1 တၭစဒၫဝံၭဂဲၫဝ့ၫလၧနီဘၭအဖၧၩ့, လၧၦလုဆၧစ အဟံမလ့ၭအအီၪလီၫ. စအဟံမလ့ၭဘၪခီၩ့လၧစဒၫ ဝံၭနီၪၥၭမဲၪဝ့ၫတၭ, စံၭအဝ့ၫ, နအီၪလဂၩဎးတၭ,ၦ လအီၪဘၪလၧနၥိၭနးဂၩနီၪ, မွဲဘၪလဲၪ.

2 စဒၫဝံၭစံၭၦလုဆၧစအဟံမလ့ၭ, စဎွၩမၪလူၬယၧၩ လၧဆၧလမံၩ့တၭ, စံၭယၧၩ, ဒုၭၥ့ၪယၫၦၡၩလၧယ အၪ့မၧၫ့နမၩဆၧအဂဲးအကၠီၪ့, ဒဲဆၧလၧယမၪလူၬ နၧၩနီၪနးဂၩလဂ့ၩ, တၭယမိအီၪက့ၪလၩ့ယခ့ၫယၡၩ 3 ထီးအံၩထီးအိၩလီၫ.- တၭဘိၩ့နဲၪ့ယီၩဆၧအီၪလၧ နစူၪအဖၫ့လၬနီၪ, မွဲဆၧနီၪလမံၩ့လဲၪး ဖ့ၪလၫ့ယၧၩ လၧကိၪယဲလီၪ့ လၧယစူၪဖၧၩ့ဘီၪ. အ့ၪလမွဲဘၪဘဲၫ 4 နီၪတၭ,ဆၧလၧအအီၪဝ့ၫလမံၩ့မံၩ့နီၪဆံၭ.- ၦလုဆၧ လဂၩစံၭဆၧၫ့စဒၫဝံၭတၭ, စံၭအဝ့ၫ, ကိၪအလဆံၫ့ ဘၪနီၪအီၪလၧယစူၪအဖၫ့လၬအ့ၬ. အ့ၪမွဲၦဖိၪၥၪခွၫ လဖၪနီၪအ့ၪဂၭဎ့ၭၦမုၪတၭ, ကိၪဆံၫ့ဎံၪအီၪဝ့ၫလီၫ. 5 စဒၫဝံၭစံၭဆၧၫ့ ၦလုဆၧလဂၩနီၪတၭ, စံၭအဝ့ၫ,လၧ ယစဲၪ့ထၪ့နီၪ ၦမုၪလအီၪဘၪလၧပကျၩ ဘူၭကၪၥၧၫ့ နံၩတၭ,ၦဖိၪၥၪခွၫအထွ့ၫလဖၪနီၪ ဆံၫ့ဝ့ၫတၭ,ကိၪနီၪ မၩအၥၭဘဲၫအလဆံၫ့လဎံၪဘၪအၥိၭလီၫ. အဂဲးဘဲၫ ယီၩအဂူၫဂၩလဖၪ ဘၪဆၧအီၪက့ၪဆံၫ့ဎံၪလၧထွ့ၫ 6 ဖၧၩ့လၧမုဆၫလနံၩယီၩလီၫ.- တၭၦလုဆၧနီၪဖ့ၪလၫ့ အဝ့ၫလၧဆၧအဆံၫ့အဎံၪလီၫ. အဂဲးဘဲၫယီၩကိၪလ အီၪဘၪထီးနီၪတၭ, အီၪန့ၫဆၧမ့ၬယၫအကိၪလၧဆၧ မၩန့ဝ့ၫလၧယဟိဝၩ အမ့ၬယၫဘဲၫၥိၭအမိအီၪက့ၪ 7 ကိၪအၥၫ့လၧမုလနံၩ လၧအမၩန့ခွံၬဝ့ၫနီၪလီၫ.- ဆၧ လၧမုလနံၩနီၪၦလၧစစီလူၫအခ့ၫအၡၩလဖၪအကျၩ လဂၩ,ဆၧပဒၩ့အလ့ၩဆၧတၭ, အီၪဝ့ၫထီးနီၪလၧယ ဟိဝၩအမ့ၬယၫတၭ, အမံၩ့မွဲစဒိအ့ၭ ၦအံဒၧၫ့ဖိၪ,စစီ 8 လူၫအၡၩယိချီၥံၪအခိၪလီၫ.- တၭစဒၫဝံၭစံၭစအဟံ မလ့ၭ,ဖၩ့မွဲဂ့ၩ,နၭမွဲဂ့ၩ လအီၪဘၪလၧနစူၪအဖၫ့လၬ ဘၪဧၪ.အဂဲးဘဲၫယီၩ ယနၭမွဲဂ့ၩ, ယစူၪဝဲၩမွဲဂ့ၩ,ယ ဂဲၫဆိၬအ့ၬ. အဂဲးဘဲၫယီၩစဎွၩအဆၧနီၪ, ဆၧဘၪမၩ 9 ဝ့ၫချဲၫ့ချဲၫ့လီၫ.- တၭၦလုဆၧနီၪစံၭဝ့ၫဒၪ, ၦဖလံၡၫဖိၪ စဂိၫလဲအၫလၧနမၩၥံၫဝ့ၫ လၧအံလၫအခိၪလီၩ့ဆူၭလ ဂၩအနၭနီၪ, ယိခွါ, အီၪဝ့ၫဘီၪ့ထၪ့အၥၭလၧဆၧကဲၩ့ ယၬအဖၧၩ့ လၧအ့ဖိၭအချိၫ့နီၪလီၫ. အ့ၪဘၪနၥၭလၧ နမိမၩန့အဝ့ၫနီၪတၭမၩန့ဘီၪး အဂဲးဘဲၫယီၩ လၧအ ဝ့ၫဒၪလဘံၪ့အမ့ၬယၫနီၪ အဂူၫဂၩအီၪထီးယီၩအ့ၬ. တၭစဒၫဝံၭစံၭဝ့ၫဒၪ, ဆၧဘဲၫအဝ့ၫလဘံၪ့အၥိၭနီၪ အီၪအ့ၬ,ဖ့ၪလၫ့ယၧၩဆံၭ.

10 စဒၫဝံၭဂဲထုၪ့တၭ, လၧမုလနံၩနီၪစဲၪ့ဖျိၭလၧအၥၭ မဲၪစစီလူၫအကၠီၩ့တၭ, လ့ၩဝ့ၫလၧဂၫၥၭအစဎွၩအၫ 11 ခ့ၭအအီၪလီၫ.- တၭစအၫခ့ၭအခ့ၫအၡၩစံၭအဝ့ၫ, ၦ လဂၩယီၩမွဲထံၫၥံၪခးၥံၪအစဎွၩဒၫဝံၭ, မွဲအ့ၬဧၪ. ၦ လီၩဆၧၫ့လိၬအၥၭ လၧဂဲထုၪ့လံအဖၧၩ့နီၪ, စစီလူၫမၩၥံၫယူၭၦအထီၫ့လဖၪ, စဒၫဝံၭနီၪၦအလၬလဖၪနီၪ, 12 မွဲအ့ၬဧၪ.- စဒၫဝံၭအီၪက့ၪဆၧချဲၩ့လဖၪနီၪ လၧအ ၥၭခံဖၧၩ့တၭ, ၥၭမဲၪဂၫၥၭအစဎွၩအၫခ့ၭဒိၪမၬလီၫ. 13 တၭအဝ့ၫဒၪမၩလၩ့မဲၩအၥၭ လၧအဝ့ၫၥံၪအမ့ၬယၫ တၭ,မၩဖျႃထၪ့အၥၭလၧအဝ့ၫၥံၪအစူၪဖၧၩ့တၭ, ကွ့ၭ ဆၧပျီၩပျီၩလၧတရၫ့အထုၪ့လီၩ့တၭ, အထိၪဖျံၭလၩ့ 14 ယွၩလၧအနိၭဆီၪ့လီၩ့လီၫ.- ထီးနီၪလဖၧၫ့စအၫခ့ၭစံၭ အခ့ၫအၡၩ,ယိခွါ, ၦလဂၩယီၩမွဲၦအဖျႃလီၫ. နၥံၪ 15 ဂဲၫဆိၬလၧယအီၪမွဲဘၪလဲၪ.- ယမၩဆၧလၧၦအဖျႃ အလးအီၪတၭ, နၥံၪဂဲၫဆိၬၦလဂၩယီၩ ဘဲၫၥိၭအမိ မၩၦအဖျႃအဆၧလၧယမ့ၬယၫဧၪ. ၦလဂၩယီၩမိဂဲၫ နုၬဘၪလၧယဂံၪ့ဖၧၩ့ဆ့ဧၪ.