16
1 တၭယဟိဝၩစံၭစစၫမုၫအ့လၭ, နၥၭမိအုၭလၧစစီ လူၫအကၠီၩ့ဆံၭယံၬလဲၪ. ယခွံၬၡိၭယူၭအဝ့ၫလၧစဎွၩ အလးလၧအံၫစရ့လၭအဖၫ့ခိၪယူၭ, မၩဎွ့ၩနဖီၩ့ဆၧ နိၩ့လၧၥိၪတၭ, လ့ၩဘီၪ. ယမိဒုၭလ့ၩနၧၩလၧၦဘ့ၭ ၥလံၫဟံၫ့ဖိၪစယ့ၭစံၫအအီၪလီၫ. အဂဲးဘဲၫယီၩယ ဒၪဘၪယူၭစဎွၩလၧယဂး လၧအဝ့ၫဒၪအဖိၪခွၫၥံၪအ
2 ကျၩယူၭ.- စစၫမုၫအ့လၭစံၭဝ့ၫဒၪ, ယလ့ၩမိၥ့ၪဘဲၫ ၥ့ၪလဲၪ.စစီလူၫအ့ၪနါဂၧၫ့တၭ, မိမၩၥံၫယၧၩလီၫ. တၭယဟိဝၩစံၭဝ့ၫဒၪ, မၩန့ချီမိနးဒုၩ လၧနၥိၭတၭ,
3 စံၭ,ယဂဲၫလုထၪ့ဆၧလၧယဟိဝၩလီၫ.- တၭကိၭန့ စယ့ၭစံၫလၧဆၧလုထၪ့နီၪဘီၪ. နမိဘၪမၩဘဲၫၥ့ၪလဲၪ, ဘဲၫၥ့ၪလဲၪနီၪ, ယမိဒုၭနဲၪနၧၩလီၫ. နမိဘၪဂုၪၦလၧ ယမိစံၭနၧၩလဂၩလၧယဂးလီၫ.
4 စစၫမုၫအ့လၭမၩဆၧလၧ ယဟိဝၩချဲၩ့နီၪတၭ, ဂဲၫဝ့ၫလၧဘ့ၭၥလံၫဟံၫ့နီၪလီၫ. ဒိၩ့အၡၩၥုၪ့က့ၭၥၭၡါ ဝၭထိၬလၧအဂဲၫဆၧအကၠီၩ့တၭ, စံၭဝ့ၫဒၪ, နဂဲၫလၧ
5 ဆၧဘၪလိၬအိၭလိၬဆ့ဧၪ.- တၭအဝ့ၫဒၪစံၭ, ယဂဲၫ လၧဆၧဘၪလိၬအိၭလိၬ ဘဲၫၥိၭယမိလုထၪ့ဆၧလၧ ယဟိဝၩအဂးလီၫ. မၩဆံၫ့ထၪ့နၥံၪအၥၭတၭ, ဂဲၫ လၧယၥိၭလၧဆၧလုထၪ့ဝ့ၫဆံၭ. တၭအဝ့ၫဒၪမၩဆံၫ့ ဎံၪစယ့ၭစံၫဒဲအဖိၪခွၫၥံၪတၭ, ကိၭအဝ့ၫၥံၪလၧဆၧလု ထၪ့ဝ့ၫနီၪလီၫ.
6 ဆၧမၩအၥၭထီးအဝ့ၫၥံၪဂဲၫထၪ့နီၪ လၧအဝ့ၫဒၪယိ စအံၫလဲအၭတၭ,စံၭဝ့ၫဒၪ, မွဲမၬယဟိဝၩအၡၩဒိၭဂုၪ
7 အၥၭလဂၩအီၪလၧအမ့ၬယၫလီၫ.- အ့ၪမွဲယဟိဝၩ စံၭစစၫမုၫအ့လၭ, အဝ့ၫဒၪအမ့ၬအခံးအဂၩ့, ဒဲအဂၩ့ ထီၫနီၪယိလဂ့ၩ, မွဲယခွံၬၡိၭယူၭအဂဲးလီၫ. အဂဲးဘဲၫ ယီၩယဒၪဘၪဆၧ ဘဲၫၦၡၩဒၪဘၪဆၧအၥိၭနီၪအ့ၬ. အဂဲးဘဲၫယီၩ ၦၡၩယိၦအမ့ၬ, အ့ၪမွဲယဟိဝၩယိၦ
8 အၥၭလီၫ.- ထီးနီၪလဖၧၫ့စယ့ၭစံၫကိၭန့စအဘံနဒၭ တၭ,ဒုၭလ့ၩဖီၩ့ခွံၬဝ့ၫလၧ စစၫမုၫအ့လၭ အမ့ၬယၫ လီၫ.တၭအဝ့ၫဒၪစံၭဝ့ၫ, ယဟိဝၩရွံန့ အဝ့ၫလဂၩ
9 ယီၩဆ့အ့ၬ.- ထီးနီၪလဖၧၫ့ စယ့ၭစံၫ ဒုၭလ့ၩဖီၩ့ခွံၬ စၡၫ့မၫလီၫ. တၭအဝ့ၫဒၪစံၭဝ့ၫ, ယဟိဝၩရွံန့ အဝ့ၫ
10 လဂၩယီၩဆ့အ့ၬ.- တၭစယ့ၭစံၫ ဒုၭလ့ၩဖီၩ့ခွံၬအ ဖိၪခွၫနွ့ၫဂၩလၧ စစၫမုၫအ့လၭ အမ့ၬယၫလီၫ. တၭ စစၫမုၫအ့လၭ စံၭစယ့ၭစံၫ, ယဟိဝၩရွံန့အဝ့ၫၥံၪဆ့ အ့ၬ.
11 တၭစစၫမုၫအ့လၭစံၭစယ့ၭစံၫ, အယီၩမွဲနဖိၪခွၫ လဖၪလူၬဆ့ဧၪ. အဝ့ၫဒၪစံၭဝ့ၫ, ဖိၪဒၪဘၨၩလဂၩအီၪ ဒံၭတၭး ယိခွါ, အဝ့ၫဒၪယူၬၥိၪၥံၪဘ့ၪၥံၪလီၫ. တၭစ စၫမုၫအ့လၭစံၭစယ့ၭစံၫ, အၪ့မၧၫ့ၦလ့ၩကိၭန့အဝ့ၫ ဒၪဘီၪ.အဂဲးဘဲၫယီၩ အဝ့ၫဂဲၫအ့ၪလထီၩ့ဒံၭဘၪထီး
12 ယီၩတၭ,ပဆၧၫ့နၩ့အ့ၬ.- တၭအဝ့ၫဒၪအၪ့မၧၫ့ၦလ့ၩ မၩန့ဝ့ၫလီၫ. တၭအဝ့ၫဒၪလဂၩနီၪဝီၩဝ့ၫ, အမ့ၬမွဲအ ဎံၫအလၩတၭ, ၦယိဝ့ၫဂ့ၩမၬလီၫ. တၭယဟိဝၩစံၭ ဝ့ၫဒၪ,ဂဲထုၪ့ဂုၪအဝ့ၫဒၪဆံၭ. အဂဲးဘဲၫယီၩအယီၩမွဲ
13 ၦလဂၩနီၪလီၫ.- တၭစစၫမုၫအ့လၭ မၩန့ဖီၩ့ဆၧနိၩ့ နီၪတၭ,ဂုၪဝ့ၫလၧအထၧၫ့ဖုဝဲအကျၩလီၫ. တၭယဟိ ဝၩအၥၭလၩ့ဘၪလၧစဒၫဝံၭအလီၩ့ လၧမုလနံၩနီၪလၧ ယၫလီၫ. တၭစစၫမုၫအ့လၭ ဂဲထုၪ့တၭ,လ့ၩထၪ့ဝ့ၫ လၧရၫမၫလီၫ.
14 ယဟိဝၩအၥၭစဲၪ့ထၪ့ခွံၬ လၧစစီလူၫအလီၩ့တၭ, ၥၭအၧၩ့လမံၩ့လၧယဟိဝၩနီၪ မၩခိမၩဝီၩဝ့ၫလီၫ.
15 တၭစစီလူၫအခ့ၫအၡၩစံၭဝ့ၫ, ယိခွါ,ၥၭအၧၩ့လမံၩ့
16 လၧယွၩနီၪမၩခိမၩဝီၩနၧၩလီၫ.- မွဲပကဆါမၪလူၬန ခ့ၫနၡၩလၧနမ့ၬယၫ ဘဲၫၥိၭအမိအၪ့ဎၬန့ၦလၧအၥ့ၪ ယၫဒံၩ့နါဒံၩ့ဆံၭ. တၭထီးၥၭအၧၩ့လမံၩ့လၧယွၩနီၪ အ့ၪအီၪလၧနလီၩ့တၭ, ဆၧမိမၩအၥၭလၧအဝ့ၫဒၪလ
17 ဂၩမိဒံၩ့ဆၧလၧအစူၪတၭ, နမိဘျၪထဲၩ့လီၫ.- တၭစစီ လူၫစံၭအခ့ၫအၡၩ, အၪ့ဎၬန့ယၧၩလၧၦလၧအဒံၩ့ဆၧ အဂ့ၩလဂၩတၭ, ဂဲၫထဲၩ့ဆိၬအဝ့ၫ ထီးယီၩဆံၭ.
18 ထီးနီၪလဖၧၫ့အခ့ၫအၡၩလဂၩ စံၭဆၧၫ့ဆၧတၭ,စံၭ ဝ့ၫဒၪ,ယိခွါ, ယဒၪယူၭၦဘ့ၭၥလံၫဟံၫ့ဖိၪ စယ့ၭစံၫ အဖိၪခွၫလၧအဒံၩ့ဆၧၥ့ၪလဂၩတၭ, မွဲဝ့ၫလၧၦအ ဆီၪ့,ဒဲၦအၥၭဒူၩ, ဒဲၦၥုၭဖိၪ,ဒဲၦအၥုၪ့ဆၭအၥၭဆၭ ဒဲအခံးအဂၩ့ဂ့ၩတၭ, ယဟိဝၩအီၪလၧအၥိၭလီၫ.
19 မၩအၥၭဘဲၫနီၪတၭ, စစီလူၫအၪ့မၧၫ့အၥီၫ့လဖၪလ့ၩ လၧစယ့ၭစံၫအအီၪတၭစံၭဝ့ၫဒၪ, အၪ့မၧၫ့နဖိၪခွၫလၧ အအီၪလၧၥိၪၥံၪဘ့ၪၥံၪစဒၫဝံၭလဂၩ, ဂဲၫလၧယအီၪ
20 ဘီၪ.- တၭစယ့ၭစံၫမၩန့ကၥ့ၪယီၩ့လဒုၩ အီၪလၧကိၪ, ဒဲစဘံၭထံၫလၧထိၪ့ဆၧဖံၭလဖျိၪ့, ဒဲဘ့ၪဖိၪလဒုၩ တၭ,ဖ့ၪယုဝ့ၫလၧစစီလူၫ, လၧအဖိၪခွၫစဒၫဝံၭအစူၪ
21 ဖၧၩ့နီၪလီၫ.- စဒၫဝံၭဂဲၫဝ့ၫ လၧစစီလူၫ အအီၪတၭ, ဆၧၫ့ထုၪ့လၧအမ့ၬယၫလီၫ. တၭအဝ့ၫဒၪအဲၪဝ့ၫဒိၪ မၬလီၫ. တၭအဝ့ၫကဲၪထၪ့ လၧၦဆိၬအစူၪဝဲၩလီၫ.
22 စစီလူၫအၪ့မၧၫ့ၦလ့ၩလၧစယ့ၭစံၫအအီၪတၭ, စံၭဝ့ၫ ဒၪ,ဒုၭဆၧၫ့ထုၪ့လါစဒၫဝံၭလၧယမ့ၬယၫဘီၪး အဂဲး
23 ဘဲၫယီၩဘၪခိးဘၪတၩ လၧယမ့ၬယၫလီၫ.- ဆၧမၩ အၥၭထီးၥၭအၧၩ့လမံၩ့ လၧယွၩဒုၭဘၪစစီလူၫတၭ, စဒၫဝံၭမၩန့နါဒံၩ့လဖျိၪ့တၭ ဒံၩ့ဆၧလၧအစူၪနီၪ, စစီ လူၫအၥၭမုၬထၪ့ထဲၩ့တၭ, ဆၧဂ့ၩထၪ့ထဲၩ့လၧအဂး တၭ,ၥၭအၧၩ့လမံၩ့နီၪ စဲၪ့ထၪ့ခွံၬလၧအအီၪလီၫ.