18
1 တၭထီးအချဲၩ့ဆၧလၧစစီလူၫဂီၩ့တၭ, ဆၧမၩအၥၭ လၧစစၪ့နၥၧၫ့အၥၭဘၪ ဆၧဆၭဘုၭထၬလိၬအၥၭလၧ စဒၫဝံၭအၥၭတၭ, စစၪ့နၥၧၫ့အဲၪအဝ့ၫဒၪဘဲၫအၥၭဒၪ
2 ဝ့ၫအၥိၭနီၪလီၫ.- ဆၧလၧမုလနံၩနီၪစစီလူၫမၩန့အဝ့ၫ
3 တၭ,ဒုၭထဲၩ့ထဲၩ့လၧၩ့အဝ့ၫလၧအဖါအဂံၪ့အ့ၬ.- ထီး နီၪလဖၧၫ့စစၪ့နၥၧၫ့အုၩ့လၩ့လိၬအၥၭ လၧစဒၫဝံၭနီၪ, အဂဲးဘဲၫယီၩ အဲၪအဝ့ၫဘဲၫအၥၭဒၪဝ့ၫအၥိၭလီၫ.
4 စစၪ့နၥၧၫ့ဘဲၪ့လၩ့ခွံၬ အဆဲၫ့ဖၭထီၫတၭ, ဖ့ၪလၫ့ဝ့ၫ လၧစဒၫဝံၭဒဲအကီၩ့အၥိၭ ထီၩ့လၧအနၭဒၪလ့ၬ ဒဲအ ချံၪဒဲအခၧၩ့ယးဆ့လီၫ.
5 ထီးဒၪအလး လၧစစီလူၫအၪ့မၧၫ့ အဝ့ၫနီၪစဒၫဝံၭ လ့ၩဝ့ၫတၭ, ကဲၪထၪ့ကဲၪထီၫဝ့ၫလီၫ. စစီလူၫအီၪက့ၪ အဝ့ၫလၧၦၥုၭဖိၪအခိၪတၭ, ဂ့ၩဝ့ၫလၧၦခမျၧးအမ့ၬ ယၫကိၭအဂၩဒ့ၭ, ဒဲလၧစစီလူၫအခ့ၫအၡၩအမ့ၬယၫ ဆ့လီၫ.
6 ထီးစဒၫဝံၭဂဲၫထဲၩ့ လၧအမၩၥံၫယူၭ ၦဖလံၡၫဖိၪ နီၪတၭ,ဆၧမၩအၥၭ လၧၦလဖၪဂဲၫထဲၩ့ဝ့ၫနီၪ,ၦမုၪ လဖၪဂဲၫထၪ့လၧအံၫစရ့လၭ အဒိၩ့လဖၪထီးအလူၬအ ဖၧၩ့တၭ, ဂဲထုၪ့လံ,ၥံၫကျံၩဆၧ, ဘဲၫၥိၭအမိအၪ့ဂၬ စဎွၩစီလူၫနီၪ, အီၪဝ့ၫလၧဒိၩ့ၥံၪ, လၧဆၧၥုၪ့ထိၬၥၭ
7 ထိၬဒဲလၧနါဒံၩ့ၥံၪလီၫ.- တၭၦမုၪၥံၪနီၪဒိၪဆၧဖိၬဆၧ အဘိၩ့ဘၭနီၪ, စံၭဝ့ၫဒၪ, စစီလူၫမၩၥံၫၦအထီၫ့ၥံၪ, စဒၫဝံၭနီၪအလၬၥံၪဖီၩၬ
8 တၭစစီလူၫအၥၭထၪ့ခဲၩထၪ့ဒိၪမၬလီၫ. တၭဆၧ ချဲၩ့လထံၪနီၪအၧၩ့ဝ့ၫလၧအမ့ၬယၫတၭ, စံၭဝ့ၫဒၪ,အ ဝ့ၫၥံၪအီၪက့ၪဝ့ၫလၧစဒၫဝံၭ လၧအလၬၥံၪ,အီၪက့ၪဝ့ၫ လၧယၧၩလၧအထီၫ့ၥံၪနီၪလီၫ. အ့ၪလမွဲဘၪ ဘၩ့မုးနီၪ, မွဲအမိန့ဒံၭဆၧနီၪလဲၪ.
9 ခီၫဒၪလၧမုလနံၩနီၪ စဒၫဝံၭအၧၩ့ဝ့ၫလၧစစီလူၫအ မ့ၬလီၫ.
10 မုဆဲၪ့ထၪ့လနံၩနီၪ ဆၧမၩအၥၭလၧၥၭအၧၩ့လမံၩ့ လၧယွၩနီၪဂဲၫလၩ့ဘၪလၧ စစီလူၫအလီၩ့တၭ,ချဲၩ့ဆၧ လၧမီၪအချိၬလၧဂံၪ့အၥၭကျၩတၭ, စဒၫဝံၭဒံၩ့ဆၧ လၧအစူၪဘဲၫလၧအဝံခိၪအၥိၭနီၪတၭ, ဖၩ့ဖိၪအီၪဝ့ၫ
11 လၧစစီလူၫအစူၪဖၧၩ့လီၫ.- စစီလူၫဆ့ၭဖၩ့ဖိၪတၭ, အဂဲးဘဲၫယီၩ စံၭဝ့ၫဒၪ, ယမိဆ့ၭဘၪစဒၫဝံၭ မၩဘုၭ ထၬလၧဆၧဒီၪ့လီၫ. တၭစဒၫဝံၭဖလ့ၬခွံၬဝ့ၫလၧအမ့ၬ ယၫနံၫဖၧၫ့လီၫ.
12 မွဲယဟိဝၩစဲၪ့ထၪ့ခွံၬလၧစစီလူၫအအီၪနီၪ, အီၪဝ့ၫ လၧစဒၫဝံၭအၥိၭအကၠီၩ့တၭ, စစီလူၫၥၭမဲၪစဒၫဝံၭ
13 လီၫ.-စစီလူၫဒုၭစဲၪ့ထၪ့ခွံၬအဝ့ၫဒၪ လၧအအီၪတၭ, အီၪက့ၪစဒၫဝံၭလၧၦလထီၫ့အခိၪတၭ, အဝ့ၫဒၪလ့ၩ
14 ထၪ့,ဒဲဂဲၫနုၬလၧၦခမျၧးအမ့ၬယၫလီၫ.- စဒၫဝံၭမၩ ဝ့ၫလၧဆၧကိၪ့ၥ့ၪကိၪ့ဘၪ လၧအဖၧၩ့ၥၭထီးအလူၬအ
15 ဖၧၩ့တၭ,ယဟိဝၩအီၪလၧအၥိၭလီၫ.- စစီလူၫဒၪဘၪ လၧအမၩဝ့ၫလၧဆၧကိၪ့ၥ့ၪကိၪ့ဘၪ ဒိၪဒိၪလ့ၬတၭ,
16 ၥၭမဲၪအဝ့ၫဒၪလီၫ.- အ့ၪမွဲအံၫစရ့လၭဒဲယုဒၫထီးအ လူၬအဲၪစဒၫဝံၭလီၫ. အဂဲးဘဲၫယီၩ အဝ့ၫဒၪလ့ၩထၪ့ ဒဲဂဲၫနုၬလၧအဝ့ၫၥံၪအမ့ၬယၫလီၫ.
17 တၭစစီလူၫစံၭစဒၫဝံၭ,ယိခွါ, ယဖိၪမုၪအဒိၪလဂၩ နးမံရၭနီၪ, ယမိဖ့ၪလၫ့ဝ့ၫလၧနမၫအဂး အ့ၪမွဲအီၪ က့ၪနၥၭဆီၪ့ဆီၪ့လ့ၬ လၧယဂးတၭ, ဒုၭယဟိဝၩအ ဆၧဒုၭနီၪဆံၭ. (တၭစစီလူၫစံၭဝ့ၫဒၪ, မွဲယစူၪထီးအီၪ လၧအလီၩ့လဂ့ၩ, မွဲၦဖလံၡၫဖိၪအစူၪအီၪလၧအလီၩ့
18 ဆံၭ.)- တၭစဒၫဝံၭစံၭစစီလူၫ, ဘဲၫၥိၭယမိကဲၪထၪ့ စဎွၩအမၬနီၪ,ယမွဲၦလဂၩလဲၪ. တၭယၥၭမၧၫ့မွဲဂ့ၩ, ယဖါအဂံၪ့ဒီၪ့လၧအံၫစရ့လၭအကျၩမွဲဂ့ၩ, မွဲဆၧနီၪ
19 လမံၩ့လဲၪ.- အဆၧၫ့အထီဘၪလၧဆၧကြၨၭဖ့ၪလၫ့ စစီလူၫအဖိၪမုၪနးမံရၭလၧစဒၫဝံၭတၭ, ဆၧမၩအၥၭ လၧဆၧဖ့ၪလၫ့ဝ့ၫ လၧၦမံဟိလၭဖိၪ စအၫဒအ့လၭ လၧအမၫအဂးလီၫ.
20 စစီလူၫအဖိၪမုၪနးမဲခၫလၭအဲၪစဒၫဝံၭနီၪ, ၦလီၩဘၪ
21 စစီလူၫတၭ, ဆၧနီၪလမံၩ့ဘၪအဝ့ၫအၥၭလီၫ.- တၭ စစီလူၫစံၭဝ့ၫဒၪ, ယမိဖ့ၪလၫ့အဝ့ၫဒၪလၧအဝ့ၫဘဲၫၥိၭ အမိကဲၪထၪ့ဖျံၩခွၩ့လၧအဂး, ဘဲၫၥိၭၦဖလံၡၫဖိၪအ စူၪမိထၫ့ဒုၪဒၩဝ့ၫလီၫ. တၭစစီလူၫစံၭစဒၫဝံၭ, ယဖိၪ မုၪနံၫဂၩနီၪလၧမုဆၫလနံၩယီၩနမိဘၪမၩန့နဝ့ၫနးဂၩ
22 တၭကဲၪထၪ့ယမၬလီၫ.- စစီလူၫမၪလူၬ အခ့ၫအၡၩ ချဲၩ့ဒုၪ့ၥူၪလၧစဒၫဝံၭတၭ, စံၭ,ယိခွါ, စဎွၩဘၪအၥၭ လၧနၧၩဒဲအခ့ၫအၡၩထီးအလူၬအဲၪနၧၩတၭ, ဘိၩ့
23 နဲၪ့ယီၩကဲၪထၪ့စဎွၩအမၬဘီၪ.- တၭစစီလူၫအခ့ၫ အၡၩလဖၪလီၩဘၪဆၧချဲၩ့နီၪ လၧစဒၫဝံၭအနါဖၧၩ့ လီၫ.တၭစဒၫဝံၭစံၭဝ့ၫဒၪ, ဆၧကဲၪထၪ့စဎွၩအမၬနီၪ နၥံၪအီၪက့ၪလၧဆၧအဎွံၫဧၪ. ယမွဲၦၡၪ့ဖိၪယၬဖိၪ
24 တၭ,ဆၧအီၪက့ၪယၧၩလၧဆၧနးမံၩ့အ့ၬ.- စစီလူၫအ ခ့ၫအၡၩဒုၭနဲၪဝ့ၫတၭ, စံၭဝ့ၫဒၪ, စဒၫဝံၭချဲၩ့ဆၧဘဲၫ
25 ဆၧချဲၩ့လဖၪယီၩအၥိၭနီၪလီၫ.- တၭစစီလူၫစံၭဝ့ၫဒၪ, နၥံၪမိဘၪစံၭစဒၫဝံၭဘဲၫယီၩ, ဘၪစဎွၩအၥၭလၧဆၧ အဎွ့ၩအ့ၬ, အ့ၪမွဲလၧၦဖလံၡၫဖိၪအဆၧခိၪဖံၭလယၩ ဘဲၫၥိၭအမိမၩဆၧၫ့ဆၧအၧၩ့ လၧစဎွၩအဒုၪအဒၩအ လီၩ့လီၫ. စစီလူၫဆီၫ့မီၪ့လၧအမိဒုၭလၩ့ထံၩဖါစဒၫ
26 ဝံၭလၧၦဖလံၡၫဖိၪအစူၪဖၧၩ့လီၫ.- အခ့ၫအၡၩလီၩ ဘၪစဒၫဝံၭလၧဆၧချဲၩ့လဖၪနီၪတၭ, ကဲၪထၪ့စဎွၩအ မၬနီၪ,ဘၪစဒၫဝံၭအၥၭတၭ, မုနံၩလဖၪဎွ့ၩထၪ့ဒံၭ
27 အ့ၬ.- စဒၫဝံၭဂဲထုၪ့တၭ, လ့ၩဆၧ, အဝ့ၫဒၪဒဲအၡၩ လဖၪတၭ, ဖ့ၬခွံၬၦဖလံၡၫဖိၪနံၫယၩတၭ, စဒၫဝံၭဂဲၫ ထဲၩ့ဆိၬအဝ့ၫၥံၪအဆၧခိၪဖံၭတၭ, ဖ့ၪလၧၫ့ဖ့ၪဎွ့ၩဝ့ၫ လၧစဎွၩဘဲၫအမိကဲၪထၪ့စဎွၩအမၬအၥိၭလီၫ. တၭ စစီလူၫဖ့ၪလၫ့ဝ့ၫလၧအဖိၪမုၪ နးမဲခၫလၭလၧအမၫအ
28 ဂးလီၫ.- တၭစစီလူၫဒၪဘၪဝ့ၫတၭ, ၥ့ၪယၫဝ့ၫလၧယ ဟိဝၩအီၪလၧစဒၫဝံၭအၥိၭလီၫ. တၭစစီလူၫအဖိၪမုၪ
29 နးမဲခၫလၭအဲၪအဝ့ၫလီၫ.- တၭစစီလူၫၥၭမဲၪစဒၫဝံၭ အၪထၪ့လခီၫတၭ, စစီလူၫကဲၪထၪ့စဒၫဝံၭအဒုၪအဒၩ
30 ကိၭမုနံၩမုနၩဒ့ၭလီၫ.- ၦဖလံၡၫဖိၪအၦဒိၪဖၭဒိၪလ ဖၪစဲၪ့ထၪ့ဝ့ၫတၭ, လၧအဝ့ၫၥံၪစဲၪ့ထၪ့အလးခဲၫ့နီၪဆၧ မၩအၥၭလၧစဒၫဝံၭမၩလၧ ဆၧကိၪ့ၥ့ၪကိၪ့ဘၪဒိၪနဲၪ့ စစီလူၫအခ့ၫအၡၩထီးအလူၬဒံၭတၭ, ၦအီၪက့ၪအမံၩ့ လၧဆၧလူဒိၪဎွ့ၩဒိၪဖၭဒိၪလီၫ.