17
1 ၦဖလံၡၫဖိၪဒုၭအီၪကီၪ့အၡၩၥုၭမု ဘဲၫၥိၭအမိဒုၭ ဆၧနီၪအီၪကိၩ့အီၪကီၪ့ထီးၡိကိၫ လၧအဘၪဆဲၫ့လၧ ယုဒၫတၭ,ၥုၪ့အတဲၩထီးၡိကိၫ ဒဲအဇံကၫအဘိၩ့ဆၧၩ့
2 လၧအံဖ့ၭဒၫ့မံၫ့အဖၧၩ့လီၫ.- စစီလူၫဒဲၦအံၫစရ့လၭအ ၡၩၥံၪအီၪကိၩ့အီၪကီၪ့တၭ, ၥုၪ့တဲၩလၧဆၧစီၩ့ခိၪအံ လၫတၭ,တဲၩ့ဝဲၩဆၧဒုၭၥုၭ လၧအထၫ့ဒၩၦဖလံၡၫဖိၪ
3 လီၫ.- ၦဖလံၡၫဖိၪဆၧၫ့ထုၪ့ဝ့ၫ လၧခိၪလီၩ့ခိၪလၧအ လခီၫဒၪတၭ, ခိၪလီၩ့ဆူၭအီၪဝ့ၫလၧအဘိၩ့ဆၧၩ့လီၫ.
4 တၭၦလဂၩဂဲၫထၪ့ လၧၦဖလံၡၫဖိၪၥုၪ့တဲၩအလး နီၪး အမံၩ့မွဲ စဂိၫလဲအၫလၧဂၭၥၫတၭ, အဂၩ့ထီၫဎူၫ
5 ဖျါထၫလီၫ.- အဝ့ၫဒၪချႃၬခိၪလူၬၥုၭ ထီးဘၩ့လၧအ ခိၪတၭ, ၥိၭဆဲၫ့ထီးဘၩ့လၧအလယၧးဎၧၫ့ၡက့လၭ
6 ယဲထီၫ့.- ဖျၪ့အခၪ့လၧခၪ့ဖျၪ့ထီးဘၩ့,ဒဲဖၩ့ဖိၪထီးဘၩ့
7 အီၪဝ့ၫလၧအခိၬထံၭခိၪနီၪလီၫ.- တၭအဖၩ့ဘီၩ့မၩအ ၥၭဘဲၫထၪခိၪအၥိၭ, အဖၩ့အနါနီၪအလယၧးဎၧၫ့ထၭ ၡက့လၭဎူၫယၩလီၫ. တၭၦဆိၬထၩ့ဖံၭလဂၩလ့ၩလၧ
8 အမ့ၬယၫလီၫ.- အဝ့ၫဒၪဆၧၫ့ထုၪ့ဝ့ၫတၭ, ကိၭထၪ့ လၧအံၫစရ့လၭအၥုၭမုတၭ, စံၭဝ့ၫ, နၥံၪဂဲၫထၪ့တဲၩ့ ဝဲၩဆၧဘဲၫၥိၭနၥံၪမိဒုၭၥုၭမွဲဘၪလဲၪ. ယဝ့ၫဒၪယီၩ ယမွဲၦဖလံၡၫဖိၪတၭ, နၥံၪမွဲစစီလူၫအခ့ၫအၡၩ,မွဲ အ့ၬဧၪ.ရွံန့ၦလဂၩလၧနၥံၪအဂးတၭ, ဒုၭဂဲၫလၩ့အ
9 ဝ့ၫဒၪလၧယအီၪဘီၪ.- ဒုၭဆၧလၧယၧၩအ့ၪၥ့ၪ,ဒဲအ့ၪ မၩၥံၫယၧၩတၭ, ပမိကဲၪထၪ့နၥံၪအဎီးအၡၩလီၫ.အ့ၪ မွဲယအ့ၪမၩစၪအဝ့ၫဒဲမၩၥံၫဝ့ၫတၭ, နၥံၪမိကဲၪထၪ့ပ
10 ဎီးပၡၩဒဲမၩပဆၧလီၫ.- တၭၦဖလံၡၫဖိၪလဂၩနီၪစံၭ ဝ့ၫဒၪ,ယအၪ့ထၩန့အံၫစရ့လၭ အၥုၭမုခမျၧးၥံၪလၧမု ဆၫလနံၩယီၩလီၫ. ဖ့ၪလၫ့ယၧၩလၧၦၡၩလဂၩဘဲၫ
11 ၥိၭပမိဒုၭလိၬပၥၭဘီၪ.- ထီးစစီလူၫဒဲအံၫစရ့လၭထီး အလူၬနါဂၧၫ့ၦဖလံၡၫဖိၪအဆၧချဲၩ့နီၪတၭ, အၥုၪ့အုၭ အၥၭအုၭဒဲၥၭမဲၪဆၧဒိၪမၬလီၫ.
12 စဒၫဝံၭအဖါနီၪမွဲၦအ့ဖၭဖိၪ လၧဘ့ၭၥလံၫဟံၫ့ယုဒၫ အဖၧၩ့တၭ, အမံၩ့မွဲစယ့ၭစံၫလီၫ. အဝ့ၫဒၪအီၪလၧအ ဖိၪခွၫဎိၭဂၩတၭ, လၧစစီလူၫအမုနံၩလဖၪနီၪမွဲၦၥၭ
13 ၡါလၧၦၡၩအကျၩလီၫ.- တၭစယ့ၭစံၫအဖိၪခွၫလၧ အၥၭၡါထုၬၥၧၫ့ဂၩဖိၬစစီလူၫအခဲၫ့ လၧဆၧဒုၭၥုၭအ ဖၧၩ့လီၫ. တၭၦလၧအလ့ၩဝ့ၫလၧဆၧဒုၭၥုၭအဖၧၩ့ လဖၪနီၪ,အဝဲၡါအမံၩ့မွဲ စအံၫလဲအၭလဂၩ,ဒဲနံၫဂၩ
14 လဂၩစအဘံနဒၭ,ၥၧၫ့ဂၩလဂၩစၡၫ့မၫလီၫ.- စဒၫဝံၭ မွဲၦအၥၭဘၪ့ထုၬတၭ, ၦအၥၭၡါထုၬၥၧၫ့ဂၩနီၪဖိၬစ
15 စီလူၫအခဲၫ့လီၫ.- အ့ၪမွဲစဒၫဝံၭလ့ၩဆၧ, ထဲၩ့ခွံၬလၧစ စီလူၫအအီၪ, ဘဲၫၥိၭအမိယိအဖါအၥိၪၥံၪဘ့ၪၥံၪလၧ
16 ဘ့ၭၥလံၫဟံၫ့အဖၧၩ့နီၪလီၫ.- ၦဖလံၡၫဖိၪလဂၩနီၪၥုၭ ဘူၭအၥၭလၧဂီၩလဘျၩ့, လၧဂၪလဘျၩ့တၭ, အီၪဒုၭ
17 နဲၪအၥၭအနံၩလံဆံၫလီၫ.- စယ့ၭစံၫစံၭအဖိၪခွၫစဒၫ ဝံၭ,မၩန့ဘုၪဖီးဎွ့ၩထၪ့လအ့ဖၭ လၧနထၧၫ့ဖုဝဲအဂး, ဒဲကိၪဆံၫလီၪ့ယီၩတၭ, လ့ၩလၧၦၥုၪ့တဲၩအလးလၧန
18 ထၧၫ့ဖုဝဲအအီၪဘီၪ.- ဆိၬဆၧနူထံၫ လၩ့ဒၭဆံၫလီၪ့ လၧၦလထီၫ့အခိၪနီၪ, ယိနထၧၫ့ဖုဝဲၥံၪ, မွဲအအီၪမုၬဆ့ ဧၪ,တၭမၩန့အဝ့ၫၥံၪအဆၧ ထိးအၥၭနးမံၩ့ဘီၪ.
19 တၭစစီလူၫဒဲအဝ့ၫၥံၪနီၪ, ဒဲအံၫစရ့လၭအၡၩထီးအ လူၬအီၪဝ့ၫလၧဆၧဒၩဖၧၩ့အံလၫတၭ, ဒုၭၥုၭလၧၦဖလံ
20 ၡၫဖိၪလီၫ.- မုဆဲၪ့ထၪ့စဒၫဝံၭဂဲထုၪ့ဂီၩဂီၩတၭ, အီၪ က့ၪလၩ့ထးၥိၪ ဒဲဘ့ၪအီၪလၧအၡၩယိဝ့ၫလဂၩတၭ, မၩန့ဆၧတၭ လ့ၩဘဲၫစယ့ၭစံၫ မၪလူၬဝ့ၫအၥိၭနီၪ, ဂဲၫထီၩ့ဝ့ၫလၧဆၧအခိၪဒၧၩ့ ထီးၦၥုၭမုလ့ၩဒုၭၥုၭ,
21 ဒဲကိၭၡၭထၪ့ လၧဒုၭၥုၭအဘိၩ့ဘၭနီၪလီၫ.- အဂဲး ဘဲၫယီၩအံၫစရ့လၭဒဲၦဖလံၡၫဖိၪ တဲၩ့ဝဲၩယူၭလၧ
22 ဆၧဒုၭၥုၭအဂး, ၥုၭမုခီၫၥုၭမုလီၫ.- တၭစဒၫဝံၭအီၪ က့ၪလၩ့ထးအဆၧဖိၪဆၧလံၩ လၧၦယိဆၧဖိၪဆၧလံၩ အစူၪဖၧၩ့တၭ, လ့ၩစဲၪ့ဝ့ၫလၧၦၥုၭမုအကျၩတၭ, ဂဲၫ
23 ချဲၩ့ဒုၪ့အထၧၫ့ဖုဝဲလီၫ.- ချဲၩ့ဒုၪ့ဝ့ၫအဘိၩ့ဘၭနီၪ, ယိ ခွါ,ၦလၧနံၫခီၫအဘိၩ့ဆၧၩ့လဂၩဂဲၫထၪ့ (ၦဖလံၡၫ ဖိၪလၧဂၫၥၭနီၪအမံၩ့မွဲစဂိၫလဲအၫ) လၧၦဖလံၡၫဖိၪ အၥုၭမုအကျၩတၭ, ချဲၩ့ဆၧချဲၩ့လဖၪ ဘဲၫအလးလး
24 လီၫ.တၭစဒၫဝံၭနါဂၧၫ့ဝ့ၫလီၫ.- ကယဲအံၫစရ့လၭအ ၡၩထီးအလူၬထီးအဒၪဘၪၦလဂၩနီၪ ၥၭမဲၪဆၧဒိၪမၬ တၭ,စဲၪ့ဖျိၭဝ့ၫလီၫ.
25 တၭအံၫစရ့လၭအၡၩစံၭဝ့ၫဒၪ, ၦလၧအဂဲၫထၪ့လ ဂၩနီၪနၥံၪဒၪဘၪယူၭဧၪ, မွဲမၬဘဲၫၥိၭအမိအၪ့ထၩန့ အံၫစရ့လၭတၭ, ဂဲၫထၪ့ဝ့ၫလီၫ. တၭၦလၧအမၩၥံၫ ဝ့ၫလဂၩဆၧမိမၩအၥၭ လၧစဎွၩမိဒုၭကဲၪဒိၪကဲၪၡါ အီၪလၧဆၧလူဒိၪဎွ့ၩဒိၪဖၭဒိၪတၭ, မိဖ့ၪလၫ့ဝ့ၫလၧ အဖိၪမုၪဒဲမိအီၪက့ၪအဖါအၡၩဂံၪ့ဖိၪ လၧအဖျ့ၭခီၫ့ လၧအံၫစရ့လၭအကျၩလီၫ.
26 စဒၫဝံၭချဲၩ့ဆၧလၧၦလၧအဆၧၫ့ထုၪ့ လၧအနဲၩ့ ထံၭလဖၪတၭ, စံၭဝ့ၫဒၪ, ၦလၧအမၩၥံၫၦဖလံၡၫဖိၪ လဂၩနီၪတၭ, မၩန့ခွံၬဆၧဒုၪဒွ့ၪလၧၦအံၫစရ့လၭအ လီၩ့နီၪဆၧမိမၩဝ့ၫဘဲၫၥ့ၪလဲၪ. ၦဖလံၡၫဖိၪလၧအလ ဒိၭဘၪဆၧကူၭတရံၭလဂၩ ဘဲၫၥိၭအမိအၪ့ထၩန့ယွၩ လၧအမၧၫ့ဝ့ၫလဂၩ အၥုၭမုခမျၧးနီၪ, မွဲဝ့ၫပလၫလ
27 ဂၩလဲၪ.- တၭၦခမျၧးစံၭဆၧၫ့ဝ့ၫ, ဘဲၫဆၧချဲၩ့နီၪအၥိၭ တၭ,စံၭဝ့ၫဒၪ, ဆၧမိမၩၦလၧအမၩၥံၫအဝ့ၫဒၪဘဲၫနီၪ အၥိၭလီၫ.
28 လၧအချဲၩ့ဆၧလၧၦၡၩနီၪ အဝဲခွၫဝဲၡါစအံၫလဲအၭ, နါဂၧၫ့ဝ့ၫတၭ, စအံၫလဲအၭအၥၭထၪ့ခဲၩထၪ့ဘၪစဒၫ ဝံၭတၭ,စံၭဝ့ၫဒၪ, နဂဲၫလၩ့ထီးယီၩမွဲဘၪလဲၪ. တၭန အီၪက့ၪလၩ့ထးၥိၪၥံၪ ဘ့ၪၥံၪၡၩခိၬဒုၩနီၪလၧမံၩ့လၬ ကျၩလၧပလၫအစူၪဖၧၩ့လဂၩလဲၪ. ယၥ့ၪယၫနၥၭ ထၪ့ထီၫဒဲဆၧအၧၩ့လၧနၥၭခံဖၧၩ့လီၫ. အဂဲးဘဲၫယီၩ
29 နဂဲၫဘဲၫၥိၭနမိဒၪဘၪဆၧဒုၭၥုၭလီၫ.- တၭစဒၫဝံၭစံၭ ဝ့ၫဒၪ,ယမၩဘၪယူၭ ဘိၩ့နဲၪ့ယီၩဆၧနီၪလမံၩ့လဲၪ.
30 ဘိၩ့နဲၪ့ယီၩအလးလအီၪဘၪဧၪ.- မွဲအကၠၪအၥၭလၧ ၦလဂၩဒၪအအီၪတၭ, ချဲၩ့ဆၧဘဲၫလးလးတၭ,ၦခမျၧး
31 စံၭဆၧၫ့ဝ့ၫဘဲၫလၧအဝံခိၪအၥိၭနီၪလီၫ.- ၦနါဂၧၫ့ဆၧ လၧစဒၫဝံၭချဲၩ့ဝ့ၫတၭ, လီၩလၩ့ဝ့ၫလၧစစီလူၫအမ့ၬ ယၫတၭ အဝ့ၫဒၪကိၭန့ဝ့ၫဒၪလီၫ.
32 တၭစဒၫဝံၭစံၭစစီလူၫ မွဲၦအၥၭထီးလၩ့ပွံၭလၧအ ဝ့ၫဒၪအကၠီၩ့နးဂၩလဂ့ၩ, နခ့ၫနၡၩမိလ့ၩဒုၭဆၧလၧၦ
33 ဖလံၡၫဖိၪလဂၩနီၪလီၫ.- စစီလူၫစံၭစဒၫဝံၭ,နလ့ၩဒုၭ ဆၧလၧၦဖလံၡၫဖိၪနီၪနၧၩ့အ့ၬ. အဂဲးဘဲၫယီၩနမွဲဖိၪ ၥၪခွၫထၪ့ၥၫ့ဒံၭလီၫ. အ့ၪမွဲအဝ့ၫဒၪလဂၩနီၪမွဲၦၥုၭဖိၪ
34 ခီၫလၧအဖိၪၥၪခွၫထၪ့ယူၭလီၫ.- စဒၫဝံၭစံၭစစီလူၫ,န ခ့ၫနၡၩယိအဖါအၥိၪၥံၪဘ့ၪၥံၪတၭ, ဆၬလၥၧၫ့ဒဲဖူၫ
35 ထၫ့ဂဲၫမၩန့ၥိၪဖိၪလၧအဒီၪ့အကျၩလီၫ.- ယလီၩ့ဆီး ဝ့ၫဒဲမၩဂၭဖျ့ၭထၪ့ခွံၬလၧအနိၭဖၧၩ့တၭ, ထီးအဂဲထုၪ့ ထၫ့ဒၩယၧၩနီၪ, ယဖီၪ့န့အနိၭဆီၪ့တၭ, ဖ့ၬခွံၬဝ့ၫဒဲ
36 မၩၥံၫဝ့ၫလီၫ.- နခ့ၫနၡၩမၩၥံၫဆၬလၥၧၫ့ ဒဲဖူၫထၪ့ တၭ,ၦဖလံၡၫဖိၪလၧအလဒိၭဘၪ ဆၧကူၭတရံၭမိ ကဲၪထၪ့ဆၧဘဲၫနီၪလဒုၩအၥိၭလီၫ. အဂဲးဘဲၫယီၩမွဲ အအၪ့ထၩန့ယူၭယွၩလၧ အမၧၫ့ဝ့ၫအၥုၭမုခမျၧးလီၫ.
37 တၭစဒၫဝံၭစံၭဝ့ၫဒၪ, ယဟိဝၩလၧအမၩဖီၩ့ဖျ့ၭယၧၩ လၧဆၬလၥၧၫ့အစူၪ, ဒဲဖူၫထၫ့အစူၪနီၪ,မိမၩဖီၩ့ဖျ့ၭ ယၧၩလၧၦဖလံၡၫဖိၪလဂၩနီၪအစူၪဖၧၩ့လီၫ. စစီလူၫ စံၭစဒၫဝံၭလ့ၩကဒၪတၭ, မွဲယဟိဝၩအီၪ လၧနၥိၭ
38 ဆံၭ.- တၭစစီလူၫဒုၭၥိၭစဒၫဝံၭ လၧအဆဲၫ့ဒၪဝ့ၫတၭ, အီၪက့ၪခိၪလူၬၥုၭထီးဘၩ့, လၧအခိၪဎွံၪ ဒဲဒုၭၥိၭဝ့ၫ
39 လၧဆဲၫ့ထၭလီၫ.- တၭစဒၫဝံၭခဲးထၬအနၭလဘံၪ့လၧ ဆၧလၧအၥိၭဝ့ၫအဖၫ့ခိၪနီၪ, ကျ့ၭစၨၭဘဲၫၥိၭလၧအ မိလ့ၩဆၧလီၫ. အဂဲးဘဲၫယီၩ မၩခွါဒံၭဝ့ၫအ့ၬ. တၭ စဒၫဝံၭစံၭစစီလူၫ ယလ့ၩဆၧလၧအယီၩလဖၪၥ့ၪအ့ၬ. အဂဲးဘဲၫယီၩ ယမၩခွါဘၪဒံၭအ့ၬ. တၭစဒၫဝံၭဘဲၪ့
40 လၩ့ခွံၬဝ့ၫလီၫ.- မၩန့အနိၪထိၭဘီၩ့ လၧအစူၪဖၧၩ့ တၭ,အၪ့ဎၬန့လိးလၧအဖျ့ၫယဲဖျိၪ့ လၧထံၫချိၬဖၧၩ့ တၭ,ဒူၭလၩ့ဝ့ၫလၧၦယိၥိၪအထိၪ့ဖၧၩ့ လၧအအီၪလၧ အၥိၭတၭ, အီၪလၧအထိၪ့, ဒဲဖလီအီၪလၧအစူၪဖၧၩ့ တၭ,ၥုၭဘူၭအၥၭလၧၦဖလံၡၫဖိၪအအီၪနီၪလီၫ.
41 ၦဖလံၡၫဖိၪလဂၩနီၪဂဲၫဝ့ၫတၭ, ၥုၭဘူၭအၥၭလၧ စဒၫဝံၭအအီၪတၭ, ၦလၧအဆိၬ အထၩ့ဖံၭလဘံၪ့နီၪ အီၪလၧအမ့ၬယၫလီၫ.
42 ၦဖလံၡၫဖိၪလဂၩယိဝ့ၫတၭ, ဒၪဘၪစဒၫဝံၭနီၪအီၪ က့ၪဝ့ၫလၧဆၧနးမံၩ့အ့ၬ. အဂဲးဘဲၫယီၩ မွဲဖိၪၥၪတၭ
43 ဝီၩတၭ,အခံးအဂၩ့ဂ့ၩလီၫ.- တၭၦဖလံၡၫဖိၪနီၪစံၭ စဒၫဝံၭ,နဂဲၫလၧယအီၪ လၧနနိၪထိၭဘီၩ့နီၪယမွဲထွံၪ လဒုၩဆ့ဧၪ, ၦဖလံၡၫဖိၪနီၪ ဆိၪအၧၩ့စဒၫဝံၭလၧအ
44 ယွၩလဖၪအမ့ၬယၫလီၫ.- တၭၦဖလံၡၫဖိၪစံၭစဒၫဝံၭ, ဂဲၫလၧယအီၪဘီၪး ယမိဖ့ၪလၫ့နဖံၭနယၪလၧထိၪၥံၪ လံၪၥံၪလၧမူၭဖိၭဖၫ့, ဒဲလၧဆၧဖိၪဆၧဎါလၧဆၧပျၩ့ ဖၧၩ့လီၫ.
45 တၭစဒၫဝံၭစံၭ, ၦဖလံၡၫဖိၪ,နဂဲၫလၧယအီၪလၧနၭ, ဒဲလၧဖၩ့, ဒဲလၧထၩ့ဖံၭလဘံၪ့လီၫ. အ့ၪမွဲယဝ့ၫဒၪ ယီၩယဂဲၫလၧနအီၪ လၧဆၧၥုၭမုခမျၧးအယဟိဝၩအ မံၩ့,အံၫစရ့လၭအၡၩၥုၭမုခမျၧးလဖၪ အယွၩလၧ
46 နအၪ့ထၩန့ယူၭလီၫ.- ဆၧလၧမုဆၫလနံၩယီၩယဟိ ဝၩမိဖ့ၪလၫ့နၧၩ လၧယစူၪဖၧၩ့တၭ, ယမိဖ့ၬခွံၬနၧၩ တၭ,ယမိဖ့ၬထ့ၬခွံၬနခိၪဎွံၪလၧနလီၩ့တၭ, လၧမုဆၫ လနံၩယီၩယမိဖ့ၪလၫ့ၦဖလံၡၫဖိၪ အၥုၭမုအစွၪလဖၪ လၧထိၪၥံၪလံၪၥံၪ လၧမူၭဖိၭဖၫ့, ဒဲလၧဆၧဖိၪဆၧဎါ လၧဂၪ့ခိၪချိၫ့ဘဲၫၥိၭဂၪ့ခိၪချိၫ့ထီးအလူၬ မိၥ့ၪယၫလၧ
47 ယွၩလဂၩအီၪဝ့ၫလၧအံၫစရ့လၭအကျၩလီၫ.- ကယဲ ဆၧအီၪကီၪ့ယီၩ ထီးအလူၬမိၥ့ၪယၫလၧယဟိဝၩမၩ ဖီၩ့မၩဖျ့ၭဆၧလၧဖၩ့ၥံၪနၭၥံၪအ့ၬ. အဂဲးဘဲၫယီၩဆၧ ဒုၭၥုၭယီၩမွဲယဟိဝၩအဆၧမၩလီၫ. တၭအဝ့ၫဒၪမိ ဖ့ၪလၫ့နၥံၪလၧပစူၪဖၧၩ့လီၫ.
48 ထီးၦဖလံၡၫဖိၪနီၪ ဂဲထုၪ့တၭဆၧမၩအၥၭလၧအ ဂဲၫၥုၭဘူၭအၥၭဘဲၫၥိၭအမိလ့ၩဆီးစဒၫဝံၭတၭ, စဒၫ ဝံၭမၩဝ့ၫချဲၫ့ချဲၫ့တၭ, စဲၪ့ဝ့ၫလၧၦၥုၭမုအအီၪ ဘဲၫၥိၭ
49 အမိလ့ၩဆီးစိၩ ၦဖလံၡၫဖိၪလဂၩနီၪလီၫ.- စဒၫဝံၭ ဒုၭနုၬအစူၪလၧအထိၪ့ဖၧၩ့တၭ, မၩန့ထၪ့လိးလဖျိၪ့ ထီးနီၪခွံၬဝ့ၫတၭ, ဘၪၦဖလံၡၫဖိၪလဂၩနီၪလၧအမ့ၬ ထုးခိၪတၭ, လိးလဖျိၪ့နီၪလၩ့ဘၧၩ့လၧအမ့ၬထုးခိၪ
50 အဖၧၩ့တၭ, လၩ့ထံၩဖါၡီၫ့ခိၪလီၫ.- ဘဲၫနီၪၥိၭစဒၫ ဝံၭမၩစၪၦဖလံၡၫဖိၪလၧအဖလီလဘီၩ့, ဒဲလၧလိးလ ဖျိၪ့တၭ,ဖ့ၬခွံၬၦဖလံၡၫဖိၪတၭ, မၩၥံၫဝ့ၫလီၫ. နၭအီၪ
51 လၧစဒၫဝံၭအစူၪဖၧၩ့အ့ၬ.- အခိးမွဲစဒၫဝံၭလ့ၩစဲၪ့ဝ့ၫ ဆၧၫ့ထုၪ့လၧၦဖလံၡၫဖိၪအလီၩ့တၭ, မၩန့အဝ့ၫအ နၭနီၪ,ထုၭထၪ့ဝ့ၫလၧအကၠိၭဖၧၩ့တၭ, မၩၥံၫအဝ့ၫဒၪ တၭဖ့ၬထ့ၬခွံၬအဝ့ၫဒၪအခိၪဎွံၪလီၫ. တၭၦဖလံၡၫဖိၪ လဖၪဒၪဘၪဝ့ၫလၧအၡၩနံၫခီၫ အဘိၩ့ဆၧၩ့လဂၩၥံၫ ယူၭတၭ, အဝ့ၫၥံၪစဲၪ့ဖျိၭဝ့ၫလီၫ.
52 အံၫစရ့လၭဒဲယုဒၫအၡၩၥံၪဂဲထုၪ့တၭ, ကိၭၡၭထၪ့ လီၩ့ဆီးၦဖလံၡၫဖိၪထီးနလ့ၩနုၬ လၧအ့ၭကြၧၫ့အခိၪ လီၩ့ဆူၭ, ဒဲအတရၫ့လဖၪနီၪတၭ, ၦဖလံၡၫဖိၪလၧအ ဘၪဆၧဆ့ၭဝ့ၫလၩ့ထံၩဖါဝ့ၫ လၧၡၫအရ့အံၫ့အဖၧၩ့
53 ၥၭဖိးလၧဂၫၥၭဒဲအ့ၭကြၧၫ့လီၫ.- ၦအံၫစရ့လၭဖိၪလၧ အလီၩ့ဆီးၦဖလံၡၫဖိၪနီၪ ဂဲၫထဲၩ့ဝ့ၫတၭ, အၪ့ဂူၬန့
54 ဆီၪ့အဝ့ၫၥံၪအတဲၩလဖၪလီၫ.- စဒၫဝံၭမၩန့ၦဖလံၡၫ ဖိၪလဂၩနီၪအခိၪဎွံၪတၭ, ဂဲၫထဲၩ့ဆိၬဝ့ၫလၧယရုစ လံၫ့တၭ,အ့ၪမွဲအစူၪဝဲၩနီၪ အီၪက့ၪဝ့ၫလၧအတဲၩဖၧၩ့ လီၫ.
55 ထီးစစီလူၫဒၪဘၪ စဒၫဝံၭလ့ၩထၪ့ထၫ့ဒၩၦဖလံၡၫ ဖိၪလဂၩနီၪတၭ, မွဲအစံၭၦၥုၭမုအခိၪစအၭဘနၧၫလ ဂၩနီၪ,စအၭဘနၧၫဧ့, ဖိၪၥၪခွၫလဂၩနီၪ မွဲပလၫအ ဖိၪခွၫလဲၪ,တၭစအၭဘနၧၫစံၭဝ့ၫဒၪ, နၥၭမၧၫ့ဝ့ၫစဎွၩ
56 ဧ့,ယၥ့ၪယၫအ့ၬ.- တၭစဎွၩစံၭဝ့ၫဒၪ, ဖိၪၥၪခွၫလဂၩ
57 ယီၩမွဲပလၫအဖိၪလဲၪနီၪ,အၪ့စၪ့နးထံၪဘီၪ.- ထီးစဒၫ ဝံၭဂဲၫထဲၩ့ထဲၩ့ လၧအမၩၥံၫယူၭ ၦဖလံၡၫဖိၪတၭ, စအၭဘနၧၫ မၩန့အဝ့ၫတၭ, ၥိၫ့ဝ့ၫလၧစစီလူၫအမ့ၬ ယၫအီၪလၧၦဖလံၡၫဖိၪအခိၪဎွံၪ လၧအစူၪဖၧၩ့လီၫ.
58 တၭစစီလူၫစံၭအဝ့ၫဒၪ, ဖိၪခွၫဧ့, နမွဲပလၫအဖိၪခွၫ လဲၪ.တၭစဒၫဝံၭစံၭဆၧၫ့ဝ့ၫဒၪ, ယမွဲနခ့ၫနၡၩၦဘ့ၭ ၥလံၫဟံၫ့ဖိၪ စယ့ၭစံၫအဖိၪခွၫလီၫ.