20
1 စဒၫဝံၭစဲၪ့ထၪ့ခွံၬဝ့ၫ လၧန့ၫအီၭလၧရၫမၫအဖၧၩ့ တၭ,ဂဲၫတၭ, စံၭဆၧလၧစစၪ့နၥၧၫ့အမ့ၬယၫ မွဲယမၩ ယူၭဆၧနီၪလမံၩ့လဲၪ. တၭယဆၧအၧၩ့ မွဲဆၧနီၪလ မံၩ့လဲၪ.တၭယဆၧဒဲၩဘၭလၧနဖါအမ့ၬယၫ လၧအ
2 အၪ့ဎၬန့ယၥၭမၧၫ့နီၪ, မွဲဆၧနီၪလမံၩ့လဲၪ.- တၭအ ဝ့ၫဒၪစံၭဝ့ၫ, မွဲဆၧထီးမၩအၥၭဘဲၫနီၪလဂ့ၩး နၥံၫဘၪ အ့ၬ,ယိခွါ, ဆၧအဒိၪမွဲဂ့ၩအဆံၭမွဲဂ့ၩ, ယဖါလလီၩ ဘၪယၧၩတၭ, မၩဝ့ၫနးမံၩ့အ့ၬ. ယဖါမိအီၪက့ၪၥူၪ ဆၧယီၩလမံၩ့လၧယၧၩ, မွဲဘၪလဲၪ. ဆၧယီၩလမံၩ့မွဲ
3 ဆၧအ့ၬ.- စဒၫဝံၭဆိၪလၩ့အၥၭတၭ, စံၭဝ့ၫဒၪ,နဖါၥ့ၪ ယၫတၡါလၧယဘၪခိးဘၪတၩလၧနမ့ၬယၫတၭ, စံၭ ဝ့ၫဒၪ,မွဲစစၪ့နၥၧၫ့ထီးၥ့ၪယၫဆၧလမံၩ့ယီၩလဂ့ၩ,မိ ၥုၪ့အုၭၥၭအုၭဘၪခိၬလီၫ. အ့ၪမွဲယဟိဝၩမၧၫ့ဝ့ၫ, ဒဲ နၥၭမၧၫ့ဝ့ၫနီၪ, လၧယၧၩဒဲဆၧၥံၫအဘိၩ့ဆၧၩ့အီၪဝ့ၫ
4 န့ၫလခၫလီၫ.- တၭစစၪ့နၥၧၫ့စံၭစဒၫဝံၭ, ထီးဒၪနၥၭ ဆိၫ့ဆၧလမံၩ့လါလါနီၪ, ယမိမၩလၧနဂးလီၫ.
5 စဒၫဝံၭစံၭဆၧလၧစစၪ့နၥၧၫ့, ယိခွါ, ကဲဂီၩလနံၩမွဲ လၩၥံၫအနံၩတၭ, ယလဆၧၫ့နၩ့ဘၪလၧစဎွၩ အစပွဲ ထံၭနီၪကြၨၭအ့ၬ. မွဲလါနၫ့ဘိၩ, ဘဲၫၥိၭယမိအီၪက့ၪ ၥူၪယၥၭလၧဆၧပျၩ့ဖၧၩ့ ထီးအဎွ့ၩထၪ့ၥၧၫ့နံၩလနံၩ ထီးမုအ့ၪဂၪလၩ့နီၪ ဖျါခွံၬဒၪခလူၬယၧၩဘီၪ.
6 တၭနဖါအ့ၪဒၪလၧယလအီၪဘၪနီၪ, စံၭ,စဒၫဝံၭ အၪ့ကံၩ့ယၧၩတၡါၡါဘဲၫၥိၭ အမိလ့ၩစဲၪ့လၧဘ့ၭၥ လံၫဟံၫ့အဒိၩ့ဖၧၩ့လီၫ. အဂဲးဘဲၫယီၩဆၧမၩဘိၪ့လ နံၪ့လဖၧၫ့အီၪဝ့ၫထီးနီၪ လၧအဂံၪ့ဒီၪ့ဖိၪထီးအလူၬအ
7 ဂးလီၫ.- တၭအဝ့ၫဒၪအ့ၪစံၭဘဲၫယီၩ, ဂ့ၩယူၭနီၪတၭ, နခ့ၫနၡၩမိအီၪမုၬလီၫ. အ့ၪမွဲအဝ့ၫဒၪအၥၭအ့ၪထၪ့ ဆီၪ့တၭ,ၥ့ၪယၫတၡါလၧအကိၪ့မၩအၧၩ့ယၧၩဆံၭ.
8 တၭမၩဆၧအခိးအတၩလၧနခ့ၫနၡၩဆံၭ. အဂဲးဘဲၫ ယီၩနအုၩ့လၩ့ဆၧလၧနခ့ၫနၡၩ ဘၪဆဲၫ့လၧယဟိဝၩ လီၫ.မွဲလါနၫ့ဘိၩ ဆၧအၧၩ့အ့ၪအီၪလၧယဖၧၩ့တၭ, မၩၥံၫယၧၩလၧနနၫ့ဆါဒၪနဝ့ၫဘီၪ. အဂဲးဘဲၫယီၩနမိ ၥိၫ့ယၧၩလၧနဖါအအီၪမွဲဘၪလဲၪ.
9 တၭစစၪ့နၥၧၫ့စံၭဝ့ၫဒၪ, မွဲအထီးဘၪနၧၩလဂ့ၩ.အ ဂဲးဘဲၫယီၩယအ့ၪၥ့ၪယၫတၡါလၧယဖါကိၪ့ဆၧအၧၩ့ ဘဲၫၥိၭအမိဘၪနၧၩတၭ, ယမိလီၩဘၪနၧၩ,မွဲအ့ၬဧၪ.
10 တၭစဒၫဝံၭစံၭစစၪ့နၥၧၫ့, မွဲပလၫမိလီၩဘၪယၧၩ လဂၩလဲၪ. နဖါအ့ၪချဲၩ့ဆၧၫ့နၧၩဆီၪ့ဆီၪ့လ့ၬတၭ,ပ
11 မိမၩဘဲၫၥ့ၪလဲၪ.- တၭစစၪ့နၥၧၫ့စံၭစဒၫဝံၭ,ဂဲၫဘီၪ,မွဲ ပလ့ၩၡီၩ့လၧဆၧပျၩ့ဖၧၩ့ဆံၭ. တၭအဝ့ၫၥံၪလ့ၩဆၧ နံၫဂၩလူၬလၧဆၧပျၩ့ဖၧၩ့လီၫ.- တၭစစၪ့နၥၧၫ့စံၭ
12 စဒၫဝံၭ, ယဟိဝၩအံၫစရ့လၭအယွၩဧ့, ကဲဂီၩမွဲဂ့ၩ, ကဲတဂီၩမွဲဂ့ၩ, ထီးယအၪ့ဎၬယိဘၪယူၭယဖါတၭ, ယိခွါ,ဆၧဂ့ၩအီၪလၧစဒၫဝံၭအဂးတၭ, ထီးနီၪလဖၧၫ့ အ့ၪလအၪ့မၧၫ့ဘၪဆၧလၧနအီၪ, ဒဲလလီၩဘၪနၧၩ
13 တၭ,- မွဲယဟိဝၩမၩဘဲၫနီၪ ဒဲအၪနဲၪ့အနီၪ လၧစစၪ့ နၥၧၫ့ဆံၭ. အ့ၪဘၪယဖါအၥၭ လၧအမိမၩနၧၩလၧ ဆၧအၧၩ့တၭ, ယမိလီၩဘၪနၧၩ, ဒဲဖျါခွံၬနၧၩဘဲၫၥိၭ နမိစဲၪ့ထၪ့ခွံၬမုၬမုၬလီၫ. တၭမွဲယဟိဝၩအီၪလၧနၥိၭ
14 ဘဲၫအအီၪယူၭလၧယဖါအၥိၭနီၪဆံၭ.- တၭနမိဘၪ ဒုၭနဲၪယၧၩလၧယဟိဝၩအခိးအတၩ န့ၫလၧယမၧၫ့
15 ဒံၭလၧယထီးၥံၫလဂ့ၩနီၪကၭအ့ၬး- အ့ၪမွဲထီးဒၪလ့ၬ ယဟိဝၩဖ့ၬထ့ၬခွံၬစဒၫဝံၭအဒုၪအဒၩ လၧဂၪ့ခိၪချိၫ့ ကိၭဂၩဒ့ၭတၭ, ထီးဖ့ၬထ့ၬနခိးနတၩလၧယဂံၪ့ဖိၪလၩ့ ဆိၩလၩ့ကၠၪလဂ့ၩ.
16 စစၪ့နၥၧၫ့အုၩ့လၩ့ ဆၧလၧစဒၫဝံၭအၡၩဂံၪ့ဖိၪၥံၪ တၭ,စံၭဝ့ၫဒၪ, မွဲယဟိဝၩအၪ့ဎၬဆၧလၧစဒၫဝံၭအဒုၪ
17 အဒၩအစူၪဖၧၩ့ဆံၭ.- တၭစစၪ့နၥၧၫ့ဒုၭဆိၪလၩ့ဒီၭ အၥၭလၧအအဲၪဝ့ၫအကၠီၩ့လီၫ. အဂဲးဘဲၫယီၩမွဲအ အဲၪအဝ့ၫဘဲၫအအဲၪလၩ့အၥၭဒၪဝ့ၫအၥိၭလီၫ.
18 ထီးနီၪလဖၧၫ့စစၪ့နၥၧၫ့စံၭစဒၫဝံၭ, ကဲဂီၩလနံၩမွဲ လၩၥံၫအနံၩတၭ ၦမိဒၪဘၪဝ့ၫလၧနလအီၪဘၪနီၪအ
19 ဂဲးဘဲၫယီၩနလးဆၧၫ့နၩ့မိအီၪပျီၩပျီၩလီၫ.- နအီၪထီး အဘၪၥၧၫ့နံၩလနံၩနီၪတၭ, လ့ၩလၩ့ချဲၫ့ချဲၫ့တၭ,လ့ၩ ထီၩ့ဆၧအလးထီးနအီၪက့ၪၥူၪနၥၭ လၧမၩဆၧအမု လနံၩနီၪတၭ, နမိဘၪအီၪလၧလိးအံဇ့ၫလၭအနဲၩ့
20 ထံၭနီၪလီၫ.- တၭယမိခၭဖျါၥၧၫ့ဘံၪ့လၧအနဲၩ့ထံၭ,
21 ဘဲၫယခၭဆၧမၩနဲၪ့အၥိၭနီၪလီၫ.- တၭယိခွါ,ယမိ အၪ့မၧၫ့လၩ့ဖိၪၥၪအခွၫလဂၩတၭ, စံၭ,လ့ၩအၪ့ဎၬန့ ဖျါဘီၪးယအ့ၪစံၭၦဖိၪၥၪအခွၫနီၪ, ယိခွါ, ဖျါလဖၪ အီၪဝ့ၫလၧနနဲၩ့ထံၭအယီၩလခီၫနီၪ, မၩန့ဝ့ၫဘီၪ,ထီး နီၪလဖၧၫ့ဂဲၫထၪ့နဝ့ၫ,ဧီၪ, အဂဲးဘဲၫယီၩဆၧအမုၬအီၪ လၧနဂးတၭ, ဆၧအၧၩ့အီၪအ့ၬ, ယဟိဝၩမၧၫ့ဝ့ၫလီၫ.
22 အ့ၪမွဲယအ့ၪစံၭ ဖိၪၥၪအခွၫနီၪ, ယိခွါ, ဖျါလဖၪအီၪ လၧယၫလီၫ. တၭလ့ၩနဝ့ၫဘီၪး အဂဲးဘဲၫယီၩ မွဲယ
23 ဟိဝၩဖျါခွံၬနၧၩလီၫ.- တၭဆၧလၧနၧၩဒဲယၧၩ ချဲၩ့ ဆၧအဂဲးအကၠီၪ့ယီၩ, ယိခွါ, မွဲယဟိဝၩအီၪလၧနၧၩ ဒဲယၧၩအဘိၩ့ဆၧၩ့နီၪ အဆိၩဆိၩအကၠၪကၠၪဆံၭ.
24 စဒၫဝံၭအီၪက့ၪၥူၪအၥၭ လၧဆၧပျၩ့ဖၧၩ့နီၪး ထီး လၩၥံၫတၭ, စဎွၩဆၧၫ့နၩ့ ဘဲၫၥိၭ အမိအၪ့ဆၧလီၫ.
25 တၭစဎွၩဆၧၫ့နၩ့ လၧလးဆၧၫ့နၩ့ဘဲၫလးလး, လၧအ လးဆၧၫ့နၩ့လၧဆၧဒီၪ့အနဲၩ့, စစၪ့နၥၧၫ့ဆၧၫ့ထုၪ့တၭ, စအၭဘနၧၫအီၪဝ့ၫလၧစစီလူၫအနဲၩ့ထံၭတၭ, စဒၫဝံၭ
26 အလးအီၪပျီၩပျီၩလီၫ.- မွဲလါနၫ့ဆၧလၧမုလနံၩနီၪ စစီလူၫချဲၩ့ဆၧအ့ၬ. အဂဲးဘဲၫယီၩ ဆီၫ့မီၪ့လၧအဝ့ၫ ဘၪဆၧလမံၩ့မံၩ့တၭ, ဆံၫ့အ့ၬ, မွဲမၬလဆံၫ့ဘၪလီၫ.
27 တၭဆၧမၩအၥၭလၧမုဆဲၪ့ထၪ့လနံၩ လၩထၪ့နံၫနံၩ လနံၩနီၪစဒၫဝံၭအလးအီၪပျီၩပျီၩတၭ, စစီလူၫစံၭအ ဖိၪခွၫစစၪ့နၥၧၫ့လၧမုဂၪလနံၩမွဲဂ့ၩ, အယီၩလနံၩယီၩ မွဲဂ့ၩ,စယ့ၭစံၫအဖိၪခွၫလဂဲၫအၪ့ဘၪဆၧ, မွဲဘၪလဲၪ.
28 စစၪ့နၥၧၫ့စံၭဆၧၫ့စစီလူၫ, စဒၫဝံၭအၪ့ကံၩ့ယၧၩတၡါ
29 ၡါဘဲၫၥိၭအမိလ့ၩဆၧလၧဘ့ၭၥလံၫဟံၫ့,- တၭစံၭဝ့ၫ ဒၪ,ဖျါခွံၬလါယၧၩဆံၭ. အဂဲးဘဲၫယီၩ မွဲပဂံၪ့ဒီၪ့ဖိၪ မၩဘိၪ့ဆၧလၧဒိၩ့ဖၧၩ့တၭ, ယထၧၫ့ဖုဝဲမၪလူၬယၧၩ တၭ,ယအ့ၪဘၪခိးဘၪတၩ လၧနမ့ၬယၫ, ဖျါခွံၬလါ ယၧၩဘဲၫၥိၭယမိဒၪဘၪယထၧၫ့ဖုဝဲလဖၪနီၪဆံၭ. မၩ အၥၭဘဲၫနီၪတၭဂဲၫဝ့ၫလၧ စဎွၩအစပွဲထံၭအ့ၬ.
30 စစီလူၫအၥၭထၪ့ဘၪစစၪ့နၥၧၫ့တၭ, စံၭဝ့ၫဒၪ,ၦ အနါကဲၪ့,ဒဲဆၧပိၩ့ထၪ့အဖိၪဧ့, နရွံန့စယ့ၭစံၫအဖိၪခွၫ လၧနမ့ၬမဲဒၪနဝ့ၫအဂး, ဒဲလၧနမိအဆၧအီၪဘိၪ့အမ့ၬ
31 မဲအဂးနီၪ,မွဲယၥ့ၪယၫအ့ၬဧၪ.- အဂဲးဘဲၫယီၩမုနံၩလဖၪ လၧစယ့ၭစံၫအဖိၪခွၫမၧၫ့ဝ့ၫ လၧဂၪ့ခိၪချိၫ့ထီးအလူၬ နီၪ,နဝ့ၫဒၪမွဲဂ့ၩ, နဘၩ့နမုးမွဲဂ့ၩ, မိအီၪဂုးခၧၫ့အ့ၬ. ဘိၩ့နဲၪ့ယီၩအၪ့မၧၫ့လၩ့ဆၧတၭ, ဂဲၫထဲၩ့ဆိၬ အဝ့ၫ လၧယအီၪယီၩဆံၭ. အဂဲးဘဲၫယီၩ အဝ့ၫဒၪမိဘၪၥံၫ
32 တၡါလီၫ.- တၭစစၪ့နၥၧၫ့စံၭဆၧၫ့အဖါ စစီလူၫတၭ, စံၭဝ့ၫ,မွဲအမိဘၪဆၧမၩၥံၫအဂဲးဘဲၫၥ့ၪလဲၪ. မွဲအမၩ
33 ဆၧနီၪလမံၩ့လဲၪ.- တၭစစီလူၫဆ့ၭဖၩ့ဖိၪ လဘံၪ့ဘဲၫ ၥိၭအမိဘၪအဝ့ၫလီၫ. အခိးမွဲစစၪ့နၥၧၫ့ၥ့ၪယၫလၧအ
34 ဖါကိၪ့ဝဲၩလၧအမိမၩၥံၫစဒၫဝံၭလီၫ.- စစၪ့နၥၧၫ့အ ၥၭထၪ့တၭ, ဂဲထုၪ့လၧစပွဲထံၭတၭ, လၩထၪ့နံၫနံၩလ နံၩနီၪအၪ့ဆၧအ့ၬ. အဂဲးဘဲၫယီၩ အၥၭဆၫလၧစဒၫ ဝံၭအကၠီၩ့လီၫ. အဂဲးဘဲၫယီၩ အဖါဒုၭမ့ၬမဲဝ့ၫလီၫ.
35 တၭမုဆဲၪ့ထၪ့နီၪ ဆၧမၩအၥၭလၧအဆၧၫ့အထီ လၧအဖၭဝဲၩစဒၫဝံၭနီၪ, စစၪ့နၥၧၫ့လ့ၩထၪ့လၧဆၧပျၩ့ ဖၧၩ့တၭ, ဖိၪၥၪအခွၫဖိၪလဂၩ အီၪလၧအၥိၭလီၫ.
36 တၭစံၭအဖိၪၥၪလဂၩနီၪ, စဲၪ့,အၪ့ဎၬဖျါလဖၪလၧယမိ ခၭဘီၪ, ဖိၪၥၪနီၪစဲၪ့အဘိၩ့ဘၭတၭ, အဝ့ၫဒၪခၭဖျါလ
37 ဘံၪ့လၧအမ့ၬယၫလီၫ.- ထီးဖိၪၥၪနီၪလ့ၩထီၩ့လၧဖျါ လၧစစၪ့နၥၧၫ့ခၭဝ့ၫအလးတၭ, စစၪ့နၥၧၫ့ကိၭထွ့ၫဖိၪ ၥၪနီၪတၭ,စံၭဝ့ၫဒၪ, ဖျါအီၪလၧနမ့ၬယၫ, မွဲအ့ၬဧၪ.
38 တၭစစၪ့နၥၧၫ့ကိၭထၪ့ဖိၪၥၪနီၪ, မၩချဲၫ့ချဲၫ့,စဲၪ့, အီၪဒၪ ခလူၬလဂ့ၩး တၭစစၪ့နၥၧၫ့ အဖိၪၥၪနီၪအၪ့ထုၫ့ထၪ့
39 ဖျါလဖၪတၭ, ဂဲၫထဲၩ့လၧအကဆါအအီၪလီၫ.- တၭ ဖိၪၥၪနီၪၥ့ၪယၫဆၧနးမံၩ့အ့ၬ. ၦၥ့ၪယၫဆၧအဂဲးနီၪ
40 မွဲန့ၫစစၪ့နၥၧၫ့ ဒဲစဒၫဝံၭလီၫ.- တၭစစၪ့နၥၧၫ့ဖ့ၪလၫ့အ စူၪဝဲၩလၧအဖိၪၥၪနီၪ, စံၭဝ့ၫ,ထဲၩ့ဆိၬလၧဒိၩ့ဖၧၩ့ဘီၪ.
41 ဖိၪၥၪနီၪစဲၪ့ထၪ့ခွံၬဂီၩ့တၭ, စဒၫဝံၭဂဲထုၪ့လၧအလး လၧမုခံၫ့လခီၫတၭ, ထွံၩလၩ့အၥၭတၭ, ၡီၫ့လၩ့အခိၪ ၥၧၫ့ဖၧၫ့တၭ,အဝ့ၫၥံၪအဲၪဂါလိၬအၥၭတၭ, လဂၩဒဲလ ဂၩအမ့ၬထံၫလၩ့တၭ, စဒၫဝံၭမၩအၪဒၪ အဆၧဒံၭ
42 လီၫ.- စစၪ့နၥၧၫ့စံၭစဒၫဝံၭ, လ့ၩဆၧမုၬမုၬဆံၭ, အဂဲး ဘဲၫယီၩပဆိၪလၩ့ပၥၭနံၫဂၩလူၬ လၧယဟိဝၩအမံၩ့ တၭ,စံၭ,မွဲယဟိဝၩအီၪလၧ ယၧၩဒဲနၧၩအဘိၩ့ဆၧၩ့, ဒဲလၧယချံၫယၥၪဒဲနချံၫနၥၪ အဘိၩ့ဆၧၩ့လၩ့ဆိၩလၩ့ ကၠၪဆံၭ. တၭစဒၫဝံၭဂဲထုၪ့စဲၪ့ဝ့ၫတၭ, စစၪ့နၥၧၫ့ထဲၩ့ ထဲၩ့ဝ့ၫလၧဒိၩ့ဖၧၩ့လီၫ.