24
1 စစီလူၫလီၩ့ဆီးၦဖလံၡၫဖိၪနီၪ, ထီးအဂဲၫထဲၩ့ ထဲၩ့တၭ,ဆၧမၩအၥၭလၧၦဒုၭနဲၪအဝ့ၫတၭ, စံၭဝ့ၫဒၪ, ယိခွါစဒၫဝံၭအီၪလၧမံၩ့လၬကျၩ အံၪ့ဂံၫဒဲၫနီၪလီၫ.
2 ထီးနီၪလဖၧၫ့စစီလူၫမၩန့ ၦလၧဆၧရွံန့ဝ့ၫလၧအံၫစရ့ လၭထီးအလူၬအကျၩ ၥၧၫ့ထီၫ့တၭ, လ့ၩအၪ့ဎၬစဒၫ
3 ဝံၭဒဲအၡၩလဖၪလၧဘ့ၪမံၩ့အလဲၫ့လီၩ့လီၫ.- လ့ၩထီၩ့ ဝ့ၫလၧၥိၪအဖီၩ့လဖၪအီၪဝ့ၫ လၧဖၧၩ့ၥၭ,ထီးဆၧအိၩ ဖၧၩ့အီၪဝ့ၫတၭ, စစီလူၫလ့ၩနုၬဝ့ၫဘဲၫၥိၭအမိလုၬဘံၭ အခၪ့တၭ, စဒၫဝံၭဒဲအၡၩလဖၪ အီၪဝ့ၫလၧဆၧအိၩ
4 ဖၧၩ့အခိၪထိၭလီၫ.- တၭစဒၫဝံၭအၡၩလဖၪစံၭအဝ့ၫ, ယိခွါ,မုလနံၩလၧယဟိဝၩစံၭနၧၩ, ယိခွါ, ယမိဖ့ၪ လၫ့ခွံၬနဒုၪနဒၩ လၧနစူၪဖၧၩ့ ဘဲၫၥိၭနမိမၩဝ့ၫထီးဒၪ အဂ့ၩလၧနမ့ၬယၫလီၫ. တၭစဒၫဝံၭဂဲထုၪ့တၭ, ကူၭ
5 ထ့ၬၥူၪစစီလူၫ အဝိၬလိၫ့အခၪ့ထံၭလီၫ.- လၧခဲၫ့ထဲၩ့ တၭဆၧမၩအၥၭ လၧစဒၫဝံၭအၥၭအုၭထၪ့ဝ့ၫလၧအ
6 ကူၭထ့ၬစစီလူၫအဝိၬလိၫ့ အခၪ့ထံၭအကၠီၩ့လီၫ.- တၭ စံၭအၡၩၥံၪ, မွဲယဟိဝၩထီးဒုၭမၩယၧၩ လၧဆၧလ မံၩ့ယီၩလၧယကဆါ, ယဟိဝၩအခ့ၫအၡၩဒိၭဂုၪအ ၥၭလၧယမိယၩ့ထၪ့ယစူၪ ထၫ့ဒုၪဒၩဝ့ၫနီၪလဂ့ၩ. အ
7 ဂဲးဘဲၫယီၩမွဲယဟိဝၩ အၡၩဒိၭဂုၪအၥၭလီၫ.- စဒၫဝံၭ ပဒၩ့ထၬအၡၩ လၧဆၧချဲၩ့လဖၪနီၪတၭ, ဖ့ၪလၫ့အဂဲ ထုၪ့ထၫ့ဒုၪဒၩစစီလူၫအ့ၬ. စစီလူၫဂဲထုၪ့တၭ, စဲၪ့ထၪ့ ခွံၬလၧဆၧအိၩဖၧၩ့နီၪ, လ့ၩဖိၬအဖၧၩ့ၥၭလီၫ.
8 လၧခဲၫ့ထဲၩ့စဒၫဝံၭဂဲထုၪ့ဆ့တၭ, စဲၪ့ထၪ့ခွံၬလၧဆၧ အိၩဖၧၩ့တၭ, ကိၭထွ့ၫစစီလူၫတၭ, စံၭဝ့ၫဒၪ, ယက ဆါစဎွၩဧ့း ထီးစစီလူၫယိထဲၩ့အလးခဲၫ့နီၪတၭ, စဒၫ
9 ဝံၭၡီၫ့လၩ့အခိၪလၧဂၪ့ခိၪတၭထွံၩလၩ့ဝ့ၫလီၫ.- တၭ စဒၫဝံၭစံၭစစီလူၫ, နခိၭနၪၦၡၩအလူလၧအစံၭ,ယိခွါ,
10 စဒၫဝံၭအၪ့ဎၬမၩအၧၩ့နၧၩနီၪ, မွဲဘၪလဲၪ.- ယိခွါ,ဆၧ လၧမုဆၫလနံၩယီၩ နမ့ၬၥၪဒၪဘၪလၧယဟိဝၩဖ့ၪလၫ့ ခွံၬနၧၩလၧယစူၪဖၧၩ့ လၧဆၧအိၩဖၧၩ့တၭ, ၦၡၩစံၭ, မၩၥံၫနၧၩ, မွဲလါနၫ့ယလီၫ့ကီၩ့နၧၩတၭ, ယစံၭယ ယၩ့ထၪ့ယစူၪထၫ့ဒုၪဒၩ ယကဆါအ့ၬ. အဂဲးဘဲၫ
11 ယီၩမွဲယဟိဝၩအၡၩဒိၭဂုၪအၥၭလီၫ.- တၭ,ယဖါဧ့, ယိ,တၭယိခွါဘီၪ, နဝိၬလိၫ့အခၪ့ထံၭနီၪအီၪဝ့ၫလၧ ယစူၪဖၧၩ့လီၫ. မွဲယကူၭထ့ၬနဝိၬလိၫ့အခၪ့ထံၭတၭ, ယလမၩၥံၫဘၪနၧၩတၭ, ဆၧအၧၩ့, ဒဲဆၧမၪလအီၪ ဘၪလၧယစူၪဖၧၩ့, ဒဲယလမၩမၪဘၪနၧၩနီၪယိၥ့ၪယၫ နဝ့ၫဆံၭ. မွဲလါနၫ့ဘိၩ, နလီၩ့ယၥၭမၧၫ့ဘဲၫၥိၭနမိမၩ
12 န့ဝ့ၫလီၫ.- မွဲယဟိဝၩစ့ၩရၫ့ဆၧလၧနၧၩဒဲယၧၩအဘိၩ့ ဆၧၩ့တၭ, ယဟိဝၩမၩဆၧၫ့နၧၩ လၧဆၧအၧၩ့လၧ
13 ယဂးဆံၭ. အ့ၪမွဲယစူၪမိအီၪလၧနလီၩ့အ့ၬ.- ဘဲၫၦ မွံၩၦၡါအဆၧချဲၩ့ဒီၩ့စံၭဝ့ၫအၥိၭနီၪ, ဆၧအၧၩ့ဂဲၫထၪ့ လၧၦအၧၩ့ဖိၪလီၫ. အ့ၪမွဲယစူၪမိအီၪဘၪ လၧနလီၩ့
14 အ့ၬ.- အံၫစရ့လၭအစဎွၩအၪ့ဎၬ ပလၫလဂၩလဲၪ. န လီၩ့ဆီးပလၫလဂၩလဲၪး မွဲထွံၪ ၥံၫလဒုၩဧၪး မွဲထွံၪ
15 ချႃၫဧၪ.- အခိးမွဲဘဲၫနီၪတၭ, မွဲယဟိဝၩကဲၪထၪ့ၦ စ့ၩရၫ့ဆၧလၧယၧၩဒဲနၧၩအဘိၩ့ဆၧၩ့တၭ, ယိဆၧဒဲ ချဲၩ့န့ယခွးတၭ, မၩဖီၩ့မၩဖျ့ၭယၧၩလၧနစူၪဖၧၩ့နီၪဆံၭ.
16 တၭစဒၫဝံၭချဲၩ့ဆၧချဲၩ့လဖၪနီၪ လၧစစီလူၫဂီၩ့တၭ, ဆၧမၩအၥၭလၧစစီလူၫစံၭဝ့ၫဒၪ, ယဖိၪခွၫစဒၫဝံၭဧ့,
17 မွဲနလူဧၪ. စစီလူၫဒုၭၥီၫထၪ့အလူတၭဂၪ့ဝ့ၫလီၫ.- တၭ စံၭစဒၫဝံၭ, နတီၩနဲၪ့လီၩ့နဲၪ့ယၧၩဒံၭလီၫ. အဂဲးဘဲၫ ယီၩနဖ့ၪလၫ့ယၧၩလၧဆၧဂ့ၩ, အ့ၪမွဲယၧၩယီၩယဖ့ၪ
18 လၫ့နၧၩလၧဆၧအၧၩ့လီၫ.- ဆၧလၧမုဆၫလနံၩယီၩ နဒုၭနဲၪလၧနမၩဂ့ၩယူၭယၧၩလီၫ. အဂဲးဘဲၫယီၩလၧ ယဟိဝၩဖ့ၪလၫ့ခွံၬယူၭယၧၩလၧနစူၪဖၧၩ့နီၪ နမၩၥံၫ
19 ယၧၩအ့ၬ.- အဂဲးဘဲၫယီၩ ၦအ့ၪဒၪန့အဒုၪအဒၩတၭ, မိဖျါခွံၬဝ့ၫမုၬမုၬဆ့ဧၪ. တၭမွဲယဟိဝၩဖ့ၪလၫ့ကၪနၧၩ လၧဆၧဂ့ၩလၧဆၧလၧနမၩယၧၩ လၧမုဆၫလနံၩယီၩ
20 အကၠီၩ့ဆံၭ.- တၭဘိၩ့နဲၪ့ယီၩ, ယိခွါ, ယၥ့ၪယၫလၩ့ ထံးလၩ့ဆ့ၭလၧနမိကဲၪစဎွၩတၭ, အံၫစရ့လၭအဘၩ့
21 အမုးမိအီၪဂုးအီၪခၧၫ့လၧနစူၪဖၧၩ့လီၫ.- မၩအၥၭဘဲၫ နီၪတၭ, ဘိၩ့နဲၪ့ယီၩဆိၪလၩ့နၥၭလၧယၧၩလၧယဟိ ဝၩအမ့ၬယၫလၧနလဒၪ့ထ့ၬဘၪ ယချံၫယၥၪလၧယ လးခဲၫ့,ဒဲလၧနလမၩဂၭဂီၩ့ဘၪယမံၩ့ လၧယဖါအဂံၪ့ ဖၧၩ့ဘီၪ.
22 တၭစဒၫဝံၭဆိၪလၩ့အၥၭလၧစစီလူၫလီၫ. တၭစစီ လူၫထဲၩ့ထဲၩ့ဝ့ၫလၧအဂံၪ့တၭ, စဒၫဝံၭဒဲအၡၩလဖၪ လ့ၩထၪ့ဝ့ၫလၧထိၬဖၧၩ့နီၪလီၫ.