23
1 ထီးနီၪလဖၧၫ့ၦဒုၭနဲၪစဒၫဝံၭတၭ, စံၭဝ့ၫ,ယိခွါ,ၦ ဖလံၡၫဖိၪဒုၭဆၧလၧကဲလၫတၭ, မၩန့ဆီၪ့ဆၧအီၪလၧ
2 ခရဲးလဖၪအဖၧၩ့လီၫ.- အခိးမွဲစဒၫဝံၭအၪ့စၪ့ဆၧလၧ ယဟိဝၩတၭ,စံၭဝ့ၫဒၪ, ယမိဘၪလ့ၩဖ့ၬခွံၬၦဖလံၡၫ ဖိၪနီၪဆ့ဧၪ. တၭယဟိဝၩစံၭစဒၫဝံၭ, လ့ၩဖ့ၬခွံၬၦဖ
3 လံၡၫဖိၪၥံၪ, ဒဲမၩဖီၩ့မၩဖျ့ၭကဲလၫနီၪဆံၭ.- တၭစဒၫ ဝံၭအခ့ၫအၡၩစံၭအဝ့ၫ,ယိခွါ, ပအီၪထီးယုဒၫအဖၧၩ့ ယီၩပအၪ့ယိၪဆၧလီၫ. ၦအ့ၪလ့ၩဆၧလၧကဲလၫထၫ့ ဒုၪဒၩၦဖလံၡၫဖိၪအၥုၭမုနီၪ, မွဲအမိအၪနဲၪ့ဒံၭဆံၭအၪ
4 လဲၪ.- ထီးနီၪလဖၧၫ့စဒၫဝံၭအၪ့စၪ့ဒီၭ ဆၧလၧယဟိ ဝၩလီၫ. ယဟိဝၩစံၭဆၧၫ့တၭ, စံၭဝ့ၫ,ဂဲထုၪ့လ့ၩလၩ့ လၧကဲလၫဆံၭ. အဂဲးဘဲၫယီၩယမိဖ့ၪလၫ့ၦဖလံၡၫ
5 ဖိၪၥံၪလၧနစူၪဖၧၩ့လီၫ.- အခိးမွဲစဒၫဝံၭ, ဒဲအၡၩၥံၪ လ့ၩဖိးလၧကဲလၫတၭ, ဒုၭဆၧလၧၦဖလံၡၫဖိၪတၭ,ဂဲၫ ထဲၩ့ဆိၬအဆၧဖိၪဆၧဎါအဒိၩ့, ဒဲဖ့ၬခွံၬဝ့ၫလၧဆၧဖ့ၬ ခွံၬဖၭဒိၪတၭ, စဒၫဝံၭမၩဖီၩ့မၩဖျ့ၭ ၦကဲလၫဖိၪလီၫ.
6 တၭထီးစအဟံမလ့ၭအဖိၪခွၫ စအဘဲအၥၫနီၪစဲၪ့ ဝ့ၫလၧစဒၫဝံၭအအီၪလၧကဲလၫနီၪတၭ, ဆၧမၩအၥၭ လၧအဂဲၫလၩ့ဝ့ၫလၧအ့ဖိၭလဘံၪ့ အီၪလၧအစူၪဖၧၩ့ လီၫ.
7 တၭၦလီၩဘၪစစီလူၫလၧစဒၫဝံၭ ဂဲၫထီၩ့လၧကဲလၫ အဖၧၩ့လီၫ. တၭစစီလူၫစံၭဝ့ၫဒၪ, ယွၩဖ့ၪလၫ့ခွံၬယူၭ အဝ့ၫလၧယစူၪဖၧၩ့ယူၭ. အဂဲးဘဲၫယီၩ မွဲအလ့ၩနုၬ လၧဒိၩ့လဒိၩ့လၧအအီၪ လၧတရၫ့အဖၧၩ့,ဒဲတရၫ့အ နိၪဘီၩ့လဖၪတၭ, ဆၧကၭဘံၭထၬယူၭ အလးခဲၫ့
8 ယူၭ.- တၭစစီလူၫဒုၭအီၪကိၩ့အီၪကီၪ့ ၦခမျၧးထီးအ လူၬလၧအဒုၭၥုၭ, ဘဲၫၥိၭအမိလ့ၩလၩ့ လၧကဲလၫ တၭ,ဝၩ့ထၬစဒၫဝံၭဒဲအၡၩလဖၪလီၫ.
9 စဒၫဝံၭၥ့ၪယၫဝ့ၫလၧ စစီလူၫကိၪ့ၥူၪဆၧအၧၩ့ထၫ့ဒုၪ ဒၩဝ့ၫတၭ, စံၭၦလုဆၧစအဘဲအၥၫ, ဂဲၫဆိၬအ့ဖိၭလ
10 ဘံၪ့နီၪလၧယီၩဆံၭ.- တၭစဒၫဝံၭစံၭဝ့ၫဒၪ, ယဟိဝၩ အံၫစရ့လၭအယွၩဧ့, နခ့ၫနၡၩနါဂၧၫ့တၡါလၧစစီလူၫ အၪ့ဎၬဂဲၫလၧကဲလၫ ဘဲၫၥိၭအမိမၩဂၭဂီၩ့ဒိၩ့နီၪလၧ
11 ယကၠီၩ့ယူၭ.- မွဲၦကဲလၫဖိၪမိဖ့ၪလၫ့ခွံၬယၧၩ လၧအ စူၪဖၧၩ့ဧၪ. ဘဲၫနခ့ၫနၡၩနါဂၧၫ့ဆၧအၥိၭနီၪ, မွဲစစီ လူၫမိဂဲၫလၩ့ဆ့ဧၪ. ယဟိဝၩ အံၫစရ့လၭ အယွၩဧ့, လီၩဘၪလါနခ့ၫနၡၩဆံၭ. တၭယဟိဝၩစံၭဝ့ၫ, အဝ့ၫ
12 ဒၪမိဂဲၫလၩ့လီၫ.- ထီးနီၪလဖၧၫ့စဒၫဝံၭစံၭဝ့ၫဒၪ, မွဲၦ ကဲလၫဖိၪၥံၪမိဖ့ၪလၫ့ခွံၬယၧၩ ဒဲယၡၩၥံၪယီၩလၧစစီ လူၫအစူၪဖၧၩ့ဆ့ဧၪ. တၭယဟိဝၩစံၭဝ့ၫဒၪ, အဝ့ၫၥံၪ မိဖ့ၪလၫ့ခွံၬဝ့ၫလီၫ.
13 ထီးနီၪလဖၧၫ့စဒၫဝံၭ ဒဲအၡၩဎူၫယၩလဖၪဂဲထုၪ့စဲၪ့ ထၪ့ခွံၬလၧကဲလၫတၭ, လ့ၩဝ့ၫထီးဒၪအလ့ၩဆၧၥ့ၪ လစီၪ့စီၪ့လီၫ. တၭၦလီၩဘၪစစီလူၫလၧစဒၫဝံၭစဲၪ့ဖီၩ့ ဖျ့ၭယူၭလၧကဲလၫနီၪတၭ, အဝ့ၫဒၪလ့ၩထၪ့ဝ့ၫအ့ၬ.
14 စဒၫဝံၭအီၪဝ့ၫလၧမံၩ့လၬကျၩ လၧလိးၥံၪလဲၫ့ၥံၪအ ဖၧၩ့တၭ, အီၪဝ့ၫလၧခိၪလီၩ့လဖျိၪ့အလီၩ့လၧမံၩ့လၬ ကျၩဇံဖၭအဖၧၩ့တၭ, စစီလူၫအၪ့ဎၬဝ့ၫကိၭမုနံၩမု နၩဒ့ၭလါနၫ့ယွၩဖ့ၪလၫ့ခွံၬဝ့ၫ လၧအစူၪဖၧၩ့အ့ၬ.
15 စဒၫဝံၭဒၪဘၪလၧစစီလူၫ ဂဲၫထၪ့အၪ့ဎၬအၥၭမၧၫ့ တၭ,စဒၫဝံၭအီၪဝ့ၫလၧမံၩ့လၬကျၩဇံဖၭ လၧၥံၪ့လဝၩ့
16 အကျၩလီၫ.- စစီလူၫအဖိၪခွၫစစၪ့နၥၧၫ့ဂဲထုၪ့တၭ, လ့ၩဝ့ၫလၧစဒၫဝံၭအအီၪ လၧၥံၪ့လဝၩ့အကျၩတၭ,
17 ဒုၭဆီၪ့ထၪ့အစူၪလၧယွၩအဖၧၩ့လီၫ.- တၭစံၭအဝ့ၫ ဒၪၥၭမဲၪဆၧလဂ့ၩ, အဂဲးဘဲၫယီၩယဖါစစီလူၫအစူၪ မိဒၪန့နၧၩအ့ၬး တၭနမိကဲၪထၪ့စဎွၩ လၧအံၫစရ့လၭ အဖၫ့ခိၪတၭ, ယဝ့ၫဒၪယမိကဲၪထၪ့ၦနံၫဂၩလဂၩနီၪ
18 တၭ,ယဖါစစီလူၫၥ့ၪယၫဆၧဘဲၫနီၪလီၫ.- တၭအဝ့ၫ ၥံၪနံၫဂၩနီၪ အုၩ့လၩ့ဆၧလၧယဟိဝၩ အမ့ၬယၫဆ့ လီၫ. စဒၫဝံၭအီၪလၧၥံၪ့လဝၩ့အကျၩတၭ, စစၪ့နၥၧၫ့ ထဲၩ့ထဲၩ့ဝ့ၫလၧအဂံၪ့လီၫ.
19 ထီးနီၪလဖၧၫ့ၦဇံဖၭဖိၪၥံၪ ဂဲၫထီၩ့လၧစစီလူၫအ အီၪလၧဂံၭဘအၫတၭ, စံၭဝ့ၫဒၪ, စဒၫဝံၭအီၪက့ၪၥူၪ အၥၭလၧပကျၩလၧလိးၥံၪအဖၧၩ့. လၧၥံၪ့အဝၩ့လၧ ခိၪလီၩ့ဟၭခဲၫလၫအလီၩ့လၧအအီၪ လၧမံၩ့လၬကျၩ
20 လၧမုခံၫ့လခီၫနီၪ,မွဲအ့ၬဧၪ.- တၭဘိၩ့နဲၪ့ယီၩ,စဎွၩ ဧ့,ဂဲၫလၩ့ဘဲၫနၥၭထၧၫ့ဖျိၪ့ယၫ ဆိၫ့ဂဲၫလၩ့အၥိၭနီၪ ဆံၭ,ပဝ့ၫဒၪလခီၫပမိဖ့ၪလၫ့ခွံၬအဝ့ၫ လၧစဎွၩအစူၪ
21 ဖၧၩ့လီၫ.- တၭစစီလူၫစံၭဝ့ၫဒၪ, မွဲနၥံၪဘၪဆၧဆိၪဂ့ၩ လၧယဟိဝၩဆံၭ, အဂဲးဘဲၫယီၩနၥံၪအၥၭအီၪယၧၩ
22 လီၫ.- ထဲၩ့ထဲၩ့ဘီၪ, တၭတဲၩ့ဝဲၩဒံၭဆၧတၭ, ၥ့ၪယၫ ဒဲယိဆၧအလး ထီးအခၪ့အီၪဝ့ၫနီၪတၭ, မွဲပလၫဒၪ ဘၪဝ့ၫနီၪလဂၩလဲၪ,ဧီၪ. အဂဲးဘဲၫယီၩၦလီၩဘၪယၧၩ
23 လၧအမၩဆၧလၧအကိၪ့ဆၧၥ့ၪလီၫ.- တၭယိဘၪဒဲၥ့ၪ ယၫကယဲအအီၪက့ၪၥူၪအလး ထီးအအီၪက့ၪၥူၪအၥၭ ထီးအလူၬတၭ, ဂဲၫထဲၩ့ဒီၭလၧယအီၪ လၧဆၧၥ့ၪယၫ လၩ့ထံးလၩ့ဆ့ၭတၭ, ယမိလ့ၩလၧနၥံၪအၥိၭလီၫ. အဝ့ၫဒၪအ့ၪအီၪဝ့ၫ လၧခးဖၧၩ့တၭ, ဆၧမိမၩအၥၭ လၧယမိအၪ့ဎၬန့ဝ့ၫ လၧယုဒၫအၡၩ အထီၫ့လဖၪအ
24 ကျၩထၧၫ့ခးယၫလီၫ.- အဝ့ၫၥံၪနီၪဂဲထုၪ့တၭ, လ့ၩဝ့ၫ လၧဇံဖၭလၧစစီလူၫအမ့ၬယၫလီၫ. အ့ၪမွဲစဒၫဝံၭဒဲအ ၡၩလဖၪအီၪဝ့ၫလၧမံၩ့လၬကျၩ မၫအၧၫ့လၧဆၧပျၩ့ ဖၧၩ့လၧယ့ၭၡမၧၫ့ လၧမုခံၫ့လခီၫလီၫ.
25 စစီလူၫဒဲအၡၩလဖၪ လ့ၩအၪ့ဎၬဆၧလီၫ. တၭၦ လဖၪနီၪလီၩဘၪစဒၫဝံၭတၭ, အဝ့ၫဒၪဂဲၫလၩ့ဝ့ၫလၧ လဲၫ့ဖၧၩ့တၭ, အီၪဝ့ၫလၧမံၩ့လၬကျၩ မၫအၧၫ့လီၫ. စစီလူၫနါဂၧၫ့ဝ့ၫတၭ, လီၩ့ဆီးစဒၫဝံၭလၧမံၩ့လၬကျၩ
26 မၫအၧၫ့နီၪလီၫ.- စစီလူၫလ့ၩဝ့ၫလၧခိၪလီၩ့အယီၩလ ခီၫတၭ, စဒၫဝံၭဒဲအၡၩ လၧခိၪလီၩ့ဝါလခီၫနီၪတၭ, စဒၫဝံၭမၩဝ့ၫချဲၫ့ချဲၫ့ ဘဲၫၥိၭအမိဖီၩ့ဖျ့ၭလၧဆၧၥၭမဲၪ စစီလူၫအကၠီၩ့လီၫ. အဂဲးဘဲၫယီၩ စစီလူၫဒဲအၡၩၥံၪ ဝၩ့ထၬစဒၫဝံၭဒဲအၡၩလဖၪ ဘဲၫၥိၭအမိမၩန့ဝ့ၫလီၫ.
27 အၥီၫ့လဂၩဂဲၫလၧစစီလူၫအအီၪတၭ, စံၭဝ့ၫဒၪ,မၩ ချဲၫ့ချဲၫ့တၭ,ဂဲၫဘီၪ. အဂဲးဘဲၫယီၩၦဖလံၡၫဖိၪဂဲၫနုၬ လၧထံၫၥံၪခးၥံၪအဖၧၩ့လီၫ.
28 စစီလူၫလီၩ့ဆီးစဒၫဝံၭနီၪ, ဂဲၫထဲၩ့ထဲၩ့တၭ, လ့ၩ ထၫ့ဒၩၦဖလံၡၫဖိၪလီၫ. မၩအၥၭဘဲၫနီၪတၭ, ၦကိၭ ဆၧအလးနီၪလၧစံလၫဟၫမၫလံကီၭလီၫ.
29 တၭစဒၫဝံၭစဲၪ့ထၪ့ခွံၬဝ့ၫထီးနီၪဂီၩ့တၭ, အီၪဝ့ၫလၧ အထိၬလဖၪအဖၧၩ့ ထီးအံၪ့ဂံၫဒဲၫနီၪလီၫ.