28
1 တၭဆၧမၩအၥၭလၧမုနံၩလဖၪနီၪ ၦဖလံၡၫဖိၪဒုၭ အီၪကိၩ့အီၪကီၪ့အၥုၭမုခမျၧး လၧဒုၭဆၧအဂး,ဘဲၫ ၥိၭအမိဒုၭၥုၭလၧအံၫစရ့လၭလီၫ. တၭစအၫခ့ၭစံၭစ ဒၫဝံၭ,ၥ့ၪယၫတၡါလၧ နမိဘၪလ့ၩထၪ့ဒုၭဆၧလၧယ
2 ၥိၭနဝ့ၫဒၪဒဲနၡၩၥံၪလီၫ.- စဒၫဝံၭစံၭစအၫခ့ၭ, မွဲမၬ, နမိၥ့ၪယၫဆၧလၧနခ့ၫနၡၩမိမၩဘၪလီၫ. တၭစအၫ ခ့ၭစံၭစဒၫဝံၭ, မၩအၥၭဘဲၫနီၪတၭ, ယမိအီၪက့ၪနၧၩ လၧၦယိယခိၪဎွံၪကိၭမုနံၩမုနၩဒ့ၭလီၫ.
3 စစၫမုၫအ့လၭၥံၫယူၭတၭ, အံၫစရ့လၭထီးအလူၬ ဂၪ့ဝ့ၫလၧအကၠီၩ့တၭ, ခုၪ့လၩ့ဘၧၩ့ခွံၬဝ့ၫ လၧရၫမၫ လၧအဒိၩ့ဒၪဝ့ၫအဖၧၩ့လီၫ. တၭၦလၧဆၧနၪအီၪလၧ အလီၩ့လဖၪ, ဒဲဆၧယူၬလဖၪနီၪ စစီလူၫၥုၭခွံၬယူၭ လၧထံၫၥံၪခးၥံၪအဖၧၩ့လီၫ.
4 ၦဖလံၡၫဖိၪအီၪကိၩ့အီၪကီၪ့တၭ, လ့ၩၥုၪ့တဲၩလၧ ရှုနံၫ့အဖၧၩ့နီၪတၭ, စစီလူၫဒုၭအီၪကိၩ့အီၪကီၪ့အံၫ စရ့လၭထီးအလူၬတၭ, အဝ့ၫၥံၪၥုၪ့တဲၩလၧဂံၫလဘိ
5 အၫအလီၩ့လီၫ.- ထီးစစီလူၫဒၪဘၪၦဖလံၡၫဖိၪအၥုၭ မုခမျၧးတၭ, ၥၭမဲၪၥၭဖျဲၩ့ဆၧတၭ, အၥၭဝၭထိၬဒိၪ
6 မၬလီၫ.- တၭထီးစစီလူၫအၪ့စၪ့ဆၧလၧ ယဟိဝၩ လၧဆၧမံၫမးမွဲဂ့ၩ, လၧယုရံၫ့မွဲဂ့ၩ, လၧမီၪလဖၪမွဲဂ့ၩ,
7 ယဟိဝၩစံၭဆၧၫ့ဝ့ၫအ့ၬ.- တၭစစီလူၫစံၭအခ့ၫအ ၡၩ,အၪ့ဎၬန့ယၧၩ လၧၦမုၪလၧဆၧနၪအီၪ လၧအ လီၩ့လဂၩ,ဘဲၫၥိၭ ယမိလ့ၩဆၧလၧအအီၪ ဒဲအၪ့စၪ့ ဆၧလၧအဝ့ၫဒၪဘီၪ. တၭအခ့ၫအၡၩစံၭအဝ့ၫ, ယိ ခွါ, ၦမုၪလၧဆၧနၪအီၪလၧအလီၩ့ အီၪဝ့ၫလၧအံၪ့ဒီၫ လဂၩလီၫ.
8 စစီလူၫမၩလၩ့မဲၩအၥၭတၭ, ၥိၭဆၧအကီၩ့အၥိၭ အဂူၫဂၩနီၪ, လ့ၩဝ့ၫတၭ, ၦနံၫဂၩလ့ၩလၧအၥိၭတၭ, လ့ၩထီၩ့လၧၦမုၪအအီၪ လၧမုနၩလခီၫလီၫ. တၭစံၭ ဝ့ၫဒၪ,အၪ့ဖၩ့ဆၧလၧယဂး လၧဆၧနၪနီၪအကၠီၩ့တၭ, ဒုၭဂဲၫထၪ့ၦလဂၩနီၪ လၧယဂးလၧယမိလီၩဘၪနၧၩ
9 နီၪဆံၭ.- တၭၦမုၪနီၪစံၭအဝ့ၫ,ယိခွါ, ဆၧလၧစစီလူၫ မၩယူၭလၧအဒၪ့ထ့ၬခွံၬ ၦလၧဆၧနၪအီၪလၧအလီၩ့ လဖၪ,ဒဲဆၧယူၬလဖၪ လၧထံၫၥံၪခးၥံၪအဖၧၩ့နီၪနၥ့ၪ ယၫလီၫ. မၩအၥၭဘဲၫနီၪတၭ နအီၪက့ၪဖျံၩခွၩ့လၧယ
10 ၥၭမၧၫ့အဂးဘဲၫၥိၭယမိဘၪၥံၫနီၪ, မွဲဘၪလဲၪ.- စစီ လူၫဆိၪလၩ့အၥၭ လၧအဝ့ၫ လၧယဟိဝၩအမ့ၬယၫ တၭ,စံၭဝ့ၫဒၪ, ယဟိဝၩမၧၫ့ဝ့ၫတၭ, ဆၧဒဲၩဘၭမိဘၪ
11 နၧၩလၧဆၧယီၩအကၠီၩ့နးမံၩ့အ့ၬ.- ထီးနီၪလဖၧၫ့ၦ မုၪနီၪစံၭဝ့ၫဒၪ, ယမိဘၪဒုၭဂဲၫထၪ့ပလၫ လၧနဂးလ ဂၩလဲၪ.တၭအဆၧစံၭဝ့ၫဒၪ, ဒုၭဂဲၫထၪ့စစၫမုၫအ့ လၭလဂၩနီၪလၧယဂးဘီၪ.
12 ထီးၦမုၪနီၪဒၪဘၪစစၫမုၫအ့လၭတၭ, ကိၭၡၭထၪ့ လၧအလူဖၭဒိၪတၭ, ၦမုၪနီၪချဲၩ့ဆၧလၧစစီလူၫတၭ, စံၭဝ့ၫဒၪ, နအၪ့လီၫန့ယၧၩမွဲဘၪလဲၪ, နဝ့ၫဒၪနမွဲစစီ
13 လူၫလီၫ.- တၭစဎွၩစံၭအဝ့ၫ, ၥၭမဲၪဆၧလဂ့ၩ, အဂဲး ဘဲၫယီၩနဒၪဆၧနီၪလမံၩ့လဲၪ. တၭၦမုၪနီၪစံၭစစီလူၫ,
14 ယဒၪဘၪကဆါဂဲၫထၪ့ လၧဂၪ့ခိၪလၬလီၫ.- တၭအ ဝ့ၫဒၪစံၭအဝ့ၫအခံးအဂၩ့ဘဲၫၥ့ၪလဲၪ. တၭၦမုၪနီၪစံၭ ဝ့ၫဒၪ,ၦၥၭၡါလဂၩဂဲၫထၪ့လုၬဘံၭအၥၭ လၧဖၬဘဲၩ့ လဘံၪ့လီၫ. တၭစစီလူၫၥ့ၪယၫဝ့ၫလၧအမွဲစစၫမုၫအ့ လၭတၭ, ၡီၫ့လၩ့အခိၪထီၩ့လၧဂၪ့ခိၪတၭထွံၩလၩ့အ ၥၭလီၫ.
15 တၭစစၫမုၫအ့လၭစံၭစစီလူၫ နမၩခိမၩဝီၩယၧၩ ဘဲၫၥိၭနမိဒုၭဂဲၫထၪ့ယၧၩမွဲဘၪလဲၪ. တၭစစီလူၫစံၭ ဆၧၫ့ဝ့ၫဒၪ,ယဘၪဆၧခိဆၧဝီၩဒိၪမၬလီၫ. အဂဲးဘဲၫ ယီၩၦဖလံၡၫဖိၪ ဒုၭဆၧလၧယၧၩတၭ, ယွၩစဲၪ့ဒၪယူၭ ယၧၩယူၭတၭ, လၧမီၪလဖၪမွဲဂ့ၩ, လၧဆၧမံၫမးမွဲဂ့ၩ, စံၭဆၧၫ့လၧၩ့ယၧၩအ့ၬ. အခိးမွဲဘဲၫနီၪတၭ, ယကိၭ ထၪ့ယူၭနၧၩဘဲၫၥိၭယမိဘၪမၩ ဘဲၫၥ့ၪလဲၪဘဲၫၥ့ၪလဲၪ
16 နီၪ,နမိဒုၭၥ့ၪယၫယၧၩလီၫ.- တၭစစၫမုၫအ့လၭစံၭဝ့ၫ ဒၪ,မွဲလၧယဟိဝၩစဲၪ့ဒၪယူၭနၧၩနီၪ, ကဲၪထၪ့ယူၭနဒုၪ
17 နဒၩတၭ, နအၪ့စၪ့ယၧၩမွဲဘၪလဲၪ.- ယဟိဝၩမၩလၧ အဂး ဘဲၫအချဲၩ့ဆၧလၧယစူၪဖၧၩ့အၥိၭနီၪလီၫ. အ ဂဲးဘဲၫယီၩ ယဟိဝၩ ထုၭထၪ့ခွံၬယူၭဘၩ့ၥံၪမုးၥံၪ နီၪလၧနစူၪဖၧၩ့တၭ, ဖ့ၪလၫ့ခွံၬယူၭ လၧၦလၧနနဲၩ့
18 ထံၭ,စဒၫဝံၭနီၪယူၭ.- အဂဲးဘဲၫယီၩ မွဲနလခိၭနၪဘၪ ယဟိဝၩအလူအထၫတၭ, လမၩဘၪဘဲၫအၥၭထၪ့ ဆီၪ့လၧအၫမလ့ၭအလီၩ့နီၪတၭ, အခိးမွဲယဟိဝၩမၩ
19 ယူၭနၧၩလၧဆၧယီၩလၧမုလနံၩယီၩလီၫ.- တၭယဟိ ဝၩမိဖ့ၪလၫ့ခွံၬအံၫစရ့လၭဒဲနၧၩ လၧၦဖလံၡၫဖိၪအ စူၪဖၧၩ့တၭ, ကဲဂီၩခိၬနီၪနဝ့ၫဒၪ ဒဲနဖိၪခွၫလဖၪမိအီၪ လၧယၥိၭလီၫ. ယဟိဝၩမိဖ့ၪလၫ့ခွံၬဆ့ အံၫစရ့လၭ အၥုၭမုခမျၧးလၧ ၦဖလံၡၫဖိၪအစူၪဖၧၩ့လီၫ.
20 စစီလူၫလၩ့ထံၩဖါ ထၧၫ့ဂၩယၫလၧဂၪ့ခိၪတၭ, ၥၭ မဲၪဆၧဒိၪဒိၪလ့ၬလၧစစၫမုၫအ့လၭ အဆၧချဲၩ့အကၠီၩ့ လီၫ.ဆၧအဂဲးအဘၭ လအီၪဘၪလၧအဖၧၩ့း အဂဲး ဘဲၫယီၩမုလနံၩနီၪၥံၫ့နံၩချီၩ့, ဒဲၥၫ့နၩချီၩ့နီၪအၪ့ဆၧ
21 နးမံၩ့အ့ၬ.- ၦမုၪနီၪဂဲၫဝ့ၫလၧစစီလူၫအအီၪတၭ, ဒၪ ဘၪဝ့ၫလၧအဘၪခိဘၪဝီၩ ဒိၪဒိၪလ့ၬတၭ, စံၭအဝ့ၫ, ယိခွါ,နဎီးမုၪခိၭနၪနလူတၭ, ယအီၪက့ၪယၥၭမၧၫ့ လၧယစူၪဖၧၩ့တၭ, ယခိၭနၪယူၭဆၧချဲၩ့လၧနချဲၩ့ဆၧ
22 လၧယၧၩယူၭ.- တၭဘိၩ့နဲၪ့ယီၩ ခိၭနၪလါနဝ့ၫလၧ နဎီးမုၪအလူတၭ, ဒုၭအီၪက့ၪယၧၩလၧကိၪလလီၪ့လၧ နမ့ၬယၫတၭ, အၪ့ဆၧဘဲၫၥိၭထီးနလ့ၩဖိၬနဖၧၩ့ၥၭနီၪ,
23 နမိအီၪလၧနဂဲးနဘၭနီၪဆံၭ.- မွဲလါနၫ့အဝ့ၫဂဲးလိၬဝ့ၫ တၭစံၭဝ့ၫဒၪ, ယအၪ့အ့ၬ. မွဲလါနၫ့အခ့ၫအၡၩဒဲၦမုၪ နီၪမၩဆီၪ့အဝ့ၫတၭ, ခိၭနၪအဝ့ၫၥံၪအလူလီၫ. တၭဂဲ ထုၪ့ဝ့ၫလၧဂၪ့ခိၪတၭ, ဆၧၫ့နၩ့လၧလးမံၫ အဖၫ့ခိၪ
24 လီၫ.- ၦမုၪနီၪအီၪလၧချီဖိၪအဘီၪ့လဒုၩနီၪ, မၩဝ့ၫချဲၫ့ ချဲၫ့တၭ,မၩန့ကိၪမုၬတၭ, ဘံၭဝ့ၫတၭ, အၪ့ဎိၪကိၪလ
25 လဲၩဎုၬဘၪလၧမံၪလၧအဝ့ၫနီၪလီၫ.- ဂဲၫဆိၬအီၪက့ၪ ဝ့ၫလၧစစီလူၫအမ့ၬယၫ, ဒဲလၧအခ့ၫအၡၩအမ့ၬယၫ တၭ,အဝ့ၫၥံၪအၪ့ဝ့ၫလီၫ. ထီးနီၪလဖၧၫ့အဝ့ၫၥံၪ,ဂဲ ထုၪ့တၭ,စဲၪ့ထၪ့ခွံၬလၧ မုလနၩနီၪလီၫ.