27
1 တၭစဒၫဝံၭစံၭဝ့ၫလၧအၥၭခံဖၧၩ့, လၧမုလနံၩနံၩ နီၪယၥၭမိလူၬ လၧစစီလူၫအစူၪဖၧၩ့လီၫ. ဆၧအဂ့ၩ လၧယဂးအီၪန့ၫယစဲၪ့ဖီၩ့ဖျ့ၭဆၧချဲၫ့ချဲၫ့ ထီၩ့လၧၦဖ လံၡၫဖိၪအခးဖၧၩ့လီၫ. တၭစစီလူၫမိယိလါလၧၩ့ယ ဖၧၩ့ၥၭအ့ၬ. မွဲအအၪ့ဎၬလၧၩ့ယၧၩ လၧအံၫစရ့လၭ အခးနဲၩ့ထံၭလဖၪအ့ၬ. တၭယမိဖီၩ့ဖျ့ၭလၧအစူၪဖၧၩ့
2 လီၫ.- စဒၫဝံၭဂဲထုၪ့တၭ, လ့ၩခၫ့ဂၬဆၧလၧၦၡၩဎူၫ ယၩလၧအအီၪ လၧအၥိၭဖိးလၧဂၫၥၭအစဎွၩစမၫ
3 အီၭအဖိၪခွၫစအၫခ့ၭအအီၪလီၫ.- စဒၫဝံၭအီၪဝ့ၫလၧ စအၫခ့ၭလၧဂၫၥၭအဖၧၩ့, အဝ့ၫဒၪဒဲအၡၩလဖၪ, လ ဂၩလၧအၡၩဂံၪ့ဖိၪ, လဂၩလၧအၡၩဂံၪ့ဖိၪလီၫ. တၭ စဒၫဝံၭအီၪ လၧအမၫနံၫဂၩ, ၦယ့ၭစရ့လၭဖိၪ နးအ ဟံၫ့နိၫအၫ့ ဒဲၦကၫမလ့ၭဖိၪ နးအၭဘဂၫလၭ စနၫဘ
4 လၭအမၫနီၪလီၫ.- ၦလီၩဘၪစစီလူၫလၧစဒၫဝံၭစဲၪ့ထၪ့ ဖိးလၧဂၫၥၭအဖၧၩ့တၭ, အဝ့ၫဒၪအၪ့ဎၬလၧၩ့ဝ့ၫအ့ၬ.
5 စဒၫဝံၭစံၭစအၫခ့ၭ ယအ့ၪဘၪခိးဘၪတၩလၧနမ့ၬ ယၫတၭ, ဖ့ၪလၫ့ယလးလၧတဝၫ့ဖၧၩ့ လၧမံၩ့လၬကျၩ လစီၪ့စီၪ့, ဘဲၫၥိၭယမိအီၪဘၪထီးနီၪဆံၭ. အဂဲးဘဲၫ ယီၩနခ့ၫနၡၩမိအီၪလၧနၥိၭ လၧစဎွၩအဒိၩ့ဖၧၩ့နီၪ, မွဲ
6 ဘၪလဲၪ.- ထီးနီၪလဖၧၫ့ စအၫခ့ၭ ဖ့ၪလၫ့ဝ့ၫလၧဇံ လၭလၧမုလနံၩနီၪလီၫ. မၩအၥၭဘဲၫနီၪတၭ, ဇံလၭ ဘၪဆဲၫ့လၧယုဒၫအစဎွၩလဖၪ ထီးမုဆၫလနံၩယီၩ
7 လီၫ.- တၭမုနံၩလဖၪ လၧစဒၫဝံၭအီၪဝ့ၫလၧၦဖလံၡၫ ဖိၪအခးဖၧၩ့နီၪအီၪဝ့ၫလနံၪ့ ဒဲလၩလံဘံၪ့လီၫ.
8 တၭစဒၫဝံၭဒဲအၡၩလ့ၩနုၬ လၧၦဂ့ၭရှုၫဖိၪအကျၩ, ဒဲၦဂံဇၧၫဖိၪအကျၩ, ဒဲၦအၫမလ့ၭဖိၪအကျၩလီၫ. အ ဂဲးဘဲၫယီၩ လၧဖျိၩ့အဝ့ၫၥံၪနီၪ မွဲၦခးဖိၪထီးနလ့ၩဖိး
9 လၧၡၧၫ,ဒဲလၧခးအံဇံၭလီၫ.- စဒၫဝံၭဖ့ၬခွံၬ ၦခးဖိၪ နီၪတၭ,ၦမုၪမွဲဂ့ၩ, ၦခွၫမွဲဂ့ၩ, အီၪက့ၪလၩ့ထးမၧၫ့ဝ့ၫ နးဂၩအ့ၬ. တၭထဲၩ့ဆိၬခွံၬၥိၪၥံၪဘ့ၪၥံၪ, ဒဲချီဖၫၥံၪ,ဒဲ ကၥ့ၪယီၩ့ၥံၪ, ဒဲကလအူၭၥံၪ, ဒဲဆၧအကီၩ့အၥိၭတၭ,
10 ထဲၩ့ထဲၩ့ဝ့ၫလၧစအၫခ့ၭအအီၪလီၫ.- တၭစအၫခ့ၭစံၭ စဒၫဝံၭ, နၥံၪမၩဘုၪ့ဖျီၫ့ဆၧလၧမုဆၫလနံၩယီၩခီၫခီၫ လဲၪ,တၭစဒၫဝံၭစံၭဝ့ၫဒၪ, လၧယုဒၫမုခံၫ့လခီၫ, ဒဲလၧ ၦယ့ၫရမံၫအ့လၭဖိၪလၧမုခံၫ့လခီၫ ဒဲလၧၦကံၫ့နဲၭဖိၪ
11 လၧမုခံၫ့လခီၫလီၫ.- တၭၦမုၪမွဲဂ့ၩ, ၦခွၫမွဲဂ့ၩ,စဒၫဝံၭ ဒုၭမၧၫ့ဝ့ၫဘဲၫၥိၭအမိဂဲၫလၧ ဂၫၥၭနးဂၩအ့ၬ. စံၭဝ့ၫ ဒၪ,မိဒုၭနဲၪဘၪခိၬဆၧလၧပဂဲးပကၠီၪ့တၭ, စံၭစဒၫဝံၭ မၩဘဲၫနီၪလီၫ. တၭမိမၩဝ့ၫဘဲၫနီၪဘဲၫအထူၫအရူၫအ ၥိၭနီၪကိၭမုနံၩမုနၩဒ့ၭလၧအအီၪဝ့ၫ လၧၦဖလံၡၫဖိၪ
12 အခးဖၧၩ့နီၪလီၫ.- စအၫခ့ၭနီၪနဲၩစဒၫဝံၭတၭ, စံၭဝ့ၫ ဒၪ,အဝ့ၫဒၪမၩယူၭ ဘဲၫအံၫစရ့လၭ အဆၨၩဒၪဝ့ၫ မိၥၭလိၪတၡါအဝ့ၫလီၫ. မၩအၥၭဘဲၫနီၪတၭ မိဘၪ ကဲၪထၪ့ဝ့ၫလၧယခ့ၫယၡၩ လၩ့ဆိၩလၩ့ကၠၪလီၫ.