19
1 တၭစစီလူၫချဲၩ့ဆၧလၧအဖိၪခွၫစစၪ့နၥၧၫ့, ဒဲအခ့ၫ အၡၩၥံၪထီးအလူၬ ဘဲၫၥိၭအမိမၩၥံၫ စဒၫဝံၭလီၫ.
2 တၭစစီလူၫအဖိၪခွၫစစၪ့နၥၧၫ့နီၪ မုၬအၥၭလၧစဒၫဝံၭ ဒိၪဒိၪလ့ၬတၭ, စစၪ့နၥၧၫ့လီၩဘၪစဒၫဝံၭတၭ, စံၭဝ့ၫ ဒၪ,ယဖါစစီလူၫအၪ့ဎၬမၩၥံၫနၧၩလီၫ. တၭဘိၩ့နဲၪ့ ယီၩထီးလၩ့နၥၭ ထီၩ့လၧကဲဂီၩခိၬဘီၪး လ့ၩအီၪ
3 လၧဆၧကဒုၩအလးတၭ, အီၪက့ၪၥူၪနၥၭဆံၭ.- တၭ ယမိလ့ၩဆၧၫ့ထုၪ့လၧယဖါ အနဲၩ့ထံၭ လၧဆၧပျၩ့ ဖၧၩ့ထီးနအီၪနီၪ, ယမိချဲၩ့ဆၧလၧယဖါလၧနဂဲးနကၠီၪ့ တၭ,ဆၧလၧယဒၪဘၪလဖၪနီၪ ယမိလီၩဘၪနၧၩလီၫ.
4 စစၪ့နၥၧၫ့ချဲၩ့ဆၧလၧအဖါ လၧစဒၫဝံၭအဂဲးအကၠီၪ့ လၧအဂ့ၩတၭ,စံၭဝ့ၫ, မွဲစဎွၩထီးမၩမၪဘၪအခ့ၫအ ၡၩစဒၫဝံၭနီၪလဂ့ၩ, အဂဲးဘဲၫယီၩအဝ့ၫဒၪမၩမၪဘၪ နၧၩအ့ၬ,အဆၧမၩဘၪဆဲၫ့လၧနၧၩလဖၪနီၪ, မွဲအဂ့ၩ
5 မၬလီၫ.- အဂဲးဘဲၫယီၩအဝ့ၫဒၪအီၪက့ၪအၥၭမၧၫ့လၧ အစူၪဖၧၩ့တၭ, မၩၥံၫၦဖလံၡၫဖိၪလဂၩနီၪတၭ,ယဟိ ဝၩမၩဆၧမၩဖီၩ့မၩဖျ့ၭဖၭဒိၪ လၧအံၫစရ့လၭထီးအ လူၬအဂးနီၪ,နဒၪဘၪတၭ, နၥုၪ့ထိၬၥၭထိၬလီၫ. တၭ နမိမၩမၪဘၪဆၧၥွံၪ လၧဆၧဒဲၩဘၭလအီၪဘၪလၧန
6 မိမၩၥံၫစဒၫဝံၭပျီၩပျီၩနီၪမွဲဘၪလဲၪ.- တၭစစီလူၫခိၭ နၪစစၪ့နၥၧၫ့အလူတၭ, စစီလူၫဆိၪလၩ့အၥၭ,ယဟိ
7 ဝၩမၧၫ့ဝ့ၫနီၪ, စဒၫဝံၭမိဘၪဆၧမၩၥံၫဝ့ၫအ့ၬ.- စစၪ့န ၥၧၫ့ကိၭန့စဒၫဝံၭတၭ, စစၪ့နၥၧၫ့ဒုၭနဲၪအဝ့ၫလၧဆၧ လဖၪထီးအလူၬလီၫ. စစၪ့နၥၧၫ့ဂဲၫၥိၫ့စဒၫဝံၭလၧစစီ လူၫအအီၪတၭ, အီၪဝ့ၫလၧအမ့ၬယၫ ဘဲၫလၧမုဂၪတ ဂၪအၥိၭနီၪလီၫ.
8 ဆၧဒုၭၥုၭအီၪထၪ့ဒီၭတၭ, စဒၫဝံၭလ့ၩထၪ့တၭ,ဒုၭ ဆၧလၧၦဖလံၡၫဖိၪတၭ, ဖ့ၬခွံၬအဝ့ၫၥံၪ လၧဆၧဖ့ၬ ခွံၬဖၭဒိၪတၭ, အဝ့ၫၥံၪစဲၪ့ဖျိၭလၧအဝ့ၫဒၪအမ့ၬယၫ လီၫ.
9 ၥၭအၧၩ့လမံၩ့ လၧယဟိဝၩအီၪဝ့ၫလၧစစီလူၫအ လီၩ့လၧအဆၧၫ့နၩ့လၧအဂံၪ့ဖၧၩ့တၭ, အဖၩ့ဖိၪအီၪ လၧအစူၪဖၧၩ့လီၫ. တၭစဒၫဝံၭ ဒံၩ့ဆၧလၧအစူၪ
10 လီၫ.- စစီလူၫအၪ့ဎၬဆ့ၭဘုၭထၬ စဒၫဝံၭလၧဆၧဒီၪ့ လၧဖၩ့ဖိၪတၭ, အဝ့ၫဒၪစဲၪ့ဂၭဖျ့ၭ လၧစစီလူၫအအီၪ တၭ,စစီလူၫဆ့ၭဖၩ့ဖိၪလၧဆၧဒီၪ့တၭ, စဒၫဝံၭစဲၪ့ဖျိၭ
11 တၭ,လၧမုလနၩနီၪဂၭဖျ့ၭဝ့ၫလီၫ.- တၭစစီလူၫအၪ့ မၧၫ့အၥီၫ့လဖၪလ့ၩလၧစဒၫဝံၭအဂံၪ့ ဘဲၫၥိၭအမိခိၭ ဒဲမၩၥံၫအဝ့ၫလၧဂီၩလခီၫလီၫ. တၭစဒၫဝံၭအမၫနး မဲခၫလၭလီၩဘၪအဝ့ၫတၭ, စံၭဝ့ၫဒၪ,နအ့ၪလမၩဖီၩ့ မၩဖျ့ၭဘၪနၥၭလၧမုလနၩယီၩတၭ, ကဲဂီၩခိၬနီၪန
12 မိဘၪဆၧမၩၥံၫနၧၩလီၫ.- နးမဲခၫလၭဆဲၩလၩ့စဒၫဝံၭ လၧတရၫ့လံၩအဖၧၩ့တၭ, အဝ့ၫစဲၪ့ခွံၬ, လ့ၩဆၧတၭ,
13 ဂၭဖျ့ၭဝ့ၫလီၫ.- နးမဲခၫလၭမၩန့ဆၧဂၩ့ တ့ရဖံၫ့တၭ အီၪက့ၪလၩ့ဝ့ၫလၧလးမံၫဖၧၩ့တၭ, ခိၪခုၪ့ဘ့ၪအဆီၪ့ နီၪဒိၭထၬဝ့ၫလၧအခိၪဎွံၪလခီၫတၭ, ချႃၬဘံၭဝ့ၫလၧ
14 ဖၬဘဲၩ့လုၬလီၫ.- စစီလူၫအၪ့မၧၫ့အၥီၫ့လဖၪလ့ၩမၩ
15 န့စဒၫဝံၭတၭ, အမၫစံၭဝ့ၫဒၪ အီၪဆီၪ့အ့ၬ.- စစီလူၫ အၪ့မၧၫ့လၩ့ဒီၭအၥီၫ့လဖၪ လ့ၩယိဒီၭစဒၫဝံၭတၭ,စံၭ ဝ့ၫဒၪ,ဂဲၫထဲၩ့ဆိၬအဝ့ၫဒၪလၧအလးမံၫဖၧၩ့, ဘဲၫၥိၭ
16 ယမိမၩၥံၫအဝ့ၫဆံၭ.- ထီးၦအၥီၫ့လဖၪလ့ၩနုၬတၭ, ယိခွါ,ဆၧဂၩ့တ့ရဖံၫ့အီၪဝ့ၫလၧ လးမံၫဖၧၩ့လၧခိၪခုၪ့
17 ဘ့ၪအဆီၪ့ဒိၭထၬဝ့ၫလၧ အခိၪဎွံၪလခီၫနီၪလီၫ.- တၭ စစီလူၫစံၭနးမဲခၫလၭ, နအၪ့လီၫန့ယၧၩဘဲၫယီၩတၭ, ဖျါခွံၬယဒုၪယဒၩတၭ, အဝ့ၫဒၪဂၭဖျ့ၭယူၭနီၪ,မွဲဘၪ လဲၪ.တၭနးမဲခၫလၭ စံၭဆၧၫ့စစီလူၫ, အဝ့ၫဒၪစံၭ ယၧၩ,ဖျါခွံၬယၧၩဘီၪး ယမိမၩၥံၫနၧၩမွဲဘၪလဲၪ.
18 စဒၫဝံၭစဲၪ့ဖျိၭ, ဂၭဖျ့ၭဝ့ၫတၭ, လ့ၩဝ့ၫလၧစစၫမုၫ အ့လၭအအီၪ,လၧရၫမၫတၭ, လီၩဘၪအဝ့ၫလၧကယဲ စစီလူၫမၩဝ့ၫထီးအလူၬတၭ, အဝ့ၫဒၪ, ဒဲစစၫမုၫအ့
19 လၭလ့ၩအီၪလၧန့ၫအီၭအဖၧၩ့လီၫ.- ၦလီၩဘၪစစီ လူၫတၭ,စံၭဝ့ၫဒၪ, ယိခွါ,စဒၫဝံၭအီၪလၧန့ၫအီၭလၧ
20 ရၫမၫအဖၧၩ့လီၫ.- စစီလူၫအၪ့မၧၫ့အၥီၫ့လဖၪလ့ၩမၩ န့စဒၫဝံၭတၭ, ထီးအဝ့ၫၥံၪဒၪဘၪမီၪလဒီၪ့နီၪချဲၩ့ဆၧ လၧမီၪအချိၬ, ဒဲစစၫမုၫအ့လၭဆၧၫ့ထုၪ့အီၪဝ့ၫလၧအ ဘၪကဲၪအဝ့ၫၥံၪအခိၪတၭ, ယွၩအၥၭအီၪထၪ့လၧစစီ လူၫအၥီၫ့လဖၪအလီၩ့တၭ, အဝ့ၫၥံၪချဲၩ့ဆၧလၧမီၪအ
21 ချိၬဆ့လီၫ.- ထီးၦလီၩဘၪစစီလူၫတၭ,အဝ့ၫအၪ့မၧၫ့ လၩ့အၥီၫ့အဂူၫဂၩလဖၪတၭ, အဝ့ၫၥံၪချဲၩ့ဆၧလၧမီၪအ ချိၬဆ့လီၫ. တၭစစီလူၫအၪ့မၧၫ့လၩ့ အၥီၫ့လဖၪၥၧၫ့ ဘျၩ့လဘျၩ့တၭ, အဝ့ၫၥံၪချဲၩ့ဆၧ လၧမီၪအချိၬဆ့
22 လီၫ.- ထီးနီၪလဖၧၫ့အနၫ့ဆါဒၪဝ့ၫ လ့ၩလၩ့လၧရၫမၫ တၭ,လ့ၩထီၩ့လၧထံၫဖၧၩ့ဖၭဒိၪ လၧအအီၪဝ့ၫလၧစံ ခုၫနီၪ,အၪ့စၪ့ဆၧတၭ, စံၭဝ့ၫဒၪ,စစၫမုၫအ့လၭဒဲစဒၫ ဝံၭနီၪအီၪခီၫခီၫလဲၪ. တၭၦလဂၩစံၭ,ယိခွါ, အီၪဝ့ၫ
23 လၧန့ၫအီၭလၧရၫမၫအဖၧၩ့လီၫ.- တၭအဝ့ၫဒၪလ့ၩ စိၩထီးန့ၫအီၭလၧရၫမၫအဖၧၩ့တၭ, ယွၩအၥၭအီၪ ထၪ့ဆ့လၧအဝ့ၫဒၪအလီၩ့နီၪ လ့ၩဆၧတၭ, ချဲၩ့ဆၧ လၧမီၪအချိၬတၭ, လ့ၩထီၩ့လၧန့ၫအီၭ လၧရၫမၫအ
24 ဖၧၩ့လီၫ.- အဝ့ၫဒၪဘဲၪ့လၩ့ခွံၬအကီၩ့အၥိၭတၭ, ချဲၩ့ ဆၧလၧမီၪအချိၬလၧစစၫမုၫအ့လၭအမ့ၬယၫတၭ, မံၫ နၩ့အီၪဘိၪ့ဝ့ၫၥံၫ့နံၩချီၩ့ဒဲၥၫ့နၩချီၩ့လီၫ. မၩအၥၭဘဲၫ နီၪ,ၦစံၭဝ့ၫဒၪ, မွဲစစီလူၫအီၪလၧမီၪလဖၪအကျၩနီၪ ဆ့ဧၪ.