိၪလီၩ့အလဲအိၫ့အလီၩ့တၭ, လ့ၩ ဝ့ၫလခီၫဂၪ့ဝ့ၫလခီၫ ဒဲအီၪလၧအခိၪဎွံၪချႃၬဘံၭအၥၭ ဒဲလ့ၩဆၧလၧအခၪ့အီၪဘိၪ့, ဒဲကယဲၦခမျၧးလၧအအီၪ လၧအၥိၭထီးအလူၬနီၪ, ချႃၬဘံၭအခိၪဎွံၪကိၭဂၩဒ့ၭ တၭ,အဝ့ၫၥံၪလ့ၩထၪ့ဝ့ၫနီၪ, လ့ၩထၪ့ဝ့ၫလခီၫဂၪ့ဝ့ၫ
31 လခီၫလီၫ.- တၭၦလီၩဘၪစဒၫဝံၭ, စံၭဝ့ၫဒၪ,စအဟံၭ ၥိၫဖ့လၭအီၪဝ့ၫ လၧၦပိၩ့ထၪ့ဆၧအကျၩ, လၧစအၭ ဘစလၧၫ့အၥိၭနီၪလီၫ. တၭစဒၫဝံၭစံၭဝ့ၫဒၪ, ယဟိ ဝၩဧ့,ဒုၭကဲၪထၪ့လါစအဟံၭၥိၫဖ့လၭအဆၧကိၪ့လၧ ဆၧပျီၩပျီၩနီၪဆံၭ.
32 တၭဆၧမၩအၥၭ ထီးစဒၫဝံၭဂဲၫထီၩ့လၧဆၧဒၩ့ခိၪ ထီးအဘိၪ့ထၪ့ဘၩထၪ့ယွၩအလးတၭ, ယိခွါ, ၦအၫ ခဲၫဖိၪစဟုၡ့ၫဂဲၫထၪ့အၪ့ဂၬအဝ့ၫ အီၪလၧအဆဲၫ့ယၬ,
33 ဒဲဂၪ့ခိၪအမုၬအီၪလၧအခိၪဎွံၪလီၫ.- စဒၫဝံၭစံၭအဝ့ၫ, နအ့ၪလ့ၩဆၧလၧယၥိၭတၭ, နမိကဲၪထၪ့ဆၧယိၭအ
34 ဎၧၫ့လၧယဂးလီၫ.- အ့ၪမွဲနအ့ၪထဲၩ့လၧဒိၩ့ဖၧၩ့တၭ, စံၭစအၭဘစလၧၫ့ယမိကဲၪထၪ့နခ့ၫနၡၩ, စဎွၩဧ့,ယ မွဲနဖါအခ့ၫအၡၩ လၧဖျိၩ့လံၩလံၩတၭ, ဘိၩ့နဲၪ့ယီၩ ယမိကဲၪထၪ့နခ့ၫနၡၩဆ့တၭ, ထီးနီၪလဖၧၫ့နမိမၩဂၭ ဂီၩ့ဘၪစအဟံၭၥိၫဖ့လၭ အဆၧကိၪ့နီၪလၧယဂးလီၫ.
35 တၭၦလုဆၧစဇၫဒီၭ, ဒဲစအဘဲအၥၫအီၪလၧနၥိၭထီး နီၪ,မွဲအ့ၬဧၪ. တၭကယဲဆၧလၧနမိနါဂၧၫ့ဘၪလၧစဎွၩ အဂံၪ့ဖၧၩ့လမံၩ့လါလါနီၪ ဆၧမိမၩအၥၭလၧနမိဘၪ
36 လီၩထဲၩ့ၦလုဆၧစဇၫဒီၭ ဒဲစအဘဲအၥၫလီၫ.- ယိခွါ, အဝ့ၫၥံၪအဖိၪခွၫနံၫဂၩ အီၪလၧအဝ့ၫၥံၪအၥိၭထီးနီၪ, စဇၫဒီၭအဖိၪခွၫစအဟံမအၭ, ဒဲစအဘဲအၥၫအဖိၪခွၫ စစၪ့နၥၧၫ့တၭ, နၥံၪမိဘၪဖ့ၪယုယၧၩလၧကယဲဆၧလၧ နၥံၪနါဂၧၫ့လၧအဝ့ၫၥံၪအစူၪဖၧၩ့လီၫ.
37 စဒၫဝံၭအထံၩအၥိၭ စဟုၡ့ၫဂဲၫနုၬလၧဒိၩ့ဖၧၩ့တၭ, စအၭဘစလၧၫ့ဂဲၫနုၬလၧယရုစလံၫ့အဖၧၩ့လီၫ.