26
1 ၦဇံဖၭဖိၪဂဲၫဝ့ၫလၧစစီလူၫအအီၪ လၧဂံၭဘအၫ အဖၧၩ့တၭ, စံၭဝ့ၫဒၪ, စဒၫဝံၭအီၪက့ၪၥူၪအၥၭလၧခိၪ လီၩ့ဟၭခဲၫလၫအလီၩ့ လၧအအီၪလၧယ့ၭၡမၧၫ့အ
2 မ့ၬယၫမွဲအ့ၬဧၪ.- ထီးနီၪလဖၧၫ့ စစီလူၫဂဲထုၪ့တၭ, လ့ၩလၩ့လၧၡါမုနၧၫ့ဖၫဇံဖၭအီၪဝ့ၫ လၧၦဘၪဆၧရွံန့ ဝ့ၫလၧအံၫစရ့လၭအကျၩၥၧၫ့ထီၫ့, ဘဲၫၥိၭအမိအၪ့ဎၬ
3 စဒၫဝံၭလၧၡါမုနၧၫ့ဖၫဇံဖၭလီၫ.- တၭစစီလူၫၥုၪ့တဲၩ လၧခိၪလီၩ့ဟၭခဲၫလၫအလီၩ့ လၧအအီၪလၧယ့ၭၡ မၧၫ့အမ့ၬယၫလၧဖၧၩ့ၥၭလီၫ. အ့ၪမွဲစဒၫဝံၭအီၪလၧ မံၩ့လၬကျၩတၭ, ဒၪဘၪဝ့ၫလၧစစီလူၫဂဲၫလီၩ့ဆီးဝ့ၫ
4 လၧမံၩ့လၬကျၩနီၪလီၫ.- တၭစဒၫဝံၭအၪ့မၧၫ့လၩ့ၦ လ့ၩယိၥူၪဆၧတၭ, ၥ့ၪယၫဝ့ၫလၧစစီလူၫဂဲၫတၡါလီၫ.
5 စဒၫဝံၭဂဲထုၪ့တၭ, ဂဲၫထီၩ့ဆၧအလးလၧစစီလူၫ ၥုၪ့တဲၩတၭ,စဒၫဝံၭဒၪဘၪဆၧအလးထီးစစီလူၫ, ဒဲၦ ၥုၭမုအခိၪစနၧၫအဖိၪခွၫစအၭဘနၧၫမံၫဝ့ၫတၭ, စစီလူၫ မံၫလၧအဝၩ့ဖၧၩ့တၭ, ၦခမျၧးၥုၪ့တဲၩဝၬဖီၩ့ဝ့ၫလီၫ.
6 ထီးနီၪလဖၧၫ့စဒၫဝံၭချဲၩ့ဆၧတၭ, စံၭၦဟံၥၭဖိၪစအ ဟံမလ့ၭ,ဒဲနးဇ့ၫရုၫအဲအၫအဖိၪခွၫ စယိအၭအထၧၫ့ ဖုဝဲစအၭဘၡဲၫတၭ, စံၭဝ့ၫဒၪ,မွဲပလၫမိလ့ၩလၧယၥိၭ လၧစစီလူၫအအီၪလၧၦၥုၪ့တဲၩ အလးဖၧၩ့နီၪလဂၩ လဲၪ.တၭစအၭဘၡဲၫစံၭဝ့ၫဒၪ, ယမိလ့ၩယဝ့ၫလၧန ၥိၭလီၫ.
7 အခိးမွဲစဒၫဝံၭ ဒဲစအၭဘၡဲၫဂဲၫလၧၦခမျၧးအအီၪ လၧမုနၩလခီၫတၭ,ယိခွါ, စစီလူၫမံၫမၪလၧအဝၩ့ဖၧၩ့ တၭ,အဖၩ့လဘံၪ့ဆ့ၭလၩ့အၥၭလၧ ဂၪ့ခိၪဖၧၩ့လၧအ ခိၪခုၪ့အနဲၩ့တၭ, စအၭဘနၧၫဒဲၦခမျၧးမံၫဝၬဖီၩ့ဝ့ၫ
8 လီၫ.- ထီးနီၪလဖၧၫ့စအၭဘၡဲၫစံၭစဒၫဝံၭ ဆၧလၧမု လနံၩယီၩယွၩဖ့ၪလၫ့ခွံၬ နဒုၪနဒၩ လၧနစူၪဖၧၩ့လီၫ. တၭဘိၩ့နဲၪ့ယီၩယအၪ့ယၫနၧၩ ဒုၭဆ့ၭလါယၧၩလၧ အဝ့ၫလၧဖၩ့ထီးအဘုၭထၬလၧဂၪ့ခိၪ လထံၪဎးဆံၭး
9 တၭယမိဆ့ၭထဲၩ့ဝ့ၫနံၫထံၪလထံၪအ့ၬ.- တၭစဒၫဝံၭ စံၭစအၭဘၡဲၫ, ထီးမၩဂၭဂီၩ့အဝ့ၫလဂ့ၩ, အဂဲးဘဲၫ ယီၩၦလၧအယၩ့ထၪ့အစူၪ လၧၦလၧအဒိၭဂုၪအၥၭ လဂၩနီၪအဖၫ့ခိၪတၭ, အဆၧဒဲၩဘၭလအီၪဘၪနီၪမွဲ
10 ပလၫလဂၩလဲၪ.- တၭစဒၫဝံၭစံၭဒံၭ, ယဟိဝၩမၧၫ့ဝ့ၫ, ယဟိဝၩမိဖ့ၬခွံၬဝ့ၫလီၫ. မုနံၩလၧအၥံၫမိဘၪဝ့ၫနီၪ, အ့ၪလမွဲဘၪဘဲၫနီၪတၭ, မိလ့ၩလၩ့လၧဆၧဒုၭၥုၭအ
11 ကျၩတၭ,မိဂၭဂီၩ့ဂၭစၪလီၫ.- ယယၩ့ထၪ့ယစူၪထၫ့ ဒုၪဒၩယဟိဝၩအၡၩဒိၭဂုၪအၥၭလဂၩနီၪ, မွဲယဟိဝၩ ပဒၩ့ထၬဆံၭ. အ့ၪမွဲဘိၩ့နဲၪ့ယီၩ မၩန့လါဖၩ့နီၪလ ဘံၪ့လၧအအီၪလၧအခိၪခုၪ့အနဲၩ့ထံၭ ဒဲထံၫပလၫ့လ
12 ဖျိၪ့နီၪတၭ,ပမိထဲၩ့ထဲၩ့ၡီၩ့ဘီၪ.- အခိးမွဲစဒၫဝံၭမၩန့ ဖၩ့လဘံၪ့, ဒဲထံၫပလၫ့လဖျိၪ့လၧစစီလူၫအခိၪခုၪ့နဲၩ့ တၭ,ထဲၩ့ထဲၩ့ဝ့ၫနီၪၦဒၪဘၪဝ့ၫမွဲဂ့ၩ, ၥ့ၪယၫဝ့ၫမွဲဂ့ၩ, နၪ့အၥၭမွဲဂ့ၩ, နးဂၩအ့ၬး အဂဲးဘဲၫယီၩအဝ့ၫၥံၪမံၫ မၪဝ့ၫကိၭဂၩဒ့ၭလီၫ. အဂဲးဘဲၫယီၩ ဆၧမံၫမၪယိၬ လၧယဟိဝၩနီၪ ဂဲၫလၩ့ဘၪအဝ့ၫၥံၪလီၫ.
13 စဒၫဝံၭလ့ၩထၪ့ဝ့ၫလၧဝါလခီၫတၭ, ဆၧၫ့ထုၪ့လၧ ခိၪလီၩ့ဒၩ့ခိၪအီၪဝ့ၫယဲၩ့ယိၬး အလးဖၭလဲအီၪဝ့ၫလၧ
14 အဝ့ၫၥံၪအဘိၩ့ဆၧၩ့နီၪလီၫ.- စဒၫဝံၭကိၭထၪ့ၦခမျၧး, ဒဲၦၥုၭမုအခိၪစနၧၫအဖိၪခွၫ စအၭဘနၧၫတၭ, စံၭဝ့ၫ ဒၪ,စအၭဘနၧၫဧ့, နစံၭဆၧၫ့အ့ၬဧၪ. ထီးနီၪလဖၧၫ့ စအၭဘနၧၫစံၭဆၧၫ့ဆၧတၭ, စံၭဝ့ၫဒၪ, ၦလၧအကိၭ
15 ထၪ့စဎွၩနဝ့ၫဒၪယီၩနမွဲပလၫလဂၩလဲၪ.- တၭစဒၫဝံၭ စံၭစအၭဘနၧၫ, နမွဲၦခွၫလမွဲဘၪဧၪ. တၭလၧအံၫစရ့ လၭအဆၨၩကျၩနီၪ မွဲပလၫလၩ့ဂၬဘဲၫနၧၩအၥိၭလ ဂၩလဲၪ.နကဆါစဎွၩနီၪ, နလအီၪခိၭဘၪ မွဲဘၪလဲၪ. အဂဲးဘဲၫယီၩ ၦလၧၦခမျၧးအကျၩလဂၩ ဂဲၫနုၬဘဲၫ
16 ၥိၭအမိမၩဂၭဂီၩ့နကဆါစဎွၩလီၫ.- ဆၧလၧနမၩလ မံၩ့နီၪဂ့ၩအ့ၬ. ယဟိဝၩမၧၫ့ဝ့ၫနၥံၪကြၨၭၥံၫလီၫ. အ ဂဲးဘဲၫယီၩနၥံၪအီၪခိၭနၥံၪအကဆါ ယဟိဝၩအၡၩ ဒိၭဂုၪအၥၭလဂၩနီၪအ့ၬ. တၭဘိၩ့နဲၪ့ယီၩ, စဎွၩအ ဖၩ့,ဒဲထံၫပလၫ့လဖျိၪ့ လၧအအီၪဝ့ၫလၧအခိၪခုၪ့အ နဲၩ့ထံၭနီၪမွဲအအီၪခီၫခီၫလဲၪ, ယိခွါဘီၪ.
17 စစီလူၫၥ့ၪယၫစဒၫဝံၭအလူတၭ, စံၭဝ့ၫဒၪ,အယီၩမွဲ နလူဧၪ, ယဖိၪခွၫစဒၫဝံၭဧ့း တၭစဒၫဝံၭစံၭဝ့ၫဒၪ, ယ
18 ကဆါစဎွၩဧ့, မွဲယလူလီၫ.- တၭစံၭဝ့ၫဒၪ,ယကဆါ လီၩ့အခ့ၫအၡၩဘဲၫနီၪ မွဲဘၪလဲၪ. အဂဲးဘဲၫယီၩမွဲ ယမၩဆၧနီၪလမံၩ့လဲၪး ဒဲဆၧအၧၩ့အီၪလၧယစူၪဖၧၩ့
19 မွဲဆၧနီၪလမံၩ့လဲၪ.- တၭဘိၩ့နဲၪ့ယီၩ မွဲစဎွၩယက ဆါခိၭနၪလါအခ့ၫအၡၩအလူဆံၭ. ယဟိဝၩအ့ၪထိၪ ဂဲၩနၧၩထၫ့ဒုၪဒၩယၧၩတၭ မွဲအထိးဆၧၫ့ဆၧမၩဘိၪ့ ဆံၭ. အ့ၪမွဲၦၡၩဖိၪခွၫတၭ, ဘၪဆၧဆိၪအၧၩ့လၧယ ဟိဝၩအမ့ၬယၫဆံၭ အဂဲးဘဲၫယီၩ အဝ့ၫၥံၪနၫ့ထၪ့ ခွံၬယူၭယၧၩလၧမုဆၫလနံၩယီၩ လၧယဟိဝၩအဆၧ န့ၥၫအဖၧၩ့တၭ, စံၭဝ့ၫ, လ့ၩမၩယွၩအဂူၫဂၩအဆၧ
20 ဆံၭ.-တၭဘိၩ့နဲၪ့ယီၩမွဲယၥွံၪထီးလၩ့ဘၪလၧဂၪ့ခိၪ ချိၫ့လၧယဟိဝၩအမ့ၬယၫလဂ့ၩး အဂဲးဘဲၫယီၩအံၫ စရ့လၭအစဎွၩဂဲၫအၪ့ဎၬထွံၪချႃၫလဘံၪ့ ဘဲၫၦလ့ၩ လီၩ့ထိၪဝံၪလၧခိၪလီၩ့ အလီၩ့အၥိၭနီၪလီၫ.
21 တၭစစီလူၫစံၭဝ့ၫဒၪ, ယမၩမၪဘၪယူၭဆၧယူၭ, ထဲၩ့ထဲၩ့ဆံၭ. ယဖိၪခွၫစဒၫဝံၭဧ့, အဂဲးဘဲၫယီၩယ မၩအၧၩ့လၧၩ့နၧၩအ့ၬ. အဂဲးဘဲၫယီၩ ယၥၭမၧၫ့မွဲဆၧ လူဒိၪဎွ့ၩဒိၪ လၧနမ့ၬယၫ လၧမုဆၫလနံၩယီၩလီၫ. ယိခွါ,ယကဲၪယူၭၦဂီၩ့ဖိၪတၭ, မၩမၪဘၪဆၧဒိၪမၬ
22 လီၫ.- စဒၫဝံၭစံၭဆၧၫ့ဆၧတၭ, စံၭဝ့ၫဒၪ,ယိစဎွၩအဖၩ့ ဘီၪ,ဒုၭဂဲၫစိၩၦဖိၪၥၪခွၫနးဂၩ ဘဲၫၥိၭအမိဂဲၫမၩန့ဝ့ၫ
23 ဘီၪ.- တၭမွဲယွၩဖ့ၪဆၧၫ့ၦအဆၧတီၩဆၧလီၩ့ဒဲအလူ တီၩကိၭဂၩဒ့ၭဆံၭ. အဂဲးဘဲၫယီၩ ယဟိဝၩဖ့ၪလၫ့ နၧၩလၧယစူၪဖၧၩ့လၧမုဆၫလနံၩယီၩလါနၫ့ဘိၩ,ယ ယၩ့ထၪ့ယစူၪလၧယဟိဝၩအၡၩ ဒိၭဂုၪအၥၭလဂၩ
24 အလီၩ့အ့ၬ.- တၭယိခွါ, ဘဲၫဆၧအီၪက့ၪဒိၪနၥၭမၧၫ့ လၧမုဆၫလနံၩယီၩ လၧယမ့ၬယၫအၥိၭနီၪတၭ, ဘဲၫ နီၪအၥိၭမွဲဆၧအီၪက့ၪဒိၪယၥၭမၧၫ့ လၧယဟိဝၩအ မ့ၬယၫ,ဒဲမၩဖီၩ့မၩဖျ့ၭယၧၩ လၧကယဲဆၧၡၪ့ဆၧနၭ ထီးအလူၬဆံၭ.
25 တၭစစီလူၫစံၭစဒၫဝံၭ, ယဖိၪခွၫစဒၫဝံၭဧ့,မွဲနဘၪ ဆၧဆိၪဂ့ၩဆံၭ. နမိမၩဆၧအဒိၪအယိၬတၭ, မၩစၪ ဒံၭဆၧလီၫ. တၭစဒၫဝံၭလ့ၩဆၧတၭ, စစီလူၫထဲၩ့ထဲၩ့ ဝ့ၫလၧအလးဒၪဝ့ၫနီၪလီၫ.