25
1 စစၫမုၫအ့လၭၥံၫဝ့ၫတၭ, ၦအံၫစရ့လၭဖိၪအီၪကိၩ့ အီၪကီၪ့တၭ, ဂၪ့ဝ့ၫလၧအကၠီၩ့တၭ, ခုၪ့လၩ့ဘၧၩ့ခွံၬ ဝ့ၫလၧအဂံၪ့အီၪလၧရၫမၫအဖၧၩ့နီၪလီၫ. တၭစဒၫဝံၭ ဂဲထုၪ့တၭ, လ့ၩလၩ့လၧၡါမုနၧၫ့ဖၫပၫရၫ့နီၪလီၫ.
2 ၦလဂၩအီၪဝ့ၫလၧမၫအၧၫ့ လၧအစူၪလးအခၪ့ခိၪ အီၪထီးကၫမလၭအဖၧၩ့တၭ, ၦလဂၩနီၪမွဲၦအလၩဒိၪ အဖၩ့ဒိၪတၭ,အီၪလၧၥိၪလဖၪၥၧၫ့ထီၫ့, ဒဲဘ့ၪလဖၪလ ထီၫ့တၭ,မွဲအထံၬအၥိၪအဆီၪ့ လၧကၫမလၭအဖၧၩ့
3 နီၪလီၫ.- တၭၦလဂၩနီၪအမံၩ့မွဲစနၫဘလၭတၭ,အမၫ အမံၩ့မွဲနးအၭဘဂၫလၭလီၫ. မွဲၦမုၪလၧအၥၭဆၭဂ့ၩ တၭ,အမ့ၬအခံးအဂၩ့ဎံၫလၩဝ့ၫလီၫ. အ့ၪမွဲၦခွၫလ ဂၩနီၪမွဲၦအကၪ, ဒဲမၩဆၧအၧၩ့တၭ, မွဲစကၫလ့ၭအ
4 ၡၩဂံၪ့ဖိၪလီၫ.- တၭစဒၫဝံၭနါဂၧၫ့ဝ့ၫ လၧၡါမုနၧၫ့ဖၫ
5 လၧစနၫဘလၭထံၬအၥိၪအဆီၪ့လီၫ.- စဒၫဝံၭအၪ့မၧၫ့ လၩ့ၦဖိၪၥၪခွၫဆံၫဂၩတၭ, စံၭၦဖိၪၥၪခွၫလဖၪနီၪ, လ့ၩထၪ့လၧကၫမလၭတၭ, လ့ၩလၧစနၫဘလၭအအီၪ
6 ချဲၩ့ဒုၪ့အဝ့ၫလၧယမံၩ့ဆံၭ.- တၭနၥံၪမိဘၪစံၭၦလၧ အမၧၫ့နီၪဘဲၫယီၩ, မွဲဆၧဘၪလိၬအိၭလိၬအီၪလၧနၧၩ, ဒဲဆၧဘၪလိၬအိၭလိၬအီၪလၧနၡၩဂံၪ့ဖိၪ, ဒဲဆၧဘၪ
7 လိၬအိၭလိၬအီၪလၧကယဲဆၧအီၪလၧနၧၩဆံၭ.- တၭ ဘိၩ့နဲၪ့ယီၩ ယနါဂၧၫ့လၧနအီၪ လၧၦထံၬၥိၪအဆီၪ့ လဖၪလီၫ. တၭဘိၩ့နဲၪ့ယီၩနၡၩယိၥိၪၥံၪလၧအအီၪ လၧပၥိၭနီၪ, ၦမၩအၧၩ့အဝ့ၫၥံၪအ့ၬ. တၭမုနံၩလၧ အအီၪဝ့ၫလၧကၫမလၭအလီၩ့ထီးအလူၬနီၪ, အဆၧ လၩ့မါဘၪနးမံၩ့အ့ၬ. အၪ့စၪ့နၡၩဖိၪၥၪခွၫလဖၪဘီၪ,
8 တၭအဝ့ၫၥံၪမိဒုၭနဲၪနၧၩလီၫ.- တၭမွဲၦဖိၪၥၪခွၫလဖၪ ဘၪခိးဘၪတၩလၧနမ့ၬယၫဆံၭ. အဂဲးဘဲၫယီၩ ပဂဲၫ လၧမုအဂ့ၩလနံၩလီၫ. ဆၧလၧနစူၪဒၪန့ဘၪလဖၪနီၪ ဖ့ၪလၫ့လါနခ့ၫနၡၩ ဒဲနဖိၪခွၫစဒၫဝံၭနီၪဆံၭ.
9 ထီးစဒၫဝံၭအၡၩဖိၪၥၪခွၫလဖၪ လ့ၩထီၩ့တၭ,လီၩ ဘၪစနၫဘလၭဘဲၫကယဲဆၧချဲၩ့ ထီးအလူၬအၥိၭနီၪ
10 လၧစဒၫဝံၭအမံၩ့တၭ, အီၪထီဝ့ၫလီၫ.- စနၫဘလၭစံၭ ဆၧၫ့စဒၫဝံၭအခ့ၫအၡၩတၭ,စံၭဝ့ၫဒၪ, စဒၫဝံၭနီၪမွဲပ လၫလဂၩလဲၪ. စယ့ၭစံၫအဖိၪခွၫနီၪ မွဲပလၫလဂၩလဲၪ. လၧမုနံၩလဖၪယီၩ ဆၧအဎီးအၡၩ လၧအစဲၪ့ထၪ့ခွံၬ ဝ့ၫလၧအကဆါအအီၪနီၪ အီၪဝ့ၫအၪဂၩဆုၬဆုၬလီၫ.
11 ၦလၧအဂဲၫခီၫခီၫလဲၪ, ခီၫခီၫလဲၪနီၪ, ယလၥ့ၪယၫဘၪ တၭ,ယမိမၩန့ယကိၪဒဲယထံၫ, ဒဲယဆၧယၪလၧယ မၩၥံၫဝ့ၫလၧယၡၩထံၬၥိၪအဆီၪ့အဂးနီၪတၭ, ဖ့ၪလၫ့
12 အဝ့ၫၥံၪနီၪ, မွဲအကြၨၭဆ့ဧၪ.- တၭစဒၫဝံၭအၡၩဖိၪ ၥၪခွၫနီၪကၠၪထဲၩ့အၥၭ လၧအဖၧၩ့ၥၭတၭ, ထဲၩ့ထဲၩ့ ဝ့ၫတၭ,လီၩဘၪအဝ့ၫ လၧကယဲဆၧချဲၩ့ လဖၪနီၪ
13 လီၫ.- တၭစဒၫဝံၭစံၭ အၡၩလဖၪ, ခဲးထၬနၥံၪအနၭ ကိၭအဂၩဒ့ၭဆံၭ. အဝ့ၫၥံၪ ခဲးထၬအနၭ ကိၭအဂၩ ဒ့ၭတၭ,စဒၫဝံၭခဲးထၬအနၭဆ့တၭ, ၦလ့ၩထၪ့ဖိၬစဒၫ ဝံၭအခဲၫ့ဖိၭဘိၭလံယၩတၭ, ၦနံၫယၩအီၪဝ့ၫလၧဆၧ ဖိၪဆၧလံၩလီၫ.
14 တၭဖိၪၥၪခွၫလဂၩစံၭစနၫဘလၭအမၫ နးအၭဘဂၫ လၭ,ယိခွါ, စဒၫဝံၭအၪ့မၧၫ့လၩ့အၥီၫ့လဖၪ ဂဲၫလၩ့ လၧၡါမုနၧၫ့ဖၫနီၪ, ဘဲၫၥိၭအမိချဲၩ့ဒုၪ့ပကဆါတၭ,အ
15 ဝ့ၫဒၪဒုၪဒွ့ၪဆၧလီၫ.- တၭၦၡၩလဖၪနီၪ မၩဂ့ၩပၧၩ ဒိၪမၬလီၫ.တၭကယဲမုနံၩ လၧအအီၪလၧပၥိၭထီးအ လူၬလၧပအီၪလၧမံၩ့လၬကျၩနီၪ, ပဒၪဘၪဆၧအၧၩ့
16 အ့ၬ.- ဒဲပဆၧလၩ့မါနးမံၩ့ဆ့အ့ၬး အဝ့ၫၥံၪကဲၪထၪ့ ဆၧအဒီၪ့လၧပဂး, လၧမုဆၫဆၫမုနၩနၩကိၭမုနၩဒ့ၭ,
17 လၧပယူၬၥိၪလၧအဝ့ၫၥံၪအၥိၭလီၫ.- ဘိၩ့နဲၪ့ယီၩယ ၥ့ၪယၫတၭ, ယိဆီၫ့မီၪ့လၧနမိမၩဘဲၫၥ့ၪလဲၪ,ဘဲၫၥ့ၪ လဲၪနီၪဆံၭ. အဂဲးဘဲၫယီၩ ဆၧကိၪ့ဆၧအၧၩ့ထၫ့ဒၩ ပကဆါ,ဒဲအၡၩဂံၪ့ဖိၪထီးအလူၬလီၫ. အဂဲးဘဲၫယီၩ အဝ့ၫမွဲၦဘၫအလၭဖိၪလဂၩ ထီးၦချဲၩ့ဒုၪ့ဘၪအဝ့ၫ ၥ့ၪအ့ၬ.
18 ထီးနီၪလဖၧၫ့ နးအၭဘဂၫလၭမၩဆၧချဲၫ့ချဲၫ့တၭ, မၩန့ကိၪအလီၪ့နံၫယၩ, ဒဲစဘံၭထံၫဎွ့ၩထိၪ့ဆၧဖံၭနံၫ ဖျိၪ့,ဒဲၥိၪတဲၩ့ဝဲၩအၥၭယဲဒုၩ, ဒဲဘုၪဖီးယဲနၬ, ဒဲစဘံၭ ၥၪဎဲၫ့အဆူၭလယၩ, ဒဲချိၪ့ဒိၩ့ၥၪအလီၪ့ပၪပဲၪနံၫယၩ တၭ,အီၪက့ၪဝ့ၫ လၧကၥ့ၪယီၩ့လဖၪ အဖၫ့ခိၪလီၫ.
19 တၭစံၭအခ့ၫအၡၩနီၪ လ့ၩလၧယမ့ၬယၫဆံၭ. တၭယိ ခွါ,ယဂဲၫလၧနၥံၪအလးခဲၫ့လီၫ. တၭဒုၭနဲၪအဝၩစနၫ
20 ဘလၭအ့ၬ.- ထူၬကၥ့ၪယီၩ့တၭ, ဆၧမၩအၥၭလၧအ လ့ၩလၩ့လၧအလးကဒုၩလၧခိၪလီၩ့တၭ, ယိခွါ,စဒၫ ဝံၭဒဲအၡၩလဖၪနီၪဂဲၫထၫ့ဒၩဝ့ၫတၭ, ၦမုၪနီၪဘၪခီၩ့ အဝ့ၫၥံၪလီၫ.
21 စဒၫဝံၭစံၭယူၭ,မွဲမၬ, ယယိကယဲၦလဂၩယီၩအ ဆၧဖိၪဆၧလံၩ လၧမံၩ့လၬကျၩထီးအဆၧလလၩ့မါ ဘၪနးမံၩ့ပျီၩပျီၩလီၫ. တၭအဝ့ၫ ဖ့ၪလၫ့ယၧၩဆၧ
22 အၧၩ့လၧဆၧဂ့ၩအဂးလီၫ.- လၧကယဲဆၧလၧအဘၪ ဆဲၫ့လၧအဝ့ၫအကျၩနီၪ, ထီးဆၧဖၩ့ထၪ့တၭ, ယအ့ၪ အီၪက့ၪလၩ့ထးၦအခွၫလဂၩဂၩနီၪ, မွဲယွၩမၩစဒၫဝံၭ အဒုၪအဒၩလဖၪဘဲၫနီၪ, ဒဲအၪနဲၪ့အနီၪဆံၭ.
23 ထီးနးအၭဘဂၫလၭ ဒၪဘၪစဒၫဝံၭတၭ, မၩဝ့ၫချဲၫ့ ချဲၫ့တၭ,စဲၪ့လၩ့လၧကၥ့ၪယီၩ့အလီၩ့ ၡီၫ့လၩ့အၥၭ
24 လၧစဒၫဝံၭအမ့ၬယၫတၭ, ထွံၩလၩ့,- တၭၡီၫ့လၩ့အ ၥၭလၧအခၪ့ထံၭတၭ,စံၭဝ့ၫဒၪ, မွဲဆၧအၧၩ့လမံၩ့ယီၩ ဘၪယၧၩဆံၭး ကဆါဧ့, ဒုၭချဲၩ့လါနဎီးမုၪ လၧနနါ
25 ဖၧၩ့တၭ,ခိၭနၪနဎီးမုၪအဆၧချဲၩ့နးထံၪဘီၪ.- မွဲယက ဆါထီးထီးနဲၪ့ၦဘၫအလၭဖိၪ စနၫဘလၭလဂၩနီၪလ ဂ့ၩ.အဂဲးဘဲၫယီၩ ဘဲၫအမံၩ့အၥိၭ, အနၫ့ဆါမွဲဘဲၫ နီၪၥိၭလီၫ.အမံၩ့မွဲနၫဘလၭတၭ, ဆၧဂီၩ့အီၪလၧအ ဝ့ၫဒၪလီၫ. အ့ၪမွဲနဎီးမုၪယဝ့ၫဒၪယီၩ,ယကဆါအၡၩ
26 ဖိၪၥၪခွၫလၧနအၪ့မၧၫ့လၩ့ဝ့ၫနီၪယဒၪဘၪအ့ၬ.- တၭ ဘိၩ့နဲၪ့ယီၩယကဆါဧ့, ယဟိဝၩမၧၫ့ဝ့ၫ, ဒဲနၥၭမၧၫ့ ဝ့ၫ,ဒဲယဟိဝၩပဒၩ့ထၬယူၭနၧၩ, ဘဲၫၥိၭနထီးဂဲၫလၧ ဆၧၥွံၪလဂ့ၩ ဒဲဆၧကိၪ့မၩအၧၩ့နၧၩနီၪ, နထီးမၩဆၧၫ့ လၧနစူၪဒၪနဝ့ၫလဂ့ၩတၭ, ဘိၩ့နဲၪ့ယီၩနဒုၪနဒၩ,ဒဲၦ လၧအအၪ့ဎၬဆၧအၧၩ့ လၧယကဆါအဂးလဖၪနီၪ,
27 မွဲအမၩအၥၭဘဲၫစနၫဘလၭအၥိၭနီၪဆံၭ.- တၭဘိၩ့ နဲၪ့ယီၩဆၧဆိၪဂ့ၩလၧနဎီးမုၪ ဂဲၫဆိၬလၧယကဆါ အအီၪယီၩ,ဒုၭမၩန့လၧၦဖိၪၥၪခွၫ လၧအဖိၬယကဆါ
28 အခဲၫ့လဖၪနီၪအဂးဆံၭ.- ဖျါခွံၬလါနဎီးမုၪအဆၧမၪ ဆံၭ.အဂဲးဘဲၫယီၩ, ယဟိဝၩမၩယကဆါအဂံၪ့ခၧၫ့ အဎၫ့ခၧၫ့တၡါလီၫ. အဂဲးဘဲၫယီၩယကဆါဒုၭယဟိ ဝၩအဆၧဒုၭလဖၪတၭ, ဆၧဒၪန့ဆၧအၧၩ့ လၧနစူၪ
29 ဖၧၩ့လၧနနံၩနၥၫ့အဖၧၩ့အ့ၬ.- မွဲလါနၫ့ၦလဂၩဂဲထုၪ့ တၭ,လီၩ့ဆီးနၧၩနီၪ, အၪ့ဎၬနၥၭမၧၫ့လီၫ. မွဲလါနၫ့ ယကဆါအၥၭမၧၫ့မိအီၪဘီၪ့ထၬအၥၭ လၧဆၧမၧၫ့အ ဆၧဘီၪ့ဖၧၩ့အီၪလၧယဟိဝၩနယွၩအၥိၭလီၫ. အ့ၪမွဲ နဒုၪနဒၩအၥၭမၧၫ့လဖၪနီၪ, မိခွံၬထၪ့ခွံၬဝ့ၫဘဲၫလၧဖ
30 လီအၥၭခံဖၧၩ့အၥိၭနီၪလီၫ.- တၭထီးယဟိဝၩမၩယ ကဆါဘဲၫကယဲဆၧဂ့ၩ လၧအချဲၩ့ဆၧလၧနဂဲးနကၠီၪ့ အၥိၭနီၪ,ဒဲအီၪက့ၪထၪ့ယူၭနၧၩ ၦပၧၩ့အံၫစရ့လၭဂီၩ့
31 တၭ,- ဆၧမိမၩအၥၭလၧအလးလအီၪဘၪတၭ, နလ ဂါလၩ့ဘၪဆၧၥွံၪမွဲဂ့ၩ, ယကဆါလမၩဆၧၫ့ဘၪဆၧ အၧၩ့လၧအနၫ့ဆါဒၪဝ့ၫမွဲဂ့ၩ, ဆၧယီၩလကဲၪထၪ့ဘၪ ဆၧဘၪထၧၩ့ဘၪထံၭအလးမွဲဂ့ၩ, ဆၧၥုၪ့ခိၥၭဝီၩအ လးမွဲဂ့ၩလၧယကဆါအဂးနီၪ, အ့ၪမွဲထီးယဟိဝၩ အ့ၪမၩဂ့ၩယကဆါအထီနီၪတၭ, ထီးနီၪလဖၧၫ့နၪ့ ထၪ့ထဲၩ့နကဆါအဎီးမုၪဆံၭ.
32 တၭစဒၫဝံၭစံၭနးအၭဘဂၫလၭ, မွဲယဟိဝၩအံၫစရ့ လၭအယွၩလၧအအၪ့မၧၫ့နဂဲၫဆီးယၧၩ လၧမုဆၫလ နံၩယီၩဘၪဆၧစံၭထၪ့အၪ့အူၭဝ့ၫဆံၭ.-
33 နဆၧကိၪ့နီၪ မွဲအဘၪဆၧဆိၪဂ့ၩဆံၭ. ၦပဒၩ့ထၬယဂဲၫလၧဆၧၥွံၪ, ဒဲယနၫ့ဆါမၩဆၧၫ့ဆၧအၧၩ့ လၧယစူၪဒၪယဝ့ၫလၧမု ဆၫလနံၩယီၩ,နဝ့ၫဒၪလဂၩ, မွဲနဘၪဆၧဆိၪဂ့ၩဆံၭ.
34 တၭယဟိဝၩအံၫစရ့လၭအယွၩ မၧၫ့ဝ့ၫလၧအပဒၩ့ယ မၩအၧၩ့နၧၩနီၪ, မွဲတၡါလၩ့ထံးလၩ့ဆ့ၭနအ့ၪလဂဲၫ ဆီးဘၪယၧၩချဲၫ့ချဲၫ့တၭ, မွဲမၬထီးဆၧဖၩ့ထၪ့နီၪ,ဆၧ ဘၪဆဲၫ့လၧစနၫဘလၭၦအခွၫၥံၪ လၧအအီၪဖျဲၪလၧ
35 အဂးနီၪ,အီၪလၩ့ထးဘၪနးဂၩအ့ၬ.- စဒၫဝံၭမၩန့ဆၧ လၧအဝ့ၫနီၪဂဲၫဆိၬ လၧအစူၪဖၧၩ့တၭ,စံၭဝ့ၫထဲၩ့ထဲၩ့ လၧနဂံၪ့မုၬမုၬဆံၭ. ယိခွါ,ယခိၭနၪယူၭနလူ, ဒဲယထိး ဆၧၫ့ယူၭနနၫ့ဆါယူၭ.
36 နးအၭဘဂၫလၭ ထဲၩ့ထဲၩ့လၧစနၫဘလၭ အအီၪ တၭ,ယိခွါ, အဝ့ၫမၩဆၧအၪ့ဆၧအီၩလၧအဂံၪ့ဖၧၩ့, ဘဲၫစဎွၩအဆၧအၪ့ဆၧအီၩအၥိၭနီၪတၭ, စနၫဘလၭ ၥၭဎွံၫလၧအဖၧၩ့နီၪး အဂဲးဘဲၫယီၩ အီၩမၧၩ့အၥၭဒိၪ မၬလီၫ.အခိးမွဲဆၧအဆံၭမွဲဂ့ၩ, ဆၧအဒိၪမွဲဂ့ၩ, မု လချႃၭဆဲၪ့ထၪ့ဒံၭဘၪနီၪ လီၩဘၪအဝ့ၫ လၧဆၧနး မံၩ့အ့ၬ.
37 အ့ၪမွဲထီးမုဆဲၪ့ထၪ့နီၪ ထီးစဘံၭထံၫစဲၪ့ထၪ့ခွံၬလၧ စနၫဘလၭအဖၧၩ့တၭ, ဆၧမၩအၥၭ လၧအမၫလီၩ ဘၪဝ့ၫလၧဆၧလဖၪနီၪ ထီးအလူၬတၭ, အၥၭၥံၫဝ့ၫ လၧအဖၧၩ့တၭ, ကဲၪထၪ့ဝ့ၫဘဲၫလိးအၥိၭနီၪလီၫ.
38 လၧခဲၫ့ဖိၭဘိၭဆံၫနံၩနီၪ, ဆၧမၩအၥၭ လၧယဟိ
39 ဝၩကျီၪ့စနၫဘလၭတၭ, ၥံၫဝ့ၫဒၪလီၫ.- ထီးစဒၫဝံၭနါ ဂၧၫ့လၧစနၫဘလၭၥံၫဝ့ၫတၭ, စံၭဝ့ၫဒၪ,ယဟိဝၩလၧ အချဲၩ့ခွးဘၪဆဲၫ့ လၧဆၧဒုၪဒွ့ၪယၧၩ လၧစနၫဘလၭ အစူၪဖၧၩ့,ဒဲပဒၩ့အခ့ၫအၡၩ မၩဆၧအၧၩ့လဂၩနီၪ,မွဲ အဘၪဆၧစံၭထၪ့အၪ့အူၭဝ့ၫဆံၭ. အဂဲးဘဲၫယီၩယ ဟိဝၩဒုၭဘၪထဲၩ့ယူၭစနၫဘလၭ အဆၧအၧၩ့လၧအ ခိၪဒၪဝ့ၫအလီၩ့လီၫ. တၭစဒၫဝံၭအၪ့မၧၫ့ ၦလ့ၩချဲၩ့ ဆၧလၧနးအၭဘဂၫလၭ လၧအမိမၩန့ဝ့ၫလၧအမၫအ ဂဲးအကၠီၪ့လီၫ.
40 ထီးစဒၫဝံၭအခ့ၫအၡၩ ဂဲၫလၧနးအၭဘဂၫလၭအ အီၪလၧကၫမလၭအဖၧၩ့တၭ, ချဲၩ့ဆၧလၧအဝ့ၫတၭ, စံၭဝ့ၫဒၪ, စဒၫဝံၭအၪ့မၧၫ့ပဂဲၫ လၧနအီၪဘဲၫၥိၭဆၧမိ
41 မၩနၧၩလၧအဝ့ၫဒၪအမၫအဂးလီၫ.- ၦမုၪနီၪဂဲထုၪ့ ၡီၫ့လၩ့အမ့ၬထီၩ့လၧဂၪ့ခိၪတၭ, စံၭဝ့ၫဒၪ, ယိခွါ,အီၪ က့ၪနဎီးမုၪ လၧၦၥူၫဝၭယကဆါအခ့ၫအၡၩၥံၪအခၪ့
42 နီၪဘီၪ.- နးအၭဘဂၫလၭဂဲထုၪ့ချဲၫ့ချဲၫ့တၭ, ထူၬကၥ့ၪ ယီၩ့,အီၪလၧအဖိၪၥၪမုၪယဲဂၩ လၧအဖိၬအခဲၫ့တၭ, ထဲၩ့ဖိၬစဒၫဝံၭအၥီၫ့ၥံၪအခဲၫ့တၭ, ကဲၪထၪ့ဝ့ၫလၧအ
43 မၫလီၫ.- တၭစဒၫဝံၭမၩန့ၦယ့ၭစရ့လၭဖိၪ နးအဟံၫ့ နိၫအၫ့တၭ, အဝ့ၫၥံၪကဲၪထၪ့အမၫနံၫဂၩလူၬလီၫ.
44 အ့ၪမွဲစစီလူၫဖ့ၪလၫ့ယူၭအဖိၪမုၪနးမဲခၫလၭ, စဒၫဝံၭ အမၫ,လၧၦဂၫလံၫ့ဖိၪစလၫအံၭအဖိၪခွၫ စဖၫလတဲၫ နီၪလီၫ.